رواية زوجتي الجريئه الفصل الحادي والعشرون 21 بقلم منة محمد
رواية زوجتي الجريئه الجزء الحادي والعشرون
رواية زوجتي الجريئه البارت الحادي والعشرون
رواية زوجتي الجريئه الحلقة الحادية والعشرون
اقتباس وكشف حقيقه رشا ليحيي
امجد راح يقابل توتا وهي في نفس الوقت اتصلت بيحيي عشان تبعده عن رشا
امجد قرب عليها: ليه طلبتيني انتي ليه مصممه تضيعي وقتي
توتا بصتله وربعت ايدها بتهكم وقالت: عايزه اقولك بلاش تدخل في مشاكلنا احنا التلاثه
امجد: ده كل الموضوع ولا انتي خايفه ليحيي يعرف حقيقتك ويسيبك
توتا: لاء انا عارفه انه بيحبني كتير وانا حبيبته الوحيدة
امجد بستهزاء: وانا اتمني من كل قلبي يكون فعلا حبيبك الوحيد وبلاش تتظاهري انك بريئه انا عارفك كويس وانتي عارفه نفسك احسن مني
توتا رفعت في وشه السبابه بتهديد: بحذرك تبعد عني
امجد: مستحيل وانا شايفك بتضايقي رشا
توتا بصتله بغيظ : وانا هفضل ع وضعي لحد ما تبعد تماما عن يحيي
امجد: وصدقيني انا بتمني تبعد عنه وتسيبه النهارده قبل بكره
توتا: واذا معندكش مانع لو جبت يحيي لحد هنا وتتكلم قدامه انك بتحب مراته
امجد مط شفايفه : يله هاتيه ولا مفكراني خايف منه غير كدا معنديش الي اقلهوله لاني بحس بلاسف عليه زغم عنده زوجه جميله جدا ومهذبه ولطيفه واذكي منك الا انه لسه عايزك لكن في نفس الوقت مش عايز يتخلي عن مراته وكئنها من ممتلكاته
توتا: انا واثقه ان يحيي بيحبني انا , انا فضلت معاه 8 سنين مش نفس رشا الي متجوزه بس لسه بتخرج مع راجل تاني
امجد: مفيش مشكله بمجرد ما تنتهي عدتها هتقدم اخطبها
يحيي وصل وبصله: انت قلت ايه ( ضربه في كتفه بقسوه دفعه علي وري) سمعني قلت ايه
امجد ابتسملها وقال: عارفه نوع السلوك ده ايه لو كان حس بغيره معني كده انه مهتم وبيحب رشا
يحيي صر علي اسنانه بغيظ : مالك انت
امجد بيشاورله ع توتا : انت مش بتحب البنت دي
توتا بنفعال: وانا مش مهتمه بكلامك يحيي بيحبني مش كده يا يحيي
يحيي هنا تفتكروه هيرد عليها بأيه بعد ما رشا كشفت نفسها قدامه وانها بتعشقه من سنين طويله ومين هي نيلي الي بتكلمها بستمرار
وقفنا لحد ما يحيي قرب من اوضتها وسمعها بتتكلم مع حد وبتعيط
يحيي فتح عليها الباب: بتتكلمي مع مين؟ تلفونك كان تحت
ريشه بصتله وبسرعه مسحت دموعها وهو قرب ومسك منها المنديل بعنف
ريشه صرخت فيه بجنون: متلمسهوش ده لنيلي واظن ده يخصها
ريشه زقته ونزلت تجري منه ع تحت وتبكي وهو نزل وقعد جنبها وقال: انا اسف مكنش اقصد ابدا ازعلك مني انا بس عايز اعرف مين هي نيلي
ريشه زاد عياطها وهو قالها برجاء: رشا لو سمحتي طمنيني عليكي لو فيه حاجه بلاش تسبيني كده
ريشه بصتله ببكاء يدمي كل القلوب
يحيي شكه زاد انها بتحب امجد وقررت تسيبه وقال بقهر: تمام فهمت بجد فهمت وانا موافق ومعنديش مانع
ريشه بصتله: جه الوقت عشان تعرف مين نيلي . نيلي كانت اعز صاحبه عندي كنت بعتبرها اكتر من اختي ولما رجعنا من انجلترا اشتغلت انا وهي في شركه بابي وفي يوم واحنا في الشغل جات لي تعبانه جدا عندها مغص من الدوره الشهريه وطلبت مني اروح معاها العياده بس انا قلتلها اني مشغوله وعندي ميتنج بعد دقايق ومهم لان دي اول مره بابي يسمح لي بأدراه مشروع كبير وهي اترجتني بس انا قلت لها تروح مع نفسها او تروح البيت عندنا وماما هتبقي معاها وتجاهلت وجعها وكانت اول مره ارفضلها طلب وكانت اخر مره لانها عملت حادثه وماتت وفقدت صاحبتي الوحيده الي كانت اختي وسابتني للابد وحاسه بالذنب اني السبب
يحيي بحنان وعطف : حبيبتي ليه حاسه بالذنب الموت بأيد ربنا وده عمرها وخلص
ريشه بصوت مبحوح من الالم : بس ازاي اعتذرلها هي ماتت بسببي
يحيي: يعني هو ده سبب كلامك مع صورها وتفتحلها فيديوهات قديمه
ريشه: ساعات بحس انها لسه معايا او عايزه اصدق انها موجوده مش ماتت انا مقضتش وقت كبير معاها وبحس بغيابها اني بموت كل يوم
يحيي مسك كف ايدها برفق: بس لازم تقبلي حقيقه وفاتها ولازم تكوني قويه عشان تقدري تكملي حياتك لايمكن تعيشي مع خيالك ده مش كويس انا مش عايز حد يفهمك غلط
ريشه بصتله: مفكر انهم هيتهموني اني مريضه بعقلي ولا مجنونه بس انا متعوده ع كده محدش فاهم الي بحسه عشان كدا طبيعي يقوله عني مجنونه
يحيي مسح دموعها : مين قال كده انتي اعقل ست انا شوفتها ونيلي لايمكن تكون عايزه تشوفك حزينه كده اكيد عايزكي تعيشي سعيده ومرحه معايا حبيبتي طالما انا لسه عايش ع وش الدنيا هراعيكي وهحاول افهمك واخرجك من الي انتي فيه واهم حاجه عندي مش عايز اشوفك زعلانه تاني
ريشه حطت دماغها ع صدره وهو ضمها اوي لحضنه
………………قصص منه محمد كاتب……………….
تاني يوم واقفه في المطبخ بتحضر وجبه الفطور
يحيي دخل وقعد: عامله ايه دلوقت
ريشه بصتله: الحمد لله احسن
يحيي بهدوء: رشا طلبتي مني امبارح اكون اقرب صاحب ليكي وقولتي فيه شروط ايه هي
رشا لفت وبصتله مبتسمه: شروط بسيطه منها ممكن اروح مكتبك في اي وقت ولو فيه مناسبه هروح معاك يعني اوبشن كل واحد يروح لوحده انساه
يحيي: اوكيه انا موافق بس عندي شرط
ريشه:ماشي ايه هو
يحيي: ممكن ترمي منديل امجد
ريشه: ياروحي ده مش لامجد ده يخص نيلي
يحيي بغيظ: ولما هو لنيلي ليه طول الوقت قاعده تشميه زي المدمنه
ريشه بضحكه : اه يعني دي الحكايه اسمع ياروح الروح نيلي كان عندها مشاعر ناحية امجد بس هو مكنش يعرف واعتبرها اخته عشان كده في كل مره كان بيديني منديل بديه لنيلي وهي حافظت عليهم جوه علبه لدرجه رشت عليهم برفنها بس
يحيي برتياح : اه يعني ريحه نيلي مش امجد
ريشه: مظبوط ولا عايزني اشمك انت وبس
يحيي قرص انفها بأيده : بعشق وقاحتك دي
ريشه: متكسفنيش بقي يا حوحو
يحيي: طيب روحي حضري الفطار رغم مش بحب اتعبك معايا
ريشه باست خده: ياخبر تعبك راحه يانور عيوني تحب تفطر ايه
يحيي: اي حاجه ع ذوقك
……………………..
في بيت عائله يحيي قاعد ع اخره مش طايق نفسه
خديجه راحت عليه: مالك كده
علام بصلها: مفيش
خديجه: بقولك مالك شكلك قلقان
علام: طبعا هو انتي تعرفي حاجه عايشه في ميه البطيخ ولا مهتمه بمشاكل ولادك كل همك الشغل وبس
خديجه: عشان اساعد في مصاريف البيت ولا انت شايفني بروح العب تنس قولي ايه مشكله يحيي
علام: انتي مفكرها متعلقه بيحيي
خديجه: هو انا اتجوزتك امبارح لو المشكله متعلقه باليلي ولا هاله كنت هتقلق كده
علام: البنات مشكلتهم بسيطه بمجرد ما تتجوز تنتهي مسؤليتها
خديجه : سهل عليك تقول كده عشان لو مشكله مع ليلي بتتجاهل
علام بعصبيه ونرفزه: هو انتي ع طول تتكلمي عن ليلي احنا دلوقت بنتكلم عن يحيي مراته مجنونه وانتي عارفه ده
خديجه: وهو بلال الي اسم الله عاقل
علام: هو عمل مشكله تانيه معها
خديجه: اتصلت بيها مش بترد قلقت وروحتها لحد بيتها لاني عارفه دايما عايشه في مشاكل بس المره دي مختلفه ليلي كانت خايفه جدا ومنه كمان حسيت ان فيه حاجه كبيره
علام ببرود: ده الي عايزه تقوليله من ليله امبارح انتي ليه تاعبة نفسك انا متاكد ان بلال مش غلطان بنتك افعالها تغيظ وانا لو مكانه هتعصب وقوللها وفهميها مش كل مره تسيب بيتها وتيجي تعسكر عندنا هنا
خديجه: ياراجل دي بتننا لو ملجاتش لينا هتلجا لمين ولا تروح للناس الغريبه واهي بنتها بتقعد معانا ونقدر نشوفها
علام : انا عايز حفيد من ابني
خديجه نفخت بزهق : خليك عيد وزيد عن حفيد يا اخي احمد ربنا عندك حفيده والله بزعل عليها وانت بتعاملها ولا كانها حفيدتك
علام : مش قادر اقبل ده وخصوصا لما شخص يكدب عليا
خديجه بعدم فهم: هو مين الي بيكدب عليك
علام : انتي ولا مهتمه ابدا بالي بيحصل حواليكي بس في يوم الحقيقه هتبان وكل واحد هياخد عقابه
………………………
امجد بعد ما خلص الورشه مع رشا راح يقابل توتا وهي في نفس الوقت اتصلت بيحيي عشان تبعده عن رشا
امجد قرب عليها: ليه طلبتيني انتي ليه مصممه تضيعي وقتي
توتا بصتله وربعت ايدها بتهكم وقالت: عايزه اقولك بلاش تدخل في مشاكلنا احنا التلاثه
امجد: ده كل الموضوع ولا انتي خايفه ليحيي يعرف حقيقتك ويسيبك
توتا: لاء انا عارفه انه بيحبني كتير وانا حبيبته الوحيدة
امجد بستهزاء: وانا اتمني من كل قلبي يكون فعلا حبيبك الوحيد وبلاش تتظاهري انك بريئه انا عارفك كويس وانتي عارفه نفسك احسن مني
توتا رفعت في وشه السبابه بتهديد: بحذرك تبعد عني
امجد: مستحيل وانا شايفك بتضايقي رشا
توتا بصتله بغيظ : وانا هفضل ع وضعي لحد ما تبعد تماما عن يحيي
امجد: وصدقيني انا بتمني تبعد عنه وتسيبه النهارده قبل بكره
توتا: طبعا معندكش مانع لو جبت يحيي لحد هنا وتتكلم قدامه انك بتحب مراته
امجد مط شفايفه : يله هاتيه ولا مفكراني خايف منه غير كدا معنديش الي اقلهوله لاني بحس بلاسف عليه زغم عنده زوجه جميله جدا ومهذبه ولطيفه واذكي منك الا انه لسه عايزك لكن في نفس الوقت مش عايز يتخلي عن مراته وكئنها من ممتلكاته
توتا: انا واثقه ان يحيي بيحبني انا , انا فضلت معاه 8 سنين مش نفس رشا الي متجوزه بس لسه بتخرج مع راجل تاني
امجد: مفيش مشكله بمجرد ما تنتهي عدتها هتقدم اخطبها
يحيي وصل وبصله: انت قلت ايه ( ضربه في كتفه بقسوه دفعه علي وري) سمعني قلت ايه
امجد ابتسملها وقال: عارفه نوع السلوك ده ايه لو كان حس بغيره معني كده انه مهتم وبيحب رشا
يحيي صر علي اسنانه بغيظ : مالك انت
امجد بيشاورله ع توتا : انت مش بتحب البنت دي
توتا بنفعال: وانا مش مهتمه بكلامك يحيي بيحبني مش كده يا يحيي
امجد بستهزاء: انا شايف انك غبيه افهمي هو مهتم برشا دلوقت مش انتي
يحيي كور كف ايده وهيضربه : انت ايه مشكلتك اتكلم عن مراتي تاني
توتا بتشده: تعالي هنا يايحيي
يحيي بيمد وراه يضربه : ابقي انطق اسمها تاني ع لسانك
توتا بصراخ: انت مالك
يحيي شوحلها بغضب:مالي ده ايه
……………………….قصص منه محمد كاتب…………….
توتا ماسكه دماغها بغيظ: اه انا هفرقع من امجد واقف مع رشا من قلبه
لينا: عملتي لنفسك مشكله ليه جبتي يحيي
توتا: هي دي المشكله ومن حسن حظي ان يحيي كان هناك والا كنت خنـ قت امجد
لينا: انتي اصلا ليه اتصلتي وجبتي يحيي
توتا: مكنتش اعرف ان يحيي هيضعف قدام امجد خططت يتخانقوا سوي ويطلقها بس فشلت
لينا: يعني جبتي يحيي عشان يكره رشا فشلتي
توتا: شكلها كده رغم شافها وهي بتكلم نفسها ولسه بيسامحها وبعدين شافها قاعده مع امجد كذا مره وعادي تجاهل الامر مبقتش فاهمه بجد مزعجين
لينا: وناويه ع ايه بعد كده
توتا ابتسمت بمكر ورفعت حاجب بحقد : عندي خطه تانيه ومتأكده هتنجح المره دي
………………
في المطعم قاعدين في جو جميل ورومانسي
ريشه بأبتسامه جميله: غريبه عازمني ع الغداء ومش مع توتا
يحيي كشر: مبقتش عايز اخرج معاها عشان كده جبتك انتي اه قبل ما انسي ماما اتصلت بيا وقالتلي ان بابا تعبان جدا من يومين
ريشه: بجد
يحيي: ايوه
رشا: خلاص نروح نزوره ونطمن عليه
توتا دخلت مع لينا وقالت: انا مبسوطه بيكم جدا
يحيي بصلها بضيق: بتعملي ايه هنا
توتا: مش غريبه انك تلغي معادنا وقررت تخرج مع الست دي
يحيي: اظن الست دي مراتي
توتا: كده كلوا وقفت ليه خلوني اشوف فيلم رومانسي بعنوان روميو وجوليت
يحيي بصلها بتحذير: توتا من فضلك ماتبدئيش
توتا : لينا هي دي الست الي كلمتك عنها خطفت مني حبيبي هي جميله
لينا: مش وحشه بس خطافه رجاله
ريشه بنظرة قوية وقالت له ببرود : عارفه يا طينه قصدي يا لينا اي ان كان انا خطفته عايزه تعرفي ليه لان يحيي وسيم وعظيم ومثالي في كل شئ
يحيي قام : يله كفايه خلينا نرجع البيت استنيني بره ع ما اروح ادفع الحساب
ريشه : عارفه يا طينه صاحبتك واحده معندهاش كرامه لانها بتقابل واحد متجوز كجوزها
توتا بصتلها من فوق لتحت : سوري حبيبي هو الي طلب مني اعمله كزوجه
ريشه قلدتها: سوري ياريت تشوفيلك واحده صاحبه تانيه محترمه وقوللها تروح تشوف واحد يلمها
توتا رفعت ايدها : اه يا وقحه
يحيي زقها عنها بغضب: نزلي ايدك عنها يله يا رشا نمشي
توتا هبدت ع الارض برجليها بغيظ وقالت لصاحبتها: ليه مضربتهاش كنتي الطشيها قلم الوقحه
………………قصص منه محمد كاتب…………….
ع الموبيل
وجدي: من صوتك شكلك مبسوطه خير
ريشه: فعلا بكتب روايا جديده للاطفال وبدئت انزل ورشه للكتابه يعني اخيرا اخدت فرصه وللسبب ده حاسه بالشغف لاني هبقي كاتبه ناجحه ادعيلي كتير يا بابي
وجدي بسعاده من قلبه: ان شاء الله ويارب تلاقي نجاح يكسر الدنيا قوليلي عندك ناشر
ريشه: ايوه طبعا امجد
وجدي ضم حواجبه بتعجب : امجد من امتي عنده دار للنشر
ريشه: امجد عايز يساعدني ومستعد يفتح لي دار للنشر مع شريكه
وجدي: هو لطيف جدا ومستعد يساعدك ويدعمك وربنا بيحبك لان عندك بيست فريند عزيز ونادر
ريشه: وللسبب ده اترددت ارفض لما طلب مني اكتب للاطفال
وجدي: تهانينا ولو حصل اي حاجه معاكي كلميني وخدي بالك من نفسك
ريشه: طبعا انا ليا مين غيرك يا جوجو يله سلام يا حبيبي
دلال قربت بالقهوه: دي ريشه
وجدي: ايوه هي
دلال: عامله ايه كويسه
وجدي: الحمد لله شكلها فرحانه
دلال: الحمد لله اكيد يحيي عمل بنصيحتك
وجدي اتنهد: اتمني وفيه حاجه كمان بدئت تكتب قصص للاطفال مع امجد
دلال بندهاش: مع امجد! قد ايه هو انسان جميل مستعد يعمل اي حاجه عشانها
وجدي: ده عنده استعداد يضحي بحياته عشان يديهالها
دلال: ربنا يعوض عليه ويلاقي شريكه لحياته بنت حلال زيه في يوم
وجدي: امين
……………………قصص منه محمد كاتب………………
يوم جديد بأحداث جديده دخل يحيي ومعاه رشا شافوه علام راقد ممدد ع الكنبه
يحيي بهمس: شكله فعلا تعبان
ريشه قربت منه: سلامتك ياعمي
علام بصلها ومردش عليها وهي كملت: اكلت واخدت العلاج
يحيي هرش في ودنه بأحراج وقال: يمكن ملوش نفس ولا تحب تاكل حاجه معينه تحب مراتي تعملك شوربه عدس بتعملها حلوه جدا
علام بتهكم : عدس امك كل يوم تقريبا بتعمله ادخل شوف الحله المحطوطه في المطبخ مليانه وبقيت باكل منها طول النهار
يحيي: وهي هتعمل ايه موسم امتحانات ولا يمكن تاخد اجازه وتقف تطبخلك لو فيه عدس قضي بيه بس فين هاله
علام: خرجت من بدري قالت عندها دروس وسابتني لوحدي في البيت عندي عيال بس ولا كأن عندي ملهمش فايده
ريشه بهدوء: عمي تحب اعملك شوربه خضار
يحيي: اعملي هياكلها بعدين
ريشه : تمام
علام خلاها مشت وقام اتعدل: ها عملت ايه اتأكدت من جنانها
يحيي: لاء هي تمام وزي الفل مفيش حاجه
علام: ازاي مفيش حاجه ولا اي ذره يمكن مجنونه شويه
يحيي: يابابا مراتي مش مجنونه هي سليمه مفيش حاجه
ريشه طلعت بكوبايه: عمي عملتلك عسل بالليمون اشربه هيضيع البرد وانا هروح المطبخ
يحيي: خد يا بابا اشربه وهتبقي زي الفل ع ما اكلم هاله اشوفها فين؟
شويه وطلعت ريشه بالطبق: عمي قوم عملتلك شوربه لسان عصفور وحطيت عليها ليمون وبعدها اعملك كوبايه اعشاب من فضلك كلها كلها
علام بصلها بضيق واكل ورماه المعلقه: ايه ده حادق مش عايزه ترفعي ضغطي
يحيي جري عليهم: ايه الي حصل
علام بصوت عالي جدا : اتفضل دوق الاكل حاطه كيس ملح
يحيي اتنهد مسك المعلقه وشرب الشوربه كلها
علام بغيظ: من امتي بتاكل الاكل حادق
يحيي: هي حادقه شويه استني هزودها شويه ميه
علام: مفيش داعي خد الاكل ارميه في الزباله انا ناقص اتعب اكتر
يحيي: بس يابابا
علام: قلت خلاص يايحيي وروح سخن لي من اكل امك وهاكله ولا هموت من الجوع جات وعملت مشاكل المفروض مكنتش جبتها مزعجه
ريشه قامت بسرعه واخدت الصنيه من ايد يحيي وجريت ع المطبخ وقاعده بصدمه في نفس الوقت جالها مسدج فتحته لقت صوت يحيي بيقول انا بحب توتا وبس مسكت دماغها من الصداع وفضلت تعيط
……………قصص منه محمد كاتب………………
قاعده وفاتحه الموبيل وهو جه وقعد وفتح اللاب توب ومستغرب انها مبقتش تتكلم وهو اشتاق لخناقها لبراءتها لدلعها لعفويتها لجمالها الطفولي لملمسها الناعم
يحيي بصلها: انتي ليه بقالك يومين مكشره لسه زعلانه من اسلوب بابا
ريشه: انا بفكر في ليلي ومنه
يحيي: ياريت بلاش تفكري في مشاكل الغير رشا احنا عندنا مشاكلنا وشايفها بتكبر
ريشه: وايه المشكله توتا انت الي بتدور ع المتاعب
يحيي بصلها بنظره : انابتكلم عنك انت وامجد
ريشه: امجد ايه علاقته ده بينا
يحيي قفل الجهاز بضيق : مش فاهم اصلا ليه بتقابليه دايما ايه المشروع الي بتنقشوه سوي مشروع كتاب ولا مشروع حب
ريشه: انا بضرب عصفورين بحجر واحد ايه العيب في كده تقدر تنضم معانا لو عايز
يحيي بصوت غيظ : اه معني كدا مصممه تكوني مع امجد
ريشه ردت بنفس اسلوبه تغيظه : بالظبط زيك انت وتوتا كل يوم بتقابلها وتتغدوه سوي وفي نهايه كل اسبوع بتعزمها وكل ليله بتتصل بيها وتكتب لها رسايل نصيه انت متجوز بس لسه بتفكر فيها
يحيي اتنرفز من اسلوبها: اه يعني نفس الشئ مش قادره تتخطي حبك لـ امجد
ريشه انقهر ت من كلامه واتهامه الي من غير داعي قامت من قدامه وقالت بخنقه: انا بجد تعبانه كفايه عليا الي بعيشه كل يوم وجوزي ع علاقه وبيتصل ويكلم عشقته
يحيي مسكها وضغط ع دراعها: رشا احنا دلوقت بنتكلم عنك وعن امجد ممكن لو سمحتي متشركيش توتا
ريشه: لا عفوا فكر في الامر لو عطيت كل حاجه لتوتا هيتفضلي انا ايه قولي هيتفضل ايه
يحيي: معني كدا لو مش نيلي كنتي اتجوزتيه
ريشه بصتله وسكتت
يحيي صرخ فيها: ردي عليا وقوليلي انك ملكيش علاقه معاه
ريشه: اسمع يا يحيي انا اسفه لو كنت مضايق من علاقتنا الجيده سوي بس حبي مش له ابدا ومش هقابله حاضر بس الله اعلم في المستقبل
يحيي: معني كلامك بتمني ترتبطي يه
ريشه: هو انا كام مره هقولك بقابله لانه اعز صاحب ليا وبنكتب كتاب
يحيي: ونفس الشئ ينطبق عليكي توتا دي حبيبتي
ريشه نغزته في صدره : فوق انا ست متجوزه ومخلصه جدا لجوزي
يحيي: وانا كمان نفس الشئ بالنسبه لي طالما انك لسه معايا هكون مخلص ليكي بس انا بحب توتا ياريت تفهميني عشان انا اقدر افهمك بس انتي مش بتحاولي تفهميني
ريشه صرخت بكل قوتها: تمام لو عايز تروح تتجوزها اتفضل بس الاول طلقني
يحيي لف حواليين نفسه ورجعلها : اوكيه انا بعترف اني بحبك بس في نفس الوقت بحبها هي كمان
ريشه بصتله شويه وفجأه حست بزغلله قويه وكأن روحها بتتسحب منها خلاص حرفيا مش قادره و مره واحده داخت ووقعت ع الارض وانفها نزف دم ويحيي اتخض
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زوجتي الجريئه)
