رواية زوج بالخطأ الفصل السابع 7 بقلم حنين الماضي
رواية زوج بالخطأ الجزء السابع
رواية زوج بالخطأ البارت السابع
رواية زوج بالخطأ الحلقة السابعة
مايا فى عقلها ( وبعدين مش معقول موكا تموت نفسها وهى عايشة كدة وانا متأكدة انها بتحب حسام ، لية كدة بس يا عمتى ،ماهى من حقها تختار ، وهى رافضة ترد على حسام خالص واكيد هيتجنن عليها وصعب يجى هنا ، ياااااربنااا اعمل ايه ، كل حاجة عمالة تبوظ من حواليا ،بس انا مش هسيب اختى تدمر حياتها واقعد اتفرج لااازم اروح لحسام واقولة واكيد ربنا مسامحني لانى مش بعمل حاجة غلط وكل نيتى ان اختى تكون مبسوطة فالنور وتعيش مع انسان تحبة ويحبها بدل ما تتجوز غصب عنها من واحد مبتحبوش وتبقى نسخة تانية من ماما 🙂)
————-
مايا بتتصل بحسام
————–
مايا : حسام
حسام : مين
مايا : انا مايا اخت موكا
حسام : اهلا يا ماما مالك بتترعشى كدة لية هى موكا فيها حاجة قوليلى وطمنينى
مايا : انا اول مرة اكلم واحد من ورا اهلى بس عشان عارفة انت بتحب موكا ازاى ،انا اتصلت بيك اقولك ان عمتى اقنعت بابا بعريس شافها فى فرح وللأسف موكا اضطرت توافق غصب عنها .
حسام : انتى بتقولى ايه،المفروض ان انا متكلم عليها وازاى يجوزوها غصب عنها
مايا : ماهى موكا خافت تقول لاة ووافقت بس انا عارفة انها حزينة جدا من جواها
حسام : طيب خليها ترد عليا يا مايا خلينى افهم منها
مايا : سيبك من موكا دلوقتى لان مش فى ايديها حاجة ، خليك مع عمتى هى اللى ورا اقناع بابا بالعريس ،كلمها و اوصل لحل معاها
حسام : هقفل معاكى واكلمها طبعا
مايا : طب يالا سلام وكلمها
———————–
طبعا حسام كلم عمتهم (سعاد) لكن هى طبعا صممت على موقفها وقفلت معاة الموضوع وحطتة فى مقارنة بينة وبين العريس اللى جاى وطبعا العريس هو اللى كسب
واتقفلت صفحة حسام خالص 😔😔😔😔😔😔😔😔
رجعت سماح البيت قبل خطوبة بنتها موكا .
سماح : جهزتى نفسك للخطوبة
موكا : اة يا ماما بس انا عاوزة اكمل تعليمى واروح الكلية حرام مجهودى دة كلة يروح عالفاضى
سماح : عمتك بتقول هو ممكن يعترض على كدة
موكا : لية يعترض دة مستقبلى
سماح : طيب سيبينى اكلم عمتك ونشوف
————–
فالوقت دة مايا بقت تتجاهل وتبعد عن سماح اغلب الوقت وعقلها مش قادر ينسى اليوم المشئوم وكأنة فيلم عمال يتعاد رايح جاى فى دماغها ..
وفعلا تمت خطوبة موكا وكان العريس رافض انها تكمل تعليمها لانة مستعجيل على الزواج وان التعليم هيضيع وقتها ومش هيخليها تركز فى بيتها وموكا اضطرت تستسلم وبقت تحاول تقنع نفسها انها ممكن تحب خطيبها لانة بقى مكتوب عليها 🙂
———————–
مايا : وبعدين فالزهق دة اوووف
سماح : هتفضلى قافلة باب الاوضة على طول
مايا : عاوزة منى ايه !؟ سيبينى فى حالى .
سماح : انتى عندك وهم فى دماغك مش هيتعب حد غيرك
مايا : انتى عارفة انى فاهمة صح وصح اوى كمان
سماح : ولما انتى متأكدة كدة، مصارحتيش ابوكى واخواتك يومها لية 😒
مايا : انتى عارفة انى صح بس انا خوفت عليهم وخوفت على بابا عشان تعبان
سماح : ماهو انا اتجوزتة
مايا : انا معرفش ازاى بابا وافق يرجعك بعد ما عرف انك اتجوزتى حد غيرة وكمان كنتى حامل
سماح : ابوكى لايص من غيرى ،اوعى تفتكرى انة رجعنى عشان سواد عنيا ههههه راجعنى عشان شكل اختك قدام خطيبها واهلة
مايا : ولما انتى مش طيقاة وافقتي لية ترجعى
سماح : وارفض لية ههه هو انا بقى عندى مكان اقعد فيه ! حتى اخواتى قاطعونى
مايا : اشمعنا انتى اخواتك قاطعوكى
سماح : متنسيش نفسك وانتى بتتكلمى معايا وعشان تريحى نفسك كلهم غيرانيين منى ،انتى بت تجيب النكد صحيح
———————–
مايا خلاص حست انها لوحدها اللى هتفضل شايلة السر وعدا الوقت انها تتكلم او تقول لحد ،غير انها مش قادرة لحد دلوقتي تستوعب اللى حصل وهى شايفة مامتها مستقوية عليها كدة .
بدأت مايا تندمج فى عالم الفيس عشان تلهى نفسها فية وتدخل فى جروبات كتيير واى بوست حزين تشوفة بقت تعلق علية لكن من جواها بركاان حزن عمرة ما هيخلص ،لحد فى يوم وهى على الفيس اتعرفت على شاب اسمة سيف 😊
سيف : تعليقاتك كلها حزينة لية كدة
مايا : هو البوست حزين
سيف : بس كلامك حزين اكتر من البوست
مايا: كل واحد جواة حزن اكيد محدش مبسوط
سيف : عندك حق ، انتى عندك كام سنة ؟
مايا : انا فى اولى ثانوى
سيف : وعاملة ايه فى دراستك
مايا : الحمدالله
سيف : لية متحفظة فى كلامك كدة
مايا : متحفظة!! فين دة بس !؟ انا عمرى اصلا ما كنت اتخيل انى اكلم شاب عالفيس
سيف : يعنى انتى عمرك ما كلمتى حد قبل كده
مايا : والله العظيم ابدا وبصلى وبصوم وحافظة كتير من كتاب ربنا
سيف : ماشاء الله عليكى شكلك فعلا محترمة وباين عليكى انك مهمومة زيى
مايا : مش قولتلك محدش مبسوط بس اكيييد انت همومك احسن من همومى
سيف : خلاص انا عندى استعداد افضفض معاكى يمكن استريح وانتى كمان لو حابة
مايا : لا مش هقدر معلش صعب عليا اوي
سيف : خلاص انا مش هغصب عليكى لكن وقت ما تحبى تتكلمى انا هسمعك وانا حابب لكن انا هحكيلك لانى مستريحلك .
وبدأ سيف يحكى همومة لمايا وبدأت تتشد لحواراتة وتتناقش معاة وزاد الكلام بينهم لحد ما عدا حوالى خمس شهور وكانت هى كمان بدأت تستريح لسيف ،خصوصا انها قابلتة وقعدت معاة وكان محترم معاها ولا حاول يقرب منها ولا طلب منها صورة ولا اى حاجة وطلع فعلا شخص محترم ( بعيد عن الرواية اللى زى سيف دة قلة قليلة عشان ناخد بالنا )
وعدا الوقت بينهم وزاد ارتباط سيف بمايا وبقى حاسس انة مسئول عنها وقرر يتقدم ،خصوصا انة خريج حديث وامكانياتة تسمح بالزواج والارتباط .
سماح : مالك مش على بعضك داخلة خارجة فى ايه
مايا : عاوزة اقولك موضوع
سماح : قولى بس بسرعة عشان عندى ميعاد مع الدكتور انا وابوكى عشان اشوف اللى بطنى دة ولد ولا بنت
مايا : اى حاجة المهم لما يجى نحبة ويحبنا
سماح : وانتى مش هتحبية لية
مايا : هو انا لسة شوفتة عشان احبة
سماح : ماشى عشان مش هخلص عاوزة اية
مايا : فى واحد عاوز يجى يتقدملى
سماح : عرفتية منين
مايا : اخو واحدة صاحبتى
سماح : معنى كدة انك موافقة علية مدام بتقوليلى
مايا : اة موافقة
سماح : بيشتغل ايه
ماايا : كول سنتر فى شركة فى مدينة نصر
سماح : خلاص ماشى خلية يجى يتقدم بس نجوز اختك الاول وانتوا خلوها خطوبة
موكا : مين اللى خطوبة دى ؟
مايا : انتى بتطلعى منين ؟
موكا : ما انا استغربت لما سمعت صوتكوا مصدقتش
سماح : اختك جايلها عريس
موكا : من طرف عمتى بردوا
سماح : لا من طرفها هى
موكا : ازاى يعنى
مايا : اتعرفت علية عن طريق واحدة صاحبتى
موكا : اااة بتحبية يعنى وكدة
مايا : مشدودة لية شوية هو حد كويس
موكا : وماما وافقت
سماح : وموافقش لية !؟ ما تتجوز هى كمان ويكون ليها بيت
موكا : لا والله وافقتوا على طول كدة
مايا : قصدك ايه
موكا : قصدى انك لو اتخطبتى للى انتى اختارتية دة ، انا هفسخ خطوبتى
سماح : وانتى اية علاقتك بخطوبة اختك
موكا : زى ما ضغطوا عليا اسيب حسام ورفضتوة وكنت عاوزاة ،هى كمان يحصل معاها زى ما حصل معايا
مايا : حرام عليكى بس انا قعدت اتحايل عليكى تصممى على حسام وانتى بكل سهولة ضعفتى
موكا : انا قولت اللى عندى والمرة دى هنفذ كلامى
مايا : بس انتى داخلة خارجة معاة وبتضحكى يعنى مبسوطة معاة
موكا : اومال هنكد على نفسى
مايا : حرام عليكى كدة ،انا كنت عملتلك ايه عشان تعملى فيا كدة 😭😭
سماح : خلاااص زى ما حصل مع اختك مش هينفع عشان هنقول لعمتك اية لو اختك اتجننت ومشت اللى فى دماغها .
مايا : بس دة ظلم ،انا مالى هى اللى وافقت بسهولة وانا قعدت اتحايل عليها ترفض وعملت حاجات كتير عشانها 😭😭 حتى لما قولت هبتدى اعمل حاجة صح بردوا منفعش كأن الدنيا واقفة فى وشى وبتقولى خليكى كدة حزينة طول عمرك
موكا : بطلى تمثيل بقى ،حزن اية ،هو انتى فى بيت غيرنا ولا ايه،ما كلنا هنا زى بعض وانا هعمل اللى قولت علية لو هما وافقوا على عريسك دة
مايا : 😭😭😭😭
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية زوج بالخطأ)
