رواية زوجتي الجريئه الفصل السادس والثلاثون 36 بقلم منة محمد
رواية زوجتي الجريئه الجزء السادس والثلاثون
رواية زوجتي الجريئه البارت السادس والثلاثون
رواية زوجتي الجريئه الحلقة السادسة والثلاثون
خديجه: نعم جايه هنا ليه
توتا قعدت : انا جايه هنا عشان اجبركم تجوزوني من يحيي
خديجه: نعم تجبرينا ليه ان شاء الله
توتا بصتلها: عشان انا مجبره احط كرامتي في الارض عشان العيل الي في بطني الي لازم يتولد له اب
خديجه اتصدمت من الخبر وقالت بصدمه: انتي بتقولي ايه عيل ايه الي يتولد هو انتي بتعملي فينا مقلب بس بجد سخيف
توتا: طنط انا حامل في ابن يحيي
علام: الله واكبر انتي بجد حامل من ابني
توتا: ايوه حامل في شهرين وان شاء الله يكون ولد
خديجه: انا مش فاهمه حاجه من الي بتقوليها
توتا: ايه الي مش مفهوم انا حامل من يحيي
خديجه: حامل ازاي يعني لاء ضغطي نزل اسمعي كذبتك حلوه وبتسلي واحنا سمعناكي واتسلينا بس مش مصدقاكي قومي غوري من وشي
توتا: وانا ليه هكدب وافضح نفسي بس يا ماما
خديجه: اخرسي متقوليش يا ماما انتي واحده رخيصه وقاعده قدامنا تتباهي انك حامل انتي مش مكسوفه ازاي قادره تقعدي قدامنا وتقولي كلام وسخ زي ده منين جايبه كل الوقاحه دي انتي فعلا معندكيش شرف
توتا: انا عارفه اني رخصت نفسي وعارفه انك مش هتصدقي ده بس انا ويحيي ارتكبنا غلطه في مره يحيي كان عنده حمه وبيهلوس وانا قلت اعالجه ورشا كانت وحشته لدرجه انه شافني هي
علام استغفر الله العظيم وانتي ليه مرفضتيش
توتا ببكاء مصطنع: انا رفضت وقاومت بس خفت يحيي يتتجنن اكتر ماهي مراته علقته بيها
خديجه بت اخرسي انا مش مصدقه ولا كلمه منك لا ابني لايمكن يعمل كده معقول ابني الي انا ربيته يزني ويغضب ربنا ما تتكلم قول حاجه ياعلام
توتا بخبث : مفيش مشكله لو مش مصدقه بس اتوسل اليكم متقولوش ليحيي عن الحمل مش عايزه يحس بالتوتر والقلق ارجوكم ع الاقل لحد ما يحصل مشكلته مع مراته
خديجه: يارب جتلنا المصيبه دي من انهي داهيه بس عقلي هيتجنن
………………قصص منه محمد كاتب…………………
ريشه من ساعه ما رجعت من بيت اهل يحيي وهي قاعده لوحدها حزينه
دلال دخلتلها بظرف ومدته وقالت: رشا خدي نفقتك من جوزك
ريشه بتعجب: نفقتي
دلال قعدت قدامها وقالت: ايوه الاربع شهور الي مكنتيش فيهم هنا يحيي منساش مسؤليته ابدا كل شهر كان بيدينا مصروفك وابوكي حط المبلغ في حسابه
ريشه: يعني الفلوس دي من يحيي ليه مقلتليش
دلال بهدوء: مقلتلكيش عشان كنا خايفين ترفضيها بس لما مكنتيش هنا يحيي اتغير تير بقي ساكت وبقي روتينه يروح شغله ويرجع يقعد في البيت مكنش عنده حياه اجتماعيه بقي عامل زي الربورت وكان اغلب وقته بيجي نا يزورنا وكان بيتصل بيا كل يوم يسألني لو كنتي رجعتي ولما كنتي توحشيه كان يجي ينام في اوضتك لانه خايف لترجعي البيت متلقهوش موجود ويجيلك خيبه امل حتي لما ابوكي في مره مرض وقف معانا واخده ع المستفشفي
ريشه: يعني تقصدي انه كن بيستناني كل يوم
دلال: ايوه يا بنتي ده الي حصل
ريشه بنرفزه شديده: امال ليه اتجوز تهاني وليه لسه مستنيني
دلال: هو جوزك انتي عشان كدا فضل مستيكي انتي
ريشه بقهر ودموع : ازاي بس جوزي وهو طلقني
دلال بدهشه: امتي طلقك وهو لسه جوزك
ريشه: لاء يا مامي هو مش جوزي هو جوز تهاني غير كده هيبقي عنده طفل قريب ليه مش مستوعبه الحقيقه
دلال: عشان مش مصدقه ابدا ان يحيي يتورط مع تهاني
ريشه بغضب: شوفتهم بعيني بيشتروا هدم بيبي وقابلتهم النهارده في بيت اهله ايه معني كل ده فهميني حتي لو كلامك طلع بصحيح انا مستحيل اشاركه مع تهاني ابدا ماما انا فئدت الامل لما عرفت انها حامل وده احسن له ولـ ابوه الي مكنش طايق الانتظار عشان عايز حفيد وانا بقيت عايزه امجد ياخدني من كل ده يبعدني عن الدوامه دي
دلال: والله ما عارفه اقول ايه بعد كلامك ده لو كان الي بتقوليه مظبوط هبقي معاكي في قرارك مكنتش اعرف ابدا ان يحيي يقدر يعمل فيكي كل ده
ريشه: شكرا يا مامي بس لازم انهي الاول اموري معاه لايمكن ينطق الطلاق بالطريقه دي لازم يطلقني قانوني ورسمي
دلال بنبره امل : بس انتي متأكده قال لفظ لطلاق ولا انتي بتخمني
……………قصص منه محمد كاتب………………..
في الشركه
سالي: انت متأكد ان جوزها طلع من دماغها
امجد هز دماغه بتأكيد: ايوه ازاي هتفكر فيه وهي مش طايقه تبص في وشه
سالي فتحت تلفونه: امال ايه الصوره دي
امجد: واضح انها راحت بيته عشان يتكلموا عن الطلاق
سالي: وهي بلغتك انها رايحه هناك
امجد: ليه ولا انتي عايزني احس بالاحباط . لاء اطمني مش هحس بالاحباط لاني مؤمن بحب ريشه ليا
سالي: انا بس شايفه ان الوضع غريب انها بدئت تكدب عليك وخلفت وعدها
امجد بتبرير: لانها راحت بيت اهله
سالي: او مكنش المفروض تقابل يحيي لوحدها
امجد: جايز عندها سبب
سالي: اتمني
……………..قصص منه محمد كاتب…………………..
ريشه بتتكلم ع الموبيل ووقفت قدامهم وقالت: طبعا بحبك….. تمام اقفل انت ….ماشي نقفل سوي واحد اتنين تلاته باي
دلال بغيظ: حتي لو بتتكلمي مع امجد خدي بالك انتي لسه متجوزه وع ذمه راجل
ريشه بنفعال: انتي ع طول بتشتكي بعلاقتي بأمجد بنعمل ايه غلط في الي بنعمله
دلال: الغلط ع امجد الي متوقع الحب من ست متجوزه
ريشه: انا ويحيي انفصلنا
دلال: يابنتي انا عارف قلبك مفيش داعي تمثلي انك بتحبي امجد ودايبه في هواه عشان هو هياخد خيبه تقيله
ريشه بعناد: مامي انا بحبه بسبب قلبه وحبه ليا , وانا اتعلقت بيه مش عشان اخدت خيبه امل من يحيي
وجدي بهدوء : رشا من فضلك انا فاهم بس انتي لازم تقبلي الحقيقه وتقبلي مصيرك افتحي قلبك وعينك يابنتي ارجوكي جوزك بيحبك وده الراجل الوحيد الي حبتيه ولا انا بقول كلام غلط
ريشه : الراجل ده مبقاش جوزي طلقني افهموا
وجدي : وانا عايز اعرف مين قالك انه طللقك قوليلي مين يابنتي
ريشه: انا بعد شهر من عمليتي تهاني لعتت لي مسدج قالتلي ان يحيي طلقني قدامها وانا يومها انهارت وامجد حاول يهيني من النوبه العصبيه
دلال : وانتي زي الهبله صدقتي
ريشه : امال عاوزني اعمل ايه يعني يا مامي
وجدي : احنا قابلنا تهاني وبتقول انها حامل بس مش متجوزه يحيي معني كده ان الرساله مش حقيقيه ولا منطقيه
دلال : وانا بصراحه مش مصدقاها انه من يحيي
ريشه بعدم مبالاه: وانا مش مهتمه
دلال بنظره غيظ : يعني انتي عامله ولا فارقه معاكي
ريشه مثلت الهدوء : ايوه لان كل ده حاليا مش مهم انا فعلا بحب امجد وهو كمان بيحبني
دلال مسكت وشها: رشا بصيلي انا عارفه بتعشقي يحيي
ريشه مامي بابي براحتكم وبجد مش عايزه اتكلم معاكم وانا طالعه اوضتي
دلال: استني دقيقه بنتي حبيتي صلي استخاره واطلبي الارشاد من ربنا بلاش تتسرعي وتاخدي قرار تندمي عليه بعدين ارجوكي
…………قصص منه محمد كاتب………………………….
ريشه طلعت غرفتها وفتحت دفتر مذكرتها وقرات كلمه هو كتبها في مذكراتها انه افتكر مره وقعت وهو رفعها ع ايده واخدها فوقها في الجامعه وهي كانت مبسوطه وهو جنبها لحد ما فاقت واطمن عليها وفي عز تفكيرها جالها مسدج منه طالب يقابلها ريشه من غير تردد قامت لبست واخدت عربيتها وطلعت ع الكافيه وصلت قبل منه وقعدت تستناه
يحيي هندم ملابسه واخد نفس ودخل: مساء الخير
ريشه بوش جامد: ليه طلبت تقابلني
يحيي قعد: عشان ادوب التلج الي بينا واتواصل معاكي
ريشه رفعت عيونها وبصتلها بحقد : انا جايه هنا لا ع اتفاق ولا اصلح بينا
يحيي : وانا مهما اقولك مش هتتخيلي مبسوط قد ايه انك سمعتي كلامي وجيتي
ريشه: لان مامي قالتلي انك لسه جوزي ده فعلا
يحيي : ايوه انا صلا مطلقتكيش ولا هطلق ابدا ابدا
ريشه زادت في ضمت حواجبها: امال ليه الي قالته ايأ كان ليه متحررنيش ليه محتفظ بيا انت متجوز صح ليه عايز ايه مني ولا انت بتخطط تكركب حياتي ولا تكون بتحطني في موقف عمد يمنعني ادخل في علاقه مع راجل تاني ولا اقدر اطلع واخرج مع حد تاني وابقي محتاجه كمان اخد منك الاذن قبل ما اتحرك من البيت
يحيي مبتسم ع طريقه كلامها: بعد ما فات خمس شهور لسه بتفكري في كده
ريشه: طبعا لانك عن عمد وقعتني في الذنب والغلط بس تعرف انت مش بس اناني كمان ديوث اتجوزت الست تهاني بعد ما سيبتني متعلقه ع ذمتك يطريقه وضيعه وقذره وانت عارف اني ليا حياه مع راجل غيرك انا انسانه وعندي قلب وليا حق اقرر مستقبلي مش ارتبط بالاسم راجل وياريته عدل
يحيي وشه احمر جدا وبدئت نوبه الغضب لكنه اخد نفس طويل وقال: اولا عيب الكلمه دي انا مش ديوث انا بس مليش عين اواجهك خصوصا بعد الاخطاء الي ارتكبتها في حقك ثانيا انا عايز اعتذر عن كل غلطه عملته في حقك وصدقيني معنديش حتي النيه اعاملك بالطريقه دي
ريشه بنرفزه شديده: معندكش نيه بس عملت وانتهت ورمتني زي النفايه ليه مصمم تزعجني في حياتي
يحيي : لانك مراتي سافرتي تتعالجي برغبتي واذن مني ومرفضتش ليكي اي حاجه منا كنت هبقي قاسي ووضيع لو كنت صممت ورفضت مش كده
ريشه: لو زي ما بتقول انك استنتي خمس شهور ليه اتجوزتها عليا عشان تشبع شهوتك لحد مانا ارجع فهمني ليه ولا عشان ترجع تتخلي عني هو ده التخطيط الي في دماغك
يحيي: رشا انا بجد محتاجلك وعايزك وانا بعترف اني غلطت في حقك كتير لو الزمن يرجع مستحيل اسيبك دقيقه
ريشه بنفعال: انت شخص كداب
يحي: انا مش بكدب في حرف عارف اني غلطت والي حصل حصل تعالي ندور ع حل غير الانفصال
ريشه جزت ع اسنانها: يحيي انا مش طايقه ابص في وشك ازاي اعيش معاك تحت سقف واحد عارف ليه لانك اقسي واسوء راجل قابلته في حياتي ومستعد تخلي الي قدامك يعاني طالما انت مبسوط وسعيد انا بكرهكك يا يحيي
يحيي بثقه كبيره: انتي مستحيل تكرهيني لانك بتعشقيني وهترجعيلي
ريشه بغضب: ايه هترجعني اجباري
يحيي عيونه لمعو بعشق : لاء ( مد ايده يمسك ايدها) شوفي انتي حاليا متعصبه حبيتبتي
ريشه سحبت ايدها وقامت من مكانها: انا جيت بطريقه ذوق وبطلب بالذوق تطلقني ولو مكنش فيه حاجه ضروريه متتصلش بيا فيه محامي هيتولي كل حاجه
…………………..قصص منه محمد كاتب………………………
في منزل عائله يحيي الوضع متأزم
خديجه ماسكه دماغها ودمعت عيونها وبكت: اقسم بالله هتشل ايه الفضيحه دي
علام بستسلام: خلاص غلطه شباب ونجوزهم لبعض
خديجه بنرفض شديده: ابدا دي مش ممكن تبقي مراه ابني ع جثتي البت دي قيليه الادب و لسانها طويل واهلها معرفوش يربوها
هاله : ماما فكري يحيي فضل مع تهاني 8 سنين اشمعني عمل معاه علاقه دلوقت
خديجه: تقصدي ايه انها ممكن تكون عملت كده عشان متسبهوش في حاله
علام بقهر: اه طلعتلنا منين المصيبه دي بس
هاله: عشان تعرف دلوقت يا بابا ان رشا احسن بنت في الدنيا ع طول مهتمه بيا وبتسأل عن صحتي ذاكرت اكلت فيه اي مشكله بواجها في الكليه ولو عايز تعرف اكتر هي الي ساعدت ليلي وعطتها فلوس لما كانت بتمر بأوقات صعبه مسلفتهاش عطتها
خديجه: تسلفها هي رشا بنت الاكابر تسلف دي ولا الملاك
هاله: بابا مش شايف اننا عايله محظوظه بوجود مراه اخ زيها
علام بنفاذ صبر : وبعدين في ايدينا ايه نعمله اخوكي اجباري عليه يتجوز تهاني ويتحمل المسؤليه
يحيي دخل بسؤأل: اي مسؤليه
هاله حطت الصوره قدامه: اتفضل شوف بنفسك
علام بحده:يحيي انت نمت مع البنت دي في الحرام
خديجه عيطت بحرقه: انا عمري ما فكرت لحظه تعمل الي عملته انت عارف ان تهاني حامل منك
يحيي اتوسعت عيونه واتحرك بنزعاج: لاء مش مني بابا انا ملمستهاش ولا نمت معاها ده افتراء
علام: لما انت مقربتلهاش امال ازاي طلعت حامل
خديجه: انا اتبرئت منك معقول تعمل كده يا يحيي عشان نوافق تتجوزها
يحيي: لاء يا امي والله العظيم ما جيت جنبها ولا لمستها ومستعد احلف
هاله: استنوا كده ماما لو دققنا في الصوره هنلاقيها اصليه فعلا لكن وش يحيي متركب ع صوره لواحد تاني
خديجه: واحد تاني
يحيي بص في الشخص وقال بقهر: ايوه هي نفسها اعترفت لي انها ع علاقه بواحد تاني بس قالتلي انه منمش معاها الساقطه ده طفل مراد انا متأكد وهعرف ازاي احاسيبها ع السيناريو المحبوك
خديجه ببكاء: وانا مش هتحمل لو طلعت حامل منك هتبرء منك
يحيي اتنهد بقهر:ماما انا مش ممكن اعمل كده صدقيني
استوب ومنتظره رايكم ونشوف حرب بين يحيي وتهاني ورشا
.
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زوجتي الجريئه)
