رواية زوجتي الجريئه الفصل الحادي والثلاثون 31 بقلم منة محمد
رواية زوجتي الجريئه الجزء الحادي والثلاثون
رواية زوجتي الجريئه البارت الحادي والثلاثون
رواية زوجتي الجريئه الحلقة الحادية والثلاثون
امجد حط الشنط في شنطه العربيه استعداد للرحيل ودلال طلعت وهي ضامه ريشه في حضنها
وجدي بصلها وعيونه كلها دموع : رشا مش عايزه تشوفي يحيي الاول
امجد قال: هي بعتتله رساله واخدت اذنه عشان تروح تعمل تحاليل
سالي بهدوء: متقلقش هاخد بالي من ريشه كويس جدا امجد مش بس ابن اخويا ده ابني بالفعل وريشه صديقته الغاليه وهتبقي بنتي الغاليه هي كمان
ريشه تلفونها رن برقم يحيي بصت لدلال ورجعت كنسلت الخط
وجدي: دلال لما تقرري ترجعي البيت اتصلي بيا هروح اجيبك
دلال: ان شاء الله
وجدي: وانت يا امجد سوق ع اقل من مهلك
امجد: اكيد سلام يا اونكل اشوفك ع خير
وجدي ودعهم ودموعه جريت زي السيل ع خدوده وفضل يدعي بالشفاء العاجل لبنته لحد ما الباب خبط قام بصعوبه وفتح
يحيي برجاء: عمي مراتي فين لو سمحت محتاج اشوفها
وجدي: اسف مقدرش اقولك
يحيي: تمام لو مش عايزني اعرف ع الاقل عرفني هي مع مين وعايشه مع مين ومين هيهتم بيها
وجدي: بنتي في امان دلوقت وجايز ده الاحسن ليكم الاتنين
يحيي: هي متقدرش تخرج البيت خطوه من غير اذني اه رديت ع رسالتها لكن
وجدي قطعه: لكن كزوج بطلب منك انك تدعلها ولو مقدر ليكم تاني تعيشوا سوي هترجعلك مهما عملنا
يحيي : اوعدك اغير من نفسي وهاخد بالي منها كويس جدا
وجدي: وهتسيب تهاني اظن بنتي عطتك فرص كتير بس قولي كسبت ايه في الاخرغير الخذلان
يحيي رغرغت عيونه بلمعه دموع: بعترف انه غلطي لكن من فضلك متعاقبنيش انك تفصل بيني وبينها
وجدي: وانا مكنش عندي النيه ابدا افصلكم عن بعض وياريت تكون واعي للحقيقه دي غلطتك انت الي كررته اكتر من مره فتلومناش لانها مش غلط حد فينا
يحيي: عارف والله العظيم عارف بس دلوقت بطلب مراتي تكون معايا
وجدي: لما كانت عيانه كنت فين قولي وبعد اذنك انا بصفتي ابوها بطلب منك اذن ليها تسيبها تسافر تتعالج
…………….قصص منه محمد كاتب……………..
في منزل عائله يحيي ليلي رجعت حرفيا مضروبه بشده ومجوهراتها كلها اتسرقت
خديجه بعصبيه: ليلي مش راجعه معاك بعد ما سرقت دهبها وضربتها بقسوه معقول اسيبك تاخدها واجني عليها
علام: ممكن تهدي وتبقي ميه مش نار
خديجه زعقت : بنتي طالبه الطلاق يله طلقها وارحمها لوجهه الله
بلال بعناد: وانا مش مطلق ولو صممت هاخد حضانه البنت منها
خديجه زعقت فيه: بأي حق ليك عين تتكلم بأي حق هو معقول اب زيك يهتم بولاده انا هخلي بنتي تعمل فيك محضر عايز ده يحصل
علام بشخط: ممكن يا ست انتي تهدي ونتكلم براحه
بلال: حماتي مبقاش عندي صبر ولا طوله بال بنتك بترد عليا الكلمه بعشره ومش بتسمع الكلام وبتجبرني امدي ايدي عليها انت عارف يا عمي النسوان دول مختلين مش بيعرفوا التميز بين الصح والغلط
خديجه: بلال افتكر كلامي انا عمري ما ضربت عيالي مره اما ليلي عاشت معاك خمس سنين وضربتها كل انواع الضرب قولي يا علام لو عاشت معاه اكتر هيرجعلهالي جثه في الكفن
علام قام من مكانه بنفعال: مابس بقي كفايه ليه بتبالغي في كلامك بلال تعال نتكلم في الشارع بعيد عن البومه دي
خديجه بغل وغيظ : اهو انت يا علام
علام ضربها بنظره وعيد وقال: ماشي خارج وسيبهالك
…………………………..قصص منه محمد كاتب…………………
علام مبتسم: يحيي امتي هتتجوز تهاني يابني البنت استنت كتير
يحيي عيونه مرغرغه دموع: تهاني تهاني تهاني انت مش مقدر وضعي والي انا بمر بيه
علام زعق: بسبب رشا انت في ضيقه مش عارف تخرج منها واطمن هي بتعمل كل ده لانها رافضه ترتبط بتهاني عشان كدا اقهرها واتجوزها بسرعه واديها درس هي سابتك ومشيت ومفكرتش تتصل بيك لو مره واحده دي متنفعش تبقي دقيقه ع ذمتك
ليلي: بابا ياريت متحرضتش اخويا ممكن تتعلم من الي عملته فيا متكررش نفس الغلط بصيلي شايفني مبسوطه وانا اتعرضت للتعذيب والضرب
علام شخط فيها: هو الراجل الي يأدب مراته نسميه بيعذبها جوزك بيربيكي عشان تسمعي كلامه
خديجه بصتله بغيظ : ياراجل انت ليه بتدافع عن جوزها المعتوه دفعلك كام عشان تدافع عنه كده
علام قلب وشه بتهكم وقال : انتم النسوان كده لما ميعجبكمش تحكموا علينا فورا كلكم
مجانين
ليلي : استغفر الله بابا متقولش علينا كده
يحيي قام زعق فيهم: ممكن تسكتوا عايزين تتخانقوا وبس يله اتخانقوا ومتساعدونيش القي مراتي راحت فين
………………………………
قدام بيت ع البحر قاعد تتأمل الامواج
امجد جه وقعد جنبها وهو مبتسم: رشروش بعد العميله هيكون فيه جلسات بالاشعاع عندك خمستاشر جلسه
ريشه كشرت بصدمه : ايه خمستاشر جلسه وري بعض
امجد: بالظبط زي ايام الشغل هتكون خمس مرات في الاسبوع وبعدين استراحه يومين بمعدل عشر مرات في الاسبوعين وبعدها استراحه بسيطه ونكرر الباقي خمسه مرات بس وتخلص
ريشه: وانت واثق بعدها هكون كويسه والورم مش زي السرطان لا هينتشر ولا هيكبر في مكان تاني
امجد: خليكي ايجابيه ممكن ولا انتي مش عايزه الورم فعلا يختفي
ريشه بيأس: هتصدقني لو قلت لك مبقاش يهمني لو عشت ولا مت بعد ما ضاع حلمي
امجد بقهر : ريشه ليه كل مره اكلمك فيها عن حاجه تري عليا بنفس الاجابه افهمي فيه ناس كتير بيحبوكي ابوكي امك وحتي انا
ريشه: بجد
امجد: انا بحبك وربنا بيحبك متفكريش في الناس الي مش مهتمين بيكي فكري في الناس الي انتي بتحبيهم عايزه تزعليهم عايزني ازعل وابوكي امك ولا انتي مش بتحبينا عشان كدا خفي بسرعه وتخلصي علاج الاشعاع والاهم من ده كله
ريشه: اكل كويس
امجد: شاطره
……………قصص منه محمد كاتب………………….
في بيت يحيي الي مش بيخرج منه وكل يوم بيروح يسأل عن اي اخبار عن ريشه والرد ادعلها
حاتم: وبعدين يا يحيي انت هتفضل كده لامتي
يحيي عيونه دمعت : لحد ما ترجع مراتي رغم مش عارف هي هترجع امتي ودلوقت بس فهمت المعني الحقيقي للولاء واجبي اكون مخلص ليها هي وبس رغم مكنتش بحبها انا بكرهها بس مش عارف في غيابها ليه حاسس بالتعب
حاتم: ليه؟ انت عارف ليه حسيت دلوقت بخسارتها
يحيي: انا موجوع قلبي وجعني اوي انا بكرها بس بحبها كل حاجه في الدنيا ملهاش طعم من غيرها يمكن لاني اتعودت ع وجودها
حاتم: يا اخي الرجاله مننا عليهم حاجات لما الحاجه تبقي في ايدينا منحسش بقيمتها ولما تروح نتلهف عليها زي حالتك دلوقت
يحيي:انا حاسس اني بمر بنوع حزن جديد اول مره امر بيه ورغم كل محاولاتي المستميته اخرج منه يوميا الا اني مش قادر اتجاوزه
حاتم: وليه متقولش ان ربنا حطك في الفتره دي عشان تعرف وتتعلم
يحيي : تقصد ايه
حاتم : اسمع يا يحيي الست الي بتحب الراجل من قلبها بتفضل تعدي متعملش مشكله من اول حدث ديما تستني وتقول لا عدي وبعد الموقف يحصل الي بعده وتقول لا عدي فالطرف التاني الي هو سيادتك تتخيل ان ده الطبيعي فبدئت تستمر ع اعتبار ان ده عادي ومراتك عماله تشحن وانت عمال تستهلك من رصيدك عندها لحد ما جبت اخرها وهي كسرت العلاقه وساعتها اللاء بتعاتها بقت لاء هدامه عليا وعليك بمعني انا مش عايزه اكمل
يحيي : بس هي كانت ع طول بتقولي ان الي بيحب مش بيمل مش بيزهق ولا يمكن يمشي ويسيب الي بيحبه ابدا
حاتم: للاسف انت فهمت حبها غلط بتحبك يعني مستعده تتعب عشانك مش تتعب بسببك
يحيي: يارتني اقدر ارجع الماضي واطلح اخطائي الي عملتها
………………….قصص منه محمد كاتب…………………
قاعد وبقتكر الكلام الي مابينهم
#فلاش
ريشه وهي مقربه عليه مبتسمه: اتفضل عصيرك مطرح ما يسري يمري
يحيي : والله انا بخاف منك ومن عصيرك
ريشه : يعني هموتك مثلا انا كده بحب اخترع عصير واجرب فيك
يحيي ضم حواجبه: تجربي فيا ع اساس اني فار تجارب
ريشه : طب دوق والله هتلاقيه لذيذ
يحيي قرص انفها: بس مش هيبقي الذ من الي عملته
ريشه : عارف الفرق بينك وبين العصير ده ايه
يحيي بضحكه : هو كمان بقي فيه فرق بيني وبينه
ريشه بابتسامه حلوه اوي : طبعا
يحي : ايه هو
ريشه ابتسمت: العصير مفيد للقلب وانت مفيد لقلبي
يحيي ابتسم معاها وقالها: بجد انا مفيد لقلبك
ريشه بشقاوه: طبعا
يحيي ضحك بتريقه: انتي فظيعه وانا هعملك عصير مخصوص عشانك
ريشه: ايه هو
يحيي بغمزه : هقولك بعدين
يحيي لنفسه : ارجعي يارشا انا من غيرك في اسوء حالاتي النفسيه ومش عارف ارجع زي الاول
………………قصص منه محمد كاتب………………….
توتا ماشيه جنبه تلفونها رن ردت: الو مشوار تمام هفكر …..انا عندي شغل مهم شويه هدخل اجتماع ……هيبدء كمان دقايق …… اخلصه وارجع اتصل سلام
مراد بصلها: ليه مش عايزه تروحيله مش كنتي بتجري وراه بقالك سنين
توتا: عايزه يتأدب ويعرف ان خسارتي كبيره كان بيلاحق رشا زي الواحد المجنون وقالي انه هيطلقها بس لسه مخليها ع ذمته
مراد: اسمعي انا اشتريت فندق في القاهره وقلتي هتمسكي الاداره
توتا: هجرب اول شهرين واشوف هل هقدر لو نجحت هكمل ولو العكس هرجع هنا تاني وانت
مراد: لا طبعا انا اشتريت بكل الفلوس الي معايا الفندق لازم اكمل في شغل المنتجع رغم كده هتبقي بعيد عني وطبعا معندكيش مانع
توتا: مش قولتلك بلاش من الاول
مراد: بس انا لازم اشتغل صبح وليل ولا ازاي هقدر اكفي مصاريفك العاليه
توتا: خلاص اسبقني عالشقه انت الاول وانا هعدي ع المحل ده اشتري حاجات نسائيه
مراد: تمام بس متتأخريش
ابوها قابلها: تهاني
تهاني بندفاع وشر: انت ليه ماشي ورايا
ابوها برجاء: يابنتي يا حبيبتي انا والله ما عايز اضايقك انا بس عايز 200 ج اجيب علاج لـ اختك العيانه
توتا: ولما امي طلبت فلوس عملت ايه شتمتها وضربتها وامي طلعت تمسح السلالم في البيوت عشان تصرف عليا واتكومت عليها ديون كتيره ايه الي عملته
ابوها ببكاء: انا اسف انا اتعذبت بعد ما مامشيتوا من حياتي عدت عليا ايام صعبه بس عشان اخواتك ابوس ايدك ساعديني
توتا: اخواتي انا مش بعتبرهم اخواتي ابدا اتحمل نتيجه افعالك
ابوها مسك ايدها: استني
توتا زقته لبعيد بغضب : لو لمستني تاني هأجرلك ناس يضربوك انت سامع غور
…………………………………….
في بيت عائله رشا كل يوم يحيي يروح يقعد في غرفه رشا بالساعات ويبكي ع الاطلال
#فلاش
يحيي: انتي عبيطه عماله تبصي لكاميرا الموبيل كأنك ولا مره شوفتيها
ريشه: نعم ده انا مسكت موبيل من قبل انت ما تتولد اصلا
يحيي: من قبل ما تولد ليه كنتي بتشيلي التلفون الارضي ابو سلك وتخرجي بيه في الشارع ولا ايه
ريشه : اه عندك مانع
يحيي: ابدا اهو قولي اي هري وخلاص
ريشه ابتسمت في وشه وقالت: انا مش بهري يا حوحو انا كده كلي مميزات
يحيي: مميزات وايه هي
ريشه: اول هام انا مش متصنعه للمأسي يعني مثلا مش هقولك اني عيانه وانا مش عيانه عشان اشوف رد فعلك وتتخض عليا ولا ليا في الشغل الي من تحت لتحت زي ما باقي البنات بتعمل
يحيي: ماهو ده الطبيعي هو فيه حد بيتصنع المرض يعني
ريشه: الميزه التانيه رغم معايا لغات كتير اني مش بلوي لساني وانا بتكلم ولا ادخلك كلام انجليش في نص الكلام
يحيي: ياحبيتي ده مش مميزات دي اشياء عاديه
ريشه: هتفضل تقاطعني كده كتير اسيبك يعني واقوم
يحيي شدها من ضهرها ورجعها تاني للسرير وابتسم احلى ابتسامة : لا كملي
ريشه كملت ببتسامه : انا انسانه فري بديلك الحريه في حياتك الي انت محتاجها
يحيي : طلعتي كمان عاقله وعقلك يوزن بلد تصدقي بدئت اقتنع
ريشه: طبعا انا مش زي المفتش كرمبو واكرهك في حياتك
يحيي مسك ايدها بين ايديه وبصلها ببتسامه : ياه انت قد ايه ست عظيمه بس ليه حرارتك مش بتنزل
ريشه: حرارتي مش هتنزل غير لما اموت
يحيي رفع راسها بايده وبحنيه : ليه بتقولي كده بس انتي فعلا عايزه تموتي
ريشه مسكت وشه بين ايديها : عايزه اموت بين ايديك وانا ببيص لوشك
يحيي باس ايدها : وانتي متخيله هسيبك تموتي بالطريقه دي
ريشه: لو وقف نبضي وانا ايدي في ايدك ده يستاهل اتمني الموت الف مره بس عايزك تفتكر لو اخدني الموت باي لحظه اوعي تنسي اني حبيبتك اكتر من نفسي
#باك
وجدي دخله : يحيي انا شايف تكمل في حياتك
يحيي مسح دموعه : لا الامر مش بالسهوله دي يا عمي ارجوك قولي فين رشا عايز اعتذرلها عن غلطي انا بقيت بلف عليها
وجدي: يحيي انا اسف ادعلها بالشفاء العاجل ده كل الي اقدر اقلهولك اعذرني
يحيي: متشكر انكم سمحتولي اجي هنا
وجدي: ادعلها
……………..قصص منه محمد كاتب……………….
في كافيه
يحيي بجديه: تهاني حددتي المعاد بابا كل يوم بيفضل يسألني
توتا بمراوغه: اه شوفت نسيت اقولك مديري جابلي نقل للقاهره وهفضل هناك تحت الاختبار تلات شهور عشان كدا يا حبيبي متعملش اي فعل غبي في غيابي وتكون مخلص ليا مفهوم
يحيي : هو انتي بتتكلمي جد
توتا ضحكت بستهتار: بالمناسبه وضع شركتك الجديده عامله ايه مسمعتش لسه حاجه عنها
يحيي : متصلتش بيهم كنت مشغول بدور عن رشا
توتا ردت عليه باندفاع وحده : ايه ده انت مش قلت انك هتتجوزني بس لسه بتدور عن رشا
يحيي رئكشن وشه كله اتغير : انتي مالك لما كنت متجوز كنتي بتحومي حواليا بستمرار زي المروحه وبمجرد ما مشت حصلك ايه
توتا: ماقولت لك انا هتنقل القاهره ودي فرصتي الي كنت مستنيها وانا لازم استغلها
يحيي الاول رفضتي تقابليني ومش بتردي ع مكالماتي هو انتي عايزه تكوني معايا ولالاء
توتا : كفايه مش عايزه اتخانق معاك تاني انا كل الي طلبته 3 شهور بس مش قادر تستني وقت بسيط
………………..قصص منه محمد كاتب…………….
في بيت يحيي الي كل يوم من غير وجود رشا بيعدي عليه صعب وطويل
حاتم: سمعت ان الشركه الي حطيت فيها كل فلوسك طلعت وهميه حصل ايه
يحيي: ده السبب الي جاي عشانه لحد هنا
حاتم: لاء اتصلت بيك اكتر من مره وانت رافض ترد عشان كده جيت خفت لتكون كتمت انفاسك
يحيي: وانت شايفني معدوم الدين للدرجه ابقي عايز انتحر
حاتم :تمام هرجع لسؤالي حصل ايه لشركتك انت اتفقت من شهرين ومفيش حاجه حصلت
يحيي: متدخلش دي اموري وانا هظبطها متشغلش بالك بيا
حاتم: اوكيه براحتك انا الي طالبه منك تركز تلاقي مراتك ان الاوان تنسي امر تهاني
يحيي بنرفزه: انت ياريت تسكت ومتتكلمش قدامي عن تهاني لا بخير ولا بشر ياتري تقدر
حاتم : انا مستحيل اتكلم عنها بشر لو مش معايا دليل من يومين شوفتها مع راجل قاعده في كافيه
يحيي: تهاني سافرت من يومين
حاتم: حتي قبل ما تسافر للقاهره شوفتها مع كذا راجل بس مفروض عليا مفكرش فيها انها شمال المفروض افكر انها ملاك ومش عارف مستني ايه تاني عشان تبعد عنها بس انت لسه مصر ع العلاقه اشرب انا بلغتك وانت حر تصدق او لاء ترجعلك ع كلا انا لازم امشي وهادر لك في شركتك الجديده
….. …………..قصص منه محمد كاتب…….
علام: ليلي عايزك ترجعي بيتك مع بلال مش عايز اتورطت معاكي لما تعصي جوزك
ليلي بدموع: بابا كام مره هقولك كل مشاكلي بسبب بلال وانا مجبره اسمع وانفذ كلامه السخيف ده ضربني واساءلي لدرجه قربت اتجنن انت عايزني اروح اموت
خديجه بصتله بتعجب: انا كمان مش فاهمه فيه ايه في دماغ ابوكي
هاله: الاسلام حرم ضرب الراجل لمراته الا بالسواك
علام اتعصب: جميل دا الكلام برافو الكل هنا قاعد يعلمني ايه فايده وجودي بقي لو كنتم مش هتحترموني
يحيي: ليلي انا هشوفلك محامي
علام: ايه لزومه المحامي حلو المشكله ما بينكم
ليلي: ملوش لزوم تجيب محامي يا يحيي رشا كانت معايا في الاول وشافت لي محامي وبقي عندي واحد ودلوقت الامر متروك ليا سواء هكمل ولا لاء
علام: وانت عملت ايه في الشركه
يحيي: انا فلوسي اختفت
علام بصوت جامد: يعني ايه
يحيي اتغيرت ملامح وشه وعقد حواجبه : الشركه الي من المفروض دخلت شريك معاهم مش موجوده في الواقع ملهاش اي اثر حتي اتقفلت الشركه الي حولت فلوسي واشتريت اسمهم
علام: يعني اتنصل عليك الله واكبر
خديجه: يعني الست دي طلعت محتاله
علام: المجرمه احتالت ع ابني اه لو وقعت في ايدي هخلي يوم امها مش فايت
ليلي: اعمل محضر في القسم عشان يقبضوا عليهم
يحيي: اقدم بلاغ في مين حتي لو عملت بلاغ مش معني كده فلوسي هترجعلي
خديجه: لا حول ولا قوه الا بالله الخراب جاي مستعجل
………………..قصص منه محمد كاتب……………
ع الموبيل
ريشه: هاي يا مامي
دلال: عامله ايه يانور عيني دلوقت احسن
ريشه بأبتسامه: الحمد لله بحس اني بتحسن فعلا وناويه لما رجع اساعد بابي في الشغل
دلال بسعاده: الحمد لله انك احسن دلوقت واحنا مبسوطين جدا انك بتتعافي راجعه امتي لحضننا انا وابوكي
وجدي بلهفه : اه امتي يا قلبي
ريشه: انا محتاجه افضل هنا لسه مش جاهزه ارجع خايفه مكنش لسه قويه
دلال: تمام ياحبيتي بلغي سلامنا لسالي
ريشه: حاضر وانا هقفل دلوقت
امجد داخل بيجري اعتقد انها بتكلم يحيي : رشا مين ده
ريشه: استنوا امجد عايز يتكلم معاكم
امجد اتنفس براحه وابتسم وقال: هالو عايزكم بس تعرفوا رشا بتاخد الدواء في الميعاد المحدد عشان كدا هي قامت بالف سلامه
دلال بمتنان : امجد بجد الف شكر ليك ولعمتك انكم اهتميتوا بيها ربنا يجزيكم بالخير ع تعبكم
امجد مبتسم : مفيش تعب ولا حاجه بس اتمني لو فيه ايه حاجه عندكم اتصلوا بيا قبل رشا
وجدي: طبعا اهتم بنفسك
ريشه شاروت لهم باي ورمت لهم بوسه ع الهواء وهما كانوا في متتهي السعاده انها قامت بالسلامه
امجد: حياتي انتي كويسه
ريشه بصتله اوي: المفروض متقوليش كلمه زي دي
امجد: يعني اقولك يا حبيبتي طب يا حبيبتي انتي كويسه
ريشه: ولا حتي حبيبتي ممكن
امجد بدء يغني : عمرى هعيشه لمين غير يا حبيبى يا احلى ملاك ملاك والله ملاك ( ضحك) تصدقي نسيت كلمات الاغنيه
ريشه كرمشت ملامحها بقرفه : احسن خايفه ليحصل اعصار بسبب صوتك
امجد ضحك ع منظرها وقال: عارفه اعصار البحر ده لا يمكن يقاوم اعصار حبي ليكي
ريشه: مش عايزه افكر في الحب انا مش جاهزه لسه
امجد: بس كنتي مستعده تسمعي لحد تاني تمام مفيش مشكله انا مش هيأس
ريشه: لو كان قلبي زي البحر كل ما تيجي موجه جديده يتغير بالسهوله دي هعرف احب مش كده
امجد :كل الي اقدر اقلهولك انسي الي وجعك واذاكي و عمره ما حبك و معرفش قيمتك و مقدرش يحافظ عليكي ارمي له الكتاب كله وامشي لان الحب بيقتله الاهمال والتخلي
…………….قصص منه محمد كاتب…………………
في منزل عائله رشا يحيي راح يسأل عنها تاني
وجدي: امسك ده
يحيي بحيره : ايه ده
وجدي: هتلاقي فيه السبب ليه طلبت من والدك يجوزك بنتي
دلال : ده دفتر يوميات رشا
وجدي: يحيي من وقت ما ماتت نيلي بنتي اتغيرت كتير بقت هاديه وعندها اكتئاب وقفلت ع نفسها غرفتها تنهي حياتها لان كل تفكيرها ان نيلي ماتت بسببها, بنتي عاقبت نفسها بالالم حتي كانت عايزه تموت عشان تشوف نيلي وجايز ده عدم رغبتها تدخل المستشفي لكن لما شافتك يوم ع الشط طلبت مني تدخل المستشفي وانا اتفاجئت وقلت جايز الامل انها تعيش عشانه هو انت
يحيي: اعذرني انا بس مش فاهم الي بتقوله
دلال : اقرء مذكراتها وقتها بس هتفهم ليه بنتي وافقت تتجوزك وكان عندها استعداد تدافع عن حياتها معاك رغم كل الي شافته منك
يحيي : منا عشان كدا بٍسال ليه اختارتني انا بالذات
وجدي بهدوء: يحيي انت عارف ان بنتي احتفظت بمشاعرها ليك سنين طويله عمرها ما فتحت قلبها لـ اي راجل بستثنائك انت وانا بحلفلك لا انا ولا بنتي كان عندنا علم انك بتحب تهاني وانا اخدتك طريق اسهل لعلاجها لما جوزتكم لبعض انا اسف يابني
يحيي: لاء من فضلك متعتزرش انا والله بحب رشا ولما اتجوزتها مكنش عندي حقيقي اي توقعات طنط عمي بعترف ان رشا هي الست المثاليه الي دخلت حياتي وانا مش هسيبها تضيع من ايدي اوعدكم ارجع اكسب حبها وقلبها بس انتم لو سمحتوه ساعدوني
استوب يحيي محتاج مساعده تعالوا لما يقرء المذكرات ياتري هيلاقي فيها ايه من اسراره
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زوجتي الجريئه)
