رواية زوجتي الجريئه الفصل الثامن عشر 18 بقلم منة محمد
رواية زوجتي الجريئه الجزء الثامن عشر
رواية زوجتي الجريئه البارت الثامن عشر
رواية زوجتي الجريئه الحلقة الثامنة عشر
الساعه 7 صباحا
ليلي: بلال بعد ما ارجع من شغلي عايزه اروح ازور امي واقعد شويه معاها
بلال بصلها: مفيش مرواح لو روحتي بيت امك مين هيرجع منه من الحضانه
ليلي بهدوء: انت جيبها النهارده لو سمحت وبعدين بقالي كتير مشفتش امي وكل ما تعزمنا تقريبا بترفض
بلال بشخط: عندك بيت وراجل مش المفروض تقعدي في حضن امك ارجعي بعد شغلك ع البيت متخلقيش مشكله من الهواء
ليلي: جرالك ايه انا عايزه ازور امي
بلال: وانا مش عارف ان كنتي هتزوري امك ولا حد تاني
ليلي: قصدك ايه
بلال: مين عارف مش يمكن رايحه تقابلي راجل تاني
ليلي بنفعال: بطل تشكك في اخلاقي لمجرد تتحكم فيا
بلال قام وشدها من شعرها: قلتي ايه عايزه تبقي حره وتمشي ع حل شعرك ( ضربها بالقلم بدون أي رحمه ) كرريها مره تانيه وهـ قتلك
ليلي نزلت قعدت في الارض وهي مقهورة وجواها جمرة ماحدش يقدر يطفيها وفضلت تعيط
………….قصص منه محمد كاتب…………..
يحيي دخل المطبخ وطلع بفنجان نعناع: رشا المره الجايه لو تعبتي من السخونيه لو سمحتي ارتاحي ومتعمليش اي حاجه في الييت وانا هشتري اكل من بره
رشا بصتله بهدوء: يحيي شكرا لانك راعتني ليله امبارح ومسبتنيش
يحيي اتنهد: اضطريت مكنتش من قلبي
ريشه ابتسمت: يعني كنت مجبر تبوسني
يحيي ارتبك ومسح ع شعره : اه بوستك بس مش عن قصد يعني تقدري تقولي رد ع تحرشك بيا
ريشه: مذهل بدل ما تديني الدواء بتديني بوسه
يحيي: قلتي ايه لتكوني مفكراني هموت مثلا وابوسك انتي تحمدي ربنا انك اخدتي مني بوسه بسهوله
ريشه : وانا ممنونه لك جدا
يحيي: بجد انتي ممنونه ليا تمام اشربي النعناع كله
ريشه ابتسمت وقايمه تهرب ركبتها اتخبطت في التربيزه واتالمت
يحيي بشماته : ايوه تستاهلي يحصلك كده لما تعصبي جوزك دي النتيجه انتي كويسه
ريشه اتعدلت : ايوه
يحيي: متاكده ومش هتشربي النعناع
ريشه وهي ماشيه بتعرج: مش عايزه اشربه انت
يحيي قام جاب مرهم ومسك ركبتها ودهنلها مرهم بكل لطف
ريشه : خلاص يا يحيي وبعدين هو انت مش رايح الشغل ولا ايه
يحيي لف لها وهويبصلها بنظرة حنونة : لاء اخدت اجازه طارئه اليوم
ريشه وشها اتغير لما تلفونه رن بأسم توتا وهو سالها: مالك
رشا كشرت: تلفونك بيرن
يحيي كنسل وقال: طنشي انا معاكي دلوقت بس لو كانت ركبتك بتوجعك عرفيني
ريشه: ماشي
يحيي: وعد
ريشه: وعد
يحيي: لو بتوجعك ادلكهالك
ريشه: لاء انا كويسه
يحيي: متاكده
ريشه: ايوه يا حبيبي متأكده
…………..قصص منه محمد كاتب…………………
تاني يوم ليلي اخدت ريشه معاها تشتري بلوزه
ليلي : كويس انك جيتي معايا
ريشه : انا فاضيه معنديش حاجه اعملها في البيت فممكن اجي معاكي بس مالها شفتك
ليلي اتوترت: اصلي وقعت في الحمام انا هدخل المحل ده تحبي تيجي معايا
ريشه: لاء تعبت هستناكي هنا وهشوف المسدج الي جالي
ليلي هزت راسها: تمام راجعه ع طول
امجد قرب منها: اه يا مشغوله جدا كنت جايلك اخبط ع بابك ليه مش بتردي ع رسايلي
ريشه: بجد كنت مشغوله في الفتره الاخيره
امجد برفعه حاجب: فيه 24 ساعه في اليوم مفيش منهم دقيقه تردي عليا ولا بتتجنبيني
ريشه: اوكيه انا اسفه لكن انت ليه هنا موركش شغل تهتم بيه
امجد: لاء عندي بس فتحت فرع جديد جنب المول وشوفتك
ريشه: مش هستغرب لانك دايما هنا
امجد: ايوه وانتي بتتجنبيني ومش عارف ليه
ريشه: لاء خالص
ليلي: خلاص جبتها
ريشه: لحقتي
ليلي: اه دي بلوزه
ريشه: اعرفك ده امجد اقرب صديق ليا ودي مدام ليلي اخت يحيي
امجد صافحها بترحاب: هالو بس من فضلك بلاش تبتسمي
ليلي ضحكت ع خفه دمه وقالت وهي بتسلم: سعيده بمقابلتك
امجد: وانا اتشرفت لما شوفتك انا قابلت اختك الصغيره كان اسمها
ريشه: هاله
امجد: ايوه هاله مظبوط
ريشه: نقدر نمشي
امجد: اه طبعا اشوفك قريب
ريشه: اشوفك
امجد: وانتي يا ليلي اشوفك معاها
ليلي بأبتسامه: ان شاء الله
امجد لريشه : اهتمي بنفسك
ريشه : وهي بتشاورله: سلام
………….قصص منه محمد كاتب………………..
يحيي: فين العصير يا رشا
ريشه: اتفضل هو انا ممكن اسألك سؤال
يحيي بصلها: اه اتفضلي
ريشه: يحيي هو انت متأكد ان توتا صادقه معاك
يحيي بزهق : مش هتفصلي كلام عنها ليه بتغيري منها عملت لك ايه
ريشه: انا مستحيل اغير منها ابدا بس انت لازم تشوف الحقيقه
يحيي بضيق: اي حقيقه انا بقالي 8 سنين معاها وعارفهاا هي ايه عشان كده من فضلك متتكلميش عنها
يحيي موبيله رن وقام بعد خطوتين ورد:نعم يا توتا
توتا: اهلا ياحبيبي بقولك ممكن نخرج شويه فيه حاجه عايزه اقولك عليها
يحيي : توتا نسيتي اتفاقنا
توتا بحده: وانت بقيت تخلق اعذار وبسببها انت دايما معاها وعني انا ايه
يحيي : اظن فكرت في مشاعرك 8 سنين
توتا بغيظ : اه يعني عايزني افكر في مشاعرها دلوقت مش كده
يحيي بخنقه : توتا هو ده ممكن تعمليه من فضلك ووقفي عمايلك انا تعبان وعايز ارتاح لو فيه حاجه قوليها ع التلفون
توتا : ماشي كنت عايزه اتكلم معاك عن الحفله السنويه للشركه هتاخدني معاك مش كدة
يحيي ياخ نفس بحيره: مش عارف لسه هفكر بعدين
توتا يحيي وبعدين
يحيي : ايه اظن انتي عارفه عندي زوجه
توتا :اه يعني هتاخدها معاك وانا
يحيي قطعها: توتا ممكن نأجل الكلام ده لبعدين بجد تعبان يله سلام
……………قصص منه محمد كاتب………………..
في بيت علام ليلي داخله بتجري وشعرها منكوش وبتصرخ
خديجه: فيه ايه
بلال بيشدها من ايدها: تعالي هنا
خديجه زقته عنها: ابعد عنها وقولي حصل ايه
بلال بنفعال: متدخليش يا حماتي
خديجه: يعني ايه مدخلش دي بنتي عملت لها ايه
بلال: معملتش حاجه بنتك مكبره الموضوع هي مسمعتش كلامي وعصبتني
ليلي هي تبكي وتقول : انا معملتش حاجه يا ماما
بلال: ليه قابلتي رشا هو انا مش حذرتك تبعدي عنها
علام بحده: انتي قابلتي رشا
بلال: ايوه ياعمي بتقابلها كتير وخرجت من ورايا وقابلتها واكيد هي الي فسدت اخلاقها وخلتها قليله الادب وواقفه ترد عليا
ليلي لاء انا الي طلبت منها تروح معايا نشتري بلوزه وبس
خديجه صرخت بس كفايه وانت اياك تمد ايدك ع بنتي سامع
……………………………..
قدام بوابه الشركه
حاتم بستفسار: قولي ناوي تجيب مين معاك الليله
يحيي: ربما توتا
حاتم: توتا بس انت لسه متجوز من ريشه واعتقد ان مراتك هي احق تكون معاك اكتر من توتا
يحيي: شوف يا حاتم لو مأخدتش معايا توتا الحفله هتهددني انها هتسيب هنا وتسافر اسكددريه وتستقر هناك انا مجبور اجيبها هي معايا
حاتم: وانا بقولك هتخسر يا يحيي مش قادر حتي تسوي المسأله الصغيره دي ماتسيبها يا اخي تسافر فين المشكله وده الافضل
يحيي بحده: اظن القرار ليا هاخد مين فيهم معايا وانت كمان هات البنت الي عايزها انا مره فرضت رآي عليك
حاتم: محصلش
يحيي: بالظبط عن اذنك
حاتم لنفسه: انت مسألتنيش حتي هجيب مين متزعلش بقي ياصاحبي
……………….قصص منه محمد كاتب………………….
جه يوم الاحتفال ودخل يحيي وفي ايده توتا الي لابسه فستان عادي طويل
منظمه الحفله بستقبال: سيد يحيي جيت مع انسه توتا
يحيي: ايوه فيه مشكله ولا حاجه
المنظمه: لا بس الانسه توتا هتقعد فين بعدين
يحيي : هتقعد معايا كالعاده ايه الموضوع
المنظمه: لا تمام اتفضلوا دي تربيزتكم
حاتم دخل وابتسم لما رشا قربت منه وكانت لابسه فستان ابيض كله الماس قصير للركبه وتوب من فوق وكانت مذهله ويحيي ملامحه اتغيرت لما الكل سكت فجأة والأنظار اتوجهت لها
يحيي بصلها بضيق وراح سحب كرسي وقعد وتوتا حصلته
حاتم قرب منه وقاله: جبتلك مراتك رشا وجدي توتا قومي من فضلك نقعد هناك
يحيي بصلها: ليه جيتي من غير ما تعرفيني
ريشه: عشان انا احق اكون هنا لو حاتم ادرك كده ليه انت اتجاهلت
يحيي بتحدي: عندي توتا وهي نتيجي معايا كل سنه
ريشه بنفس التحدي : ده كان قبل وجودي بس دلوقت العرش ده ليا
المنظمه مبتسمه: مدام رشا سبق وزورتي شركتنا قبل كده
ريشه بصتلها وقالت:الشركه مكان بيشتغل فيه جوزي مش مكان للمقابلات البيت هو المكان المناسب للاجتمعنا وخصوصيتنا
يحيي : هقوم اسلم ع الناس
يحيي قام وسحب كرسي وقعد جنب توتا
ريشه في سرها: مش كفايه مجبنيش هنا وكمان سابني وقام كأني مش موجوده
شويه قامت دخلت التوالت وبصت لنفسها في المرايا وتوتا قامت وراها
توتا: متفكريش انك هتنتصري عليا بمجرد ما لبستي فستان جميل وغالي عشان كده قبل ما تتحرجي اكتر امشي من هنا
ريشه : وانا شايفه انك المفروض تتحرجي وانتي جايه بكل وقاحه مع راجل متجوز
توتا تحط ايدها على وسطها : سبع سنين جيت نفس الحفله من غير اي مشاكل وفجأه مخلوقه مش مدعيه دمرت كل حاجه
ريشه: دمرت وجايز مفيش حد هنا عايزك تيجي انتي ولا حد هنا سامعه
توتا ضحكت بكيد : سوري انا حبيبه المدير التنفيذي ايه مش عارفه ده
ريشه: وانتي عايزني اكرر انا مين للمدير التنفيذي
توتا: مش مكسوفه جايه من غير دعوه
ريشه: انا اتعزمت من مدير الشركه نفسه اما انتي
توتا: وانا مش مهتمه اصلا ولا عشان انتي من الطبقه الغنيه وانا من الطبقه العاديه مفكراني هخاف
ريشه: وانتي متأكده انك مش خايفه
توتا: انتي مجرد رزاز حشري يحيي عنده معجبين كتير بس هو مصر يختارني انا
ريشه: بالذات انتي عشان كده لازم تخافي لانك جايز تبقي زوجه تانيه خرابه بيوت اما انا مش
مش فاقده الامل عشان اجري وري واحد متجوز
توتا ترفع حواجبها : امال ليه خطفتي مني حبيبي لان مكنش عندك امل تتجوزي
ريشه: عارفه بدل ما اكون معاكي هنا الافضل اكون مع جوزي الي هو الرئيس التنفيذي بصي لوشي كويس هو ليا
توتا بدون أهتمام : بصيلي كويس انا مش مهتمه ( زقتها ع الحوض وخرجت
ريشه اتكت ع اسنانها وقالت: اقسم بالله انك واحدة وقحة وتافه وحقيرة كمان
…………..
ع التربيزه
المنظمه للحفله : انتي مأكلتيش
توتا: مش هقدر اكل كتير عشان كده هطخن
ريشه خرجت وقربت لما شافت توتا قاعده مكانها وبصتلهم والود ودها تدبحـ هم
يحيي بهدوء : توتا قومي ده مكان رشا
توتا: اظن ده مكاني من سبع سنين ليه اسيبه للست دي
المنظمه قامت من مكانها: مفيش مشكله تعالي اقعدي يا مدام رشا مكاني
ريشه: لا ء خليكي انا مليش مشكله معاكي انا مشكلتي مع الدبانه دي
توتا ضربت بأيدها على الطاولة: انتي بتقولي ايه
يحيي جز ع اسنانه بصوت واطي : رشا اسكتي احترام للمكان بالي فيه
ريشه ماقدرتش تتحمل أسلوبه الوقح : انت تخرس
يحيي قام يمد وراها: انتي قلتي ايه
ريشه مشت بخطوات واسعة مقهورة من تصرف يحيي الغبي…كملت طريقها ووراها حاتم
يحيي مسك دراعها: استني هنا انتي رايحه فين وهترجعي مع مين
ريشه شدت دراعها منه بحده : انت مالك
يحيي متنرفز من أسلوبها : وانا بقولك هترجعي مع مين
ريشه بلهجه حادة: لوحدي
يحيي: هو انتي زعلتي مني
ريشه: بجد انت بتسألني حتي لو كنت ياتري بتفكر في زعلي اصلا
يحيي: تعالي ارجعك البيت
ريشه بعدت عنه: كل واحد جه لوحده عشان كده هرجع برضه لوحدي
يحيي بقهروأنفاسه واضحه :انتي ليه بقيتي وقحه معايا ممكن تحترميني شويه انا جوزك
ريشه جوزي سبني امشي بدل ما اقولك كلام يزعلك
يحيي انتي ليه مستعجله انك ترجعي البيت
ريشه انا جيت هنا احمي كرامتك مش انت من ضكمن احتفقال الليله عشان كده سامحني لو ازعجتك في حفلتك
يحيي بصله: ليه كلفت نفسك وجبتها نا
حاتم: انتي متلومنيش لو كنت عارف حدودك كزوح مكتش حصل الي حصل وانت مسألتنيش هجيب مين معايا
يحيي: هو انت قلتلي انك ممكن تجيب مراتي
حاتم: هايل يا يحيي بجد هايل
يحيي بصله بغضب ومشي لما تلفونه رد وكانت توتا ودخلها وحاتم شوحله بأيده وراح للعربيه لقاه ريشه حرفيا منهاره في العياط
استوب ورايكم ع الحلقه وياتري رشا هترجع تاني ليحيي ولا هتقرر خلاص تبعد وتسيبه
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زوجتي الجريئه)
