رواية زوجتي الجريئه الفصل الخامس والعشرون 25 بقلم منة محمد
رواية زوجتي الجريئه الجزء الخامس والعشرون
رواية زوجتي الجريئه البارت الخامس والعشرون
رواية زوجتي الجريئه الحلقة الخامسة والعشرون
في شقه توتا واخدها في حضنه وهي بقميص النوم
مراد بيلعب في خصل شعرها: تعرفي كل يوم بيزيد جمالك وبسببك مبقتش عارف اعيش بعيد عنك ما تيجي تعيشي معايا في القاهره وقتها مش هنوحش بعض
توتا: قلت لك كذا مره مش عايزه اسيب شغلي
مراد: هديكي مرتبك واكتر ولا ياتري انتي بتحبي شغلك ولا راجل متجوز
توتا داست ع اسنانها بحقد وقالت: اياك تذكر اسمه انا بكرهه
اثناء كلامهم جرس الباب رن وتوتا اتعدلت بتعجب: شكل الاكل وصل بسرعه بس انا لسه طالباه
مراد قام من جنبها وهو بيقول: خليك هقوم اشوف مين
توتا قامت لبست روب فوق القميص وراحت تتابع لقت مراد بيبص من العين السحريه وبيقولها انه يحيي
توتا : مين
مراد : بقولك يحيي اعمل ايه
توتا بقت تفكر كتير وبسرعه خبت مراد وري الباب وراحت فتحت
يحيي: ممكن نتكلم شويه
توتا: اه طبعا ثواني وهلبس وانزل معاك
بالفعل يحيي اخدها وراحوا قعدوا في كافيه جنب الييت لانه مش بيدخل شقتها
يحيي: ليه كدبتي عليا وانتي في البيت مش في شغل
توتا بصتله: بصراحه مكنتش عايزك تتخانق معايا وصحيح انت جاي منين وليه مقولتليش انك جاي
يحيي: انا جاي من البيت وحبيت افاجئك
توتا ابتسمت ابتسامه واسعه وفتحت الموبيل وراحت عليه: ميرسي حبيبي ناخدلنا صوره للذكري( قامت وقربت اوي منه ولقطتها
يحيي: عايزه تبعتيها لمين
توتا:لصحبتي عايزها تتغاظ وتولع من الغيره
يحيي: اي صحابه ( حط موبيل رشا قدامها وقال) هي دي مش كده
توتا بصتله بصدمه لما لقت تلفون رشا في ايده واتجمدت زي التمثال
يحيي : ليه انا مش فاهم ليه بتعملي كده ايه هي نيتك
توتا بحقد : اه هي اشتكتلك وطبعا عطتك تلفونها عشان نتخانق سوي
يحيي: لاء هي مقلتش اي حاجه انا الي اخدت منها التلفون والي عايز بجد افهمه ليه بتعملي التصرفات السخيفه اتماديتي كتير تشتميها وتلعنيها ده انا حسيت منك بالخوف لما قريت كلامك ليها
توتا بحقد وغضب : لان انا بكرهها , بكرها لانها اخدتك مني
يحيي: بس مش بالطريقه دي انا مصدقتش لما قريت رسايلك ليها والي مش قادر اصدقه ان هي مردتش بكلمه قصاد كلامك
توتا بدموع: يعني بتلومني دلوقت وعايز تدافع عنها
يحيي: هتكلم بوضوح لانه واضح ان فيه حاجه غلط تاخدلنا صور في كل مره نخرج فيها مع بعض عشان تظهرلها اننا في علاقه حميمه رغم احنا مش كده ولا حصل بينا اي علاقه ليه
توتا: انا مش بضايق حد غير لما هو الي يضايقني فاهم
يحيي بتعنيف: في الحاله دي ليه فرجتيها كل الحاجات الي اشترتهالك ليه عايزه تأذيها نفسيا عشان ترجع تكرهني معقول انتي بالوحشه دي وانا مكنتش واخد بالي
توتا: كنت عاوزني اعمل ايه
يحيي: اسمعيني كويس فات عشر شهور وهي ساكته عمرها ما اشتكت لي ابدا هي كل همها تسهر ع راحتي مقصرتش ولا مره في طلباتي بتراعيني لدرجه مهتمه بيبتي ورفضت تجيب شغاله عمرها ما زعلتني لكن انتي ايه الي بتعملي
توتا بدموع وقهر: والله عال قاعد قدامي وبتدافع عنها وهي غلطتها اكبر مني اخدتك مني وحطت عليك شروط عشان تخضعها لها
يحيي : وانا وافقت وخضعت ليها عشنا وعمرها ما وقفت علاقتنا ابدا وانا عشان كدا بحترمها واحترمها كبر وكبرت في عيوني لما مشتكتش منك ليا ابدا فاهمه الي بعنيه
توتا: حالا تجاوبني انت بتحبها ولا بتحبني
يحيي: انا انسان بميز جدا بين الشخص الي بجد خايف عليا وبين الي قلبه كله حقد وبغض
توتا بدموع قهر: والله عال بقيت قاعد قدامي تدافع عنها بكل طاقتك ومش عامل حساب لمشاعري وشايف ان انا غلطت في حقها رغم هي اخدتك مني
يحيي نبره ناشفه: اسمعيني كويس لو ضايقتيها مره تانيه انتي عارفه كويس جدا انا ممكن اعمل فيكي ايه
توتا بدئت دموعها تنزل بسرعه : هتعمل ايه
يحيي بصلها بذدراء وقام بسرعه وغادر المكان
توتا: اتفضل امشي انت كده كل اتكلم كلمه عليها تاخد بعضك وتمشي
………………………قصص منه محمد كاتب……………..
في الشركه
امجد: حالا تقوليلي ممكن اعمل ايه؟
سالي: اعمل كل الي ميقدرش جوزها يعمله سيب رشا تدرك لو كانت بتحبك ولا بتحب جوزها
امجد: ده امر صعب ياعمتي صعب لان الي بيحب بيكون حبه اعمي تماما زي ما هي بتحبه وهو بيحب توتا كلهم فقدوا عقولهم عمتي دول ع اتم استعداد يأذوا غيرهم عشان يكسبوا حبهم
سالي: خلاص خليك علاج لقلب رشا
امجد: ولحد امتي اعمل ايه لو محستش بمشاعري
سالي: القلوب متقلبه يا امجد طالما واثق من نفسك
امجد: انا مبقتش عارف ولا فاهم ليه رشا متمسكه بيحيي رغم كل الاذي النفسي الي حطه فيها
سالي: ده سر وبصراحه بقي عندي فضول اعرفه اصل مفيش واحده تقبل الاهانه دي ع كرامتها وخصوصا انها بنت ناس وجميله جدا ومتعلمه تعليم عالي بس انت مره قلتلي ان يحيي كان معيد تكون شافته في الجامعه واعجبت بيه
امجد: لاء رشا فضلت سنه واحده بس هنا وبعدها سافرت انجلترا تكمل تعليمها اكيد متقبلوش كنت عرفت
سالي: يعني معقول في شهور عشقته رغم عنده حبيبه تانيه
امجد بقهره وصوت عالي : ده الشئ الي هيجنني مفيش ست تقبل كده ابدا ع نفسها وبثور وتغضب لكرامتها الا رشا انسانه غريبه
سالي: بس احنا لازم نعرف ايه هو سر تمسكها بيه للدرجه
…………………………
يحيي رجع البيت وطلع وقعد جنبها ع السرير وحط الموبيل في ايدها: انا حظرت رقم توتا من تلفونك
ريشه بصتله: عملت ايه بتلفوني وانت روحت فين كده
يحيي: حاجات كتير خبتيها عني ليه
ريشه: لان انا واحده مش بتحب تشتكي غير لله انا حتي عمري ما اشتكتلك وانا تعبانه ناهيك دي مسأله بسيطه
يحيي بتعجب: مساله بسيطه لكن هي كبيره بالنسبه لي وكبيره اوي لانها تتعلق بتوتا
ريشه بنرفزه: ودلوقت مطلوب مني اعمل ايه
يحيي: كان لازم اعرف كل ده
ريشه: لو قولتلك ياتري كنت هتصدقني
يحيي: طبعا اكيد هصدقك
ريشه: يحيي انت بتثق في حبيبتك توتا
يحيي: و انتي مراتي
ريشه: مراتك! من امتي وانت شايفني مراتك لما الموضوع اتعلق بيها عملتني ع اني موجوده ارجوك سبني لوحدي
يحيي اتنهد وسابها وراح طلب عشا وحطه ع السفره ورن عليها تنزل ضروري
ريشه: في ايه
يحيي بصلها بأبتسامه كبيره وقال: تعالي اقعدي طلبتنا اكل عارفه انك اكيد مأكلتيش وبكره اخدت اجازه وهعمل كل حاجه انتي متعمليش اي حاجه ايه رايك نخرج سوي انتي بس قولي تحبي تروحي فين نعمل مثلا شوبنج ندخل سينما اي حاجه المهم نكون سوي
ريشه بحزن: انا محتاجه اطلع انام
يحيي: اوكيه هتصل احجز غرفه في فندق ناخد يومين او حتي اسبوع
ريشه: لاء هفضل هنا في البيت
يحيي حط ايده ع دراعها: رشا ارجوكي متزعليش مني حقك عليا
ريشه بصتله وسابته وراحت قعدت ع الكنبه وفتحت الموبيل وبتحاول تبتسم ع اي حاجه
يحيي راح قعد جنبها: ممكن اعرف بتعملي ايه
ريشه: ولا حاجه
يحيي: عايز اقولك ع حاجه مهمه انا لما بدخل اعمل عصير ع طول مش بحط سكر عارفه ليه لان لما ببصلك بتبقي انتي السكر
ريشه بتريقه: اصل انا معجونه بميه السكر
يحيي ضحك: انتي احلي من السكر ولما اتجوزتك كنتي رقيقه ولطيفه معايا جدا بس كنتي
ريشه: كنت ايه
يحيي: بخاف من جرائتك وسفالتك معايا
ريشه: يعني لو كنا اتقابلنا قبل ما تتجوزني مكنتش فكرت لوهله تعجب بيا
يحيي: اعجب بيكي شوفي هكلمك بصراحه انتي اي راجل يشوفك لازم يحبك عارفه انتي عامله زي الكريز الي ع وش التورته وكنت هروح اخطبك ع طول من ابوكي
ريشه: هتخطبني وتقوله ايه
يحيي: عادي هتصل بيه واقوله مش انت ابو الحلوه اوي ريشه
ريشه: هيقولك ايوه انا ابوها عايز ايه منها وقتها هتقوله ايه
يحيي: هقوله الحقيقه انا كنت عايز احدد ميعاد معاك عشان اجي اخطبها
ريشه: هيقولك وانت تعرفها منين وشوفتها قبل كده فين
يحيي: هقوله الحقيقه ان عمري ما قابلتها في نادي ولا عمري شوفتها في اي كافيه
ريشه ضحكت اوي: انت كدا سلمتني تسليم اهالي
يحيي اخد من العصير وحطله علي وشها : ياتري انتي بقي هتوافقي عليا تاني
ريشه: طبعا هوافق
يحيي: ده انتي واقعه بقي
ريشه: طب انت عارف ليه وافقت اتجوزك
يحيي غمزها: اكيد لاني عريس وسيم وقمر وحلو اوي يعني
ريشه حركت دماغها برفض: لاء
يحيي ابتسم: عشان واد موز وعسليه
ريشه : برضو لاء
يحيي ابتسم بلطف : عشان فقير ومحلتيش الا مرتبي
ريشه ابتسمت ابتسامه حلوه : لا
يحيي ضم حواجبه بحيره : امال
ريشه : لانك مغرور بنفسك
يحيي دغدها: اه بتلعبي معايا
ريشه فضلت تضحك وتحاول تهرب منه بس هو مسكها لحد ما تلفونه رن بأسم توتا
يحيي اخده ورد بصرامه: توتا انا مشغول مع مراتي دلوقت
يحيي دغدها تاني هو بيضحك: ها قلتي مغرور هو انا بجد مغرور
الموبيل رن تاني وده ضايق رشا وتعب نفسيتها
يحيي كشر جدا : انا هرد ع المكالمه دي لانها هتفضل تتصل بيا كذا مره بعد اذنك
يحيي رد وعرف انها واقفه بره البيت خرجلها: بتعملي ايه هنا
توتا بدموع الخبث: يحيي انا اسفه مكنتش اقصد
يحيي خد نفس بصوت عالي وحاول يتحكم بأعصابه : امشي هو انتي مش مكسوفه اذيتي رشا بما فيه الكفايه
توتا مسكت ايده بتوسل : سبني اشوفها وهعتذرلها وهمشي ع طول اوعدك
يحيي سحب ايده منها وبلغه كلها تحذير : ابعدي وبلاش تزعجينا فهمتي
توتا: بس انت حبيبي
يحيي: انتي الي عملتي في نفسك كده
توتا مسكت ايده: لاء يايحيي اوعدك اتغير واكون احسن من دلوقت انا بتكلم بجد
يحيي: بجد بتقولي كلام سخيف
توتا برجاء وبكاء: يحيي بلاش تعاملني كده
يحيي: امشي حالا من هنا
توتا ضربت الارض برجليها وقالت بحقد وغيظ: الله يلـ عنك يا رشا وينتقـ م منك ماشي لو مخلتكيش تندمي ع الي عملتيه فيا مبقاش انا تهاني
ريشه متابعهم من وري الشباك وهاجمها الصداع ومسكت دماغها واتألمت اوي
يحيي قرب منها: رشا مالك
ريشه بأأم : عندي صداع
يحيي مسد جبينها : نوعه ايه نصفي انتي سخنه يله نروح المستشفي ارجوكي
ريشه: لاء هاخد الدواء
يحيي: يعني هيجيب نتيجه متأكده
ريشه: ايوه متأكده
يحيي سندها بحنان وقال : تمام يله بينا قادره تمشي ولا اشيلك
…………قصص منه محمد كاتب…………..
يحيي قرر يزور اهل رشا ويحكلهم ان الوضع بيزيد للاسوء
دلال: نفسي افهم ليه لما بنطلب منها تروح المستشفي تبقي مرعوبه ايه الي خايفه منه
يحيي: انا بجد بقيت حرفيا محتار و الفتره الاخيره عندها سخونيه والوضع كل مادا بيزيد للاسوء والانفلونزا زادت عليها واوقات ايديها بتتخدر والصداع الي عندها بيهاجمها بشكل اسوء
وجدي بحده: ده لانها متوتره وانا نبهتك كذا مره متعملش حاجه تضايقها ولا تزعلها
يحيي اتكلم بنبرة هادية : عمي انا اسف بس حالتها غريبه واول ما بتحط دماغها بتنام بسرعه ومش عارف اعمل ايه معاها
دلال: هو انت مش بتديها الدواء بنتظام
يحيي: بديها علاجها والفتامينات بس هي ع طول عندها صداع نصفي وبيزيد وجسمها بيرتعش عشان كده مش عارف اسيبها واجي
دلال: متقلقش كانت حالتها اسوء عن كده بس دلوقت اتحسنت شويه وهيروح التعب
يحيي: عارف بس هي خست كتير وبتزيد نحافه
وجدي: انا شايف كل ده ودلوقت اقوم ارجع البيت وخليك جنبها متسبهاش لوحدها وقولها هنزورها بكره
يحيي: تمام
امجد دخل: مساء الخير
وجدي بترحاب: مساء النور تعال ادخل يا امجد بتتعامل وكأنك واحد غريب مش مننا
امجد بستفزاز ليحيي: انا مكنتش اعرف ان عندكم ضيف
يحيي وشه اتغير بضيق والود وده يقوم يكـ سرله صف سنانه
وجدي: مش ضيف ده جوز رشا
امجد بسخريه لاذعه: هو ده اصل نادر لما بشوفه
وجدي: يحيي ده امجد
امجد وهو بيقعد : الكل بخير
دلال: الحمد لله يابني
امجد: انا جبت شوكولاته الي بتحبها رشا لما بيكون مزاجها متقلب او تعبانه هتفرح لما تشوفها عشان كده جبتهالها كذا علبه
وجدي ابتسم نص ابتسامه: انت فاهمها جدا تصدق انا كنت لسه هجبلها
امجد: يا اونكل احنا لازم نعمل اي حاجه تفرحها ونعمله بسرعه اما لو اتأخرنا هيحصل
مشكله
يحيي عيونه علي امجد بحقد : انا لازم اقوم ارجع البيت مراتي تعبانه وسايبها نايمه ولما بتقوم مش بتلاقيني جنبها بوحشها مش بطيق فراقي لحظه حتي بتنام جوه حضني
امجد: ده كلام لطيف بس ميصحش تقوله قدام ابوها وامها عشان كدا( مدله ايده ) مع السلامه وخد بالك من نفسك
يحيي رفض يسلم عليه وقام سلم ع دلال ووجدي
امجد : اه خد الشكولاته ليها
يحيي بصله بقرفه : سوري انا هشترلها
امجد: بس انا جبتهالها
يحيي: خلهالك
امجد بضحكه : بجد طفل جدا بس مش مهم هبعتهالها بعدين
………………
في الشركه
تهاني للسكرتيره بغرور: عايزه اقابل يحيي شويه وعارفه انه جوه عربيته واقفه تحت
السكرتيره: سوري استاذ يحيي عنده اجتماعات كتير وقالي بلاش اي حد يزعجه
تهاني: مش مصدقه كلامك مفكراني مش عارفه انك بتحبي يحيي وعينك هتطلع عليه عشان كده رافضه اشوفه
السكرتيره قامت بنفعال: احترمي نفسك
تهاني: انا محترمه غصب عنك وعايزه اشوفه ودلوقت حالا
السكرتيره بتمنعها تدخل : وانا قلت لك انه مش في مكتبه
توتا صرخت في وشها وبتزقها : قولي الي تقوليه هدخل يعني هدخل
السكرتره مسكتها: قلت مش هتدخلي
توتا زقتها بكل قوتها: ابعدي اياك تلمسيني
حاتم صرخ: تهاني
تهاني وقفت مكانها: عايز ايه
حاتم: دي شركتي متعمليش فضيحه واخرجي حالا قبل ما اتصل بالامن يخرجوكي
توتا: حاتم ادخل اقنع يحيي يطلع يقابلني دقيقه عايزه بس اعتذرله
حاتم عقد ايده ع صدره : اقنعه ايه المشكله الجديده الي عملتهاله المره دي
توتا: معقول مش عارف ايه هي المشكله بس انا هقولك المشكله انت فيها لانك بتحب رشا مراته عشان كده مش شايف الخير الي بعمله ليا وليك طول الوقت
حاتم بنظرات احتقار: تعرفي انك واحده وضيعه
توتا : وانت حقير جدا وانا ماشيه بس هتشوف انا هعمل فيكم ايه _بصتله بنظرات مغلوله ومشت _
حاتم ضرب كف بكف وقال : البت دي اتجننت رسمي
استوب وتعالوا مواجهه شرشه بين امجد ويحيي وغيرته المجنونه عليها
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زوجتي الجريئه)
