رواية زوجتي الجريئه الفصل السابع والثلاثون 37 بقلم منة محمد
رواية زوجتي الجريئه الجزء السابع والثلاثون
رواية زوجتي الجريئه البارت السابع والثلاثون
رواية زوجتي الجريئه الحلقة السابعة والثلاثون
في الشركه
حاتم بصله : باين عليك ركبك الهم ومضايق فيه ايه احكيلي
يحيي كان قاعد في مكانه كانه تمثال ومره واحده انهار : انا حرفيا بموت يا حاتم
حاتم بصله بحزن وقاله: وحد الله يا يحيي مش كده
يحيي نبره يأس: انا تعبان اوي من كتر المشاكل الي بقيت فيها انا في انهيار كامل مش قادر اعيش في العذاب ده يا حاتم
حاتم: لازم تتوازن
يحيي: قولي ازي هبقي متوازن وانابقيت تعبان نفسيا وجسديا وعقليا خلاص زهقت من حياتي كلها انا ادمرت والدنيا حواليا بتنهار
حاتم: لو بتحبها اعمل المستحيل عشان ترجعلك ولا هتسيبها تمشي كده بالساهل
يحيي بقهر: قولي اعمل ايه دي واحده تعايشت اني مليش اي حقوق عليها
حاتم: لاء انت ليك حقوق عليها
يحيي : اي حق عليها بعد الي عملته
حاتم: بقولك ايه لو مش عارف يبقي احسن متتكلمش
حاتم : قولي ايه هي حقوقي فهمني
حاتم :يابني حقك انك لسه جوزها بشرع الله
يحيي: فاتت سنه يا حاتم ريشه مبقتش ليا
حاتم: يعني افهم من كلامك انك طلقتها ازاي وامتي
يحيي: لاء مطلقتهاش لكن بسبب غبائي خسرت حقوقي عليها من الليله الاولي لما عرفت اني بحب تهاني من اول ماهربت مني لما صابتها مني خيبه امل من الوقت ده وانا عارف اني مليش حق عليها فهمت
حاتم : فهمت بس حاول تتكلم معاها بلاش تيأس
يحيي: انا نفسي اصالح نفسي عليها ونفسي نرجع زي الاول واكتر لان المشاكل اولها هم واخرها وحشه ياريت تديني فرصه واصلح الامور ما بينا لو حتي شويه
حاتم: خدها مني نصيحه ياريت تحاول معاها للمره الاخيره و لو عايزني اتكلم معها احاول اشرحلها
يحيي هز دماغه بنفي: لاء متدخلش انت وتجبلها سيره تهاني هتتجنن اكتر
حاتم: تمام بس لسه فيه وقت لو عايز تقدر تحل المشكله ما بينكم وبسرعه الكوره لسه في ملعبك
يحيي :حط نفسك مكانها حاول تحس بالي حسته وقتها هتعرف ايه هي الحقوق وانا قررت اخر قرار هطلقها حتي لو هموت من شوقي ليها
حاتم : ماشي انهي الي بينك وبينها قبل ما توصل للمحاكم حرام تسيبها كدا معلقه ده اثم وذنب كبير
يحيي: انا هحل مشكلتي بنفسي
……………….قصص منه محمد كاتب……………….
في شقه يحيي
ريشه خبطت ويحيي فتح وبصلها وقلبه بيجري لهفه عليها
يحيي: اتفضلي ادخلي بيتك يا رشا
رشا دخلت وقعدت وهو جبلها كاس عصير وحطه قدامها
يحيي بهدوء: عامله ايه دلوقت بعد العمليه كويسه
ريشه بصتله: لو بتسال عن جرحي في يوم هبقي كويسه اما لو بتسال عن جراحي منك مش هتزول ولا تختفي ابدا
يحيي بصلها وطلع شويه وبعدها نزل ومعاه ظرف حطه قدامها: الشقه دي حولتها بأسمك عيشي هنا واعتبريها هديه جوزنا وانا همشي من هنا ومش هتشوفيني تاني
ريشه زقت الظرف وقالتله: مفيش داعي تعمل ده انا مش عايزه منك اي حاجه
يحي: رشا انا عملت كده عشان بقدرك تعرفي من اول ما اتقابلنا غيرتي حياتي كتير بقيت بحب اللبن وبقيت مش بخاف من الاماكن المغلقه وبقيت فاهم ومدرك للي بيحصل حواليا كويس وعايزك تفتخري بيا
ريشه: واضح انك استعديت تنفصل عني
يحيي: لسه بس اطمني فيه اخبار حلوه انا بقيت اعرف اطبخ بس طبعا مش عشره ع عشره زيك بس عشان لما تتعبي اعرف اعملك اكل
ريشه سكتت وكشرت وهي مضايقه
يحيي: واضح انك مش طايقه حتي تسمعي صوتي
ريشه: ليه مستنيني معقول بتحبني طيب من امتي
يحيي: من اول ماعرفتك من اول ما حسيت ان من غيرك حياتي فاضيه من اول ما سبيتني ومشيتي من وقتها حسيت اني فعلا مش قادر اعيش من غيرك وبحبك
ريشه: انا مطلبتش منك تحبني كان كل املي تبقي في حياتي وتعيش معايا بس لما محصلش انا سيبتك وضحيت عشان سعادتك عشان تقدر تتجوز تهاني ليه مش عايز تتجوزها
يحيي: لان تهاني متستحقش تحل محلك ابدا
ريشه: لما هو كده امال ليه لسه بتتعامل معاها طبيعي وانت متأكد اني مقدرش اشارك الي بحبه مع واحده تانيه
يحيي : رشا لما شوفيني في المول معاها كانت بتوهمني انها شافت الست الي نصبت عليا والمره التانيه عند ابويا صدقيني اتفاجئت بوجودها واقفه جنبي حاولت اشرحلك رفضتي وبعدين انا مش بحب ابقي عدواني مع الناس
ريشه: ليه
يحيي: عشان اقدر اتغلب ع خوفي لازم ابقي شجاع رشا انا اتربيت مع اب مسيطر وشديد عمرنا ماكان لينا رآي يمكن انا بحكم اني الولد الوحيد قدرت شويه لما ارتبطت بتهاني وجايز ده سبب تمسكي بيها انها الوحيده الي كانت من اختياري فهماني
ريشه: تحلف انك ملكش اي مشاعر ناحيتها
يحيي نبره صادقه: اقسم بالله ماعندي مشاعر ناحيتها انا قلبي ليكي انتي وبس اه مش انتي الاولي في قلبي بس حبك هو الاخير بالنسبه لي
ريشه: بس انا بقي عندي امجد في الليله الي سبتني ومشيت سمعت كل كلامك مع تهاني
يحيي بنبره كلها ندم: رشا سامحيني بس اقسم لك ماكان عندي اي نيه اسيبك بالطريقه دي انا بس حبيت اخرجها من عندك
ريشه: يومها حسيت بخيبه امل كبيره واتقهرت ان كل الي كنت بعمله معاك طلع ع الفاضي وكأني مش مكفياك بما فيه الكفايه لما كنت تقعد تقارني بيها وطول الوقت تحكي عنها وقد ايه مخلصالك رغم كل الشواهد كانت بتقول عكس كده حتي لما روحنا شهر العسل كنت معاها هي يوميا وكان قد ايه شيئ بينرفزني لما الراجل الي بحبه في قلبه واحده تانيه وكنت بصبر نفسي وبقول مش مهم هيلاحظ ان انا انسانه لكن انت همشتني و وعشت حياتك واتجاهلت مشاعري وطول الوقت بتتكلم مع حبيبتك ولما كنت بضايق واعترض كنت بتعب جوايا لاني كنت عارفه انك مش بتحبني بس قلت جايز وفي مرحله بينا فكرت انك بدئت تحبني وكنت مستعده اضحي بروحي وعمري انا كنت بجري وراك عشان الحق اشبع منك وانت كنت بتزهق مني
يحيي بأسف: واضح كتير انك مجروحه وانا عارف قد ايه جرحتك وظلمتك انا اسف لاني كنت غبي وعارف اني كنت مزودها بس انا عايزك في حياتي والله العظيم حبيتك انتي في السنه الي عشناها سوي حبيت روحك وهزارك وانتي نجحتي تاخدي قلبي وعرفت ده قريب وحبي مظهرش غير لما خسرتك انا اسف لاني كنت غبي وبحلفلك اتقي الله فيكي وامسح ماضي تهاني من حياتي
ريشه: ومطلوب مني اقبل اعتذراك وارجع وقت ما تقرر وابعد وقت ما تقرر لا يا يحيي انت غلطت في حقي كتير وعملت فيا الي مفيش واحده تقدر تتحمله
يحيي مسك نفسه من الدموع بالعافيه: وانا ندمت من ساعه ما سيبتك ارجوكي سبيني اصلح وانسيكي الماضي متعقدهاش واديني فرصه
ريشه: انا الي عقدتها ولا انت الي عقدتها يا يحيي انت جرحتني رغم عافرت عشان اوصلك بس انت خذلتني وبعد كل ده قررت ابعد عنك
يحيي مسح دموعه بسرعه وقال: وانا ضيعتك لما كنتي بين ايديا ومقدرتش قيمتك ولا مشاعرك حبيتي انا عايزك وبجد محتاجلك انا من غيرك عايش حياه عذاب مأساويه وندمان كتير ع الي عملته معاكي ارجوكي سامحيني
ريشه: وانا مش هغلط تاني
يحيي: انا الي طلعت غلطان وغبي والله العظيم حبيتك انتي وعرفت ده عن قرب وحبي مظهرش غير لما خسرتك كنت غبي وانا بعتذر
ريشه وهي بتقوم من مكانها ناحيه الباب: وانا الحب ضيعني وقررت اشيل قلبي مني وارميه في الزباله
يحيي قام وراها ومسك دراعها: رشا خليكي همشي انا
……………..قصص منه محمد كاتب………………
في نفس الوقت توتا كانت واقفه قدام بيت يحي وبتكلم نفسها: ليه غابوا جوه كده…. بيعملوا ايه انا هتجنن لو يحيي رجعلها …..ولا طولوا لانهم رجعوا وبيحتفلوا …..لاء مستحيل يا تهاني سيبك من الكلام الفارغ ده…. لاء ركزي هيسيبها ايوه …..اهدي هو بيحبك انتي …..ايوه بيحبني انا …….يحيي ميقدرش يستغني عني …….يله بقي اطلعي
ريشه فتحت الباب وخارجه ويحيي كان رجع يجيب الجاكت ويجري وراها
توتا هجمت عليها وسحلتها من شعرها: انتي ايه حكايتك غورتي ليه رجعتي عايزه تسرقي مني سعادتي لو مأخدتش انا يحيي مش هتقدر واحده تانيه تاخده فاهمه كلامي
يحيي شدها بقسوه : انتي بتعملي ايه هنا
توتا بتضمه: حبيبي عارفه انك هترجعلي ومكنش قصدي اضربها
يحيي زقها عنه وصرخ: ممكن تخرسي خالص
توتا: يحيي اسمعـ
يحيي: بقولك اخرسي حركاتك دي مبقتش تخيل عليا لو لمستيها مره تانيه هعملك محضر في القسم جربي تلمسيها لو لمسه صغيره هسجنك عايزه كده
توتا نزلت سيول دموع من عيونها : تسجني انا توتا حبيبتك يا يحيي وام ابنك
يحيي بصلها ورئكشنات وشه كلها قرفه : انتي كدابه وانا بجد قرفت منك ومن كلامك
توتا وانا ليه هكدب وافضح نفسي معقول
يحي بصوت جامد: وانا لايمكن اعمل معاكي علاقه في الحرام وانا بكرهك ياريت مخك الطخين يستوعب
توتا وانا مش هسيبك سعيد ابدا
يحيي بحتقار : مين انتي اله عشان تقرري تؤام روحي اخرجي بره غوري من وشي ووفري خططك السخيفه الي مش هتنفعك
توتا بصت لريشه وقالت : وانتي مش هسيبك يا وقحه
يحيي بنفعال: اتكلمي معاها بطريقه محترمه والا متعرفيش الي هعمله فيكي
يحيي راح يضم رشا الي زقته بعيد عنها لكنه رجع يضمها من تاني
………………قصص منه محمد كاتب…………………..
ماسكها بشده ومره واحده هبدها بكل قوته في الحيط
توتا بصرخه: سيبني انتي مفكرني تمثال
مراد لطشها بالقلم : انا بحاول اتكلم معاكي بأدب بس انتي بتعاندي ومش عايزه تسمعي الكلام يبقي دي النتيجه
توتا حطت ايدها ع خدها وانفعلت عليه : انت ضحكت عليا وطلعت مش كتبلي اي حاجه وبعد ما هددتك روحت نشرت صورنا انت ليه اتغيرت
مراد: انا الي اتغيرت ولا انتي الي مصممه نتجوز وقلت لك انا مش مستعد
توتا صرخت في جنون : بجد مش مستعد بس كنت مستعد تعاشرني وبعدها روحت مع واحده تانيه ودلوقت جاي تقولي مش مستعد
مراد زعق فيها: انا مش مع واحده تانيه بس انتي مصمه تتهميني ظلم
توتا: كده وريني تلفونك يله عايزه احذف كل صورنا والفيديوهات
مراد مسكها من شعرها زقها ع الارض وفضل يضرب فيها: مفكره اني ضعيف زي يحيي فوقي يا حقيره عارفه انا بقرف ابصلك
ابوها شده من دهره وضربه: الي بتضربها تبقي بنتي يا شيطان عشت معاها وبعدها رمتها في الزباله طينتك ايه انت معندكش مرؤه ولا شهامه هاخد محفظتك وتلفونك دول هيثبتوا انك هددت بنتي رجعلها الفندق والامش هرحمك يله غور
توتا اتألمت لما لقت دم كتير ع ايدها وفضلت تصرخ
ابوها ببكاء: توتا اعمل ايه يارب انقذ بنتي
……………….قصص منه محمد كاتب………………..
في منزل يحيي طلب لها الدكتور وبعد الكشف والاطمئنان
ريشه بصتله: مش قلت لك انا كويسه
يحيي: معلش نطمن افضل
ريشه: بس اتحرجت
يحيي: مش مهم الاهم اطمنا يارتني كنت دكتور ها دلوقت صدقتيني اني بحبك وقادر احميكي
ريشه: ممكن تطلع عشان اعدل هدومي
يحيي: تمام
ريشه قامت وبصت لصوره نيلي الي كلمتها : انتي فعلا عايزه تتحرري من يحيي بس انا شايفه انك بتحبيه ومش هتقدري تعيشي من غيره
ريشه: مره بقول خلينا نطلق واتحرر من حياته ويروح يعمل الي عايزه ومره بقول لاء بلاش نطلق بس برجع اقول ياتري هتحمل فراقه لاني مستحيل احب حد تاني وعمري ما هعرف حد تاني غيره
نيلي: واضح ان غيابه بدء يأثر عليكي كتير
ريشه: بصراحه بيوحشني اوي رغم الي حصل منه مش عايزه اقرب من راجل غيره عايزه اتكلم معاه هو واضحك معاه هو انا بحب وقتي معاه في غيابه عني حسيت اني ولا حاجه وان نقصني حاجه كبيره اوي ضاعت مني والاحساس القاتل ده بيدمرني ومحتاجه الملم كياني
نيلي: انا معنديش كلام اقلهولك بصراحه غير ان يحيي ساكن روحك وعقلك ارجعيله بقي وبلاش عندك وليني دماغك الناشفه شويتين ومتنسيش انك بتحبيه وصعب تنسي انا راي تديله فرصه تانيه
………………..قصص منه محمد كاتب……………….
في كافيه
هاله: حصلت امور كتير تقهر وتزعل بس بجد قررتي تطلقي من اخويا
ريشه: لو كنت اعرف اني لسه مراته مكنش عمري هتجرء اوعد امجد بحاجات كتيره اعملها معاه
هاله: يعني مش عايزه تدافعي عن علاقتك بيحيي بس يحيي اتغير ويستاهل يكون معاكي
ريشه: قالي انه اتخلي عن الحق ده وانا وعدت امجد اني مش هسيبه لانه الشخص الوحيد الي بجد خلاني مبسوطه وانا معاه
هاله: خليكي صادقه مع نفسك بجد بتحبي امجد
ريشه: صعب جدا اعبرلك عن مشاعري وايوه هحاول اعمل كده و احبه من كل قلبي
هاله بحزن شديد: انا هقوم امشي احسن
ريشه: مع السلامه وشكرا انك جيتي
يحيي كان قاعد في الكرسي الي وراه وسمع كل كلامها وحس انه جواه بركان لكن غصب عنه قرر يسيبها
……………..قصص منه محمد كاتب………………
في منزل عائله ريشه
يحيي بنهزام: عمي انا موافق اطلق رشا هحررها انا مش مستعد اذيها باي طريقه
وجدي: يعني ده قرارك النهائي
يحيي سكت شوي وبعدها رد عليه بأحباط : رشا عندها امجد هي مش محتاجاني دلوقت
وجدي: لكن بنتي بتـ
يحيي اخد نفس عميق وكمل : وده احسن لينا واضح انها كرهتني وبصراحه انا جرحتها وكسرتها واذيتها بكافه الاشكال
وجدي اتحرك بنزعاج: لاحول ولا قوه الا بالله
يحيي: عمي هو حضرتك انزعجت من قراري
وجدي: هكلمك بصراحه يابني ومش هكدب عليك انا فعلا انزعجت كان نفسي تلين قلب بنتي لان صعب افرض عليها قراري
يحيي : والله كان نفسي الين قلبها بس لقيتها مصممه وانا مش هجبرها تعيش معايا غصب عنها
وجدي: كلمني بصراحه عشان ترجع لتهاني استسلمت
يحيي حرك دماغه بنفي قطعي: لاء خالص تهاني صفحه واتقطعت حتي لو مرجعتش لرشا مستحيل ارجع لواحده خداعه زي تهاني
وجدي: اسمع يا يحيي بنتي من حبها فيك اديتك كذا فرصه بس حبك لتهاني عمه عنيك
يحيي الدموع في عيونه : وانا عرفت وفهمت متأخر اني انضحك عليا من واحده معدومه الضمير
وجدي: بنتي لما عرفت انها انسانه مش مخلصالك حاولت تفتح عيونك وتفوقك تعرف حقيقتها
يحي : صدقني ياعمي انا مكنتش اعرف انها انسانه سافله وشيطانه للدرجادي
وجدي بحزن شديد : ع العموم انا هبلغ بنتي قرارك
يحيي: انا اسف بجد يا عمي عن اذنك
……………….قصص منه محمد كاتب……………….
في الشركه يحيي قاعد مع حاتم بيتكلموا في الشغل ومره واحده الباب اتفتح عليهم
ريشه بعصبيه: يحيي يا ابن علام
يحيي اتفاجئ وجودها وقام من مكانه بفزع : حاتم خد بعضك واخرج بسرعه
حاتم لم كل الاوراق في الدوسيه وخرج من غير اي كلمه
يحيي قرب عليها ونطق بدهشة : رشا فيه ايه
ريشه: ايه لزومه كل ده تطلقني جاوبني بجد عايز تطلقني
يحيي وشه اتغير واندهش: انا عملت كده عشان تكملي حياتك بحريه وانتي عايزه تتجوزي امجد يله روحي اتجوزيه وسيبك مني ببساطه انشالله اطق واموت
ريشه:انت حجر وقاسي عارف كده وراجل ما يعلم بيه الا ربنا انا بحبك وانت عارف كده
يحيي: قلتي ايه قولي تاني كده( شدها) قولي تاني قولتي ايه بجد بتحبني يعني عايزني زي منا عايزك امال ليه سبتيني طب اسمعي انا مغرم بيكي وبعشقك وبحبك زي المجنون
ريشه : بتحبني اوي يعني
يحيي وحشتيني بجد ومتتجوزيش امجد ماشي هو انا موحشتكيش
ريشه : طبعا وحشتني
يحي: وحشتك وايه عن امجد
ريشه ضربته في كتفه : بطل رخامه
يحيي : طيب ابوسك انا ولا تبوسيني انتي
ريشه لفت ايدها حوالين رقبته وبغمزه شقيه: لا هبوسك انا بس في البيت
يحيي: انتي سافله جدا تعرفي مشفتش واحده في سفالتك كده بس بجد كل مره بشوفك فيها بحبك من تاني
ريشه وهي بتضحك بسعاده : وانت بتخليني عايزه اعيط من كتر السعاده
يحيي ابتسم علي ابتسامتها: لاء اضحكي الضحك لايق عليكي اكتر وع فكره وحشتيني
ريشه : بجد يايحيي كنت وحشاك
يحيي ضمها بقوه بين ضلوعه : كتير كنت مشقالك
ريشه : وانا كمان يا يحيي انت جوزي وحبيبي وبحبك اوي
يحيي : وانا كمان بحبك يا حته من قلبي و
ريشه قطعته تابعت بداله : الحمد لله كل حاجه رجعت احسن من الاول واعمل حسابك انا مش هبعد عيني عنك ابدا ولا دقيقه واحده ماشي
يحيي قرص خدها بابتسامة : ماشي وانا موافق
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زوجتي الجريئه)
