رواية زوجتي الجريئه الفصل الثامن والعشرون 28 بقلم منة محمد
رواية زوجتي الجريئه الجزء الثامن والعشرون
رواية زوجتي الجريئه البارت الثامن والعشرون
رواية زوجتي الجريئه الحلقة الثامنة والعشرون
في الشركه امجد لما لقي الدنيا هاديه ورشا مجبتش سيره لابوها عن كلام علام قرر يروح يحكيله هو بنفسه
وجدي بغضب وانفعال شديد: الراجل ده اتجاوز كل حدوده اهان بنتي وطردها وبكل بجاحه يطلب منها تطلب الطلاق وقح ومش محترم
امجد بهدوء: اونكل لو ده حصل عشان عايز حفيد يخلد اسمه يبقي اهانه ملهاش اي معني اكيد فيه اسباب تانيه وري الكواليس
وجدي: لاء مفيش سبب تاني وايا كان السبب مش من حقه يعامل بنتي بالطريقه دي
امجد : وانا متفق جدا معاك بس لو عملنا اي رد فعل هيبقي احنا الي بتخرب ع حياه رشا ولان رشا نفسها متكلمتش والي فارسني لما اتصلت بيها بتقولي كل الامور تمام ويحيي كمان مسالهاش او قالها اي حاجه لما راحت بيت ابوه
وجدي: اكيد ملوش عين يقول حاجه بعد عمايل ابوه المخجله مع بنتي امجد انا ههد الدنيا عليهم مقدرش اتحمل اهانه بنتي الي حتي مدفعتش عن نفسها دي بتحترمهم وهما بيعاملوها في منتهي الحقاره والاستهتار
امجد : اونكل لما اشتغلت في الشركه من اربع سنين عمري ما شوفتك منفعل كده العصبيه والغضب من اسلوب علام لكن حضرتك مش كدا انت راجل هادي ورجل اعمال مشهور وليك اسمك وشهره واسعه في الشرق الاوسط ممكن يعمل كده مع بنتك من وراك بس قدامك هيخاف
وجدي ابتسم غضب عنه وقال : دلوقت عرفت ليه بتحبك رشا انت شاطر تهدي الواحد ايا كان الموقف
امجد ابتسم : ده طبعي
………………..قصص منه محمد كاتب……………
دلال: الراجل ده غريب جدا ليه كرهك كتير كده
ريشه : يامامي عايله يحيي غريبه تخيلي ساعه الاكل ممنوع يتكلموا ابدا
دلال بتعجب شديد: للدرجه وايه عن يحيي
ريشه: الحمد لله اتغير كتير ومبقاش يقضي وقت كتير مع تهاني اما مشكلتي مع ابوه هو قلقان لما قدرتش اخلف عشان كده عمل معايا مشكله
دلال بصتلها بنظره غيظ: وطبعا مموته نفسك وجلده نفسك . اسمعيني كويس انتي جميله وحلوه وكفايه قلبك الطيب والخلفه دي نصيب حاجه بتاعه ربنا ليه يحملوكي فوق طاقتك اوي كده ومتكتفه مشاعرك وقلبك ومتجاهله حقوقك ليه كده يا بنتي انتي ليكي كل الحقوق كامله مكمله وهو واجب عليه برضاه او غصب عنه يدافع عنك ولو هو مش قادرومش عارف يبقي كل واحد من طريق وربنا يبعتلك الي يحترم مشاعرك وقلبك وانوثتك انما كده حرام واجهيه بكل ده لو زي ما بتقولي اتغير ليه لسه بتتعبي
ريشه بتوتر: عادي عشان طول الوقت بفكر لقصص للاطفال وده بيعملي توتر
دلال: بتكدبي ونفسي افهم كل ما اسألك عنه تقوليلي يحيي اتغير وبقي كويس
خديجه خبطت ودخلت: السلامو عليكم يا جماعه
ريشه: وعليكم السلام
دلال: وعليكم السلام تعالي يا ام يحيي
خديجه قعدت بأحراج: انا والله جايه ومكسوفه بعد الي حصل وما عارفه اقولكم ايه
دلال: تقولي احنا كأهل واجب علينا نحافظ ع بيوت ولادنا ونعمرها مش نخربها وبصراحه مش هقدر اسامح ابدا الي يهين بنتي
خديجه بحزن: انا اسفه حقك عليا يا دلال والله العظيم انا اتفاجئت مكنتش اعرف ان ابو يحيي هيقول الي قاله لريشه
دلال: يعني مجبلكيش سيره عن الكلام المهين الي سمعه لبنتي ولا حتي لمحلك
خديجه بصدق: لاء مقليش انا الي اتفاجئت لما رشا جات بيتنا وبعدها علام اتعصب وبدء في نوبه غضبه
دلال: هو اهانها ياخديجه ولمعلوماتك بنتي قالت لي ان هي ويحيي عمرهم ما فتحوا مع بعض موضوع الطلاق وده مخليني مستغربه من مبالغه ابو يحيي
خديجه: عندك حق معنديش كلام اقوله الحاجه الوحيده الي اقدر اقولها انه طول ما بنتكم تعبانه هو قلقان لمتخلفش
دلال: يعني ده السبب الوحيد للخناق ده كلام مش منطقي ولا يخش العقل
خديجه: دلال اوعدك اتكلم معاه وافهم الموضوع اكتر
دلال: وانتي لوحدك هتقدري تغيري تفكيره ولا بنتي هتعيش في المرار ده كتير
خديجه: احنا ندعي ان الامور تتحسن
دلال : رحمتك يارب
……………قصص منه محمد كاتب……………
في غرفه نومهم الخاصه
يحيي بصلها: رشا هو انتي روحتي زورتي ليلي
ريشه: ايوه وبصراحه حالها معجبنيش ارجوك يا يحيي اسأل عنها وعن مشاكلها
يحيي بهدوء: بس هي كويسه قدامي وبتضحك وشكلها معندهاش مشكله بتعاني منها
ريشه: وللسبب ده بقولك روح زورها يمكن محروجه تقولك بس لو اهتميت بيها وسمعتلها اكيد هتفهمك
يحيي: طيب هي بتشتكي من ايه عرفيني
ريشه: ماشي هكون واضحه معاك بلال بيمد ايده عليها وبيهينها واخد بنتها منها ليومين وبعدين رجعلها
يحيي: مستحيل بلال يتصرف بالوحشـ يه دي
ريشه: ياحبيبي المظهر ملوش علاقه بالشخصيه
يحيي: ايوه عارف شوفي احنا من المفروض منفكرش في ليلي لان بابا بيحب بلال وهو قريب منه وبصراحه مش عايزين نتخانق مع بابا للسبب ده ابعدي احنا مش ناقصين
ريشه:مش مستغربه انه يقرب لوالدك بس معقول يفضله عن بنته
يحيي: ايوه هو مربيه من صغره لما كان يتيم وبيعتبره زي ابنه
ريشه: اه عشان كده
يحيي: ايوه وبابا جوزه ليلي رغم مطلق لان ليلي كمان لما كانت في سن المراهقه كانت بترجع البيت متأخر فقرر يجوزها بسرعه
ريشه: بس لما كنا بنتجمع في بيتكم عمري ما شوفته قاعد معاكم
يحيي: عشان كدا خلينا بعيد رشا انا رآي ننسي كل ده ونركز اكتر ع نفسنا وع جوزنا
ريشه: بس ليلي
يحيي قطعها: انا قلت ايه نركز ع نفسنا وبس وياريت تفكري بشكل ايجابي يله ننام
ريشه بتكشره: تصبح ع خير
يحيي: وانتي من اهله ونامي ومتفكريش في ليلي
ريشه حطت دماغها وفضلت بالها مشغول بليلي
يحيي ميل عليها وقال: قلت متفكريش بيها
…………………………………..
تاني يوم ريشه اتخبثت ع يحيي انها عايزه تزور خديجه تطمن عليها وبالفعل اخدها وهي اتسحبت وراحت لعلام
علام لف وشه عنها: عايزه ايه؟
ريشه: انا مش عايزه حاجه جايه اتكلم معاك عن مسأله ليلي
علام : وانتي مالك بليلي
ريشه: انا مش عايزه يكون مالي ولا ادخل في حياتها الشخصيه بس لما روحت شوفت الي حصلها مقدرش اقف ساكته
علام بنفعال: متخلقيش حوارات
ريشه بنفس العصبيه: انا بقول الحقيقه لو فعلا بتحب ليلي من فضلك اقف معاها ودافع عنها وخدلها حقها من بلال حرام هو بيدمرها نفسيا وجسديا يمكن هو يخاف منك
علام: وانتي بقي مفكره هصدق كلامك وده اخر تحذير ليكي متدخليش في حياه بنتي الخاصه اهتمي ببيتك الي قرب يدمر
ريشه بحده شديده: بس انت ادخلت في حياتي الخاصه مش كده وقلت ده لمصلحه الجميع عشان كده انا بعمل نفس الشئ
علام: للسبب ده انا مش بحبك عندك لسان طويل انتي ازاي تقفي وتنصحيني هو اهلك مربوكيش
ريشه: انت مجبر وانا نيتي خير متخليش ليلي تنتـ حر وتمـ وت وقتها بس هتعرف قيمتها وبمجرد ما تخسرها هيبقي حزنك ملوش اي قيمه
يحيي دخل شدها من ايدها: رشا تعالي
ريشه سحبت ايدها: انا لسه مخلصتش عمي يله نروح ننجد ليلي
يحيي بزعيق: قلت يله
ريشه: استني
يحيي: قلت اسبقيني ع العربيه
ريشه وزعت نظرات ما بينهم ومشت من المكان كله!
علام زعق: اسمع يا بني طلقها حالا دي بتعمل مشاكل في حياتنا
يحيي: هي عملت ايه وممكن تهدي وتتكلم براحه
علام: اهدي واسمع لمراتك الوقحه
يحيي: انا كفيل ابعد مراتي سهله وهتنفذ الي بقوله
علام: ازاي هتبعدها هو طريق واحد اتجوز تهاني في اقرب وقت وميهمش لو رشا وافقت ولا لاء وقتها طلقها
يحيي: بابا متتكلمش ابدا عن الطلاق
علام: لو سبتك تقولها من نفسك امتي هتقولها
يحيي: اروح اطلق مراتي لمجرد انها بتتعب شويه
علام: يابني افهم هي هتقبل تكمل معاك لما تتجوز تهاني
يحيي: وانا لسه متفقتش ع حاجه مع تهاني
علا: انت مش محتاج تتفق تهاني جاهزه تتجوز في اي وقت
يحيي: بابا انا فضلت مستحمل وساكت ايام طويله لما عرفت انك طردت مراتي واهانتها وسبتها في شرفها حاولت اتحمل ليه لانها مقلتليش اي حاجه فمن فضلك متتكلمش عن الطلاق معايا تاني لان انا طلاق مش هطلق
……………….قصص منه محمد كاتب…………….
في الشركه يحيي نازل يركب عربيته
توتا بتمد وراه: يحيي استني عايزه اتكلم معاك
يحيي بصلها بجمود: قلت لك ع التلفون انا مشغول ولازم احضر اجتماع نتكلم بعدين
توتا: عايزه اقولك حاجه مهمه ارجوك اقف اسمعني واوعدك مش هزعجك تاني
يحيي: عايزه تقولي ايه بس بسرعه انا مستعجل
توتا بكدب : انا مسافره القاهره وعندي امل تقبل نقضي وقت معايا الليله اعتبرها ليله وداع لعلاقتنا
يحيي: انتي بتتكلمي بجد
توتا بمكر وخبث: ايوه لو تقدر ممكن نخرج اليله نتعشاء سوي ونودع بعض الوداع الاخير
يحيي: موافق ابعتيلي الموقع بعدين
توتا: ميرسي يا يحيي
توتا في نفسها الخبيثه: الليله مراتك هتطلب الطلاق وهتشوف وهتتجوزني انا وبس
………………………………………
ريشه قاعده تتفرج ع اليوتيوب جاتلها مسج فتحتها لقتها غريبه وقالت بصوت مسموع: مين بعت الرساله دي …….عايز يقولي عن يحيي وتهاني يقولي ايه …… وفين الشقه دي وعنوانها غريبه …….واعتقد ده مش رقم تهاني ……….بس لو عايزه تخدعني اعمل ايه وقتها ……….مش عايزه افكر لا هموت
فضلت تفكر لحد ما جتلها رساله تانيه من يحيي …..انه هيرجع البيت متأخر وبيعتذر وانه مشغول شويه وتاكل مستنهوش
ريشه مسكت التلفون واتصلت بأمجد انه يجي معاها ع عنوان الشقه لحد ما وصلت وطلبت من امجد ينتظرها بعيد وهي قربت ولقت باب الشقه مفتوح وقفت بعيد تراقب الوضع
يحيي: مش فاهم احنا في شقه مش قلتي نروح نتعشي
توتا ابتسمت بمكر: استريح يا حبيبي هنمشي ونروح نتعشا سوي بعد شويه بس دلوقت نمتع نظرنا بالشقه الجميله دي
يحيي: ايوه شقه مين دي.
توتا: بصراحه ده شقه واحده صاحبتي وعرضتها للبيع فقلتلها تديني المفتاح نتفرج عليها
يحيي: هي لطيفه بس مش فاهم انتي هتعملي فيها ايه مش قلتي هتتنقلي القاهره
توتا: ياحبيبي قلت ادخل الشقه الابهه دي واشوفها واظن عارف مش عايزه اعيش في شقه صغيره بعد ما نتجوز
يحيي: يعني انتي موافقه تتجوزيني بجد
توتا: ايوه بصراحه مش طايقه استني ايه رايك نشتري الشقه دي لينا ولولادنا في المستقبل
يحيي بفرحه باينه في عيونه : متأكده
توتا راحت في حضنه: طبعا خلاص ضيعنا وقت كتير ان الاوان نبقي مع بعض
يحيي ضمها لحضنه : وانا اكتر منك
ريشه اتملت الدموع في عيونها والدنيا لفت بيها ووقعت في حضن امجد الي سحبها بسرعه ع العربيه ونظرتها فضلت لقدام عايزه تصرخ تطلع كل وجع القلب الي حاسه بيه
امجد مسح وشه وشعره : وبعدين هنعمل ايه يا رشا
ريشه بتعب: من فضلك انا بجد تعبانه ومش عايزه اعمل مشاكل
امجد اتعصب واتنرفز : ازاي اذا كان هو الي بيعملك مشاكل طول الوقت مش حاسه بكده لازم يلزم حده
ريشه بصوت مقهور: امجد رجعني البيت حاسه بدوخه
امجد فتح باب العربيه بغيظ : سيبني اضربه الاول
ريشه مسكت دراعه: امجد
امجد: يالله منك انتي عارفه لما بشوفك في الحاله دي بزعل لانك غاليه عندي كتير
ريشه ببكاء: اتوسل اليك سيبه ورجعني البيت
……………………….قصص منه محمد كاتب……………………
سالي: لو كنت صادق في مشاعرك حررها
امجد: ده لو كانت متفقه معايا يا عمتي انا كنت ناوي فعلا ابقي مجرد صديق ليها بس بعد الي عمله جوزها قررت ارجع حبي واخدها منه
سالي: ده مش حب مجرد تعاطف وشفقه والاتنين بيخلوك سعيد جنب رشا بس افتكر هي لسه مراته
امجد: عمتي هي فين مراته الي مش عامل حساب لوجودها
سالي عندك حق بس فيه حلقه ضايعه واحنا مش فاهمينها ابدا
امجد: عشان كده انا لازم اتحرك واعمل اي حاجه
سالي: هتعمل ايه
امجد: معرفش بس لازم اعلن الحرب وابعدها عن جوزها ومش قادر انفذ خطتنا لانها بتحب الجبان كتير
سالي: وتفتكر لو نفذت خطتك هي الي هتفصلهم عن بعض متنساش رشا بنت غنيه جدا يعني سهل تساعده
امجد: واظن قولتلك معرفش انا في طريق مسدود وعندك حق دي واحده اتجننت في عقلها شافت جوزها بنفسها بيخطب واحده تانيه في شقتهم والعشيقه وافقت تتجوز جوزها ودي رافضه تعمل اي موقف حتي مكنتش عايزني اضربه ده ميخلنيش اغضب واثور
سالي: هتعمل ايه بس لو عايز تكمل انا معاك ؟
امجد: مش عارف حاسس اني متكتف وحتي مش قادر اقـ تله عارفه ده لو روحت قتـ لته وهي اكتشفت مش هتقابلني ابدا
سالي: هي انسانه غريبه تخليك فعلا تفكر بالطريقه دي
امجد: قوليلي ياعمتي بالله عليكي انا ممكن اعمل ايه
سالي: شوف يا امجد لو فضلت شخص مسالم وطيب مش هتقدر تحررر شا بسهوله
امجد: يعني عندك خطه
سالي: عندي خطه مدروسه بفكر فيها وكل ما مشت خطتي ناحيه يحيي وحاتم بسلاسه هقوم فورا بدوري بس مش عايزك تتأمل ع الفاضي لو فضلت رشا بتحبه
…………………………….
ريشه رجعت البيت مدمره وقعدت علي الارض تصرخ وتصرخ لحد ما تقيئت
يحيي دخل جري عليها بلهفه واترعب من منظرها : رشا جرالك ايه تحبي نروح المستشفي
ريشه: انا كويسه
يحيي: تعالي نكشف
ريشه: انا كويسه
يحيي: ليه بترفضي تروحي قوليلي وبعدين ليه متبهدله كده بسبب نيلي ولا مين
ريشه: مش بسببها
يحيي: امال ممكن تبقي صريحه معايا لو مره واحده انتي مخبيه عني حاجه
ريشه بصتله بغضب : قلت لك انا كويسه
يحيي مسكها من دقنها بلطف : وانا قلقان عليكي مستنيه ايه لما تموتي وتخسري حياتك
ريشه صرخت في وشه : ابعد عني
يحيي: طيب اسندي عليا
ريشه زقته بعنف: بقولك ابعد
يحيي واقف مستغرب من منظرها لحد ما تلفونه رن برقم امها ورد
دلال: ايوه يا يحيي بتصل ببنتي مش بترد هي كويسه
يحيي: لاء هي مش كويسه وتعبها بيزيد مش بيقل وعندها صداع بستمرار وواضح مش مني لان علاقتنا كويسه حدا
دلال: تعبت امتي
يحيي: من شويه كانت تعبانه جدا لدرجه رجعت وجسمها كله متخدر ومش عارف سببه ايه حضرتك تعرفي حاجه
دلال: معني كده حد زعلها عملت لها ايه؟!
يحيي: انا معملتش حاجه انا بعمل كل جهدي وببقي لطيف معاها انا عايزها تروح المستشفي نعرف مرضها
دلال احتدت عليه : اسمع يا يحيي لو مش قادر تهتم وتراعيها ياريت ترجعها عندنا واحنا ناخد بالنا منها
يحيي: ده مش ممكن انا كل همي اعرف عندها ايه عشان اقدر اخد بالي منها
دلال: هكلمها سلام
……………….قصص منه محمد كاتب………………….
يوم جديد ع الموبيل
امجد بغيظ: يعني مش ناويه تواجهيه بالشقه ولا انه هيتجوز واحده تانيه
ريشه: حقيقي معنديش النيه اساله ومش عايزه اعمل مشاكل خالص
امجد: اه يعني معندكيش مانع لو اتجوزها
ريشه: امجد انا واثقه ومتاكده ان يحيي هيعرف مين بيحبها ومحتاجها في حياته
امجد: النوع الي زيه من البشر مش بيعرف لو فيه واحده لزقه فيه زي اللبانه الو انتي زعلتي ولا اتأذيتي
ريشه: لاء انا تمام حد جه هتصل بيك بعدين
امجد: مين جاي الساعه دي
ريشه: معرفش سلام
امجد: متفتحيش الباب ايآ كان قفلت
ريشه نزلت فتحت الباب لقته علام: يحيي مش هنا لسه مجاش
علام: انا جاي اتكلم معاكي
ريشه: لسه عايز تجبرني اطلب الطلاق
علام بصلها بغضب: هو انتي مبتفهميش انتي مش بتحترمي يحيي انتي ممرمطه اسم ابني وعشان تكوني زوجه بشرف لا يمكن تبقي خاينه ولا انانيه ومن حقه يتجوز واحده تانيه ايه الغلط ده حقه وشرع ربنا ولو فعلا بتحبيه ومش عايزه يتخلي عنك هتقلبي انه يتجوز من البنت الي بيحبها
ريشه هاجمها صداع رهيب ومسكت دماغها واتكت عليها حرفيا مبقتش قادره تتحمل الضغط النفسي
يحيي كان هنا وصل وبص لعلام : ليه معرفش انك جاي _ حط ايده ع كتفها _ رشا حبيبتي مالك
ريشه بصتلهم الاتنين كدا وسابتهم ومشت
علام: انا مروح وانت هطلق البنت دي الي سيطرت عليك بالكامل
يحي: هي مسيطره عليا بابا مفيش حد فينا مسيطر ع التاني
علام بغضب: ما هي دي مشكلتك انت بتصدق وبتسمع كلام مراتك يابني دي بنت مختله عقليا
يحيي: مختله ! بابا رشا بتعاني من صداع وبس , بس مش مجنونه بعقلها
علام: بس كفايه انا مش جاي اتكلم عنها عايزك تتجوز تهاني قريب قبل ما البت الغنيه دي تجبلك مصيبه واظن عندك اسبابك هي ع طول تعبانه
يحيي اتنهدت بصوت عالي ودخلها: رشا خلينا نروح المستشفي بكره متخافيش هكون معاكي
ريشه : مين طلب منك ابوك
يحيي: بابا مقلش حاجه قال كلامه العادي واتكلم بشكل عام وسال ليه بتتعبي بستمرار ده كل حاجه
ريشه: يمكن قلقان اني مش هقدر اخلف
يحيي: ممكن متفكريش في الموضوع ده كتير ركزي بس ع صحتك
ريشه : ازاي اركز ع صحتي وانتم بتعاملوني ع اني مش موجوده في حياتك او حياه ابوك
يحيي اخد نفس و بهدوء: رشا ممكن تثقي فيا وعارف العذر الي هقوله لبابا واقنعه بيه
…………….قصص منه محمد كاتب……………………
الساعه سبعه صباحا يحيي راح ناحيه عربيته ورشا طلعت تمد وراه وتنادي بأسمه
يحيي لف وبصلها: في ايه
ريشه قربت عليه: خد
يحيي : الغداء ليه بس تعبتي نفسك وتعملي غداء
ريشه بتكشيره: لو مش عايزه اديه لحاتم وقوله بالهناء والشفاء بالنيابه عني
يحيي بحزن: حاتم مش عارف في الفتره الاخيره حاسس اني عبد بشتغل عنده شركته كبرت بسببي مش عارف اعبرلك
ريشه : ده امر طبيعي هبوط وصعود في الشغل متشغلش بالك يمكن عنده مشكله موتره ممكن نزور ليلي لما ترجع
يحيي: ليه
ريشه بقلق: يحيي بتصل بيها مش بترد ولا هي ولا بنتها
يحيي: تمام نشوف ده بعدين انا همشي
اثناء كلامهم وقفت عربيه وتهاني نزلت منها وريشه ربعت ايدها قدام صدرها وكشرت جدا ويحيي اضايق
تهاني قربت عليه : عارفه انك مشغول بس عندي كلام اقلهولك
يحيي عاقد حاجب ومكشر جدا: تهاني مش هقدر انا متاخر ولازم اتحرك
تهاني : ممكن اركب معاك ونتكلم في العربيه
يحيي : تهاني متاخديش اللامر كاني مش عايز بس رشا تعبانه عشان كده لازم ارجع بدري واهتم بيها
توتا بغيظ: هي تعبانه بس واضح مش تعبانه ولا حاجه ما هي واقفه هنا وعملتلك اكل كمان انا عيانه انا معرفتش انام طول الليل من التفكير فيك انا تعبانه عايزك تاخدني المستشفي
يحيي: مفيش داعي تدعي قدام مراتي
توتا : لاء انا مش بدعي يايحيي احنا في علاقه بقالنا 8 سنين عمري اترجيتك بالطريقه دي محصلش انا بجد محتجالك دلوقت امتي هنتكلم في امورنا لو روحتلك الشركه قليل الذوق حاتم بيطردني وانا بجد محتجالك
ريشه : تهاني ده بيتي والراجل الي واقفه تترجيه قدامي يبقي جوزي ممكن تصوني كرامتك المعدومه وتاخدي بعضك و تمشي من قدامي حالا مش عايزه اهينك واحرجك قدام حبيبك
توتا بصت لرشا بحتقار: انتي مين عشان تحرجيني وتعصبيني مين انتي
ريشه: انا ستك وتاج راسك وبنصحك تمشي عيب تجري وري راجل متجوز وكل هدفك تخربي بين اتنين متجوزين
توتا بنفعال وصوت عالي: ومكنش عيب عليكي لما اخدتي مني حبيبي
يحيي لتهاني بشده : بس مش عايز خناق والناس تتفرج علينا تهاني عندك كلام تتكلميه معايا مش كده يله خلينا نمشي
تهاني بسعاده: اه يله
يحيي لرشا: ا نا همشي
ريشه بقهر بينها وبين نفسها : مع السلامه يا يحيي حكايتي معاك كده انتهت
استوب وقربنا نكشف سر رشا البارت الجاي وهتعمل ايه في يحيي هتخليه يقول حقي برقبتي ويسألكم فين رشا واختفت فين
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زوجتي الجريئه)
