رواية زوجتي الجريئه الفصل السابع عشر 17 بقلم منة محمد
رواية زوجتي الجريئه الجزء السابع عشر
رواية زوجتي الجريئه البارت السابع عشر
رواية زوجتي الجريئه الحلقة السابعة عشر
قدام الكمبوند ع الموبيل
امجد: ايوه ياعمي توتا في بيتهم دلوقت والوضع ذاد عن الحد المسموح واكيد بتضايق رشا
وجدي اتنهد بحزن: عارف قلت لرجالتي يراقبو بيت بنتي 24 ساعه
امجد : واحنا لازم نتعامل بحذر توتا دي بنت مش سهله افعي مستعده تعمل اي حاجه عشان تفرض نفسها
وجدي: ازاي يحيي مش قادر يشكف حقيقتها انا بجد مستغرب
امجد : هي متقنه في التمثيل ياعمي بتمثل انها رقيقه ولطيفه وهي حيه
وجدي : شكرا لانك عيني ووداني يا امجد وانت عارف لا يمكن بنتي تشتكيلي ولا حتي لـ امها عن افعال يحيي معاها هي بتخاف نقلق عليها
امجد : انت هتقولي عن رشا ياعمي بس اطمن انا عندي استعداد ااعمل اي حاجه عشانها وجدي: تمام يابني
……………………
يحيي حط صنف تاني وبيقرب المعلقه من شفايفها توتا مالت واخدت المعلقه واكلتها وعملت بوشها حركت انها قرفانه ويحيي وريشه اتفاجئوا بوجودها لدرجه لونها اتغير وبان عليها العصبيه
توتا فتحت العلبه وقالت بسعاده: ممبار انت لازم تاكل كويس اما الاكل ده يكسر سنانك امسك دي
يحيي بتعجب : انتي منين ظهرتي فجأه
ريشه بهمس : عامله زي الفزاعه الي في البستان
توتا بصتلها بغيظ وقالت : حبيبي بلاش تسأل ويله كل
ريشه بغيظ: بس الخضار اكل صحي وشكله يفتح النفس مش يسدها
توتا قلبت عيونها وتجاهلتها: حبيبي كًًًل ولا ائكلك انا
ريشه بهمس مسموع: اعلي قمه الوقاحه والتنبجح وقله الادب
يحيي ارتبك: مفيش داعي
توتا: ها طعمه حلو اوي مش كده
يحيي هز دماغه وفضل يشرب في ميه لان الاكل طعمه بشع لدرجه خطف كوبايه رشا من ايدها
توتا: حبيبي ماله هو وحش
يحيي: لاء حلو اوي
توتا ببتسامه: عارفه
ريشه: قلت مش بتاكل الممبار بس اكلته
توتا: حبيبي عايزك تخلصه كله لاني عملته مخصوص عشانك
يحيي هز دماغه: تمام
توتا: عارف لو مكملتهوش هزعل جدا وهتعب نفسيا
يحيي: ايوه عارف
توتا: قطعه بالسكينه ولا اقطعهولك بنفسي
يحيي: لا ملوش لزوم هقطعه
توتا: اكيد طعمه لذيذ جدا
يحيي قام: لحظه واحده
ريشه بصتلها: اي واحده بتسعي تخرب بيت غيرها هي مفسده في الارض
توتا : هي البجعه بتلمح بس ياريت مترفعيش سقف طموحك انه بيحبك وامشي قبل ما اوريكي بيحبني ازاي
ريشه: فكك من جو التلزيق وانك تلفي حواليه زي المروحه
يحيي رجع قعد وقال : بس اتحسنتي في عمايل الاكل شويه
توتا كشرت: ها حبيبي قلت حاجه
يحيي حمحم: قلت الاكل حلو
توتا: اه عارفه
يحيي : بس ازاي دخلتي البيت
توتا ضحكت: شوفت الباب مفتوح عشان كدا دخلت ولقيتك قاعد بتئكلها مكنتش عايزه ازعجك عشان كدا دخلت ع طول
يحيي : رشا هو انتي نسيتي الباب مفتوح
ريشه : ايوه بس قفلته
توتا: لحسن الحظ اني دخلت انا مش حرامي
ريشه : وانا عندي الحرامي يجي احسن منك
توتا بحقد وغيظ: انتي بتقولي ايه انا مش حراميه
ريشه بهدوء: امال ليه بتسرقي وقتي مع جوزي مش ده زي الحرامي
توتا : حبيبي ازاي دي تقول عليا حراميه
يحيي بصلها بعتاب: رشا هي ضيفه عامليها بلطف
ريشه : بس ضيفه مش مرغوبه فيها
توتا بنفعال: سامع يا يحيي الي قالته مين انتي عشان تقولي كده
يحيي اضايق وكشر : ليه تتخانقي معاها
توتا مسكت موبيلها بخبث : حبيبي تلفوني باظ امبارح اشترلي واحد جديد
اما ريشه راحت بعيد واتصلت بأمجد طلبت منه انه يساعدها ويراقب توتا ويبلغها اخبارها
……………قصص منه محمد كاتب……………….
في منزل وجدي تحديدا ع الموبيل
دلال: اهلا يا امجد يابني فينك
امجد: انا كويس طنط هو عمي قالك حاجه لما مشيت من عندكم اخر مره
دلال: لا مقليش حاجه كالعاده ايه الي حصل
امجد: ولا حاجه لو عمي مقلكيش انا مقدرش اقولك
دلال: اتكلم بوضوح لو فيه حاجه قولي والا هفضل قلقانه
امجد: تمام هقولك بس متتفاجئيش ومن فضلك اوعديني انك مش هتقولي لعمي انك عرفتي
دلال قفلت مع امجد وراحت لوجدي لقته قاعد بالبيجامه سألته: الله هو انت مش رايح الشركه النهارده
وجدي بصلها :انا قررت اقلل من مرواحي للشركه كل يوم حاسس اني كبرت ومش عايز افكر في الامور الدنيويه المفروض نفكر اكتر في حياه الاخره
دلال: بس انت مدمن شغل وبعدين بتمل من قاعده البيت
وجدي :دلال مش المفروض يبقي عندنا حفيد
دلال ابتسمت : انت هتعمل زي علام
وجدي بصلها ولنفسه: حاسس بالحزن عليكي لو عرفتي الي بيحصل في بنتنا وانها بتعاني اكيد هتجبرها ترجع البيت وتطلق من يحيي
دلال بصتله في نفسها : حاسه بالحسره ع جوزي لو عرف الي بيحصل في بنتنا قلبه هيتأثر ويتعب
…………….قصص منه محمد كاتب……………….
يحيي طلع من التوالت وهو ماسك معدته من الاسهال
ريشه : شايفه انك اهتميت بمشاعر توتا كتير لدرجه نسيت تهتم بمشاعري
يحيي بزهق: ماكفايه بقي يا رشا مخلصتيش تريقه
ريشه : لان الوضع بقي صعب هو الممبار الي عملته توتا كان حلو اوي كده
يحيي بألم: مش وحش
ريشه بغيظ : من امتي وانت بتاكله
يحيي قام بسرعه للحمام: لحظه واحده يا رشا
ريشه زعقت بصوت عالي: ده انا لما بعمله مستحيل تدوقه لكن لما هي عملته خلصته زي المحروم انت كويس ولا اغمي عليك
يحيي خرج وماسك معدته: انا تمام
ريشه: في المره الجايه لو كنت مستغني عن معدتك روح مسمط وكل ممبار الي بتعمله الشحروره توتا
يحيي نفخ بملل: مش هتبطل شكيه من امبارح لحد دلوقت لما وداني اتنفخت فسكتي بقي هاه اسكتي
ريشه: ليه روبرت مثلا معقول اسيب اللامر يعدي لما تيجي واحده لحد بيتي وتاخد مني جوزي
يحيي قفل ملامحه من الالم : تاخدني فين
ريشه بقلق: هو انت لسه تعبان اوي
يحيي: اوي
ريشه : تحب نروح مستوصف
يحيي: لا هو مش تسمم غذائي بس انا ماليش في الاكل الحراق وبعدين انا اخدت انتينال وهبقي كويس
ريشه أنا هعمل فيك جميل خد ده فيتامين خده كويس لصحتك اصلك صعبت عليا
…………………………….
علام: هو انتي ع طول ماسكه تلفونك وابننا الوحيد عايش في خطر
خديجه بسخريه : خطر ليه كفالله الشر هو ابننا في العنايه المركزه
علام عقد حواجبه بضيق : هو انا كل ما اقولك حاجه دايما تقلبيها تريقه انا بتكلم بجد
خديجه: مالك يا علام بجد مالك انت بتوجع دماغي لما بتفضل ترغي
علام: انا بتكلم عن مستقبل ابننا هو ده غلط لو هو مخلفش عيل يخلد اسمي, اسمي هينتهي
خديجه: انت عايز ايه دلال ووجدي يعترفوا بأنهم جوزه رشا ليحيي لانها مريضه هو ده
علام: انتي كمان منحازه للبنت دي اكتر من اللزم افهمي مراه ابنك تعبانه لكن لسه ليها عين تقاوح معايا هي مفكره عشان من عيله غنيه هخاف ابهدلها ولا اهتم بثروتها
خديجه: يا حبيبي البنت معملتش اي حاجه غلط لسه داخله علينا جديد اديها شويه وقت وهي واحده واحده هتفهم طبعنا
علام: هي دي بتفهم دي عامله نفسها غبيه
خديجه: بدل ما نبهدل بنت العالم نروح نشوف ولادنا هو انت معتقد ان يحيي كويس اوي
…………………….قصص منه محمد كاتب…………………..
يوم جديد ريشه قامت حضرت الفطار ويحيي نزل وقعد
يحيي: ده بس الفطار
ريشه بسخريه: تحب تفطر الممبار في التلاجه
يحيي بصلها بغيظ وقال: هش ولا حرف
ريشه بتريقه: الي اكلته ده مش ممبار ده دواء اسهال ومشي معدتك
يحيي بتبرير :ع الاقل هي حاولت
ريشه برفعه حاجب: وبتحاول تتعلم ولا بتحاول تحاربني وتظهر غيرتها مني
يحيي : ياستي سبيها تجرب اي حاجه تعوزها
ريشه بحده: بس هي مش مراتك انا لسه عايشه وقادره اهتم بيك كويس جدا ولما هي اهتمت شوف حصلك ايه ومستحيل اسمحلك تتجوزها
يحيي ابتسم بخفه علي كلامها: يعني مش ممكن ابدا اتجوزها
ريشه: ابدا ده ع جـ ثتي عمل معاها علاقه سبع سنين ازاي مكنتش تعرف انها مش بتحب الممبار معني كده هي متعرفش عنك ولا عايزه تعرف
يحي في نفسه : رشا عندها حق واضح ان توتا متعرفش ولا عايزه تعرف عني
………………..قصص منه محمد كاتب……………..
في مكان ما
توتا: ليه طلبت تقابلني
علام: لسه بتشوفي يحيي
توتا فركت ايدها برتباك :بصراحه احنا
علام قطعها : انا عايز اعتذرلك كنت غلطان في اختياري رشا مش الزوجه المثاليه لابني والي كنت اتمناهاله
توتا بسعاده: وانا مبسوطه انك عرفت ده دلوقت لحظه انا مش قصدي ابدا اتكلم عنها كلام وحش انا بس زعلانه ع وضع يحيي
علام: انا واثق انها اهلها بيكدبوا
توتا : يعني فعلا مراته عندها مرضي عقلي
علام: ابوها قالي انه عايز يجوزها بسرعة لانه قلقان لتتجوز متاخر لانها مش بتحب تختلط بالناس بس وانتي بتتجسسي عليهم مشفكويش
توتا : لاء مش كدا يا اونكل انا روحت ليحيي زياره يعني اطمن عليه واخدت له معايا ممبار من عمايل ايدي
علام: يعني لسه قريبه منه وكمان بتطبخي دلوقت
توتا بفرحه: مش بس كده بقيت اعمل مكرونه بالصلصه واحمر بطاطس
علام : بس ليه عملتي ممبار يحيي مش بيحبه زي انا كمان مش بحبه
توتا: الي حصل بقي يا اونكل
………………..قصص منه محمد كاتب……………
في النادي
امجد بينه وبين نفسه : دي النتيجه يا رشا اتجوزتي من اول راجل اتقدملك
ريشه دخلت و قعدت : هاي
امجد بصلها : هاي
ريشه بمرح: اليوم العزومه ع حسابي
امجد بضحكه : من امتي بتعرفي تدفعيلي
ريشه :من اول ما بقيت جاسوس لحسابي
امجد :توتا دي انا وراها
ريشه : شكرا لانك جنبي
امجد : بس كده طيب قوليلي يا بطلي
ريشه: تمام يا بطلي
امجد : لطيف وانا بسمعها منك وانتي بتتريقي
ريشه بجديه : امجد بجد خليك معايا
امجد : انا معاكي للنهايه ومش هسيبك خدي الفيديو الي اخدته ليها بس احفظيه في حته بعيده ولو امكن اعملي منه نسخ احتياطي وابعتيه عندي ع الخاص واكتبي تفاصيل عشان يكون اسهل تبلغي عنها انا بتزعجك في بيتك
ريشه : اوكيه فهمت
امجد: افتكري تعملي ده
ريشه : حاضر
امجد : هو جوزك في الشغل ولا بيلف معاها
ريشه توهت الموضوع وقالت بهزار: كل عايزني ادفعلك ولا لاء
امجد فهم وفقال: تمام تمام
………………….قصص منه محمد كاتب…………….
في المكتب يحيي ماسك سلسله رشا بين صوابعه وقرر يصلحهالها وافتكر الليله الي اول مره يلمسها فيها
توتا دخلت عليه لهفه: حبيبي انا اسفه جدا
يحيي حطت السلسله بسرعه في العلبه وبصلها : ع ايه
توتا: مكنتش اعرف ان اكلي هيعمل فيك كده , عملت اكل لا يمكن تاكله هو انا وحشه
يحيي: لا ليه تعتذري انا فاهم ومش بلومك ع الاقل حاولتي وجايز معدتي حساسه ومكنتش اعرف
توتا: هو انت بجد مش مضايق مني
يحيي ابتسملها: لا اطلاقا معقول اقدر ازعل واضايق منك كل الي اقدر اعمله اني احبك بس عندي كلام عايز اقوله لاحظت الفتره الاخيره بتسافري كتير ليه مش بتتعبي من المرواح والمجي للقاهره
توتا : انا متاسفه جدا اني بسيبك كتير بس سافرت عشان شغل لو رفضت مين هيصرف عليا حاجه كمان هو انا يعني بحب اسيبك ده انا بستني الوقت المناسب عشان اشوفك حتي مبقناش نخرج زي الاول سوي بتقضي وقت طويل مع مراتك اكتر مني مفكرني مش مهتمه ولا شايفني مش بغير عليك منها
يحيي : يعني بتغيري عليا ولا انا مبقتش في دماغك لان كل مره نقرر نخرج فجاه تلغي المعاد انتي مش بتفكري ابدا فيا
توتا كشرت: حبيبي ازاي تقول كده انا بحبك ليه مش مصجقني انا مهتمه بيك بس الموضوع كله هو الشغل اعمل ايه
يحيي بصلها واتنهد : اوكيه وانا واثق فيكي لان كل ما بتلغي معاد كل ما زاد خروجي مع رشا ياتري فاهمه
توتا : طبعا واوعدك مش هتحصل تاني يله حبيبي خلينا نخرج سوي
يحيي: تمام يله بينا
……………قصص منه محمد كاتب……………….
يحي رجع البيت وداخل مبسوط والابتسامه الكبيره مرسومه ع شفايفه
ريشه: شكلك مبسوط
يحيي بصلها: لاء انا كالعاده عملتي ايه اليوم
ريشه: ولا حاجه انا مش زيك مأخدتش مكافأه في المكتب مش كده
يحيي ضم حواجبه: ايه هي المكافأه
ريشه: مين عارف يمكن خرجت تتفسح مع توتا
يحيي: لاء كنت مشغول في المكتب
ريشه: فيه اوقات بيبقي الاشخاص الي مش بيحبونا لطاف فجأه يلزقوا فيك زي الشريط ع الوشين بس بيعملوا افعال مشينه من وري دهرنا
يحيي ضم حواجبه: هو انتي بتتكلمي عن توتا
ريشه : هي مش ملاك
يحيي بنفعال : رشا متحاوليش عشان اكرهها مش مطلوب منك تغيري لانـ
ريشه قطعته بحده : لان هي صاحبتك وهتفضل كدا للنهايه
يحيي: انا هتجوزها وهتبقي مراتي وانتي تقبلي بده يله عشان ناكل
ريشه حبست دموعها: اسفه انا اكلت قبلك
يحيي: وليه بتتأسفي
ريشه: يعني مش مقبول لما اكل قبلك
يحيي ربع ايده: طيب ليه اكلتي
ريشه: حسيت بدوخه ورجعت كتير
يحيي: تمام ممكن اكل لوحدي استريحي
ريشه: عن اذنك
يحيي تابع طيفها وقال: ليه بقت تتعب كتير
يحيي اكل بدون نفس وبعدين دخلها لقاها راقده قرب وقعد جنبها ومسح ع خدها لقاها سخنه جدا
يحيي مسح ع شعرها بحنيه: رشا انتي سخنه خلينا نروح نكشف
رشا مسكت ايده بتملك وقالت بتعب شديد: متسبنيش خايفه متبقاش جنبي للنهايه
يحيي مسك ايدها بين ايده : مش هسيبك اوعدك
استوب ياتري الحلقه عجبتكم ياريت نظهرعليها ورشا ليه تعبانه بستمرار ويارتي هتفرق بينهم توتا وياتري امجد فعلا قلبه ع رشا ولا بيعمل ده لتفرقهم وعلام هيعمل ايه مع رشا انتظروني وهنعرف
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زوجتي الجريئه)
