رواية زوجتي الجريئه الفصل الرابع عشر 14 بقلم منة محمد
رواية زوجتي الجريئه الجزء الرابع عشر
رواية زوجتي الجريئه البارت الرابع عشر
رواية زوجتي الجريئه الحلقة الرابعة عشر
في النادي ريشه طلعت علبه بلاستيك صغيره وفتحتها وبدء حاتم ياخد منها
حاتم بأنبهار: بجد اكلك لذيذ جدا يا ريشه
ريشه: انا بتقن جدا في عمايل الاكل
حاتم : شوفي من جماله معدتي قربت تنفجر
يحيي بضيق : ما طبيعي مانت اكلت منها كتير
ريشه مبتسمه: ما هي السمبوسه متتاكلش غير وهي سخنه
حاتم : وانا حبيتها ومبسوط انك موجوده معانا بعد كدا مش هتضر خالتي تقف تطبخ
ريشه: متشكرش فيا كتير لان مفيش اكل احلي من اكل ماما خديجه مكنتش متوقعه منك تقول عنها كده
حاتم ضحك: ولا انا كنت متوقع بس واضح كدا فيه امور هتكشفيها غير متوقعه
ريشه بهتمام: بجد زي ايه
حاتم : عايزه تعرفي مثلا في يوم فرحك يحيي هرب وكنت هتجوزك انا بداله
يحيي بصله وبدء يبان عليه انه اضايق واتعصب
حاتم : شكله زعل كل الاكل لذيذ
ريشه قربت منه العلبه : اه كل يا يحيي
………………..
يوم جديد واقفه في المطبخ وفجأه هاجمتها دوخه شديده وقفت ومسكت دماغها
يحيي دخل وقرب منها بقلق: ريشه مالك حاسه بدوخه
ريشه بصتله: شويه شكلي منمتش كويس ليله امبارح
يحيي بحنيه: خلاص اطلعي نامي وسيبك من الفطار وانا هتصرف
ريشه كشرت: مش عايز تفطر في البيت
يحيي: يا ستي عادي افطر في المكتب المهم انتي ترتاحي
ريشه: من امتي بتهتم بيا
يحيي ميل عليها وقال: من ساعه ما المشاعر دي بقت موجوده في قلبي لما اتاثرت بيكي
ريشه : هي بدايه اعجاب بس انا زعلانه جدا اصل متعوده ع كلمات الاعجاب دي لما كنت في الجامعه كل الطلاب كانوا بيجذبوني احسن منك
يحيي بغيره : كانوا بيقولولك ايه
ريشه هو انا هفتكر بس اقولك اسميهم كان عمرو وايهاب ومصطفي
يحيي : انتي بتكدبي عليا الرجاله الي ذكرتي اساميهم اسامي فنانين يا مطربين مش كده
ريشه : استني فيه حاجه ع وشك
يحيي: اكيد بواقي عصير
ريشه : لاء ده تأثير دايم
يحيي: افندم
ريشه تأثير حبي عليك طول الوقت ده
………….قصص منه محمد كاتب……………
في الشارع
علام : فيه ايه اتصلتي بيا اكتر من مره وقلتيلي موضوع مهم اتكلمي بسرعه
توتا: اونكل انا اسفه طبعا بس والله ما قصدي اي حاجه وحشه انا بس زعلانه اوي ع يحيي ومش عارفه اقول ايه حاسه احساس وحش
علام عاقد حواجبه: عن ايه
توتا : عن مراه يحيي لكن انا متاكده انك اكيد عارف بما انك جوزتهم وانك عارف اهلها
علام بنفاذ صبر: ما تتكلمي ع طول مالها رشا
توتا : اوكيه في الحقيقه رشا عندها هذيان حضرتك عارف يعني ايه هذيان
علام بتعجب: هذيان اظن اعرفه لكن ليه بتفكريني بيه
توتا : من اعراضه ان الانسان بيبقي في حاله اللّاَوعي بيتكلم بحاجات غير معقولة. زي حاله مراه ابنك
علام: يعني ده له علاقه بالصداع الي بتعاني منه لان ام يحيي لقت مره كيسه علاج كبيره في شنطه رشا
توتا: ايوه له علاقه بالصداع بس انا بالفعل شوفتها بتتكلم مع نفسها في كافيه زي الواحده المجنونه وبجد امر محرج
علام: هو يحيي عارف عن ده
توتا بخبث: انا قولتله بحالتها بس هو مصدقنيش ابدا وزعلانه اوي عشانه وزعلانه عشانك يا اونكل لان عندك مراه ابن مريضه نفسيه
……….قصص منه محمد كاتب……………..
ريشه دخلت الصيدليه واشترت ادويه لحالتها وطالعه توتا سابت ايد يحيي ومدت بخطواتها وضربتها في كتفها ووقع الكيس واتبدر كل الي كان فيه
توتا بخبث :سوري انا اسفه جدا مقصدتش اوقع الكيش منك بس ده دواء كتير هي دي ليكي هو انتي عيانه
ريشه قلبها وقع من الخوف كل همها تلم كل الي في الكيس ويحيي واقف مش فاهم اي حاجه
توتا بمكر: يحيي انتي متعرفش عن الادويه دي هو انتي عندك مرض مزمن للسبب ده خبيتي الامر عن جوزك
يحيي: ايه ده يا ريشه من امتي وانتي بتاخدي الادويه دي؟
ريشه وقفت وبتوتر: عادي كلها عباره عن مسكنات لللالم برشام للصداع ومكمل غذائي عشان تساعد ع تقويه الجسم بعد الرجيم هو انا ارتكبت غلط لما اشتريت كل ده
يحيي رايح واها: رشه
توتا مسكت دراعه : سيبها تمشي انت خارج معايا مش كده فوق كده انت مصدق الي قالته لازم تتأكد انها مش بتكدب عليك مين عارف يمكن انت متجوز واحده بتموت
يحيي: بتتكلمي عن ايه
توتا بغيظ: خلينا نمشي انا جعانه
……………………………..
يحيي رجع الييت لقاها بتصلي انتظرها لحد ما خلصت
يحيي: ريشه انا عايز اعتذر عن الي حصل بالنهار
ريشه بهدوء: مفيش حاجه حصلت توتا عندها حق قالت عن الي شافته بس انا الوحيدة الي عارفه الحقيقه
يحيي: ع الاقل قوليلي بس انتي بتخبي و اظن انتي عارفه مين هي توتا مش كده
ريشه: انا باخد العلاج لما بتروح شغلك يعني مجرد مسكنات للالم عند الضروره وللسبب ده مش بتشوفني يعني مش موضوع مهم مجرد مسأله صغيره
يحيي: هي بالنسبه لك مسأله صغيره بس مسأله كبيره لغيرنا مش عايز الناس تقول ان مراتي مريضه انتي عارف انا هضايق لكده
ريشه: الموضوع متروك تصدق توتا ولا تصدقني ممكن اسالك انت بتاكل كل يوم معاها
يحيي: انتي كدا بتدخلي في خصوصيتي
ريشه: لاء لانه مبقاش يهمني الي بتعمله معاها بره انا بس مش عايزها تيجي هنا مره تانيه لان ده بيتنا
يحيي: ريشه بخصوص الوضوع الي حصل قبل كده كنت عارف اني غلط انا اسف اوعدك ان توتا مش هتيجي للبيت ده مره تانيه
ريشه: تمام
يحيي: ايه رايك تروحي تزوري والدتك بقالك كتير مشفتهاش
ريشه: ياريت
يحيي لم السجاده وطبقها وقالها: هعمل حاجه تشربي معايا
ريشه: موافقه
………………………
في بيت عائله ريشه الي قاعده مبسوطه انها وسط عائلتها
دلال: عامله ايه طمنيني عليكي
ريشه: انا الحمد لله كويسه جدا بس وحشتوني
دلال:انتي كمان وحشتينا وفرحانه انك جيتي
وجدي: انا ع فكره هنا وفرحان انها جات كانت وحشاني
ريشه: بابي اظن سلمت عليك وقولتلك انك وحشتني جدا
وجدي ضحك: حصل
يحيي: عمي طنط اشترنالكم هديه اتمني تعجبكم( طلع علبه) اتفضل دي ليك يا عمي
وجدي: ياه بقالي يما محدش جبلي هديه وكمان برفان
ريشه: اتفضلي يا نبع الحنان
دلال بسعاده: الله ورد جميل اوي
وجدي: بجد حاجه لطيفه منكم خالص
دلال كشرت بطريقه مضحكه: برفان كان نفسي في واحده ليا
يحيي ابتسم: لاء جبنا لك متقلقيش
وجدي مثل الغيره: بس ده مش عدل دلال تاخد ورد وبرفان وانا بس برفان
ريشه كتمت ضحكتها وقالت لامها وهي بتاخد بوكيه الورد: فعلا مش عدل يا مامي
دلال حضنت البوكيه زي الطفله الصغيره وقالت: لا هاخد الاتنين لا يمكن تاخديها
يحيي قاعد يتابع الحوار ما ينهم قد ايه عايله جميله ولذيذه وهو محروم من كل ده
ريشه حركت ايدها قدام عينه: مالك يا يحيي سكت كده فجأه
دالال: صحيح يابني بلاش تستغرب دي طبيعتنا
ريشه: فعلا وهاخد الورد يا دلال
دلال: ابدا اخـ نقك يله تعالي نعمل عصير
يحيي بصله: عمي هو انا ممكن اسألك سؤال
وجدي: اتفضل
يحيي: قبل ما تتجوزني رشا كان فيه حد متعلقه بيه
وجدي: هي كان عندها لما كانت في الجامعه لكن عمري ما تخيلت ان الوضع هيبقي مرضي
يحيي: يعني هما بطلوا يتكلموا سوي
وجدي: لا لسه متواصلين مع بعض لكن بطريقه وحاله مختلفه
يحيي اتنهد بضيق: يعني عايز تقول ان رشا لسه بتتكلم مع حبيبها مش كده
وجدي: يحيي اتمني متفكرش في كلام فارغ بنتي صادقه جدا معاك ومستعده تخاطر بحياتها عشان تبقي صادقه معاك واسف مش هقدر احكيلك اي حاجه بلسانها فمن فضلك مش هقدر اقولك مين هو الشخص ده جايز في يوم تكتشفه بنفسك
يحيي خطر ع باله امجد وحس بضيق لما افتكر ضحكهم سوي وقاله: بس ع ما اظن انا عرف الشخص ده
وجدي: انت متأكد يحيي من فضلك متفكرش في اي حاجه سيئه لانك متعرفش الحقيقه انا كل الي بطلبه منك تدي شويه وقت لريشه ولنفسك تبني ثقه بينها عشان تحب شريكه حياتك وان شاء اله جوازكم هينجح ويستمر لـ اخر العمر
يحيي: ان شاء الله
………………قصص منه محمد كاتب…………….
في كافيه
علام: الي بتقوليه مظبوط
توتا: لو مش مصدقني ممكن تسأل يحيي كان شاهد
علام قفل ملامحه بضيق: يحيي مش بيتكلم لا قالي ولا قال لامه اي حاجه
توتا بمكر: ما هي دي المشكله ان يحيي مش مصدق انها مريضه
علام بحيره: لو كان يحيي نفسه مش مصدق انا برضه مقدرش اصدق ده اكتر
توتا: اونكل اسمعني حضرتك عارف ان الشخص الي عنده هلوسه مش بيبقي واعي للي بيعمله ومش بيسمع الا الهمس في ودانه عشان كدا حاول تتخيل لو يحيي نايم وحاولت تـ قتله فجأه ولا تخـ نقه ايه رايك مش الامر خطير
علام: انتي مأفوراها
توتا رفعت حاجبها بخبث: اونكل انا مش بألف قصص عايزك تاخد بالك الوقايه خير من العلاج
علام: عايزني اعمل ايه؟
توتا: انا عارفه انك بتحب يحيي جدا كلنا بنحبه وحضرتك المفروض تتكلم معاه وتطلب منه يبعد عن رشا حتي لو امكن ينام في اوضه تانيه بعيد عنها ده افضل يعني مجرد احتياطات هتعمل ايه لو خسرت ابنك الوحيد فجأه الي نفسك تشوف ولاده ويبقي عندك حفيد
علام: تمام هفكر في الامر
……………………..قصص منه محمد كاتب……………..
في غرفه النوم
يحيي: اوضتك حلوه اوي طبعا دلوعه ابوها رشا
ريشه وهي بتضحك: لاء انا كمان دلوعه مامي ودي احسن حاجه لما تبقي الابن الوحيد
يحيي: مين قال لو فيه اخوات متعه وانتي بتتخانقي معاهم
ريشه: عشان كدا دايما بتتخانق معايا
يحيي: بجد امتي
ريشه: انت بتتخانق معايا كل يوم وما بتصدق ع اي حاجه تحصل وتهب بغضبك عليا
يحيي: انا اسف يا قلبي بجد اسف
ريشه: يحيي من فضلك بلاش تتعصب لاني بجد بتوتر وبعاني من الصداع خلينا اصحاب كويسين اوكيه
يحيي: ريشه كنت عايز اقولك حاجه بصراحه كدا مش بحب اشوف موقفك اللطيف ناحيه الغير انتي رقيقه ولطيفه جدا مع تعاملك ع لناس لكن
ريشه قطعته: هو فيه لكن
يحيي: لكن انا مش بحب اشوفك لطيقه مع رجاله غيري ومعرفش الشعور ده جه منين
ريشه: هو انت غيور
يحيي توه الموضوع : مدام رشا ممكن ننام
ريشه: رشا
يحيي: ايوه رشا اجمل من ريشه وانا بفضل رشا
ريشه: رشا انا بحبه كمان بس بحب ريشه كتر لان جدي الي اطلق عليا اللقب ده وبجد لطيف ودلوع
يحيي بصدق: اي ان كان ريشه حبيبتي ممكن بقي ننام انا هيغمي عليا
رفعت راسها وبصت له مستغربه…لقته بصصلها ومبتسم
رشه: انت قلت ايه حبيبتي
يحيي: قلت ممكن تسبيني انا بقي
ريشه : يله ننام
يحيي إبتسم وقال بصوت دافي: تصبحي ع خير
ريشه قلدته بسعاده : حبيبتي ريشه ممكن نتام
يحيي: كنت بغيظك شويه انتي لسه شوفتي حاجه
بعد وقت يحيي راح في النوم وريشه قاعده فرحانه بكلمه حبيبتي منه قد ايه استنتها لسنين يقولهالها واخيرا حصلت لحد ما شافت تلفونه بينور بأسمها اخدته بغل من ع الكمدينو
ريشه: عايزه ايه ليه بتتصلي في نص الليل
توتا اتعصبت : اقدر اتصل بيه وقت ما احب ليه تدخلي
ريشه: مفيش نهار خلي عندك شويه احترام مش محترماني ع الاقل احترمي يحيي وارحميه من غتتك طول النهار بيلف معاكي سبيه يستريح من صاحبته الي نزلت عليه زي الجحيم
توتا امنيتها تسحبها من شعرها وتحوس بيها الارض : مسيري هحط فلفل وشطه في بؤك
ريشه: يحيي مش هيهرب لـ اي مكان عشان كده بلاش تحاصريه بالطريقه دي
توتا ضحكت: ايه استسلمتي هايل
ريشه بكل ثقه: طالما انا مؤمنه بقدراتي هحبب جوزي فيا
توتا نطقت الغيره ع لسانها : بس جوزك يحيي مش بيحبك ابدا
ريشه: ربنا وحده مقلب القلوب وانا بدعي يفتحلي قلبه ويحبني زي ما بحبه
توتا : هو انك فعلا بتحبيه ولا اتجوزتيه لانك كنتي فاقده الامل حد يبصلك لانك مريضه مش كده
ريشه حبت تغظها و مثلت انها بتقهق: يحيي لا متلمسنيش انا بغير
توتا صرخت لما ريشه قفلت التلفون وقال : يحيي انت وعدتني انك مش هتلمسها ازاي قدر يكدب عليا
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زوجتي الجريئه)
