رواية زوجتي الجريئه الفصل الثالث 3 بقلم منة محمد
رواية زوجتي الجريئه الجزء الثالث
رواية زوجتي الجريئه البارت الثالث
رواية زوجتي الجريئه الحلقة الثالثة
دلال: قوليلي هو امجد معجب بيكي
ريشه ابتسمت : مامي هو عارف اني مش هحبه ابدا
دلال : هو سبق وكلمك
ريشه : لا كان اكيد بيهزر
دالال : طيب ليه بيتودد لـ ابوكي
ريشه : مامي هو راجل اعمال واكيد بيتودد عشان شغل
دلال : يعني مش عشان بيحبك
ريشه : مامي حبي لواحد بس يحيي علام
دلال : انتي جرئيه جدا
ريشه زغزغتها: اتعلمت منك
دلال : سمعت كدا ان فيه واحد هيبعت خاتم ويحدد معاد الشبكه
ريشه: انا مش عايزه خاتم اهم حاجه نتجوز
دلال ضربتها ع جبينها : يالهوي عليكي زمان قلبك بيدق بسرعه وانتي مبسوطه كده
ريشه بمشاغبه : انا بخير ومش مستعجله انتم الي عايزين تجوزوني بسرعه مش كده
دللال شدت خدها بمرح :كل ام بتتمني اليوم ده يا مشاغبه انتي
الشغاله: ست رشا استاذ امجد مستنيك في الجنينه
دلال : قومي ع ما اعملكم العصير
ريشه طلعت مبتسمه: عامل ايه يا امجد
امجد : الحمد لله اقبلي الورده دي رغم مش جميله زيك
ريشه : من امتي بقيت رومانسي وجاي تديني ورده مفيش داعي
امجد حطها ع التربيزه وقال: سيبك من الورده قولتلي في مره انك عايزه شريك حياتك يبقي رومانسي يفاجئك بورد وعشاء ع ضوء الشموع
ريشه عيونها في التلفون وتبتسم
امجد حرك ايده قدامها : رشا انا بكلمك
ريشه انتبهت وبصتله: قلت ايه سوري مسمعتش
امجد : قوليلي مواصفات شريك حياتك
ريشه ضحكت بشقاوه : اوكيه بالنسبه لي عايزه فارس احلامي زي أمير الي في مسلسل أسميتها فريحه راكب عربيه لابس بدله ومعاه بوكيه ورد
امجد: هو انتي بتحبي بطل المسلسل
ريشه : جدا ع الاقل انا لقيته مش زيك مش عارف تلاقي حبيبتك
امجد ابتسم: بقي كده
دلال طلعت: يا ولاد تعالوا اشربوا العصير ساقع
امجد: اوكيه جاين يا طنط
ريشه قامت : يله تعال اشرب العصير وروح بيتكم
امجد : انتي بتطرديني زهقتي مني
ريشه بمرح : جدا هو ده بيتك تقعد فيه مده طويله
امجد : انتي الي طلبتيني اجي
ريشه : ابقي ازعجني المره الجايه اما دلوقت عايزه اشرب العصير وادخل اوضتي احلم مع نفسي
امجد: اوكيه
……………………………………….
في بيت عائله يحيي الي واقف يسمعهم
يحيي: مهر مين هيتجوز
خديجه: انت يا يحيي
يحيي انزعج : بتتكلمي بجد يا امي
خديجه هزت له دماغها : ايوه جد يا يحيي
يحيي: بس انا قلت لك مش عايز ماما اظن الامر متعلق بحياتي ممكن تسبوني اقرر
خديجه: يابني احنا خلاص كلمنا اهل البنت واهلها قالوا مفيش داعي للخطوبه يتجوزها ع طول وفرحكم الشهر الجاي يعني جهز نفسك
يحيي: نعم وليه قريب اوي كده هي عانس ولا ايه؟
علام: ريشه عندها 21 سنه ومن عايله غنيه جدا وجميله جدا ومش عانس وخير البر عاجله وبعدين الخطوبه مشروعة لمن أراد الزواج والجواز افضل عشان كده مفيش داعي تقول كلمه زياده
يحيي : انا هتجنن ليه كل حاجه بتم بسرعه كده
علام بسخريه: امال المفروض تتم بعد سبع سنين وانت الي خليت كل حاجه تتم من وضعك انت والست توتا استنتها سبع سنين ولسه متجوزتش لحد دلوقت ولا انا بقول كلام غلط
يحيي: بابا الموضوع مش كده انا بس حاسس ان ماما هي اسمها ايه ريشه يعني انا اتجوز واحده اسمها ريشه هل يعقل
علام بحزم: يحيي متبقاش عامل زي الاطفال الي في الحضانه ومش هتلاقي سبب واحد للرفض
يحيي: ممكن من فضلكم تدوني فرصه اخيره ارجوكم
علام: ايه الفرصه الي انت عايزها عطيتك فرص لسبع سنين ايه الفرصه الي عايزها
يحيي: زي ماقلت فرصه اقنع تواتا تاني ولو موفقتش هنفذ كلامكم
علام:ماشي بس بشرط
يحي: الي هو
علام: اوعدني مش هتبلغ توتا انك هتتجوز ريشه وهديلك مهمه 48 ساعه وتبدء من دلوقت وبعد كده هنشوف قدرك هياخدك لفين
…………قصص منه محمد كاتب…………………
يحي حط ايده ع كتفها : قوليلي لحد امتي هستني ونتجوز قولي حالا
توتا نزلت ايده : هو انت مش بتزهق في الكلام عن الجواز انت اتقدمت لي عشر مرات
يحيي كشر بضيق وقال : واحنا مع بعض سبع سنين بس الموضوع بوخ وطول زياده عن اللزوم وبصراحه فاقد الامل اننا نتجوز
توتا: تمام الي خلانا نستني سبع سنين ممكن نستني كمان سنتين مقدرش اتجوزك وانا مش مستقره هنا وهسافر خمس شهور اخلص المشاريع
يحيي بنفاذ صبر: لو التأجيل عشان شغلك وسفرك اوكيه قبل ما تسفري نتجوز
توتا: لاء طبعا مقدرش انا مسؤله ع مشاريع كتير وبسافر في اي وقت مقدرش اتحمل مسؤليه زوج وبيت
يحيي: بس انتي عارفه اني بحبك بجد وانتي عارفه ( طلع دبله) اتجوزيني يا توتا واشترتلك الدبله دي من فتره انا مستني البسهالك قدام عايلتك في صوباعك
توتا ضحكت بستهتار ومسكت نفسها لما هو كشر واضايق
توتا كتمت الضحكه وقالت:سوري اسفه
يحيي : بتضحكي ليه
توتا: لانك طلبت ايدي اكتر من مره مش شايف انه امر مضحك
يحيي اتعصب : هو ارتباطي بيكي واني اعيش معاكي مضحك بالنسبه لك اوي كده
توتا اخدت نفس وحمحمت وقالت بجديه: شوف يا يحيي حتي لو مطلبتش تتجوزي انا متأكده انك بتحبي بصدق ومش مطلوب منك ابدا تعمل كل ده عشان تثبت لي حبك وخصا لما تطلب مني الجواز انا مش محتاجه لكل ده
يحيي: ولحد امتي هستناكي عارفه انا اكتشفت اني قضيت معاكي سبع سنين عبث
توتا بغيظ: عبث طول السنين دي بنحب في بعض ولما بقولك نأجل جوازنا شوفته عبث
يحيي: وهو اخر الحب ده ايه مش اننا نتجوز ونكون اسره ايه الي مش قادره تميزيه
توتا: افهم انت انا واحده عايزه احقق ذاتي ويبقالي كرير عشان كدا مشغوله ليل ونهار اروح احط زياده مسؤليه في شغل البيت ولا عاوزني ست بيت لاء انا بجد اسفه
………….قصص منه محمد كاتب………………….
في الشركه
حاتم: فيه ايه مالك
يحيي بتكشيره : انا هتجوز
حاتم: تهانينا كدا اثبت ان سبع سنين مرحوش هدر مع توتا
يحيي: توتا خلاص مش هتجوزها
حاتم عاقد حواجبه: امال هتتجوز مين
يحيي: مش مهم مين بس لازم اتجوز اجباري
حاتم: لاء ثانيه كده متقوليش ان جوز خالتي، ولا انت عارف البنت
يحيي اتك ع سنانه بغيظ : معرفهاش ولا عارف ليه ابويا وامي مصرين يجبروني ع البنت دي بالذات
حاتم : مش فاكر الي عمله في اختك ليلي
يحيي : ليلي بنت اما انا راجل ومفيش راجل يتغصب ع شريكه حياته
حاتم بهدوء: اسمع يا يحيي سواء راجل ولا ست الاتنين عندهم مشاعر والي اقدر اقلهولك سواء عجبك ولا لاء لازم تقبل قرار ابوك لكن هقولك لفته صغيره عامل مراتك بما يرضي الله
……………………………….
في الاتاليه ريشه بتختار الفستان عيونها بتلمع بفرحه مش سيعاها وقلبها بيدق انها هتشوف حبيبها
دلال : الموديل ده حلو اوي
ريشه : رآي نستني يحيي
خديجه: ع ما يوصل اختاري واحد وهو ينقي بدلته
ريشه: انا هقوم اختارها انا عارفه مقاسه ولون القميص ابيض اللون الي بيحبه
خديجه: عسوله خالص يا دلال مقبلتهوش بس عارفه مقاسه واللون الي بيحبه
ريشه قامت: هقوم ادور ع البدله
دلال: اطمني ريشه ذوقها هايل في الملابس بس هتستني يحيي يجي عشان يختار معاها الفستان
خديجه: مش عارفه اتأخر ليه هقوم اتصل بيه عن اذنك ثانيه
دلال: اتفضلي
خديجه راحت بعيد واتصلت: انت فين يابني عيب كده العروسه وامها مستنيك…ماشي هسيب ريشه تختار بس لازم تقيسها عشان المقاس سلام
دلال: ها كلمتيه
خديجه بأحراج: اه بس بيقول مش هيقدر يجي بس قالي لو مفيش مانع ريشه تختار وهو هيلبسها
دلال: اه وماله
ريشه سمعت كلامهم وزعلت جدا كان نفسها حبيبها يبقي معاها وهي بتنقي الفستان والبدله وهما بيقضوها سوي ضحك وهزار
……………………………..
حاتم: خلاص هتتجوز وتبقي عريس وتدخل القفص
يحيي بسخريه: شوفت وتعال باركلي وهات معاك هديه كبيره مش هديه صغيره
حاتم بضحكه: معني كده هتتجوز بجد انا رأي مهمتك للمقاومه العظيمه كانت فاشله واضح انك وقفت في نص الطريق وهتتجوز هي كان اسمها ايه
يحيي بغيظ: ريشه
حاتم : ر يش ايه
يحيي: بطل تريقه لو سمحت انا مش طايق اسمها مش بحبه
حاتم: بس لازم تحبه والله حلو ريشه
يحيي: حاتم بجد همشي
حاتم: خلاص اوكيه كنت بضحك معاك اهدء هي مراتك اسمها ايه
يحيي: وبعدين يعني في غلاستك دي
حاتم بعتذار : خلاص اسف بس هي وافقت تتجوزك
يحيي: ايوه ورايحين يختاروه الفستان ومروحتش لاني اعتقدت مش هياخدوه الموضوع بجد بس اتضح انهم جادين ولا ايه رآيك
حاتم: انت بتسألني عن رآي انا شايف تحرك رجليك وتروح الاتاليه بسرعه عشان خاطر خالتي اكيد مستنياك وهتتحرج قدامهم قوم
يحيي: مش عايز
حاتم: يا عم قوم ريسك عطاك اجازه
يحيي: ممكن تقولي لو روحت هناك هعمل ايه
حاتم: قيس بدله الفرح كل واحد بيفرح انه هيتأهل لكن انت مكشر وانت داخل ع جواز يله قوم عطلتني قوم
يحيي خرج من مكتب حاتم السكرتيره وقفته: مبروك يا استاذ يحيي اسم مراتك جميل اوي
يحيي: قصدك غريب قوي ومن فضلك متذكريش اسمها لاني عارفه وحافظه
السكرتيره: حاضر
يحيي: مش وصلك دعوه لفرح
السكرتيره: ايوه
يحيي: اتمني تحضري اصله فرح كبير وهاتي هديه مش مشتركه بينك وبين الموظفين للان فيه بوفيه لو جعتي هقسملك الاكل معاهم
السكرتيره ضحكت: تمام
يحيي لنفسه: ريشه ايه الاسم الانتيكه ده حبيبتي اسمها توتا الحداد وافتخر بيه لما يتكتب في العقد بس ريشه اهها دول مش بيفكروا في اسم ولادهم
……………………………………..
دلال : خلاص هنقوم احنا نروح ولما يجي يحيي ابقي بلغينا
خديجه بأحراج: انا والله ما عارفه اقولكم ايه بجد متأسفه
دلال: ياحبيتي محصلش حاجه
ريشه ضمتها: سلام يا طنط
خديجه بدلتها الحضن وقالت: سلام ياحبيتي
ريشه اخدت دلال وخرجوا من الاتاليه وخديجه راحت تتفرج ع الفساتين
يحيي: امي
خديجه لفت: الله مش قلت مش جاي الجماعه لسه ماشين مشفتهمش
يحيي: فين البدله انا متأخر وعندي اجتماع كمان ربع ساعه
خديجه: تعال ورايا
………………………….
يوم الفرح قاعد حزين وعيونه ع الموبيل : تخيل توتا متصلتش بيا بقالها شهر
حاتم: يالله ليه مش عايز تفهم انا شايف انك مجنون بيها لوحدك وهي انت ولا في دماغها
يحيي: لاني بحبها ونفسي اتجوزها مش ريشه
حاتم: ممكن تقوم عشان تقطع املك في توتا دي خالص
يحيي: هو انت ناوي تعمل ايه
حاتم: نشوف ابوك ونشرحله حالتك وهو يحل المشكله
يحيي: هو انت عاوزني امـ وت
حاتم: لاء تعيش يا يحيي متقلقش بمجرد ما تدخل القاعه هقف وراك لو حسيت انه هيغمي عليك امسك فيا
يحيي: يعني بالزمه ده وقت هزار
حاتم: قولت لك من البدايه لو مش موافق قولها بصراحه مش موافق بس انت سكت وجاي النهارده تشتكي وتعبر عن استيائك هنا امال لما تقف قدام المأذون هتعمل ايه جبان بصي هات موبيلك
يحيي: مالك ومال تلفوني
حاتم: هات ودلوقت هدي نفسك انت هتتجوز
يحيي: ماهي دي الكارثه هتجوز
تلفون يحيي رن في ايد حاتم قام بعيد ورد: بتتصلي ليه
توتا بتعجب: حاتم وانت بترد ليه فين يحيي
حاتم: يحيي مشغول عايزه ايه
توتا: انا لسه راجعه من السفر لو سمحت خليني اكلمه
حاتم: هو اتصل بيكي كتير بس سيادتك مردتيش عليه ولا مره ليه دلوقت يرد عليكي
توتا بعصبيه: انا حره ادهولي اكلمه
حاتم بغيظ : وانا كمان حر وهقفل التلفون
توتا: سوري انا اسفه ممكن من فضلك اتكلم مع يحيي دقيقه
حاتم: لاء يحيي مشغول بيتجوز
توتا بنرفزه : بتهزر حاتم ادي التلفون ليحيي بسرعه عايزه اتكلم معاه كلام مهم
حاتك بجديه: انا مش بهزر احنا دلوقت قدام القاعه وشويه هنكتب الكتاب
توتا: قاعه ايه وهي فين
حاتم: مش ضروري تعرفي العنوان بلاش تخلقي مشكله هنا
توتا: تمام لو كان بجد هيتجوز سبني اكلمه وافهم منه واشوفه لاخر مره ممكن
حاتم قفل السكه وهي اتجننت لحد ما شاف مسدج منها
حاتم مدله الموبيل: يحيي جاتلك رساله اقراها
يحيي عاقد حواجبه : رقم مين ده
حاتم مط شفايف ورفع كتافه : معرفش اقراها
يحيي فتحها وكان محتواها( ععرفه انك مش سعيد بالجوازه دي)
حاتم: دي من ريشه
يحيي: مين غيرها اكيد هي
حاتم: قالت لك ايه
يحي: اقرء
حاتم: لو سمحت مثل انك فرحان وسعيد عشان عايلتك وشكلنا قدام المعازيم والفيديو والصور الي هنتصورهم راعي هنحتفظ بيهم مدي الحياه مش هتندم لو ابسمت في الصور بلاش تكشر
……………………………………………
يحيي دخل القاعه وقعد جنب ريشه بعد زفه جميله ع اعلي مستوي وحضر المأذون يحيي كانت جاتله رساله ان توتا واقفه بره اتحجج انه رايح التواليت وقام
توتا شافته بالبدله وعيونها دمعت: يعني فعلا بتتجوز ازاي هتتجوز واحده غيري ايه غلطي يايحيي
يحيي : مش زي ما انتي معتقده
توتا عيطت بنفعال: عايز تتجوز في السر من غير ما اعرف انتي حتي مقولتليش اي حاجه لو مكنتش رجعت مكنتش هعرف انك بتتجوز وتقولي مفكره غلط
يحيي اتوتر: سبيني اشرحلك لو سمحتي
توتا بصوت عالي جدا : هتشرحلي ايه تشرح انك بتخوني مع الي اختارتها عليا
يحيي بقهر: انا مخترتهاش انتي الي وصلتينا للنقطه دي ولا نسيتي
توتا: ودلوقت بترمي اللوم كله عليا لو كنت اعرف ان ده هيحصل كنت سبتك من زمان
يحيي مسك وشها بين ايديه الدافيه وهو بيقولها ويأكد : متقوليش كلام غبي هتجوزك
توتا شدته من ايده ناحيه العربيه وجريت بيه ومنه شافتهم ودخلت تجري ع امها وقالت لها: ماما خالي هرب
استوب ياتري هيحصل ايه وموقف ريشه قدام الناس وعلام ليله فله وليه توتا بترواغ الارتباط بيحيي وفين اهلها كل دي اسرار هنعرفه في البارت الجديد
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زوجتي الجريئه)
