رواية هل من عوض الفصل الثالث 3 بقلم آية عبدالسلام
رواية هل من عوض الجزء الثالث
رواية هل من عوض البارت الثالث
رواية هل من عوض الحلقة الثالثة
فهد كان قاعد قدام الدكتور النفسانى بعد ما فحصها
فهد بقلق:هى عندها ايه وهترجع لطبيعتها امتى
الدكتور : للاسف حالتها النفسية وحشة جدا بسبب انها اتعرضت لصدمة شديدة عليها فعقلها مش مستوعب اللى حصلها وفبيحاول يهرب من الواقع
فهد بقلق وحزن عليها : طب علاجها ايه يا دكتور عشان ترجع لطبيعتها تانى انا مستعد اعمل اى حاجة
الدكتور بعملية : لازم تهتموا بيها جدا وتحسسوها انكم حواليها ومعاها وتبعد عن اى حاجة ممكن تسببلها زعل او صدمة لانها ممكن تفضل كدا طول عمرها
فهد بصدمة : ايه طول عمرها
الدكتور : اه عشان كده لازم تبقوا حريصين عليها جدا ودا الكارت بتاعى لو عوزتونى فى اى وقت او إستشارة متتردتش انا تحت امركم
فهد بحزن : تمام ماشى بس هى هتخرج امتى ولا هتفضل هنا
الدكتور : لأ لازم تخرجوها عشان ميأثرش على نفسيتها اكتر واحنا مش ناقصين وقعدها فى مكان فيه هوا او بحر والحسن يكون اى مكان كانت بتحب تروحه قبل ما توصل للحالة دى
فهد بحيرة : ماشى يا دكتور عن اذنك
• فهد راح لشهد اللى قاعدة فى اوضة روفيدا و هخرجها عشان يتكلم معاها عشان روفيدا ما تسمعش
شهد : الدكتور قالك ايه
فهد : قال انها لازم تبعد عن اى ضغط او زعل عشان متفضلش كدا طوال عمرها
شهد بخضة : طول عمرها
فهد : ششش وطى صوتك انتى فى مستشفى
شهد بتدارك : مأخدتش بالى وبعدين كملت بحيرة .. هنعمل ايه دلوقتى
فهد : هناخدها عندنا
شهد بتفاجأ وصدمة : ايه هنخدها عندنا انتَ سخن ولا ايه من امتى وانتَ بتحب تدخل حد فى بيتنا دا حتى صاحباتى انتَ محرج عليا انى مدخلهومش البيت والمرة الوحيدة اللى دَخلت فيها البيست فريند بتاعتى كان يومى اسود
فهد بتوتر حاول يخفيه : ياعنى اعمل ايه يعنى فى حالتها دى ارميها فى الشارع مثلا عشان ترتاحى
شهد وهى بتبصله بغموض : لا طبعا بس كان ممكن توديها فى بيتنا التانى اللى مبنرحهوش وتخلى حد ياخد باله منها
فهد بتوتر : لا طبعا واحنا ايه اللى يأكدلنا ان الشخص دا هياخد باله منها مش يمكن يإذيها واحنا منعرفش .. وبعدين اما نبقى حواليها فدا هيطمنها اكتر
شهد بتلاعب ومكر : هحاول اصدقك اما نشوف اخرتها
فهد بقرف : طب يالا يا لمضه من هنا عشان هناخدها دلوقتى قال اما نشوف اخرتها قال
• فى مكان اخر
محسن وهو عيونه حمرا من كتر الغضب والعصبية : دورت عليها فى كل حته مش لاقيها مش فاضل غير الاقسام والمستشفيات
صباح بلوية بوز وهى بتكلم نفسها : ربنا ينكد عليها زى ما نكدت عليا وبعدين قالت بسخرية طالما بيحبها اوى كده سمحلى انى ألِف عليه ليه ولا هو فرغية عين وخلاص
محسن بصلها وقالها بعصبية : بتقولى حاجة
صباح بخوف : لا خالص وبعدين كملت بتترد بصراحة انا فى حاجة محيرانى وعاوزة اسالك عليها
محسن بزهق : انجزى
صباح : طالما بتحبها اوى كدا ليه دخلت عليها ضرة
محسن بتكبر مريض : عشان انا عايز كدا ولما اعوز حاجة بعملها حتى لو على حساب مين وكمل بوعيد بس هلاقيها وهخليها تتمنى الموت ومطولوش
صباح بخوف : ليه مش انتَ بتحبها انا مفكره انك بتدور عليها عشان تصالحها
محسن بشر : بحبها بس مش انا اللى واحدة تتمرد عليا وتهرب منه كان المفروض ترضى بالامر الواقع
صباح بخوف وهى بتكلم نفسها : انا ايه اللى عملته فى نفسى دا اذا كان اللى بيحبها هيإذيها بالشكل دا اومال لو عرف باللى ناوية اعمله هيعمل ايه
…………….
فهد دخل وهو شايل روفيدا اللى نايمة وحطها على سريرها فى اوضتها الجديدة اللى خلى الخدم ينضفوها
فهد بسرحان وهو باصص عليها : مش عارف ليه من ساعت ما شوفتك وانا عايز احميكى من ايه وليه معرفش بس اللى اعرفه انى حاسي انى مسؤل عنك
شهد دخلت ومعاها بطانية وغطتها كويس وخرجت هى وفهد
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية هل من عوض)
تعليق واحد