رواية زوج للايجار الفصل الثالث والعشرون 23 بقلم أميرة محمد

رواية زوج للايجار الفصل الثالث والعشرون 23 بقلم أميرة محمد

رواية زوج للايجار البارت الثالث والعشرون

رواية زوج للايجار الجزء الثالث والعشرون

رواية زوج للايجار الحلقة الثالثة والعشرون

تمارا بتوتر : اهدي يا يزن واكيد نايا هتفهمك كل حاجه ليقترب الاخر من نايا وهو ينظر لها بثبات: اممم ومالو وانا مستني تفهمني برده لان مظنش هتحب افهم لوحدي وافهمها

لتنظر له نايا ببرود وهي تتابع سيرها للاعلي ليمسك والدها يديها سريعا بقسوه وهو يقول بهدوء مريب: دلوقتي وحالا يا تفهمينا اللي وصلنا يا هتشوفي وش عمرك ما شوفتيه

مريم بخوف : استني بس يا عبدالرحمن مش يمكن الرساله غلط اكيد واحد حابب يأذيها مش اكتر لينظر الاخر لها بحده وهو يقول بعصبيه : طب الرساله وكذب وكشف الحساب اللي اتاكدت منه بنفسي وكل الصور اللي بينت وضعه اي كمان كذب

نايا بهدوء : لا مش كذب حقيقي لينظر لها عبدالرحمن بعصبيه وهو يصفعها بشده لتقع الاخري من شده الصفعه ليكمل وهو يرفع يده بتحذير : كل مره بتغلطي كنت بقول معلش لسه صغيره وهتتعلم وكنت بسيبلك كتير بس الظاهر اني غلط واوي اني مكنتش بربيكي

يزن بضيق : اصبر يبابا مينفعش تمد ايدك عليها مهما عملت اكيد في سبب ليقترب من نايا وهو يساعدها برفقه تمارا التي تبكي علي حال نايا الهادئه برغم كل ذلك

يزن وهو ينظر لها بضيق : انطقي ليه عملتي كده يا نايا قصرنا معاكي فأي ليه تعملي فينا كده وتبوظي سمعتنا عارفه لو كل ده اتنشر او طلع بره هيحصل فينا اي

لتنظر له الاخري ببرود وكأن الحديث لا يعنيها : عايز تعرف ليه يا يزن اقولك ليه لان من صغري وانتو معلقين امال عليا اتجوز عاصم لما كبرت بحلم واحد اني أحقق امالكوا واتجوزه وعشان هوسي بشكلي ومظهري نسوني ان اللي بيحب بيحب بعيوب الشخص اللي قدامه مش عشان هو جميل وبس وان العين لو حبت المظهر هتحب الف مظهر غيره

لتتابع وهي تبكي بصمت : محدش فيكوا سأل عني فكرتوا احساسي واللي بيحصل حاجه عاديه مجرد وقت ويعدي محدش حاسبه لما اهاني وقلتوا معلش عشان اي ابن اخوك متكلمتش لما عرفت ان عاصم سابني فيوم المفروض خطوبتي منه واللي حطيت امل كبير فيه وراح طلب ايد أقرب صاحبه ليا

لتلتفت وهي تبكي بأنهيار : ليه مش انا عشان جسمي عشان تخينه ومبقتش حلوه زي زمان ولا عشان كشفت حقيقته وحقيقه تمثيله عليا عشان الميراث محدش فيكوا عارف انه جمع صحابه ومعارفه كلهم وعملني مسخره الحفله وقعد يتريق واهاني وضحك كله عليا قالي مين هيقبل بواحده زيك ولا مين عايز برميل هينفجر فوشه

لتمسح دموعها وهي تبكي بشده : محستش بنفسي غير وانا بقول اني بحب واحد وهنتجوز فأقل من شهر وقبل فرحه ومين فعلا هيقبل بواحده زيي ملقتش غير الحل ده فأخر اسبوعين ونفذته ولو سألت ندمانه ولالا فا لا مش ندمانه ومش هندم كفايه خسرته نص ثروته ومش هقف وحياته لندمه سامعين ومحدش هيقف فوشي

لتقف وهي تصعد تحت نظرات الصدمه من الجميع لما قالته لتغلق الباب وهي تبكي بشده علي الإهانات التي تحصل عليها من الجميع لترفع هاتفها المعلن عن رساله به وتشتعل نظراتها أثر تلك الكلمات

(دي هديه صغننه مني علي اللي عملتيه فيا اتمني تكون عجبتك ينونا اما الهديه الجايه استنيها مني قريب تشاو يبيبي )

لتغلق يدها علي الهاتف بغل وهي تقول بحقد : ماشي يا عاصم وحياتك لندمك علي اليوم اللي فكرت تعمل كده فيه

___________________

يستمع لدق ضعيف علي الباب لينهض بضيق وهو يتوجه له ليري الاخر يقف بضعف وهو ينظر له بشرود ليبتعد بأكراه له للداخل ويلحق به الاخر

شادي بهدوء: جيت ليه لينظر له الياس بضعف وهو يقول : مش عارف اروح فين محستش بنفسي غير برجلي بتيجي هنا

ليخرج مؤمن من الداخل وهو ينظر لالياس باستغراب سرعان ما تحول للبرود ويلحق به حسام الذي لم تتغير ملامحه ولم ينطق بكلمه ليجلسوا سويا

الياس بهدوء: انا مش عارف اعمل اي ومتلخبط يمكن اللي عملته غلط بس محدش يعرف اللي حصل قبل مشوفها

مؤمن بعصبيه: ايا يكن السبب وايا يكن اللي حصل انت رفعت ايدك علي بنت ودي عمرها محصلت ابدا مهما يكون السبب كلنا شوفنا هي عملت اي عشانك وكانت متحمسه ازاي تقوم انت تصدمها قدامنا كلنا وتتهمها بالخيانه

الياس بعصبيه مماثله : اخرس بقي انا استحملت كتير ايوه ولسه بشك مش معني اني شفتها معاكوا يبقي خلاص انا سمعت بودني وهي بتعترفله بحبها مأنكرتش حتي انهم كانوا علي علاقه مأنكرتش انها عملت كل ده عشانه وبعد اللي سمعته منه حاسس بنار قايده فصدري

حسام بهدوء: ايا يكن اللي سمعته كان لازم تسمعها الاول تديها فرصه تبرر عن نفسها كلنا عارفين اللي اتهمتها معاه كانت بتبصله ازاي ففرحكوا تبقي اعمي لو مشفتش الفرق بين نظراتها معاك ومعاه

شادي بضيق : معدش ليه فايده الكلام كل حاجه ادمرت علينا كلنا غلطه واحده منك دمرت كل حاجه مرينا بيها

مؤمن وهو يمسح وجهه بتعب : تالي مستحيل تبصلي بعد اللي حصل ولا تسامح اهانتي ليها ولا نونيا هتسامح شادي بعد ما رفع ايده فوشها وكأن هيضربها ولا نايا هتسامحك بعد اللي حصل مستحيل كده كله بح خلاص

شادي بشرود: شكلها مش نافعه اصلا من الاول مش مكتوب علينا نفرح كان معاك حق لما قلت ان احنا شله نحس

الياس : انتو ملكوش ذنب اكيد لو شرحتولهم الموضوع هيفهموا الكل كان متعصب وعادي بيحصل أخطاء اللي حابب اعرفه دلوقتي المفروض يحصل اي

حسام بتفكير : احكي الاول اللي حصل وبعدين نشوف هنعمل اي لينظر له الياس بتعب وهو يروي له ما حدث بالتفصيل

مؤمن بصدمه : يبن ال…. مطلعش سهل بجد ليها حق تحاول تنتقم منه مستحيل يكون كلامه صح بس عرف كل ده منين

الياس وهو يتنهد بتعب : عشان كده مشوفتش قدامي ازاي يعرف كل ده لازم من حد قريب مننا اوي مين غير نايا يعرفه وهي مأنكرتش علاقتها بيه بعدين فوق كده التسجيل ده صوتها انا متوهش عنه ابدا

شادي بتفكير : اكيد تسجيل قديم مستحيل يكون الايام دي وممكن كان بيراقبكوا والا هيعرف منين ومظنش نايا تعملها

حسام وهو يومئ له : اتفق معاه جدا لازم تقعد مع نايا وتتكلموا وتعمل المستحيل عشان تسامحك البنت ملهاش ذنب

الياس بشرود : وهو ده اللي هيحصل لازم اقعد معاها ونتكلم

__________________

نرمين بسعاده : النهارده احلي يوم فحياتي بجد اللي شفته شفي غليلي كويس اننا حطينا كاميرا عشان نتابع والا فضولي كان موتني

عاصم وهو يبتسم بخبث : وانا مستحيل اضيع متعه زي ده القلم اللي ضربهولها كان فوقته كان نفسي اكون انا اللي بديهولها بس معلش القلم اللي خدته مني بعملتي دي هتفضل تحس بوجعه لسنين قدام

شروق بضيق : وحاليا هيبقي اي بعد اللي حصل لتنظر له نرمين وهي تعطيها عصير : اشربي ده بس وافرحي بالنجاح ده ادي اول خطوه فتفريق نايا والياس تمت وبلاش تستعجلي علي حاجه هتحصل هتحصل

عاصم ببرود : نرمين معاها حق انا مش هوقف الا لما اتأكد أن الضربه ليها فمقتل مش هبطل لغايه لما ادمرها زي ما دمرتني

لتنظر له شروق بضيق وهي لا تشعر بالراحه برغم ما رأته وما حدث كانت تظن ان بعد الياس عن نايا سيكسبها راحه لا مثيل له فلما تشعر بالعكس

_________________

ينظر الثلاثه لبعضهم البعض وهم يحاولون معرفه ما تفكر به فهي منذ جلوسهم معا شارده ولا تنطق بكلمه

 لتتحمحم تمارا بتوتر وهي تقول : الجو حر اوي النهارده صح لتقول تالي بريبه : حر اي احنا مش في الصيف

لتضربها نونيا بحده في زراعها لتقول الاخري توتر : اه ياااه حر اوي يجدع الواحد حاسس كأنه فرخه مشويه علي الفحم من الحر

ليدخل عدي وهو ينظر لهم ببرود : مالهم الجواسيس الاربعه قاعدين زي الولايا كده ليه لتنظر له تمارا بضيق وهي تقول : وحياه ابوك تسيبنا فحالنا شويه مش نقصاك

عدي وهو يرفع احدي حاجبيه بسخريه : عليا يا تمارا عشان تعرفوا بس انكوا مش نافعين من غيري ومن غير تخطيطي لو كنتوا قلتولي كنت حليتها من غير الهم ده كله

نونيا بسخريه : وكنت هتعمل اي يعني يا سابق جيلك هتحلها بعصايه سحريه لينظر لها عدي بحده وهو يقول : لا يا نكديه كنت هفكر واشغل مخي مش طاسه التيفال المحروقه فعقولكوا

نايا بهدوء: عايز اي يا عدي مش ناقصه صداع لينظر لها الاخر وهو يقول ببرود : عارفه يا كرمبه اي اللي مخليكي كده انك مستصغره نفسك لما خليتي الكل يهينك من جوزك اسمه اي دهه للحج جدي اللي معرفش يربيكي لو جربتي مره تعملي لنفسك شخصيه مكنش ده حصل

تالي بصدمه : احيه يا تمارا انتي متأكده انه طفل بعدين انت عرفت منين عن جوزها واحنا محكيناش لحد لينظر لها عدي بسخريه وهو يقول : انا عدي وهل يخفي الخبر اكيد اتسمعت عليكوا مش محتاجه فقاقه انتو مفضوحين اصلا

تمارا بضيق : اطلع بره يلا واياك اشوف وشك تاني انت فاهم غور من وشي حاليا العفاريت بتتنطط فوشي

عدي : علي اساس انا اللي عايز اضيع وقتي معاكوا انا رايح اشوف ندوش حياتي فتحت الماسنجر عشان اكلمها ولالا بقالي شهرين بطبقها والبت دماغها ناشفه بس هجيبلها باربي اللي كانت نفسها فيها وهي هتلين انتو عقلكوا صغير بتحبوا اللي يضحك عليكوا بكلمتين

نونيا وهي تنظر له بريبه : حد يلحقني بوادر جلطه الولا الصغير فهم اللي الكبار مقدروش عليه وندوش مين يعني الولا اللي موصلش لركبتي ده ارتبط قبلنا

نايا بسخريه : جيل حقق اللي نفسه فيه قبل ما يطلع من البيضه حتي وخاصا تربيه تمارا عايزين منه يطلع اي عالم ذره

عدي وهو يحرك يده بلا مبالاه : الحق عليا كنت جاي افيدك من عصير خبراتي لتقول تالي بشلل : عصير اي يخويا خبرات مين يبو خبرات

عدي بفخر : خبراتي انا مغامرات عدي باشا يزن بيه اش فهمك انتي يا جوافه هانم خليكي فعقل الزلابيه اللي عايشه فيها المهم عايزينك تحت يا نايا

لتنظر له الاخري بأستغراب وتزفر بضيق وهي تومئ له ليتركهم ويخرج سريعا

تالي بضيق: هتعملي اي دلوقتي مع الياس يعني بعد اللي حصل وكله عرف اظن كله انتهي صح

نايا بهدوء: لا مفيش حاجه انتهت ده كان غلطي اني حاولت اتعدي حدود العقد هو مغلطش عاصم اللي استفزه بعتلي رساله وفهمت اللي عمله

نونيا بعصبيه : ايا يكن ميحقلوش يرفع ايده عليكي هي سايبه وازاي يتهمك بالخيانه وانتي كنتي بتعملي عشانه المستحيل مفكرش حتي يسألك

نايا بشرود : معرفش عاصم قاله اي بس اظن كلنا عارفين عاصم وعمايله اكيد لعب فعقله وبالنسبه للي عملته فهو مكنش متوقع ولا يعرف اكيد التاني اقنعه اني رايحه عشان اقابله وكراجل اكيد كرامته وجعته

نونيا بعصبيه : انتي لسه هتدافعي عنه يا نايا وصحابه اللي بيقفوا معاه وهما عارفين انه غلطان للاسف حسيت نفسي غبيه اني حبيت واحد زي شادي بيشوف اغلاط وتمادي ويسقف لصاحبه حتي لو مش علي حق

تالي وهي تومئ لها : صح فعلا لاول مره احس اننا غلطنا في اختيارنا مكنتش اتوقع شادي ومؤمن يقفوا مع الياس بعد اللي حصل كل حاجه ادمرت خلاص

نايا : لا مفيش حاجه ادمرت شادي ومؤمن ملهمش ذنب في اللي عمله الياس صحيح وقفوا معاه بس هي دي الصحوبيه انتو وقفتوا معايا فكل ظرف وده واجب الصديق معملوش حاجه زياده

تمارا بضيق : لا عملوا يا نايا باللي سمعته منكوا الياس غلط وهما وقفوا معاه علي غلطه المرادي كان هو المره الجايه لو واحد فيهم جه علي واحده فيكوا الباقي هيسقفوله مش كده

نايا بهدوء : شادي اتعصب علي الياس لو لاحظتوا هو ومؤمن مهما يدايقوا من الياس بس مش هيحبوا يتهان قدامهم ويسكتوا زينا بالظبط لو حد أهان واحده فينا الباقي بيتعصب عشانها مهما نغلط فبعض مش كده

نونيا بضيق : بطلي بقي تديلهم اعذار لمره سيبي نفسك من غير متحاولي تكوني ملاك لتقف الاخري وهي تنظر لها بثبات : انا مش بحاول اكون ملاك انا بتكلم بالعقل فكري فيها وهتعرفي اني معايا حق

لتتركهم وهي ترحل للاسفل لتجد الجميع مجتمع سويا تعلوا وجوههم نظرات الضيق ليقول عبدالرحمن بضيق : اقعدي يا نايا خلينا نتكلم

لتجلس الاخري بهدوء في المقابل لهم ليكمل الاخر بهدوء : غلطك مهما كان سببه مقنع في النهايه هي كارثه سواء فحياه نفسك أو فحياه غيرك ملاحظه ده

لتومئ له الاخري بصمت ليتابع برضي : ايا يكن السبب مكنش ينفع تعملي ده من غير متستشيري حد فينا عشان كده لازم تنهي المهزله دي من بدايتها

لتنظر له بأستغراب ليتابع الاخر بحزم : لازم تطلقي من الياس معدش ليه لازمه تفضلي معاه لتنظر له نايا بصدمه وهي لا تستوعب حديثه لتقول بتوتر : ايوه بس جوازنا مبقالهوش شهر

يزن بهدوء: عشان كده هنأجل الجواز لبعد سنه بس ده مش معناه انك هتعيشي معاه لتنظر له الاخري بعدم فهم ليتابع بهدوء: احنا شايفين انك تبعدي عن الانظار فتره يا نايا وعشان كده هتسافري لفتره

نايا بعدم تصديق : يعني انت عايزني اسافر وابعد عنكوا وعن حياتي عشان عاصم عرف يلعبها صح المرادي بقولك اهاني واهان كرامتي وانت عايزه ينهي حياتي كمان

عبدالرحمن بهدوء: عاصم سبيه ليا انا هعرف اجيب حق بنتي منه بس انتي لازم تسافري عشان اعرف اعمل كده منه تغيري جو ومنه تفكري كويس في اللي عملتيه

نايا وهي تقف بعصبيه : ده مستحيل انا اللي هجيب حقي بنفسي انا مش صغيره هو اهاني انا ولعب فحياتي انا ودلوقتي عايزين ادفع تمن حاجه انا معملتهاش ده مستحيل

يزن بهدوء: اهدي يا نايا ده الاصح وانتي عارفه ده مينفعش تطلقي منه بعدها بأسبوعين الموضوع مريب وعاصم لو عرف هيفضحك ويفضحنا بس لما تسافري وانتي علي زمته وبعد فتره ترجعي عشان الطلاق فده افضل لكله

نايا بدموع : متعملوش كده انا مقدرش اسيبكوا ولا اسيب تالي ونونيا وتمارا وحتي عدي مقدرش اعيش من غيركوا

عبدالرحمن بحزم : معدش ليه داعي كنتي فكري فده قبل ما تخربي حياه الجميع ليستمع لصوت تالي ببكاء وهي تقول : يا عمي لا ابوس ايدك بلاش تقرر ده لوحدك

لينظر الجميع لهم وهم يختبئون ليستمعوا لحديثهم ليقول يزن بهدوء: ده الاصح يا تالي وياريت محدش فيكوا يدخل وهي مش هطول سنه او اتنين بالكتير وتكون هنا

تمارا بعصبيه: في اي يا يزن كأنك بتقول يوم او يومين وتكون هنا انت عارف دول قد اي سنتين من حياتها وحياتنا عشان تفرقنا بالطريقه دي

يزن بعصبيه : تمارا صوتك ميعلاش تاني وخلاص قرارنا خدناه وانتي يا نايا جهزي نفسك عشان سفرك بكره بإذن الله وياريت تتصلي بأستاذ الياس عشان ييجي لازم نتكلم

لتنظر له نايا بعدم تصديق لحديثه وهي تصعد ويلحق بها الآخرون لتقول نونيا بتوتر : هنعمل اي لازم نشوف حل اكيد مش هتسافري مينفعش

تالي بدموع : مينفعش تسبينا وتمشي احنا سوا علطول وعمرنا متفرقنا مينفعش نبعد عن بعض ودي سنتين او اكتر

تمارا بعصبيه : انا معرفش في اي يزن مكنش كده طول عمره ميقدرش يبعد عن نايا يومين حتي ده لما راحت شهر العسل بالاسم كان هيتجنن عليها ازاي يوافق

نايا بهدوء: اهدوا شويه انا اللي مزعلني اني هسافر من غير ماخد حقي من عاصم وكمان عشان مش هعرف اشوفكوا بس بالتفكير في الموضوع يزن وبابا معاهم حق لازم ابعد فتره انا مبقتش عارفه اثق فنفسي ولا عارفه اتعامل بقيت ضعيفه اوي

نونيا بعصبيه : انتي بتقولي اي احنا هنا جمبك وهنساعدك بس مش مضطره تقبلي بقرار مش قرارك مش من حقهم يغصبوكي علي كل حاجه فحياتي

لتقف نايا وهي تقول بضيق: كل قرارتي منفعتش يا نونيا لا جوازي ولا حياتي ولا حتي الجامعه اللي دخلتها كانت اختياري انما دخلت عشان اساعد في اداره الشركات يبقي ليه مستغلش مره وجودي لوحدي واعتمد علي نفسي مره اجرب قراراتي لما ابقي لوحدي

تمارا بعدم تصديق : يعني اي هتسافري وتسبينا بجد هتستسلمي بعد موصلتي لهنا هتديهم اللي عايزينه بجد مفكره عاصم لما يعرف مش هيفرح لان اللي عايزه وصل ليه

نايا بالا مبالاه : مين قالك هوقف بالعكس اعتبريها هدنه ليا وللباقي عشان نجدد طاقه وخلاص انا خدت قراري انا محتاجه ارجع ثقتي فنفسي عشان اواجه حتي نفسي ازاي عايزين اقف فوشهم وانا نفسي مش مقتنعه بيا وبقدراتي

نونيا بريبه : يعني اي الكلام ده لتقول نايا بحزم وهي تنظر لها بثبات : يعني انا خدت قراري انا هسافر ومش هرجع غير لما اعرف ازاي أوجه حتي نفسي

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية زوج للايجار )