رواية زوجتي الجريئه الفصل الرابع والعشرون 24 بقلم منة محمد
رواية زوجتي الجريئه الجزء الرابع والعشرون
رواية زوجتي الجريئه البارت الرابع والعشرون
رواية زوجتي الجريئه الحلقة الرابعة والعشرون
واقفه في المطبخ وعقلها شارد وافتكرت لما جه ابوه يهينها
#فلاش
علام: انتي نوعك ايه ليه مضايقه جوزك مش قادر يشتغل ولا يركز في شغله بسببك لو مش بتحبيه امشي متمثليش قدام الناس انك ملاك وانتي بتلفي وتدوري مع الرجاله
ريشه: انا مش فاهمه انت بتلمح عن ايه
علام: مش فاهمه ولا بتمثلي انك مش فاهمه لو مش مصدقاني روحي اسألي السكرتيره عن حاله في الشغل
ريشه: ايوه في حياته مشاكل بس انا بحاول اصلحها
علام: مش مطلوب منك تعملي اي حاجه علاقتكم اتشرخت وانتهت والافضل تبعدي قبل ما تكبر الامور
ربشه: معقول عاوزني اطلق
علام: ايوه لانه مكنش يصح اجوزكم
فاقت ع فتحه الباب وراحت تستقبله بأجمل ابتسامه
يحيي بصلها شويه كده وبعدين قال: غريبه بقيتي لطيفه فجاه رغم قالبه خلقتك في وشي من ساعه ما زعلتك مني امبارح
ريشه: شوف يا يحيي مهما عملت هتفضل فوق راسي وبصراحه وحشتني حاسه بقالنا سنه متكلمناش
يحيي ضم حواجبه: معقول انا وحشتك
ريشه: اانت وحشني كل يوم في ال 12 ساعه وقت طويل جدا ليه انا مش بوحشك
يحيي: قوليلي ازاي توحشيني بشتغل من الصبح لحد المساء واحيانا بقابل كلاينت واثناء فتره الاستراحه برد ع مكالمات قوليلي امتي هتوحشيني
ريشه بزعل: يعني مش بوحشك ابدا حتي لو دقيقه واحده
يحيي: دقيقه رشا دقيقه وقت طويل بالنسبه لي بس من بكره هروح المكتب واتحقق من جدول اعمالي ولو كان فيه دقيقه فراغ هستغلها توحشيني اتفاقنا
ريشه: اتفاقنا
يحيي: المهم طبختي ولا اروح عند امي
ريشه: طبعا ياروحي هو انا عبيطه اسيبك تروح تاكل عند امك
يحيي هز دماغه وضحك: احلي عبيطه والله
………….قصص منه محمد كاتب……………
في الشركه
امجد: حاليا انا عايز اسمعها منها انها مستعده تبقي معايا وبمجرد ما تقولها انا ع اتم استعداد اعمل كل حاجه واتجوزها لاني بجد مش قادر اتحمل اشوفها بتعاني
سالي: جوزها انسان من غير قلب ازاي بيفضل عليها توتا دي
امجد: وتخيلي الغبيه مخلصه له جدا رغم جوزاهم يعتبر صالونات مش حب
سالي: ايوة بس سيبك من الحب ممكن تتخطاه ويمكن فيه حاجه تانيه في يحيي عشان كده رشا مش قادره تنساه
امجد بعصبيه وغيظ : ايه الي يملكه الراجل ده عشان تبقي مش قادره تنساه
سالي: قلبها مش قلبك ها ايه اخبار الكتاب
امجد: وقفت كتابه لان الابتوب اتكسر
سالي بضحكه: حلو جدا
امجد قفل ملامحه: ايه الحلو في كده
سالي: اشترلها واحد تاني حاول تاخد قلبها اسمع كلامي وهي ع طول هتحبك
…………..قصص منه محمد كاتب……………
في منزل عائله يحيي قفل مع يحيي التلفون بعد ما حرضه ع رشا
خديجه بصتله نظره كلها غيظ: ياراجل اهتم شويه بليلي هي مجاتش بقالها كتير
علام: عايزني اعمل ايه
خديجه: روح زورها لما بتصل مش بترد وانا مشغوله في المدرسه
علام: وجعتي دماغي بمسأله صغيره بتحبي تعملي ليله حوالين الموضوع ده وبعدين اروح اعملها ايه واسألها عن ايه كدا بلال هيفهم اني مش واثق فيه والمفروض تركزي مع مراه ابنك الي عملت مشاكل كتير ليحيي
خديجه: اقبل الواقع وياريت متدخلش في حياتهم الاتنين بدؤ يحبوا بعض
علام: متتكلميش ع مزاجك يحيي بيحب توتا مش رشا
خديجه: وعرفت ده ازاي اوعي تكون بتقابل توتا من ورايا
علام: امتي هقابلها
خديجه: الله اعلم بشوفك بتتكلم ع التلفون في السر بتتكلم مع مين
علام برتباك: هكون بتكلم مع مين بتكلم في الشغل وهي راحت دماغها في حته تانيه
……………………قصص منه محمد كاتب………….
ريشه راحت النادي ووقفت قدام حمام السباحه
امجد جه من وراها وميل عليها وقال: هاي
ريشه لفت مبتسمه: هاي ورحمه الله وبركاته
امجد: ده ليكي يا ست البنات الاموره
ريشه بضحكه جميله: لابتوب جديد
امجد: ايوه
ريشه: ليه تعبت نفسك يا امجد انا هدفعلك تمنه بصراحه مليش مزاج للكتابه
امجد: رشا عارف ومتأكد انك قادره تشتري افخم واغلي منه بس انا اشتريته هديه مني بلاش ترفضي وبعدين انا جبته عشان اجبرك ع الكتابه عايزك لما يكون مزاجك رايق للكتابه تلاقي جهاز تكتبي عليه ومش عايزك تتوتري لما تفكري في افعال جوزك
ريشه: مبقتش عارفه في الفتره الاخيره بقي عصبي لدرجه مبقتش فاهمه اسلوبه تخيل كسر اتفاقنا لما وعدني مش هيخرج مع توتا اثناء فتره شغله بس عمل قولي اعمل ايه
امجد: معرفش انتي صاحبه القرار ولازم تحسميه
ريشه: الي بقيت حرفيا مستغربه منه اكتر كانه بقي عارف يحدد مكاني وبقي عارف بقابل مين زي ما يكون بيتجسس عليا او مسلط حد يراقبني
امجد: مكنتش اعرف ان توتا شيطانه للدرجه
ريشه: لو مش شيطانه ازاي تقدر تكدب ع يحيي وتخدعه
امجد: يوم ما اتقابلنا ورتني صوره لينا سوي من زاويا بعيده
ريشه: واحنا لوحدنا
امجد: ايوه
ريشه: بس احنا معملناش حاجه
امجد: بالظبط بس هي لعبت فيها كويس
ريشه: دلوقت بس فهمت ليه بقي عصبي معايا الايام الي فاتت وكان عارف اني قابلت حاتم
امجد: اهدي واصبري قريب كل حاجه هتتكشف وخلينا نشوف لـ اي مدي هتوصل حقاره توتا
ريشه: تمام
…………………قصص منه محمد كاتب……………..
في كافيه
توتا بمكر: حبيبي لما كنا سوي في العجمي رشا قالت لك اي حاجه يعني اتعصبت او اتغيرت ولا نفضتلك
يحيي: هي فكرتني سهران في الشغل بس لما رجعت كانت مش مبسوطه حتي معملتش اكل وجايز عشان تعبانه
توتا: تعبانه ولا مبقتش متأمله منك اي حاجه وعندها الي هتاخد منه
يحيي بحده : قصدك ايه عندك اي دليل
توتا: دليل تاني ايه الي عايزه مشفتهاش ازاي قريبه من امجد وبعده مع حاتم ويمكن عملوا معاها علاقه
يحيي قام بغضب : ممكن تسكتي لو سمحتي وياريت توقفي كلام عنها انا مضطر امشي
توتا: هتمشي
يحيي: ايوه لازم ارجع شغلي
توتا اتغاظت وفتحت تلفونها وبعتتله صوره وامجد بيديها لابتوب وابتسمت اوي
……………………..
في الشركه دخل وجاتله رساله فتحها لقاه امجد واقف في النادي مع رشا
يحيي في سره: يظهر بابا كان معاه حق مش بتحترمني وبتخوني مع امجد وانا نايم ع وداني
حاتم: فين ورق المناقصه الاخير
يحيي عيونه ع شاشه الموبيل
حاتك: يحيي ركز معايا
يحيي قفل الموبيل وبصله : اسف يا حاتم يظهر نسيته في الشغل
حاتم: يحيي يعني كام مره هفضل اقولهالك خد بالك وركز في شغلك
يحيي: واظن انا قلت لك اسف نسيته
حاتم: تمام اتمني تحل مشاكلك في اقرب وقت ممكن انا مش عايز اشوفك كده انت اخدت اجازه يومين واهملت شغلك ومسؤلياتك ايوه عارف انك ابن خالتك واعز صاحب عندك بس الشغل عندي رقم واحد ومقدرش افضلك عليه وانا اسف مش هقبل بالغلط صحصح وفوق لشغلنا وافصل بين شغلك وحياتك الشخصيه هات ورق مشروع البرج هنتكلم فيه انا والعميل
يحيي: معلش يا حاتم لسه مرجعتهوش وحطيت الاوكيه عليه
حاتم: قولي ايه المشاكل الي بقت مأثره عليك توتا ولا ريشه
يحيي: اي مشكله مش لسه قايلي افصل بين الشغل وحياتي الشخصيه ولا انا سمعت غلط
حاتم: انت بتعرف ازاي تضايقني اسف يا يحيي فيه امور كتير في دماغي وكنت متوتر جدا لكن لو سالتني عن توتا وريشه هقولك الاتنين بينهم اختلاف كبير وشاسع وانت لازم تختار كويس كمل شغلك واطلع من الحاله دي ومتخليش شيطانك يوديك في حته وحشه
……………………قصص منه محمد كاتب……………
امجد: انا متغاظ جدا من تهاني
سالي: عملت ايه تاني
امجد: بتشتغل من تحت لتحت وبعتت صوره لرشا ان يحيي هيسيبها في اي وقت
سالي وسعت عيونها: معقول قالت كده كمان وهي ليه رشا مبلغتش يحيي عن افعالها
امجد: هي مش عايزه يحيي يكره توتا تفتكري ده له معني ولا فيه ناس زيها
سالي: فيه كتير منها وده يثبت انها بتعشقه مش بس بتحبه
امجد: فاهم بس انا مش عايزها تتوتر وتتعب عايز اشوفها دايما بتضحك ومش عارف اعمل ايه
سالي:انت عايزها تكون مبسوطه مع جوزها ولا معاك
امجد بحيره : مش عارف صدقيني
سالي: انت محتار في امرك يا امجد بس لو كنت عايزها تنفصل عن يحيي المفروض تعجبك تصرفات توتا بسببها رشا هتكرهه يحيي وفي النهايه هتطلب الطلاق
……………………………….
في كافيه
توتا بصتله: حليت مشاكلك مع رشا
يحيي بضيق: تقصدي ايه
توتا: يحيي رشا بتخونك وانت معملتش اي حاجه
يحيي: اعمل ايه انبها
توتا داست ع سنانها بغيظ: متخلنيش انفعل واتعصب انت عارف كويس تعمل ايه ولا عجبك الامر
يحيي: مالك انتي مشكلتك ايه تعرفي انا مبقتش احب اسلوبك انتي ليه شاغله بالك
توتا: ياحبيبي خايفه عليك لما اكون انا مراتك مستحيل اخونك من وري دهرك واجبلك رجاله لبيتك بالطريقه دي
يحيي: وهي تعمل الي تعمله انا الي يهمني انتي لو خونتيني فهمتي
…………………….
يوم جديد في معرض الكتاب
امجد: عملتي انجاز واخيرا
ريشه ابتسمت: خلاص فاضل النهايه بس متقلقش هكتبها بس عايزه نهايه تليق بيا
امجد: لما نشوف وانا هستني وعارف هتطلع اجمل نهايه اذا كان كتبتي الفصول الاولي بالجمال ده لما كنتي متوتره واظن قولتلك هيكون عندك الهام اجمل لما تكوني في اسوء حالتك بس متركزيش ع النهايه دلوقت اركنيها ع جنب وركزي اكتر ع التفاصيل
ريشه مبتسمه: ميرسي ع دعمك والحافز الي كنت بتدهولي بس دي اخر مره نشوف بعض فيها انا مش عايزه ازعل يحيي مني
امجد بقهر: ليه خايفه علي زعله رغم هو الي بيغلط كتير في حقك
ريشه : انا بس مش عايزه مشاكل ونتخانق لان لما بنتخانق انا بعاني من الصداع
امجد بحده: انا نفسي بجد افهم كل مره بتتخانقي فيها بتكتمي كل الي جواكي وتخبي عليه وده الي بيخليكي تعاني ليه مستسلمه كده و لا هو حلو لما يخرج مع توتا
ريشه : امجد طالما هو لسه جوزي لازم اسمع كلامه
امجد بغضب: رغم عارفه الي بيعمله غلط
ريشه مسكت دماغها: امجد من فضلك اسكت
امجد طلع كيس واتكلم بهدوء : خدي علاجك
ريشه بصتله بتعجب وهو قال: متتفاجئيش بخليه معايا احتياطي لما يهاجمك صداع ومعايا منديل مخصوص عشان لو انفك نزف
ريشه : هو جيب بني ادم ولا صيدليه جوزي مش بيقلق عليا زيك
امجد: عشان هو مش بيحبك ويخاف عليكي زي , واظن طلبت منك تتجوزيني بس انتي الي رفضتي
ريشه : حاسه بروحي بتطلع لما بسمعلك
امجد كشر جدا وقال : خديه وارتاحي وممكن تريحي في العربيه
ريشه فتحت الموبيل : عايز اشوف يحيي فينه
امجد: خدي الدواء الاول
…………………………..
توتا ماسكه دماغها ورايحه جايه
لينا صاحبتها: مالك لسه مش راضيه رغم يحيي بقي يشوفك في اي وقت
توتا: طالما الحربايه دي لسه في بيته مش هكون راضيه
لينا: يابنتي اصبري انا متأكده هتمشي من نفسها
توتا: بقالهم تسع شهور مع بعض المفروض استني سنه ولا اتنين
توتا بصراخ : عارفه الست دي عامله زي الي خطفت ابويا من امي وبعدين حرضته يسيبنا انا وامي , وامي عانت سنين وماتت ماكانت تغور تروح لراجل تاني متخدش مني ابويا
لينا طبطت عليها وهي بتضحك : اهدي حتي لو صرختي بالطريقه دي برضه مراه ابوكي مش هتقدر تسمعك
توتا: صنف رشا نفس صنف مراه ابويا كلهم زي بعض بس ع مين انا هدمر حياه رشا ولو مقدرتش هدمر يحيي
لينا: يامجنونه ناويه تعملي ايه
توتا مسكت الموبيل وكتبت رساله: يحيي امتي هتطلق مراتك الخاينه
لينا: هدفك ايه
توتا بحقد : عايزه اشوفه لحد امتي هيتحمل وجع القلب
…………………………
في كافيه الشركه
يحيي: فيه موضوع كنت عايز اكلمك فيه
حاتم بهتمام: قوله
يحيي : انا بجد مشوش ومحتار حاسس ان توتا اتغيرت هو المفروض اشك في رشا بس حصل العكس
حاتم : ولاحظت دلوقت
يحيي بتنهيدة عاليه: انا مش عارف يا حاتم واضح ان توتا اتحولت لشخص انا معرفوش مش دي تهاني الي كنت اعرفها ولا يمكن عشان متشوقه تتجوزني
حاتم بسخريه: متشوقه امال ليه مكنتش متشوقه قبل ما تتجوز, ليه بقت متشوقه بس بعد جوازك
يحيي بحيره: مش عارف يمكن حاسه بالتحدي
حاتم : هي حاسه بالتحدي ولا عايزه تنتـ قم
يحيي بصدمه: توتا انت بتقول ايه, ان توتا عايزه تنتـ قم مني
حاتم : ايوه
يحيي: لاء مستحيل تنـ تقم هي بتحبني ووافيه ليا جدا
حاتم : يحيي واضح انك مش فاهم اسلوب توتا مش حاسس انها مخبيه عنك حاجه
يحيي : بتخبي ايه
حاتم: ما علينا انت بتقول ان رشا عايشه حياه وليها علاقات كتير مخطرش ابدا ع بالك ان توتا زيها
يحيي: يعني عايز تفهمني ان توتا ليها علاقات
حاتم : ايوه
يحيي بنرفزه: بس انا معاها 8 سنين وهي لسه مخلصه ليا بس انت بتتهمها
حاتم ابتسم بضيق : انت كده لما اقول كلمه عليها تغضب وفي كل مره بحاول افتحلك عينك وانور بصيرتك تثور فيا بلاش تخلي اخلاصك يعمي عنيك وقلبك عن الحقيقه وهكون صريح اكتر معاك لو كنت هتقارن توتا برشا انا واثق في اخلاق رشا اكتر من اخلاق توتا
يحيي قام ركب عربيته وطلع ع شغلها ملقهاش طلع موبيله واتصل بيها: انتي فين ممكن اشوفك حالا امر مستعجل
توتا برتباك لان مراد قاعد جنبها قالت: اسفه يايحيي انا مشغوله جدا في الشغل عندنا اجتماع وهياخد وقت
يحيي : بتشتغلي لحد دلوقت بس انا قدام شغلك والامن قالولي مفيش حد من الموظفين جوه وانك اخدتي اجازه اليوم
توتا برتباك : اه نسيت اقولك معلش انا بره ولازم اقفل اشوفك بكره
يحيي بتصميم : لا قوليلي انتي فين دلوقت عايز اتكلم معاكي في موضوع مهم
توتا :مقدرش اشوفك الليله نتقابل بكره تمام يله سلام
يحيي بدء يشك فيها ليه مرتبكه وليه بتكدب عليه لازم يدور وراها
…………………….
يحيي رجع البيت والساعه عدت 12 بالليل ورشا لسه مرجعتش فضل فاتح باب الشقه وقلقان لحد ما لقاها جايه ومعاها امجد والاتنين بقي بينهم شحنه كهربائيه بالنظرات ولو حد وقف جنهم هيتكهرب
يحيي بشده : ليه مقولتليش انك خرجتي معاه
ريشه بهدوء: بعتلك رساله
امجد بيغيظه : اه كانت بتعتهالك قدامي متعملش مشاكل
يحيي بعصبيه: انت ليه دايما بتخرج مع مراتي
امجد : هو ممنوع تخرج الست مع اصاحبها لكن مسموح للراجل يخرج مع اي واحده في اي وقت حتي لو مراته عارفه بس تصدق انت بتخرج مع الي شبهك
يحيي ضربه في صدره: ابعد عننا بلاش تزعجنا
ريشه مسكت يحيي: كفايه ( لفت للامجد_ امجد ارجع البيت وشكرا انك وصلتني
امجد غمزها : وبجد قضيت معاكي يوم جميل
ريشه ابتسمتله: وانا كمان
امجد: سلام وخدي بالك من نفسك
ريشه: حاضر
يحيي شدها بعنف وقفل الباب : روحتي فين
ريشه: مقدرش يعني اخرج
يحيي زعق بصوت عالي : هو انا مش قولتلك متقلبهوش انتي ليه مش بتسمعي الكلام
ريشه بتحدي: طالما لسه بتخرج مع الي اسمها توتا مش هحس بأي ذنب وهخرج مع امجد
يحيي هبد التربيزه : مين علمك الوقاحه دي اسمعي لما انا مكنش مش موافق لايمكن تخرجي من غير اذني
ريشه: يحيي افهم انا خرجت مع امجد في شغل
يحيي: متكدبيش عليا
ربيشه: اكدب ليه وانت عارف بكتب روايا
يحيي: هاتي موبيلك
ريشه: ليه
يحيي اتك ع اسنانه: بقولك هاتيه عايز اشوف انتي علي علاقه مع امجد ولا خايفه هاتي موبيلك
ريشه: ماشي عايزه اتفضل خده
يحيي فتح الموبيل وشاف رسايل كتير من توتا لرشا وصور
يحيي بصلها: ليه مقولتليش ان توتا بتكلمك
ريشه: ليه بقي وكل كلامها متعلق بيك ومكنتش غلطانه هي بس بتعرفني انك بتحبها قبل ودلوقت وانا سبتك تخرج معاها في اي وقت ومحدش هيمنعك يله تقدر تخرج لو مش بتخاف ربنا هتخاف مني مثلا
يحيي: من امتي
ريشه: من ساعه ما بقيت مراتك
يحيي بسرعه طلع من البيت وقرر يواجهه توتا ويحط حد للافعالها المشينه
استوب ورايكم واكمل لما امجد يمسك في يحيي وتبقي ليله كبيره واحداث ولا اروع بعد رايكم ها اكمل ولا زهقتوه
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زوجتي الجريئه)
