رواية زوج بالخطأ الفصل السادس 6 بقلم حنين الماضي
رواية زوج بالخطأ الجزء السادس
رواية زوج بالخطأ البارت السادس
رواية زوج بالخطأ الحلقة السادسة
عدت شهور على الطلاق بين سماح ودياب وعلاقة موكا بنتهم بحسام زادت جدا وكانت مايا اختها خايفة عليها لان الاول كانت موكا حتى و هى على علاقة بحسام بس كانت عاملة حساب مامتها وبتخاف لكن دلوقتى مقابلاتها بحسام زادت جدااا
وكان لازم حل من ناحية مايا عشان تحافظ على اختها حتى لو كانت واثقة فى حسام
———
مايا : وحشتينى يا نهى
نهى (بنت عمها): وانتى كمان يا بت يا مايا ونفسى ترجعوا تعيشوا معانا فى نفس البيت تانى
مايا : ياريت يا نهى ،على الاقل الاقى حد يسلينى
نهى : طب ما ترجعوا وشقتكم اصلا موجودة ومقفولة
مايا : طيب تساعدينى من غير ما حد يعرف
نهى : اة طبعا قولى عاوزانى اعملك ايه
مايا : قولى لعمى يجى زيارة النهاردة بالليل لبابا ويقنعة نرجع نعيش معاكوا البيت
نهى : وافرض مسمعش كلامى
مايا : قولى لعمتك بلاش عمى وهى هتقنع بابا
نهى : خلاص هقول لعمتى على طول
————–
نهى : عمتى حبيبتى
عمتها : اية يا قلب عمتك
نهى : انا وحشتنى مايا وموكا وحمودى جدا ونفسى اشوفهم
عمتها: مش امهم الله يسامحها اللى فرقتنا
نهى : واهو عمى سابها خلاص
عمتها: هما خلاص ظبطوا امورهم على المكان اللى عايشين فية
نهى : ماهما كانوا مظبطين نفسهم هنا ،يرجعوا ويظبطوا نفسهم زى الاول
عمتها : مين اللى بتضحك عالسلم كدة
نهى : دى مرات عمى عزة
عمتها : اوعى لما اشوف فى ايه
عزة : ههههههه وكانت رافعة مناخيرها علينا هههههه
العمة : مالك يا عزة اتجننتى، طالعة تكلمى نفسك
عزة : ههههه من اللى بنشوفة
العمة: كنتى فين كدة
عزة : كنت فى السوق
العمة: واية اللى بيضحكك كدة عالصبح
عزة : هههههه مش هتصدقى شوفت مين فالسوق عند عم صابر بتاع اللمون
العمة : شوفتى مين يعنى
عزة : فاكرة من سنة كدة واحدة كانت جت هنا مرتين مع اللى متتسماش وجة ابو حمودى لما عرف راح مزعق مع اللى متتسماش
العمة : مش فاهمة منك حاجة ما تتكلمى فى اية خلينى اروح اكمل اللى ورايا
عزة : حد ينسى أم زغلول هههههه
العمة: مش دى الدجالة اللى كانت المحروسة جيبهالنا كل شوية وفالاخر جابت شيخ عشان يطلع العمل من بيتها هههه
عزة : عليكى نووووور
العمة: طيب بتضحكى عشان كدة يعنى
عزة: لاااا خدى المفاجأة هههه
العمة: قبضوا على شيخ الندامة ولا ايه ههههه
عزة : لا المحروسة اللى كانت بتجيبة عشان يفك العمل ولما لقت تقريبا مافيش أمل راحت متجوزاة هههههه
العمة: 😳 انتى بتقولى ايه
عزة : والله زى ما بقولك كدة
العمة : لالا تعالى احكيلى براحة
عزة: نزلت اروح السوق زى كل اسبوع ، لحد ما دخلت عند عم صابر بتاع اللمون ووقفت انقى ،لقيت واحدة واقفة جنبى بتقولى مش انتى سلفة فلانة ،قولتلها اة ،قالتلى دى كانت شاكة فيكى انك عملالها عمل و رحنا للشيخ مبروك عشان يفكة
العمة : انتى عملتلها عمل ههههه كملى كملى
عزة: ههههه قولتلها انا لا بعمل ولا ليا فالكلام دة وهى ربنا ينتقم منها ، قالتلى ماهو انتى متعرفيش ان الشيخ مبروك قالها ان اللى عاملك العمل دة ، كان عاملة وانتى بنت ، ام زغلول بتقولك سماح وشها بقى لون اللمونة ولما قالها انى مش انا ، قعدت تفكر فى حوار السفر وانهم ينقلوا عشان مش هتقدر تيجى تقولى انها غلطانة ههههه
العمة: وسماح اتجوزت الشيخ فعلا !!!؟
عزة : الست بتقولى اة وحصلت خلافات بينهم كتييير من اول شهر وبقت تشتغل معاة كمان فى شغل فك السحر والاعمال ههههههه
العمة: يا عينى عليك يا دياب لما تعرف ولا البنات كمان
عزة: ههههه انا بقى من ساعة ما سمعت وانا مش قادرة ابطل ضحك
العمة: قومى قومى لازم اكلم جوزك يجى معايا اخر النهار عند دياب والبنات ويرجعوا يعيشوا وسطنا ،مبقاش ينفع خلاص عالاقل البنات تبقى فى امان وسطينا
عزة: عندك حق طبعا ،بس هتقوليلهم على اللى عرفناة دة
العمة: اومال هسيبة متغفل كدة طبعا لازم ارسية عالموضوع كلة عشان يقتنع ويجى
———————-
جريت طبعا نهى على مايا تبلغها باللى سمعتة من عزة وعمتها ونبهت عليها متجيبش سيرة لاى حد لحد ما يقنعوا ابوها يرجع البيت ..
طبعا مايا بينها وبين نفسها زعلانة من اللى مامتها بتعملة وكانت عمالة تقنع نفسها ان اكيد اللى شافتة يوم طلاق امها وابوها مش صح ، لكن زعلت من مامتها انها حتى محاولتش تتكلم وتتطمن عليهم وانشغلت بحياتها مع الدجال مبروك
———————-
فى بيت دياب
===========
العمة: ازيكوا يا بنات وانت يا حمودى عامل ايه يا حبيبى تعالى جنبى هنا عشان انت وحشتنى اوى اوى
البنات : وانتى كمان وحشتينا يا عمتى
دياب : لمة العيلة متتعوضش
العمة : وكان اية لازمتها الشحططة ليك انت والعيال
دياب : اهو اللى حصل بقى
العم : عالعموم احنا مش جايين زيارة وخلاص ، احنا جايين نقولك لاااازم ترجع انت وعيالك وسطينا
دياب : لازم !! اية اللى جد يعنى
العمة: ادخلوا يا بنات جوة شوية وخدوا حمودى معاكوا عشان هنتكلم كلام كبار
البنات : حاضر يا عمتى
دياب : فى ايه يا سعاد مالك يا سعد
العمة (سعاد): بص انا هحكيلك كل حاجه عشان تبقى على نور ، النهاردة الصبح عزة نزلت السوق وقابلت ام زغلول و………….
دياب : انا مش مصدق معقولة مبقاش عندها عقل كدة ، يعنى قولت جابتة هنا وعملوا زار وشغل ابليس دة وخلاص بعد الطلاق هتفوق لنفسها ، تروح رايحة تتجوزة !!! والله انا ما عارف هى هتعمل فينا ايه تانى !!؟
سعد : خلاص يا دياب هى راحت لحالها ومتهيألى ان جو الخناق وحررقة الدم مبقتش موجودة ولا اية ؟
العمة : دة غير ان بناتك ادوروا وبقوا ملفتين وعندك موكا بقت عروسة ،وانت بتنزل شغلك طول اليوم وهما لوحدهم ،لما يبقوا وسطينا هيبقى امان اكتر ،عالاقل عنينا عليهم بدل ما واحد كدة ولا كدة يضحك على واحدة فيهم ..
سعد: اختك بتتكلم صح ، مالهاش لازمة القعدة هنا خلاص ، انت تعمل حسابك اسبوع بالكتير وتكون رجعت البيت عندنا وكدة اضمن حاجة وانت تتأخر فى شغلك وتشتغل براحتك وهتبقى مطمن واحنا حواليهم
العمة : ولا تكون مصدق ان احنا بتوع اعمال ههههه
دياب : سيبك من الكلام اللى مالوش لازمه دة ،انا كنت بريح دماغى وخلاص انتوا عندكوا حق
سعد : خلاص وانا هبعتلك الحريم عندنا يساعدوا البنات فى لم الحاجة وترجعوا تنوروا تانى
دياب : والله مافى فعلا احسن من لمة الاهل وخصوصا لو فى بنات
العمة : خلاص هدخل ابشر البنات واقعد معاهم شوية
———————
موكا : انا عاوزة افضل هنا مرجعش شبرا
مايا : بالعكس انا عاوزة ارجع
موكا : يا بنتى افهمى انا كدة مش هعرف اشوف حسام
مايا : هو المفروض يجى يتقدم
موكا : ما انتى شايفة الظروف
مايا : ظروف ايه اذا كانت ماما اتجوزت
موكا : اسكتى عشان انا مصدومة ،لا وكمان بقت شغالة فالدجل والاعمال
مايا : انتى كنتى عاوزة ماما ترجع لبابا
موكا : عاوزة ومش عاوزة عشان الخناقات كل يوم بتاعتهم تعبتلى اعصابى ومبعرفش اذاكر
مايا : خلاص النتيجة طلعت وانتى جبتى ٩٨٪ يعنى تقدرى تدخلى طب اللى كنتى عاوزاها
موكا : لا انا غيرت رأيى ولقيت طب مشوارها طويل اوى وهدخل علوم
مايا : ربنا يسامحك يا ماما بسببك كل شغل البيت كان عليا ومعرفتش اجيب مجموع ادخل بيه ثانوى عام وهبقى ثانوى صنايع
موكا : معلش يا مايا بس انا كانت مذكرتى كتير جدا
مايا : المهم خلاص قدامنا اسبوع لازم نجهز نفسنا
موكا : طب وحسام
مايا : عرفيه لازم يجى يتقدم
موكا : هقولة ويجى يكلم عمتى الاول
———————
بعد شهر من رجوع دياب واولادة شبرا
——————-
العمه(سعاد): بقولك يا دياب ،فى واحد شاف موكا فى الفرح اللى فات وابن ناس ومستواهم حلو عاوز يتقدم
دياب : طيب وحسام دة اللى كان متكلم عليها ؟
العمه: سيبك منة ، دة اللى خدناة من نقلكوا هناك ،وواحد زى حسام لعب بعقل بنتك ولسة بيقول يا هادى
دياب : طب نقولها الاول ونشوف هى عاوزة ايه
العمة: جرا ايه يا دياب ،وهى البنت هتعرف مصلحتها اكتر مننا ، انا هقولها دورى على مصلحتك وحسام دة انسية خالص ..
دياب : طيب فهميها براحة
———————–
مايا : هتعملى ايه يا موكا دة كلهم مصممين على اللى اسمة مؤمن دة !!!؟
موكا: انا تعبت معاهم من كتر الكلام وخايفة اوى على حسام لما يعرف 😭
مايا : طب والحل ايه
موكا : خلاص مش قدامى حاجة غير انى وافق
مايا : وبالسهولة دى هتنسى حسام
موكا : لا طبعا مش هنساة بس حرام اعذبة معايا ، وبعدين عرفت كمان ان عمتى كلمت ماما وقالتلها وماما موافقة 😭
مايا : كلمتها !!؟ لية وهى ماما دى مالها بينا ؟
موكا : عرفت انها كانت حامل من الشيخ اللى اتجوزتة وكانت حامل منة ونزلت البيبى وحصلت خناقة كبيررة بينهم وطلقها
مايا : 😳 حامل ونزلتة واتطلقت كمان
موكا : اة ،عمتى لما طلعت واتكلمت معايا قالتلى كدة وهما عاوزينها ترجع لبابا تانى
مايا : 😳 ترجع فين !؟ هنا !؟
موكا : ايوة طبعا هنا
مايا : وعمتى من امتى حبت ماما كدة وكمان عاوزاها ترجع
موكا : بتقولها انها ندمت وانها معملتش حاجة حرام ولما مستريحتش انفصلت
مايا : بس هى ميتنفعش ترجع لبابا
موكا : لية !؟ عشان كلام انها ليها فالاعمال !؟ اكيد كدب
مايا : بس انا شوفتها بعينى يومها
موكا : هو انتى شوفتيها بتعمل اعمال انتى كمان !؟ هى جابتة وفاكرة انة لما يلف الشقة ويقرأ قرأن كدة العمل هيتفك
مايا : انتى مش فاهمة حاجة
موكا : خلاص مينفعش تتكلمى عشان كدة هيشكوا فيكى ويستغربوا ازاى بنت مش عاوزة امها ترجع البيت تانى
مايا : انا اللى غبية خلاص 😭 ومش هينفع اى كلام تانى وهسكت خالص فعلا
———————–
لاااااااايك وكومنت عشان نعرف سماح ناوية على ايه ؟ وهل هترجع فعلا ولا لاة ؟ وازاى
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية زوج بالخطأ)
