رواية زوجي ملك الجان الفصل الثالث 3 بقلم أيات عبدالرحمن
رواية زوجي ملك الجان الجزء الثالث
رواية زوجي ملك الجان البارت الثالث
رواية زوجي ملك الجان الحلقة الثالثة
رجعت بيتنا وانا واخده قرار ان خلاص موافقه اروح معاه عالمه لان تعبت اوي من غيره وصلت بيتنا ووقفت في نصفه وبدأت انادي عليه واقول تعالي يا احمد انا موافقه اروح معاك عالمك تعالي خدني معاك انا مش قادره ولا عارفه اعيش من غيرك
تعالي حياتي من بعدك بقيت سراب ناديت كتير اوي وصرخت كتير اوي لحد ما صوتي اختفي واحمد ما رجعش قعدت علي الارض وكنت ببكي بكاء هستيري انا فعلا مفتقداك تعالي
لكن للاسف ماجاش ومن وقتها وانا بقيت مطفيه كدا لا قدرت اروح معاه ولا قدرت انساه واعيش مع غيره
طب انتي ليه ما اتزوجتيش وعيشتي حياتك واكيد ربنا كان هيعوضك
مريم :ربنا كان معوضني ب احمد
في حد اتقدم ليكي بعد ما عرفوا حكايتك
مريم : ايوه اخو زوج اختي وقال ان مش هيفرق معاه اي حاجه غيري وباقي الناس كانوا بيخافوا مني اول ما يشوفوني
لاعتقادهم ان لو قربوا وكلموني حتي احمد هيإذيهم
وطبعا انتي رفضتي اخو زوج اختك عشان خايفه عليه
مريم : لا انا رفضته عشان مفيش حد هياخد مكانه ابدا
ماظهرش ليكي تاني
لا ولا حتي بشوفه في احلامي مفيش غير مره واحده بس جالي في الحلم بعد اللي حصل دا ب سنه تقريبا وقال ان هو رجع ملك تاني بعد ما حارب واتعذب كتير بسبب رفضي رجوعي معاه ومن وقتها ما شوفتوش تاني
انتي عيشتي معاه 10 سنين وعرفتيه قبلهم بسنتين ازاي ما عرفتيش حقيقته في كل المده دي
أحمد زي ما قولتلك كان مسلم بيصلي وبيصوم وبيسمع قرآن وكان بينصحني للصلاه كمان حاجه مايصدقهاش عقل ان دا يطلع في الاخر مش بشر زينا
مفيش اي حاجه اي حركه لاحظتيها عليه
مريم : فاكره ان بعد جوازنا ب 3 سنين كدا كانت الساعه واحده واحده ونص اتنين بالليل في الحدود دي قومت وكنت عايزه اشرب فااتوجهت للمطبخ عشان الميه فيه شوفت شكل احمد الحقيقي في الصالون نفس الشكل اللي ظهر بيه ليا لما عرفني حقيقته
طب وبعدها عرفتي
مريم : لا طبعا انا اغمي عليا ولما فوقت وحكيت ليه قال دي مجرد تهيؤات عشان لسه صاحيه ومن بعدها ماشوفتوش بقي غير في اليوم دا
تتوقعي يا مريم لو كان معاكم اطفال كان هيفضلوا معاكي ولا هيروحوا معاه
مريم: مش عارفه بس كل اللي اعرفه ان ب احمد ربنا ان مفيش اطفال لو كان اخدهم اكيد كنت هتعذب اكتر من العذاب اللي انا فيه دا ولو كانوا فضلوا معايا كانوا هما كمان هيتعذبوا بسبب ان ابوهم من الجن
لو يوم يا مريم قابلتي شخص زي احمد في الشكل والطبع هتوافقي تكوني معاه
مريم: ما اعتقدش انا من بعده بقيت شايفه البشر اشرار لكن دا كان حاجه مختلفه بجد
عايشه فين دلوقتي يا مريم
مريم : عايشه مع اهلي انا سيبتهم في الاول كام شهر وبعدين رجعت واختي كمان رجعت لما زوجها اتوفي وعاشت معانا هي واولادها
بتتمني اي يا مريم او لو الزمن رجع بيكي تاني هتعملي اي او هتقرري اي
مريم : كنت هتمني لو احمد دا من البشر وكمل معايا او كنت هروح معاه
بس انتي عارفه ان دا ما كانش ينفع
مريم : انتي بتقولي ما ينفعش عشان انتي ما جربتيش ان حد يقولك انا ما اقدرش انام ولا اعدي يومي وشايفك زعلانه من حاجه بلاش دموعك عشان اغلي عندي من نفسي بلاش تفكري في موضوع الاطفال عشان انتي بنتي وطفلتي عشان حاجات كتيره اوي عمره ما حاول يضايقني كان دايما يرشدني علي الصح
بعد ما مشي قوليلي بقي اي اللي حصلي بقيت ابكي ليل مع نهار ومفيش حد يمسح دموعي بقيت احس بالاهانه لما اشوف خوف اهلي مني وخوف الناس مني بقيت احاول اداوي في الوجع اللي في قلبي دا اللي مش عايز ينتهي بحاول انساه لكن صورته وكلامه وذكراياته مابتفارقش خيالي
انا حقيقي مش عارفه اقولك ايه
مريم: ولا هتعرفي عشان محدش بيحس بالوجع غير الموجوع بس
حكاية مريم واحمد حكاية غريبه شويه بين جني مسلم اتزوج من انسيه مسلمه وكان معاها فيه كل مواصفات الزوج الصالح وبين ان القدر ما ارادش يكملوا مع بعض برغم حبهم الكبير مريم عاشت قصة حب جميله وغريبه ومخيفه في نفس الوقت وبعدها عاشت موجوعه و مكسوره وبتتألم من وجع الفراق حاجه مفيش عقل يستوعبها او يصدقها
مش هقول ان القصه حقيقيه لكن هقول المقصود منها ان ربنا خلق الانس والجن للعباده زي ماخلق الانس مسلم ومسيحي ويهودي خلق الجن زيهم زي ما في مسلم طيب وبيصلي وعارف ربنا وبيخاف منه في جن زيه وزي ما خلق انسان يفرح في الخراب والدمار وايذاء الناس في جن زيه والنوع دا عقابه عند ربنا عسير جدا لكن في الاول والاخر ربنا قال :(وماخلقت الإنس والجن إلا ليعبدون )
هيطلع اللي يقول دي قصص خرافات ومفيش الكلام دا ودول في عالم واحنا في عالم انت اكيد مسلم وعشان اسلامك دا يكون صحيح لازم تؤمن باللي ربنا نزله في كتبه زي الحسد والسحر والجن وماتقولش انا مش بأمن بالكلام دا لان لو مفيش ليهم وجود ماكانش ربنا ذكرهم في كتابه في قصص كتير جدا بتحكي عن زواج الانس من الجن مع اختلاف الاحداث ان في اتزوج من جن غير مسلم وكانت النتيجه اغرب من الخيال وزي ما قولنا زي ما في شرير في طيب وبيخاف ربنا
وبكدا انتهت حكاية من اغرب الحكايات مش مرعبه لكن حزينه جدا ومختلفه عن باقي الحكايات
لقراءة الرواية كاملة اضغط على : (رواية زوجي ملك الجان)
