رواية زوجتي الجريئه الفصل الثامن والثلاثون 38 بقلم منة محمد
رواية زوجتي الجريئه الجزء الثامن والثلاثون
رواية زوجتي الجريئه البارت الثامن والثلاثون
رواية زوجتي الجريئه الحلقة الثامنة والثلاثون
الاخيره من الجزء الاول
في منزل يحيي بعد رجوعهم المنشود لبعض كانت نايمه في السرير بكل اريحيه وهو دخل بصنيه الفطار بعد الفجر
يحيي باسها من بين عيونها بمنتهي العطف والحنان : ما تفوق بقي يا بشا معيدك الوسيم حضرلك الفطار بنفسه
ريشه فتحت عيونها وبصتله وباين الفرحه من عيونها والسعاده واتفاجئت وبعدها سألته : ايه الي حصل كوكب خبط في كوكب فقلت تقوم تحضر بنفسك الفطار
يحيي : فكرت طول الليل وقلت تعمل ايه يا يحيي عشان تفرح حبيبه قلبك رشا
ريشه قامت اتعدلت وسندت دهرها ع السرير وقالت مبتسمه: كفايه انك تبقي جنبي يا اجمل زوج في الدنيا دي كلها
يحيي بغمزه: ايوه افضلي امدحيني كده كتير انا بحب كده ويله اشربي القهوه باللبن هتعجبك
ريشه : ربنا يخليك ليا طول العمر بس برضو مكنش فيه لزوم تقوم من عز نومك وتعبت نفسك
يحيي باس ايدها بحب وقال: عملت كده عشان خاطر عيونك لاني بحبك والي بيحب لازم يضحي مش بس بنومه يضحي لو بعمره كله
ريشه: وانت الحب ومنك الحب لدرجه عايزه استولي علي روحك
يحيي: وانا كنت بقول لعل وعسي تنظري لـ امري وقلبك يرق لحالي وانا بجد اسف جدا عن كل الي حصل واقسم لك اني ما اتعمدت البعد عنك ابدا
ريشه راحت لحضنه وقالت: حبيبي انسي خلاص الي حصل انا دلوقت بقيت معاك وفي حضنك بكل احلامي وطموحاتي وانا مش طمعانه غير ابقي حره في احضانك واكون جزء منك وانت جزء مني
يحيي: وانا برجوعك ليا كاني امتلكت الارض بالي عليها ومهما قلت لك مش هتتخيلي مدي الرومانسيه الي بتسري في مشاعري دلوقت ع قلبي وبتمني تجيلك ومهما عبرت مش هقدر احكيهالك
ريشه: وانا مش عايزه غير تبقي معايا اتنفس من خلال انفاسك تحط بوسه ع شفايفي عشان احسن انك قريب مني تحتويني ومتعرفش غيري جوه حياتك عايزه ابقي ماضيك وحاضرك مستقبلك الي هو مستقبلي انا مش ملك لغيري عايزه افكر فيك ومعاك عايزه احس وانا بين ايدك اني امتكلت الدنيا بلي فيها
يحيي بأبتسامه واسعه: ده انتي عايزه تسجنيني كده
ريشه: ماتقولش اني بحاول اسجنك بالعكس انت الي سجنتني واعلنت عليا الوصايا العشر وعينت عليا حراسه كمان حياتي انا في عدم وجودك كأني ام فقدت ابنها
يحيي: للدرجه بتحبيني
ريشه: اكتر من الحب تعرف قبل العمليه مكنش معايا غير خيالك واعترفت لنفسي وليك اني بحبك لحد ما اموت وبعد ما اموت . كان نفسي احط راسي ع صدرك عشان استريح والقي نفسي بين ايديك واحس بلحظه رضا منك كنت بفكر فيك قبل ما انام واكتفيت اغمض عيني عشان احلم بيك واعيش معني وجودك واتمنينت تبوسني في خدي واحس بشفايفك بتدورعن شفايفي تلتهمها ونبعد عن الدنيا بما فيها
يحيي نزلت دموعه: رشا انتي انسانه بجد جوهره غاليه وتستاهلي كل حاجه حلوه في الدنيا والله ما بقيت عارف ابدء من اسفي ولا ابدأ من دفاعي ولا ابدأ من خجلي منك لكن مش هقول غير سامحيني ياصاحبه القلب الكبير
ريشه: انا كمان بعتذر قلت لك كلام يزعل بس الست مننا لما بتنجرح بتتعصب ومش بتبقي عارفه هي بتقول ايه
يحيي: وانا مش بلومك مهما عملتي و راضي بكل الي يجي منك من الم ووجع وجفاء وكلام حتي خصام عشان كده اياك تجيبي تاني سيره الانفصال, السيره دي تنسيها اتفاقنا
ريشه: اتفاقنا
يحيي : واوعي ايي خلاف ما بينا يحصل تسبيني تاني وتبعديني عنك شوفتي في النهايه لفيتي ورجعتيلي
ريشه: وانا نفسي العالم يختفي ونبقي في الدنيا سوي
يحيي ضمها بقوه: : وانا مشتقالك ونفسي اشبع منك بجد سبتي فراغ كبير وحقيقي كنتي وحشاني وكنت بحلم باليوم ده
ريشه: حبيبي احنا بجد رجعنا لبعض
يحيي: ايوه والايام دي بقت ورانا اطوي الصفحه وانسيها نهائي وخلينا في الي عملتيه امبارح
ريشه ضمت حواجبها : انا عملت ايه امبارح
يحيي: انتي لحقتي تنسي فتحه الصدر لما اتهجمتي عليا في المكتب. بس تعرفي تصرفات البنت الهجامه مش لايق عليكي
ريشه وشها احمر : بس بقي متفكرنيش
يحيي ضحك بصوته كله: مفكركيش ده ايه , ده انا انصعقت من دخلتك انتي بجد مكنتيش طبيعيه
ريشه : يعني انت كنت طبيعي في غيابي
يحيي: هتصدقيني لو قلتلك عقلي مكنش معايا يا نص روحي كنت عايش بنص مخ لان حياتي من غيرك من غير طعم ولا لون لان شمس حياتي غابت كنت عايز اشق هدومي واصرخ بأعلي صوتي او اضرب حد كذا بوكس يمكن تطفي النار الي جوايا واهدء وارتاح قوليلي ازاي انتقم منك واشفي غليلي
ريشه: تفضل لـ اخر العمر معايا ومتسبنيش مهما حصل
يحيي: وانا مستعد افضل معاكي لـ اخر العمرومستعد اعمل اي حاجه تطلبيها
ريشه: نسافر انا وانت شهر عسل
يحيي: موافق رغم انتي لوحدك شهر عسل واخلف منك عيال كتير ونبقي عايله حلوه
ريشه: عايز يبقي عندنا اولاد
يحيي: ياريت انا بحب الاطفال وبتمني يكون عندي في المستقبل اربعه بنتين وولدين
ريشه: ياسلام هو انت مفكر خلفه الاولاد كده سهله
يحي: انا معاكي وهشاركك المشكله ياتري هبقي اب قدوه حسنه لولادي
ريشه: ليه بتفكر كده
يحيي: انتي عارفه من الي عشته مع والدي خايف مبقاش اب كويس
ريشه: انت هتبقي احسن اب في الدنيا
يحيي: وانتي هتبقي اجمل ام لانك رقيقه ولطيفه ومثاليه وقلبك ابيض وصافي زي الاطفال وشكرا انك كنتي صبوره عليا
ريشه : وانا مش هرتبط بحد بعدك لاني مش هحب غيرك هي قصه حب واحده عشتها بكل مشاعرها وايمانها صحيح اتظلمت بس غفرت ونسيت ورجعت عشان حقيقي مش هقدر ابعد ولا احب غيرك يا يحيي يعني كل الطرق تؤدي اليك
يحيي بمرح: شكلك اشتقتي لبعدي
ريشه بابتسامتها الحلوة : لا اشتقت لحبك وحضنك الي هفضل فيه لنص الليل
يحيي شدها لحضنه وحضنها بقوه كانه بيفرغ شوقه بحضنها : وانا موافق ورانا ايه الليله مش هنحرم نفسنا من الحب
………………قصص منه محمد كاتب……………….
في الشركه قاعد يكتب لقاه الي داخله مع حاتم
يحيي شاور بعصبيه: حاتم دي هي؟؟!
حاتم: اهدأ يا يحيي
يحيي بنظره غضب : اهدأ ايه مكنتش اعرف ان صاحبه شركه زيك ممكن تخدعني وتنصب عليا. ليه عملتي كده
سالي قعدت ومدتله ورقه: ده شيك طالع من شركتي وانا بعترف اخدت فلوسك وفوق كل ده فعلا قفلت شركتي لانها مكنتش بتدخلي اي ارباح
يحيي اتكلم بعصبيه: بسأل ليه
سالي اتنهدت : تقدر تقول حبيت امتحن صدقك واتمني بعد التجربه تقدر الناس وتهتم بمشاعرهم مش بس مراتك وحاتم حتي الموظفين وعايلتك
يحيي بغيظ وضيق : بصي انا مش فاهم اي حاجه من كلامك وبسألك ليه عملتي كده
سالي: عشان امجد تعرف الي مر بيه مع رشا طول الوقت ده لايمكن لـ اي شخص يعمل كده ومش مستغربه ان رشا وقعت في حبه
يحيي بصدمه: يعني كل ده بسبب امجد
حاتم: فعلا بالظبط ولمعلوماتك يا يحيي مدام سالي عمه امجد
سالي: عشان كده من فضلك يا استاذ يحيي افتح قلبك
يحيي: وايه عن حال امجد
سالي بهدوء : ان شاء الله يكون اقوي هو كان عارف ان اللحظه دي هتيجي بس مش بالطريقه دي ان رشا متبقاش معاه واتمني تذكرونا بسيره طيبه واتمني تتخلص من غرورك وانانيتك وخليك لطيف قد ما قدر
يحيي بصلها وقال : شوفي اولا انا مش مضطر ابرللك اني فيا شئ من التكبر او الغروو ده الي بيعتقده البعض بس الصفات دي ابعد ما تكون عني ثانيا اتفضلي و شرفتي
سالي قامت خرجت مع حاتم وجاله رساله من ريشه انه يسمحلها تقابل امجد
…………….قصص منه محمد كاتب…………………
في النادي
ريشه نطقت بصعوبه : انا اسفه مكنتش متوقعه كل ده يحصل
امجد: فسري عايزه تقولي ايه
ريشه: انا لسه مراته هو مطلقنيش ومن ساعه ما سافرت مأهملش مسؤلياته كزوج كل شهر كان بيبعت مصروفي عن طري بابي ومتجوزش تهاني اطلاقا
امجد بقهره : يبقي انا الي كنت غلطان لما خانتني الانسانيه ودي النتيجه لاني كنت عارف انك لسه مراته بس انا الي وقعت في فخ مشاعري واتمنيت ده بس انتي محبتنيش ابدا يا رشا ابدا
ريشه: معرفش انت حاسس بأيه بس الي اعرفه اني مبسوطه من قلبي وانا معاه بس زعلانه ع حالنا
امجد: مش مطلوب منك تزعلي تعرفي انا كنت متوقع ده يحصل عارفه انا تعبت ويئست اني احب بنت مش بتحبني والتفكير فيه بشكل يومي بقي يقلقني بشكل رهيب جوايا حقيقه بفكر فيها وانا جنبك وكل مره بكون فيها معاكي بحس بالتعاسه والاحباط وحتي بعد ما بتمشي بفضل اسئل نفسي انتي متمسكه بيا لانك فعلا حاسه اني بحتويكي وبقيت ماضيكي وحاضرك ومستقبلك ولا انا حاسس اني بمتلكك بالامور الي قدمتهالك ولا لخوفك من الظلم الي وقع عليكي ولا استمريتي معايا نوع من الاحسان الشفقه ده احساسي دايما الي بحسه معاكي بختصار صعبان عليكي وعشان كده بقولك حصل خير
يحيي هنا قرب وخلع نضارته الشمسيه وقالها: عايز اتكلم مع امجد لحظه
ريشه وزعت نظراتها عليهم وانسحبت من المكان بهدوء
يحيي قعد قدامه وقاله: شكرا انك اهتميت بمراتي في غيابي
امجد بحده : مكنش عشانك انا اهتميت بيها وراعتها لاني اعتقدت انها بقت مسؤله مني كأعز صديقه يحيي انا اسف عارف انها لسه مراتك ومحترمتكش وعملت خطيئه وكنت عارف انك مش هتسيبها
يحيي: ابدا
امجد لئلئت عيونه بالدموع : خد بالك منها كويس وانا عارف انك هتراعيها لكن من فضلك عايزك تصدق اني بحب رشا وعايزها تكون سعيده ارجوك لو انت بتحبها اسعدها وحلال عليك واهتم بيها
يحيي: تمام وانا مسامحك
امجد مسح دموعه وابتسم وهو بيقوله: متقولهاش اني عيطت هتفرح فيا
يحيي: اطمن مش هقولها انا همشي وشكرأ ليك
……………..قصص منه محمد كاتب…………………..
قاعدين في الفراندا ووخدها في حضنه وبيلعب في خصلات شعرها بلطف
ريشه بصتله: لو كنا كده من البدايه كانت الحياه هتبقي ممتعه مش كده
يحيي روح قلبي كل حاجه حصلت لسبب ا واعرفي بعد المطر بتهل اللوان طيف جميله زيك
ريشه مشكلتي اني جميله
يحيي: ريشه عايز اعتذر عارف اني السبب في كل حاجه حصلت عشان كدا واجب عليا اعتذر
ريشه: انا كمان عايزه اعتذرلك لاني سيت قلبي يروح لغيوك
يحيي: وللسبب ده حاسس اني معنديش قلب حاليا
ريشه: ليه
يحيي: لانك سرقتي قلبي واتخطف مني ومقدرش اتصور انك تاخديه وتختفي من حياتي وتكوني مجرد ذكري مجرد من الانسانيه و الرحمه
ريشه: وحشتني اوي يا يحيي رغم انك معايا الا انك وحشني جدا ونفسي اعرف ايه السبب الي بيخليني ابقي ملهوفه عليك كده
يحيي: طبعا السبب واضح جدا ومعروف هو انك بتحبيني زي منا بحبك وصدقيني انتي كمان بتوحشيني
ريشه: بحبك
يحيي باس خدها وحضنها: وانا كمان بحبك
ريشه: حبيبي
يحيي: نعم
ريشه : سامحيني ع كل اخطائي وشكرا ع صدقك
يحيي: انا مسامحك لان انا كمان غلط معاكي وظلمتك كتير عارفه ايه اكتر حاجه بتعجبني فيكي
ريشه ابتسمت اوي: لاني مهتميه بيك
يحيي : انا اه بحب اهتمامك طبعا لكن ايه الحاجه الي بتعجبني اكتر انك دمك خفيف عفويه خاليه من الهموم بس الاهم هي لسانك اي حاجه تخطر ع بالك ولما اهزقك تهزقيني ودي اكتر حاجه بحبها فيكي
ريشه : تمام لانك دايما بتزعجني واسلوبك بيعصبني معقول هقف ساكته
يحيي : وانا لسه قايل ايه ان ده بحبه
ريشه: وايه كمان صفه بتحبها فيا قول
يحيي: اكتر صفه انك نجحتي اعشقك وادوب فيكي وعرفت قيمه الجوهره الي امتلكتها وعايزك توعديني متخليش حد يعرف عناا اي حاجه والي احنا عايزينه هنعملوه من غير تدخل اي شخص
ريشه :اوعدك يا حبيبي مفيش حد يدخل بينا
يحيي: وياريت عنوان الروايا الجديده تسميه زوجتي الجريئه جدا
ريشه: ليه بقي كده ع فكره انا مع كل الناس بحكي وبتعامل باحترام لكن معاك انت حاجه تانيه
يحيي: وانا بقيت اعشق سفالتك معايا
ريشه : وانا بحبك واتمني انك متخيبش ظني فيك ياروحي ومالك فؤادي
…………….قصص منه محمد كاتب………………..
بعد شهر من الاحداث
يحيي دخل وقرب عليها: السلام عليكم
ريشه بصتله بأجمل ابتسامه: وعليكم السلام ياقلبي
يحيي: اتفضلي
ريشه الله ورده تعرف انا بحب الورد الجوري
يحيي : جوري! تعرفي ايه الفرق بينك وبين الورده دي ايه
ريشه: ايه
يحيي: الورده هتبدل في النهايه بس حبي ليكي لا يمكن يدبل ابدا
ريشه: والله ده يعتمد ازاي هتعاملني
يحيي : روح قلبي مش انا وعدتك اني هعاملك بافضل طريقه عندي وهفضل احبك لحد ما اوحشك
ريشه : لو مش منفصلين عمرك ما هتوحشني
يحيي كشر : هو احنا لازم نفترق عشان نوحش بعض
ريشه : هو مش المفروض كده
يحيي هز دماغه برفض: لا طبعا مش ده عشان لوكنتي حتي قدامي بتوحشيني
ريشه: وانا واوعدك افضل افضل وحشاك للابد
يحيي: بحبك من كل قلبي
صوت ما: يحيي علام حبيبي
ريشه: لاء مش مره تانيه
الصوت: يحيي علام ملكي لوحدي
يحيي طلع بسرعه التلفون وفضل يصورها وهي بتتحرك بأنزعاج وبتقول لاء وفضل يضحك
يحيي حركها وهو بيضحك: لاء ايه
ريشه قامت مفزوعه: انت بتعمل ايه
يحيي فاصل ضحك : مش قادر اقسم بالله هموت من الضحك
ريشه: هي فين
يحيي ضم حواجبه: هي مين
ريشه اتكلمت بنفعال : جوري فين؟
يحيي بصلها بدهشه : جوري مين
ريشه: بقولك هي فين جوري
يحيي: رشا انا لسه راجع من الشغل
ريشه ضربته في دراعه : يحيي
يحيي: ايه
ريشه بأصرار : خبيتها فين انطق
يحيي عقد حواجبه باستفسار : هي مين
ريشه: البنت الي معاك وبطل كدب فين البنت
يحيي: يا بنتي انا لسه راجع من الشغل
ريشه: لاء انت اديتني ورده جوري
يحيي بحلق فيها بدهشة : ورده وجوري
ريشه: بطل كدب هي فين انطق
يحيي: لاء اسمعي انتي لسه صاحيه من النوم انتي جرالك ايه خدي نفس عميق وبلاش تكوني طماعه ركزي ع البدايه ركزي اعاكسك ازاي وقت مكنتش بحبك لاني كنت بحب
ريشه بتهديد: اتجرء وقول اسمها يله قول اسمها
يحيي وهو بيستعد للهرب : لاء مش هقول اسمها هي كان اسمها توتا_ ابتسم وطلع يجري منها
ريشه مسكت المخده قامت تجري وراه تضربه بيها: انت هتهرب مني فين يا ويلك مني تعال قرب مني لان انت هتبقي عباره عن خيال
يحيي: لاء انا مقلتش حاجه غلطت معلش
ريشه: لاء انت قلت اسمها
يحي: معلش غلطه
ريشه: والله غلطه قولي ازاي اعاقبك بسرعه
يحيي : انتي سمعتي اسمها غلط بس تعرفي الغيره طالعه منك حلوه
ريشه بتكشيره: لاء انا مش غيرانه لان انت ليا والباقي ولا يهمني وهموتك يعني هموتك
يحيي: معقول تموتيني
ريشه: انا مش بس عايزه اموتك انا عايزه اعذبك لحد ما تموت
يحيي بضحكه مستفزه: ارحميني امي ممكن تروح فيها
ريشه صرخت بطريقه تضحك: روح من قدامي مش عايزه اشوف وشك طول منا متعصبه منك
يحيي هجم عليها وضمها لحضنه وهو بيضحك وبيقول: معقول بتتعصبي مني طيب انا عندي ليكي اقتراح نطلع نعشاء سوي ايه رايك موافقه
ريشه: عايزه تتعشي معايا
يحيي: ولا اقولك اطبخيلي بايدك حتي لو هتحطيلي سم مستعد اموت ع ايدك معنديش مانع ابدا وبعدها سامحيني
ريشه بتضربه في صدره بغيظ : قولي اعمل فيك ايه
يحيي: اعملي يا اي حاجه وشيلي الافكار الي في دماغك الشك بيمرر العلاقه
ريشه: اعمل ايه غصب عني اخدت اوسم راجل في الدنيا والبنات بتحسدني عليه وبيقوله مقصوفه الرقبه حظها حلو
يحيي : مدحك فيا بيفرحني كتير الف شكر وانا ليكي بقلبي وعقلي وروحي وعمري وحياتي وصدقيني الكلام نابع من قلبي
ريشه بصتله بستياء: وانت بتعصبني بس اعمل ايه قسمتي ونصيبي
يحيي اتنهد بصوت عالي وضم وشها بكل حنيه: وانا مجنون بيكي وبموت فيكي
#تمت والي اللقاء والجزء الثاني من الروايا حد عايزني اكمل ولا اكتفي بالجزء ده فقط
لقراءة الرواية كاملة اضغط على : (رواية زوجتي الجريئه)
