رواية زوجتي الجريئه الفصل الرابع والثلاثون 34 بقلم منة محمد

رواية زوجتي الجريئه الجزء الرابع والثلاثون

رواية زوجتي الجريئه البارت الرابع والثلاثون

رواية زوجتي الجريئه الحلقة الرابعة والثلاثون

في شقه توتا الي اتصلت بعلام وعملت مؤامره جديده تسحب بيها يحيي
علام : اتصلتي جبتني ع ملا وشي ايه الموضوع المستعجل يابنتي
توتا: انا مكنتش عايزه اتعب حضرتك بس حقيقي مش عايزه ازعج يحيي اكتر وشايفه احنا مش مكتوبين لبعض
علام ضم حواجبه: حصلت حاجه جديده
توتا فركت ايدها في بعض ومثلت التوتر : ايوه ابويا وامي عايزين يخطبوني لواحد تاني
علام: اهدي اديله شويه وقت
توتا مثلت ملامح الحزن وقالت: انا حاسه اني خيبت املك لاني مقدرتش البي رغبتك واتجوز يحيي واجبلك حفيد بس يحيي مش مصدق اني بحبه ومصدق رشا اكتر مني وتتخيل طلعت فيا عيوب كتير وحشت بيها دماغه وده افتراء مش صح
علام بغضب: لسه بيصدق مراته الخاينه وهو شافها خارجه مع راجل تاني اسمعيني اهدي يحيي دلوقت مشوش ومتلخبط بس بيلف ويدور ويرجعلك
توتا بمكر وخبث: ايوه فاهمه ده انا أجرت يخت اسبوع لينا كلنا بس شكلي كده هلغيها
علام: ليه يا بنتي تلغيها بس اوعدك اقنع يحيي واضغط عليه
توتا بأبتسامه واسعه: ثانكيو يا اونكل ( فتحت الشنطه وطلعت مبلغ وراحت حكطته في ايده) اه اتفضل المبلغ ده اشتري كل الي نفسك فيه
علام اخدها بسعاده وقالها: انا بكلفك يابنتي
توتا بمكر: ولا يهمك
……………قصص منه محمد كاتب……………..
في غرفه رشا ماسك دفترها وقرء كلمه خلت دموعه تنزل من عيونه زي االامطار
ريشه كاتبه/انت واصلت التفكير في نفسك في توتا بس قلبي ومشاعري كمراتك حطتهم ع جنب ليه عايز الي بعيد عن ايدك هو انا مش كفايه بالنسبه لك
يحيي قفل الدفتر وبص لصوره نيلي بيبص وكلمها كأنها هترد عليه وقال: تعرفي يا نيلي من اول ما سابتني رشا بقيت الليلي طويله وهاديه مفيش الي بتبوس خدي وتهجم مره واحده ع شفايفي وتعتذرلي قبل النوم من ساعه ما سابتني بقيت بصلي لوحدي وعايش لوحدي كل يوم بتوحشني ومفيش اي حاجه ليها معني الحياه من غيرها صعبه نفسي ابقي عالم واخترع اله زمانيه وارجع بالزمن لوري واقولها اني حاسس ناحيتها اكتر من اعجاب انا قلبي بيموت في حبها مش بيهداء طول الوقت بيدق عشانها ومش قادر اشيلها من بالي وانا متاكد انها بتحبيني وبتفكر فيا بس هي عملت كده عشان توجع قلبي قوللها ترجع يا نيلي ومستحيل ازعلها تاني لان الدنيا من غيرها ولا حاجه وبجد غيابها فرق معايا بس انا عملت الي مش ممكن تسامحني انا غبي واناني انا مستهلش اكون معاها
دلال من بعيد: انا بقلق لما ببصله يا وجدي ازاي هنسأله عن اجراءت الطلاق
وجدي: انا كمان قلقان بس شايفه حالته رآي منسألهوش دلوقت نستنا لحد ما وضعه يتحسن ويمكن جوازهم يستمر والميه ترجع لمكانها
دلال: يارب انا بحب يحيي ورشا كمان بتحبه
وجدي: عارف
………………قصص منه محمد كاتب…………..
في المانيه ع شاطئ البحر
امجد بصلها بقهر وقال: خلاص مسافره
ريشه: انشاء الله
امجد: اسمعيني يا رشا انا مش عايزك تسافري وتسبيني لاني مش هقدر اعيش بعيد عنك لاني بجد خايف
ريشه: امجد ليه بتتصرف كده انا كويسه وبخير قدامك واوعدك مهما حصل مش هسيبك ابدا انا مبسوطه معاك
امجد اتنهد : اذا امكن مش عايزك توعديني انا عايز نتجوز لاني مش عايز اتأمل في حاجه متحصلش بحس بالخوف بجد زي ما اكون بغرق في البحر
ريشه: امجد انت عملت معايا كتير وكتير لحد ما خفيت تماما جزاك الله كل خير
امجد: وحقيقي عملت ده بدافع الحب الي بكنهولك من قلبي
ريشه: انا حاسه بالتوتر ارجع بلدي تاني بس خليك متأكد
امجد قاطعها بمشاكسه : حتي لو حطيتي ملايين الجنيهات قدامي مش هقبل ده لان فلوس الدنيا متقدرش تحارب ملايين من حبي ليكي
ريشه بابتسامه مصطنعه : غزلك فيا بقي جريئ وبقي بيخوفني
امجد بصلها بزعل: خسارتك بتخوفني اكتر رشا خايف ارجع اقعد هنا وافتقدك مترجعيش خليكي هنا
ريشه: انت عارف اني مش عايزه ارجع بس لازم ارجع عشان عندي مهمه لازم احسمها واخلصها ده لمستقبلنا سوي
امجد: هتعملي ايه لو قابلتيه وقدر يأثر عليكي ترجعيله تاني
ريشه: مش واثق فيا
امجد: انتي واثقه في نفسك
ريشه سكتت لان السؤال ملوش اجابه
امجد: انا سألت سؤال ومجاليش الاجابه بس انا واثق فيكي وكتير وخصا لما تشوفي الصوره دي
ريشه اخدت منه الموبيل لقت يحيي واقف مع توتا قدام بيتها دمعت عيونها وغمضتها نزلت دمعتها ومسحتها..
امجد: يحيي لسه مكمل مع توتا رشا انا مش عايز اضخم الامور ولا عايز احرضك واقومك عليه بس شوفتي ده بنفسك الراجل ده مش بيقدرك ومش قادر يتخطاه حبه القديم
ريشه: هسيبهم مبسوطين بعلاقتهم يا امجد قراري نهائي مفيش فيه رجوع
………………..قصص منه محمد كاتب……………..
في منزل عائله يحيي علام راح مع ليلي عشان يرجع فلوسه من بلال بس اتخانقوا وبلال مسكه ضربه والجيران اخدتهم ع القسم وبلال اتحبس ست شهور
علام ماسك كتفه: اه ضربني حته كتف جامد
خديجه: عشان تعرف بنتك كانت بتضرب منه ازاي طول السنين دي وانت كنت بتمجد فيه وكان عندك فرخه بكشك مش كدا
هاله: ومكنتش بتسمح لنا ندخل في حياه ليلي شوفت حالك دلوقت مستمر تدخل في حياه يحيي
علام بصلها بغيظ: وقفي تأنبيني زي ما يكون مستنه اللحظه دي
خديجه: ليه وضح ليه عشان قلنالك كذا مره وفهمناك اخلاق بلال بقت اسوء بس انت مسمعتش وغمضت عيونك عنه وعن عمايله البشعه وليلي قالت لي انك دخلت مشروع بفلوسك مع بلال راح فين الاستثمار
علام: طلع ع الفاضي الحرامي سرق كل فلوسي
هاله: وخسرت اد ايه يا بابا
علام بقهر: كتير
خديجه: تستاهل خسرت كام في شغلك الممنوع فهمني
علام: بس اخرسوا انا تعبان بس انتم بتزودوها عليا بدل ما تهونوا المصيبه شمتانين فيا
…………..قصص منه محمد كاتب……………..
الساعه اتنين بعد نص الليل لقاه نفسه من غير شعور واقف قدام بيتها اتمني ينام ع فرشتها ومن غير تردد خبط ع الباب
وجدي بصله بتعجب: يحيي ايه الي بتعمله هنا
يحيي مبقاش عارف يرد يقوله ايه ووجدي كمل وقاله: تعال اتفضل
يحيي: كان عندي شغل ولسه مخلصه اسف ع ازعاجكم
وجدي: مفيش ازعاج احنا كنا سهرانين
دلال: اكلت ولا احطلك تاكل
يحيي: لا مفيش داعي اكلت من شويه شكرا يا طنط
دلال: ادخل طيب
وجدي: يحيي انت كويس يابني
يحيي بأحراج: كويس طنط هو انا ممكن انام الليله في اوضه مراتي
دلال: اه طبعا ادخل
وجدي مسكه من دراعه: ادخل اصلا الوقت اتأخر
دلال: تعال خش يا يحيي
يحي وهو داخل البيت قال: تمام
وجدي: يله اطلع
يحيي طلع واخد نفس وحط ايده ع اوكره الباب لقاه الي بتفتحله بوش جامد وهو بصلها عينه ضمت كل حته فيها بشوق كبير
ريشه بجديه: انت بتعمل ايه هنا
يحيي سكت شويه لحد ما استوعب انها قدامه وبعدين ابتسم بسعاده وسألها: رشا رجعتي امتي؟ وكنتي فين طول المده دي
ريشه بغضب: انا الي سألت بتعمل ايه هنا
يحيي اتلبخ واتوتر وقال: جيت ازور امك وابوكي وبعدها اقعد شويه في اوضتك
ريشه بحده : امشي دي لا اوضتك ولا ده بيتك
يحيي: رشا انا جوزك
ريشه: انا معرفكش
يحيي: رشا حبيتي
ريشه: حبيبتك مين , مين انت عشان تقولي حبيتك
يحيي: لاء من فضلك متقوليش انك نستيني
ريشه: اربع شهور هربت منك اربع شهور لاني فعلا عايزه انساك عشان اعرف اعيش عشان اعرف اتنفس سيبت كل حاجه وهربت
يحيي: يعني ايه معناها انك قدرتي فعلا تنسيني فهميني
ريشه: وافتكرك ليه وانت قصرت في واجبك كزوج لان الزوج واجبه يحب مراته ويعتز بيها بس انت معملتش كده انت بتعتبرني عشيقتك
يحيي: تقصدي ايه
ريشه : كنت تعبانه وعشت معاك سنه كامله وكنت مخلصه وصابره وخبيت وجعي كله عشان اخليك مبسوط
يحيي بندم: تمام فهمت كل ده متأخر انا بجد اسف
ريشه: انا كنت بعمل المستحيل عشان تشوفني بقلبك وروحك ومشاعرك كنت طالبه منك تحترمني بس انت شوفتني جريئه ووقحه وسافله وبعدها استغلتني وبصتلي بشهوه مجرد لحظات باخدها من وقتك تبسط نفسك فيها عشان ترضي رجولتك وبس
يحيي: رشا انا بعتذرلك
ريشه دموعها اتعلقت برموشها لكن مستحيل تضعف قدامها: وانا مبقتش عايزه حبك ولا عشقك ولا كرهك مش عايزه منك اي حاجه انا عملت ايه غير اني حبيتك عملت ايه عشان استحق اهانتك بس استاهل لما افضل اجري وري واحد وهو مش عايزني
يحيي اتجمعت الدموع في عيونه وقال بهدوء : رشا اهدي واديني فرصه اصلح
ريشه: تصلح بعد ما بوظت كل حاجه انت هديت كل الي انا ببنيه انا عملت عشانك حاجات مكنتش بعملها بدا كل حاجه تخلينا اقرب اتنين لبعض استحملت ردودك المتاخره استحملت سؤالك عليا الي مبيحصلش اصلا غير لما انا بقولك عامل ايه استحملت انك متحسش بيا ولا تحس انا زعلانه ولا فرحانه استحملت تيجي عليا استحملت ان اننا مش فارقه معاك اصلا انت عملت كل حاجه تخليني اكرهك لما معملتش حساب لمشاعري لان العيشه معاك مذله وانا مش هتذل , العيشه معاك قله قيمه وانا مش قليله القيمه عشان كده متلزمنيش
يحيي: رشا انا بقدرك
ريشه بعصبيه : اطلع بره
يحيي:رشا اهدي
ريشه ضربته في صدره : انا مش مراتك اطلع بره
يحيي مسك دراعها وهو بيصرخ فيها: مش مراتي ازاي انا لسه جوزك
ريشه فلتت دراعها منه بغضب وقالت: اطلع
دلال: رشا اهدي
وجدي سحب يحيي بعيد عنها وقاله: بس كفايه
دلال: رشا ليه قولتيله كده
ريشه بعصبيه : وانتم اصلا ليه سمحتوله يدخل اوضتي
دلال طبطت ع كتفها وقالت : رشا اتكلمي بهدوء مش كده
ريشه صرخت اكتر: هو مبقاش جوزي وقوليله يمشي حالا سامع انا بكرهك يا يحيي امشي
يحيي بصلها بقهر: تمام همشي
ريشه عيطت ودلال اخدتها في حضنها وحاولت تهديها
………………قصص منه محمد كاتب……………………
رشا دخلت في حاله عزله من الجميع واكتئاب ومنعت الكلام وكل حاجه
امجد عيونها عليها من بعيد : ليه سمحت ليحيي يدخل هنا
وجدي بصلها بقهر ورجع بصله يرد عليه : الامور حصلت بسرعه كبيره مكنتش اعرف انه هيجي نص الليل
امجد: كان الصح تتطرده شايف حاله رشا دلوقت بجد مشفق عليها
وجدي: تمام بعترف اني اتصرفت غلط وقلت يمكن تهدأ لما تقابله بس حصل العكس وثارت عليه عمري ما شوفتها كده ده انا قلت اتخطته ونسيت ماضيها
امجد: وانا كنت مفكر زيك مكنتش متوقع انها تتصرف بالطريقه دي بس خلاص حصل الي حصل ونتمني ميحصلش ده مره تانيه يا اونكل عشان حالتها النفسيه متتأثرش
وجدي كشر بضيق: ان شاء الله بس ممكن تهدي انت
امجد: يا اونكل انا بس عايز اساعدها تنساه ومتفتكرش ازاي اذاها . وازاي اهانها لما بص لواحده تانيه وخلاها تكون مهمشه في حياته ومفرقش زعلها ده انسان اناني عاوز كل حاجه وهو لما لاقها بتحبه اتاكد انها مش هتقدر تسيبه ويعمل كل الي هو عاوزه خليه يحس بقيمتها وانه خسر جوهره هو مايستهلهاش
………….قصص منه محمد كاتب…………………..
في منزل يحيي
ليلي: اتفضل يا خويا الشاي
يحيي اخده منها بأبتسامه: تسلم ايدك يا ليلي الشاي طعمه حلو بالقرنفل
ليلي: البركه في مراتك هي الي علمتهولي
يحيي نزلت دمعه من عيونه لما سمع اسمها
ليلي: عارف رشا دايما كانت بتتصل بيا حتي وهي في المانيا كانت بتتصل مره في الاسبوع وكمان بتكلم ماما وهاله ومنه لدرجه بتزعج بابا
يحيي بضحكه: اكيد بيتعصب
ليلي: طبعا بس لو شتمها بتحافظ ع شكلها وبتكمل كلامها معانا وكانت اوقات كتير بتفاجئنا وتيجي قدام البيت تطمن علينا وجابت لمنه هدايا كتير, وفي مره جات لي وبلال بيضربني ودافعت عني واخدت نصيبها من الضرب
يحيي بنظره اعتذار: ليلي انا اسف لاني مأخدتش عمايل بلال ع محمل الجد ابدا كان لازم اسمع لرشا واصدق
ليلي ابتسمت له : مفيش مشكله حصل وانتهي انا لسه عايشه بس لو كنت موت هتكون انت اول واحد هيلوم نفسه لانك عاندت ومسمعتش لرشا بس عارف حقيقي مراتك بتعاملنا كلنا كأننا فرد من عيلتها اظن مفيش واحده بتعامل حد كده هي بجد جميله من جوه ومن بره وقد ما شكرتها هيبقي قليل
يحيي: تخيلي انها مقلتليش عن ده ابدا
ليلي: معني كده انها عملت ده عن حب مش مجرد منظر وبدليل مكنتش عايزك تعرف قولي لسه بتحبها
يحيي: انا مش بس بحبها انا بعشقها والي وجعني مش قادر اصلح الوضع
ليلي: يحيي كنت لازم تحافظ ع جوازكم وتبعد عن تهاني وتحط مسافات بينك وبينها عشان تدي شويه امل لمراتك وتطمن من ناحيتك بس انت معملتش ده ابدا انت سبتها في شدتها ومشيت حاول تحط نفسك مكانها ازاي هتتصرف
يحيي بقهر: عارف اني السبب ومعترف اني اهملتها وقصرت في حقها وبسبب افعالي عانت معايا ايام صعبه غلطت في حقها كنتير عشان كدا خسرتها والحياه من غيرها ولا تعني لي اي حاجه وبجد شعور صعب مش قادر بجد اتحمله
ليلي: شد حيلك يا يحيي كل حاجه بتحصل لسبب ع الاقل لما خسرتها عرفت قيمتها في حياتك وقد ايه بتحبها انا شخصيا حاسه انها مهمه في حياتنا كلنا حاول ترجعلها وتعاملها بما يرضي الله
يحي: ان شاء الله بس ترجع
ليلي: هترجع وهقولك نصيحه الست لما بتلاقي الحب وحد بي فضل يحبها تسيب الدنيا كلها ويبقي الراجل ده كل دنيتها
…………………….
حاتم طالع مع هاله من معرض اللوحات بيضحكوا بصوت عالي
رشا صرخت بأسمها بفرحه: هاله
هاله صرخت بسعاده : ريشه ( حضنت رشا بقوه) وحشتيني اوي
حاتم مد ايده وسلم : ازيك امجد مش كده
امجد سلم عليه بأحترام : ايوه وانا الحمد لله
هاله لريشه: عامله ايه
ريشه: الحمد لله
هاله: هو انتي كنتي مع امجد طول الفتره دي
ريشه بصت لـ امجد بأبتسامه وقالت: عشت معاه لحد ما اتحسنت ودلوقت انا معاه
هاله بحزن شديد: وبالنسبه ليحيي
ريشه غيرت الموضوع : لحد كده وكفايه يا هاله محتاجه مساحه اتنفس بهدوء واخد فرصه اعيش ع طريقتي لمره واحده عايزه اخد الحب والتقدير والاحترام مع الانسان الي هكمل معاه وقررت ابدء حياة جديده مع امجد
هاله بحزن شديد: افهم من كده ان ده قرارك الاخير
ريشه : من حقي اعيش سعيده
امجد: اعذرونا ياجماعه مش عايزين نشدد عليها
هاله تمام بس هو يحيي عارف انك رجعتي
ريشه ادعولنا بالتوفيق
حاتم سلم ع امجد وقاله : سعيد اني قابلتك
امجد سلم عليه: شكرا يله
ريشه: اه يله
………………….قصص منه محمد كاتب…………………
في الشركه قاعد ع جمره من نار لانها رفضت ترجعله
حاتم دخل وسأله: يحيي ليه مقلتش ان رشا رجعت
يحيي بصله ببرود: هو انا لازم اقولك هي مكنتش عايزه حد يعرف انها رجعت
حاتم قعد: عشان كده معملتش اي حاجه بوجود امجد معاها طول الوقت
يحيي: عايزني اعمل ايه
حاتم: بتسألني عايزك تعمل ايه. تعمل الي المفروض يعمله اي زوج لما يشوف حبيته مع راجل تاني
يحيي: حتي لو كان في امكاني اعمل دلوقت مقدرش وانت عارف ليه
حاتم: عارف الي انت فيه بجد بضحك يعني انت موافق ان رشا تبقي مع غيرك
يحيي اتملت عيونه بالدموع وقال : هي حره في حياتها
حاتم: عارف لما ببص لـ امجد لقيته مهتم بيها جدا بيعاملها كأميره الطريقه الي من المفروض انت تعاملها بيها انت تستاهلها اكتر لان انت جوزها وحبيبها ياريت تفهم
يحيي بقهر وحزن : رشا مبقتش ليا يا حاتم
حاتم قام من مكانه بنفعال : ما ترجع لعقلك هو انا لازم اعلمك ترجعها ازاي
يحيي شد ع إيده وقال بين اسنانه: قلت بما فيه الكفايه خلاص اسكت انا مش ناقص
حاتم بنرفزه : انت جوزها الشرعي
يحيي صرخ بصوت عالي: حاتم خلاص كفايه
حاتم : رشا لسه مراتك
يحيي خبط ع سطح المكتب: قلت كفايه قصتي مع رشا خلاص انتهت كانت حقي في السنه الي عاشتها معايا وده الي فضلي دلوقت وانت عارف كده
حاتم صقف له بتريقه وقال: انا حزين بجد عليك كان عندك زوجه جميله ورقيقه ولطيفه لكن عمرك ما قدرتها ابدا ولا حافظ عليها ودلوقت عندك فرصه بس مصر تضيعها انا ميشفرفيش يكون عندي اخد زيك وفكر في كلامي قبل ما يفوت الاوان والوقت يبقي متاخر
يحيي رماه كل حاجه من ع المكتب وفضل يصرخ بجنون