رواية زوجتي الجريئه الفصل الثالث عشر 13 بقلم منة محمد
رواية زوجتي الجريئه الجزء الثالث عشر
رواية زوجتي الجريئه البارت الثالث عشر
رواية زوجتي الجريئه الحلقة الثالثة عشر
يحيي قاعد يضحك ويهزر مع توتا لقاه تلفونه بيرن وتوتا سألته: مين بيتصل
يحيي: استني
توتا نفخت بملل: عملنا ازعاج مش قولت لك اقفله عشان تقضي وقتك معايا
يحيي بضيق: توتا استني دقيقه ارد
توتا بغيظ: اتفضل رد
يحيي: الو ايوه يا عمي
وجدي : يحيي انت مع بنتي بتصل بيها مش بترد
يحيي بتوتر: لاء انا مع تـ قصدي في ميتنج
وجدي: قلت لبنتي انك رايح تاخدها وكنت بتاكد لو وصلت للييت ولا لاء
يحيي : انتم كنتم قاعدين فين
وجدي : في مطعم^^^
يحيي اتوتر لما لقاه انه نفس المكان الي كانوا فيه ورد بسرعه: تمام انا هلاقيها وهرجع اتصل بحضرتك
وجدي : تمام يابني طمني الله يخليك
يحيي قفل و بصلها : توتا انا لازم امشي حالا
توتا : مش كنا رايحين نعمل شوبنج سوي عايزه اشتريلك هديه للذكري مع بعض
يحيي : روحي اشتري وابعتيلي الايصال وانا هحولك المبلغ
توتا مشت ناحيه ريشه وفضلت مرقباها من بعيد لحد ما ريشه مشت
توتا وقفت شويه وقالت لنفسها : هي الست دي مجنونه كانت بتكلم مين مفيش حد هنا ولا لابسه سماعات في ودنها اكيد مجنونه ده التصرف الغريب الي قاله مراد وانا ليه بكلم نفسي
…………………
ريشه رجعت البيت ورمت السلام ع يحيي وهو رد عليها
ريشه قعدت جنبه بهدوء: رجعت بدري هي رقبتك بتوجعك ولا توتا ضربتك
يحيي اتحرك بنزعاج: لاطبعا كنت طالع البيت فجأه ضربني شخص مجنون ع دماغي
ريشه بخوف : ايه واحد مجنون وهي الضربه جامده تحب احطلك مرهم ولا اعملك كمدرات
يحيي: لا مفيش داعي كنت عايز ارجعك واتصلت بيكي كذا مره بس مردتيش كنتي فين
ريشه: اه بعد ما قابلت بابي روحت اتمشيت شويه واشتريت شويه حاجات فكرت انك مشغول عشان كدا محبتش ازعجك
يحيي: انا كنت فعلا مشغول بس الاجتماع اتلغي في اخر لحظه
ريشه: بجد! يعني اتغديت
يحيي: ايوه انا اتغديت مع عميل
ريشه:عميل جديد ولا عميل قديم
يحيي: عميل جديد ليه بتسألي
ريشه: لو كنت اعرف كنت جيتلك ويمكن ساعدتك تاخد المشروع مين عارف ممكن تكون رزقك بدعوه مراتك وابوها مش كده
يحيي ارتبك : ايوه كنت عايز اسألك بس انتي متعرفيش طبيعه شغلي
ريشه: اوكيه طالعه اغير هدومي
يحيي بدء يقلق من اسلوبها وطريقتها في الكلام وهو تعبان من الخبطه ميعرفش ان امجد هو الي ضربه انتقام لرشا وانه مش ناوي يسيبه لا هو ولا توتا
………………………….
في غرفه نومهم الخاصه ريشه قاعده زهقانه وهو فاتح الجهاز بيكتب عليه
ريشه بصتله: يحيي لو اشتغلت كده حملي هيزيد ومش هتبقي انت وبس ده كمان شغلي وهتعب زيك حتي بالليل هشتغل
يحيي :عشان ده لاء ده عرض هقدمه بكره فمضطر انهيه الليله
ريشه :ده مجرد مثال مش عايزه اهمل احتياجاتك واقصر في طلباتك
يحيي :وانا شاكر جدا انك مراتي بجد زوجه مسؤله بس مش ده الي عايزه يا ريشه واطمني انا قادر اهتم بنفسي ممكن اكل بره قصدي ناكل بره
ريشه: بس انا رافضه انا اتجوزتك لاني عايزك تاكل الاكل الي بطبخهولك بايدي عايزه اكون زوجه جاهزه دايما لتلبيه احتياجاتك في اي وقت
يحيي :اوكيه قوليلي هو بقي فيه زوجه مثاليه كده في الدنيا لاني بشوف كل الستات بيتهربوا من مسؤليه البيت والزوج وانتي عايزه تقضي طول وقتك معايا زي ما من حقك تقضي وقت مع عايلتك او نيلي الا بالحق بما أننا جبنا سيرتها ليه متعزمهاش عندنا واتعرف عليها
ريشه توهت الكلام وقالت: بجد انا تعبانه هنام تصبح ع خير
يحيي: وانتي من اهل الخير
……………………..قصص منه محمد كاتب…………………….
تاني يوم في المطبخ يحيي فطر وقايم وريشه شدته وباسته من شفايفه
يحيي فتح عيونه بصدمه: ايه ده انتي مش بتتكسفي
ريشه بأبتسامه: الله فيه بواقي اكل ع شفايفك اسيبها
يحيي: قوليلي وانا امسحها لنفسي مش تهجمي عليا هو انتي مش بتخجلي
ريشه: اخجل من ايه مش انا مراتك
يحيي: ايوه عارف لكن ده معجبنيش اطلاقا
ريشه :وانا مش مهتمه يعجبك الاهم انه بالحلال
يحيي: تمام بس لو عرفت توتا هرد عليها بايه
ريشه: خليك صريح اصل الكدب ملوش رجلين اهتم بنفسك يا حبيبي وسوق ع مهلك
يحيي تابعها لحد ما مشت وقال: هي مالها بس وقحه زي جمالها الوقح ( حط ايده ع شفايفه وابتسم
…………………….قصص منه محمد كاتب……………
في الشركه بعد ما خلص الاجتماع حاتم افتكر لما ريشه هجمت ع يحيي وابتسم
يحيي بصله: ليه بتبتسم
حاتم: يالله مقدرش حتي ابتسم اهدي واسترخي دي اول خطواتها لسه مشفتش التانيه
يحيي: بس هي مش من حقها تعمل الي يحللها تحضن وتبوس وانا مرضتش اتعصب عليها رغم اني مفروس منها
حاتم بضحكه: سواء لمستك ولا باستك مش من حقها ولاهي اذتك
يحيي: لاء قلبي هو الي اتأذي انت فاهمني مش كده
حاتم: اتأذيت وياتري الاذي ده كان لذيذ شوف هي مهتمه بيك اوي
يحيي: ايوه وانا معترف باهتمامها الاوفر بجد هي انسانه مثاليه في كل حاجه بس المشكله اني لازم اتبع طرقها ولازم استخدم كلام لطيف وانت اظن عارف انا اتجوزتها مش عن حب واوقات مش ببقي قادر افهمها
حاتم: فاهم بس انت نفذت الي طلبته
يحيي: وخد عندك بقي عملت ده ولا معملتش ولا لو غلط في كلمه يانهاري تمسكني تبهدلني احلي بهدله مش عارف اقولهالك ازاي في يوم مسكتني مرمطتني قدام تهاني لدرجه مكنتش عارف اخبي وشي فين
حاتم بأبتسامه : تصدق انت محظوظ يارتني اقدر القي واحده زي ريشه هي مش بس ايقونه من الجمال لا ست بيت شاطره وطباخه عشره ع عشره وقايده صوابعها العشره شمع بس انت ولا مهتم بس لو تعبان وحاسس بشعور الغرق وعدم الراحه مفيش مشكله اديني ريشه وانا هحطها في عنيا
يحيي بغيره مداريه اتحمق عليه: تمام لو عايز تحس بشعور الغرق وعدم الراحه الي بيطبق عليا اتفضل جربه او لو انت عايز تتجبس الليله وترقد في العنايه لما احول وشك باللون الازرق متقولش عليا يحيي علام
حاتم شاف ملامح يحيي اللي وضح عليها الغضب والعصبيه وسأله : هو انت غيرت عليها مني
يحيي ارتبك وبان ع وشه الغيره لكنه نكر وقال: لاء اطلاقا بس بقولك الحقيقه
حاتم: انت غيران
يحيي شكله مرتبك وحك رقبته بصوابع ايده : لاء مش غيران قولي ايه هو المشروع الجديد
…………………قصص منه محمد كاتب………………..
اتصلت عشان تبدء خطه توقع بينه وبينها
يحيي وصل بينهج: توتا اسف جدا ع التاخير انا
توتا قطعته بنفعال: انت اتغيرت من يوم ما اتجوزت كنت الاول باجي القيك مستنيني بس الحال اتغير وبقيت انا الي بستناك
يحيي: انتي ليه عصبيه كده هو انا مجتش لا جيت فين المشكله عشان افهم ده بدل ما تشكريني
توتا : انت ليه مش قادر تفهمني حبيبي راح اتجوز واحده غيري وهي جميله اوي
يحيي ابتسم بخبث: بس رشا مش بس جميله دي صاروخ
توتا بغيظ: بجد
يحيي ضمها لصدره : لاء اهدي واسمعيني انتي في عيوني اجمل منها بدليل فضلت معاكي سبع سنين
توتا بعدت عنه: سيبك بس ياخساره الحلو ميكملش هي جميله بس مريضه
يحيي اضايق وقال : منا بمرض وانتي بتمرضي كل شخص في العالم بيمرض
توتا: لاء مش مرض عادي اقصد مرض نفسي ممكن تكلم نفسها لو كانت دي عاقله كانت هتسمح لجوزها يشوف واحده تانيه ويخرج معاها وبعدين ياخدها ع بيته دي انسانه عاقله , حاجه كمان مفكرتش لحظه ان اهلها الاغنياء وافقوا يضحوا ببنتهم الوحيدة لراجل عادي زيك اكيد عشان بنتهم متخلفه عقليا معندهمش اختيار وانت كنت الكبش
يحيي شاورلها بتحذير : توتا خدي بالك من كلامك بلاش تبقي وقحه زيادة وجاوبيني ازاي عرفتي انها مريضه
توتا :شوفتها بام عيني انا مش بألف قصه
يحيي : يمكن كانت بتكلم نيلي واكيد لابسه سمعات بلاش تفتري ع مراتي
توتا بنفعال : انت دايما تاخد صفها روح للبيت بوسها واحضنها امشي
يحيي : انا لسه واصل بس انتي الي ماشيه
توتا جريت من قدامه وهو بينادي عليها ويقولها: خدي توتا
……………………………
يحيي رجع وقعد : مساء الخير
ريشه مساء النور( قعدت ع الارض تحت رجله)
يحيي : انتي بتعملي ايه ريشه انا قادر اعمل ده لو سمحتي بنفسي
ريشه فضلت تزغزغ في رجله
يحيي بقشعريره : ريشه بطلي حركاتك دي
ريشه لعبت حواجبها: ليه
يحيي : وقفي
ريشه .كان وشها قريب منه وقالت بدلع: تمام براحتك بس بالليل مش هسيبك
يحيي ضرب ع ركبته ولنفسه: لو استمر الحال كده هضعف وانا ماسك نفسي بالعافيه (حط إيده ع قلبه ) قلبي هينط من صدري
ريشه بعد الغداء راحت فردت شعرها الطويل جدا و لبست هوت شورت جينز ازرق وعليه بادي فوشيا حمالات رفيعه جدا وراحت حطت دماغها غ فخده وهو حبس أنفاسه من شكلها كانت ايه من الجمال والفتنه كانت تجنن
يحيي: ايه الحكايه تحدفي دماغك زي ما تحبي
ريشه : امال احدفها ع مين
يحيي : وهو مين عاقل هيضحي برجله عشان يكون مخدتك مين
ريشه اتعدلت وبصتله: فيه كتير تحب تعرفهم
يحيي بفضول : اه احب قولي
ريشه :واحد افضل صاحب ليحيي علام حاتم احمد حاتم قالي اتصل بيه وقت ما احتاجه في اي مكان وزمان تخيل ده حاتم صاحب شركه حاتم للمقاولات راجل اعمال مليونير وعنده فلوس كتير وعيلته غنيه جدا اه لو اقدر ارمي دماغي ع فخدته
يحيي وشه اتغير وحط ايده ع شفايفها: هش لو قلتي كلمه كمان هـ قتلك
ريشه عملت نفسها هتعضه وضحكت لما هو كشر جدا
يحيي مضايق جدا: بتضحكي ليه مفكره امر يضحك
ريشه: ايوه يضحك
يحيي تلفونه رن وحب يغيظها زي ما غظته ورد مبتسم: توتا
توتا : هالو يا قلبي بتعمل ايه
يحيي عيونه ع رشا: ابدا مريح في البيت ليه بتعملي ايه
توتا: انت مريح بس مش كده مش بتعمل حاجه تانيه مظبوط
يحيي :ايوه فارد جسمي
توتا : حبيبي وحشتني اوي انا اسفه جدا لاني زعلتك
يحيي : مفيش مشكله متعمليش كده تاني
توتا :اوكيه اوعدك بحبك
يحيي :وانا كمان
توتا :باي
توتا ساكته حاسه بملل وقهر ومحتقره توتا ويحيي اللي نازل رغي معاها عادي ولاكأنها موجوده جنبه..
يحيي قفل مع توتا لقته بصصلها ومبتسم : ليه انتي ساكته كنتي من شويه بتتكلمي كتير ولا غيرتي
ريشه كشرت وقامت: انا طالعه بلاش تنام متاخر ولا هتنام ع نفسك بكره تصبح ع خير
يحيي مسك ايدها وشدها جنبه :هو انتي غيرتي عليا
ريشه سحبت ايدها من ايده : ليه بقي كل يوم بتكتبلها وتكلمها قدامي بقي امر عادي واظن وعدتك مش هدخل في خصوصباتك معاها بس ده مش معناه اني حيطه ومش غيوره انت جوزي بس لو مش عايز تهتم بمشاعري انت حر دي حاجه ترجعلك اقدر اهتم بمشاعري بنفسي لاني ببساطه اتعودت
ومشت وسابته واقع في حيرته ولنفسه : انتي بس عايزه تراضيني بس غيرتي عليا بس كويس انا حاسس بالراحه لان الكلام ده طلع منك بس انا ليه عايزها تغير ياتري بدئت احبها
اما ريشه دخلت غرفه نومها وفتحت صوره نيلي وكلمتها /مبقتش قادره اتحمل علاقته الرومانسيه مع توتا دي كل يوم قلبي بيوجعني كتير لما بتخيل ان واحده غيري واخده مني بعد كل الحب ده بتقهر لما بشوف سعادته لما بيرد ع رسالتها بيبقي مبسوط مش قادره اتعامل انه اعدي وان مفيش حاجه حصلت مش قادره اتجاهل زعلي كل مره مش عارفه اهدء واقول فتره وهتعدي انا معنديش طاقه تاني والله بس ليه حسيت بالحزن لما سالني السؤال يمكن عشان مبقتش قويه نفس الاول بس انا انسانه هتحمل لحد امتي الوضع ده مقدرش امنعه يكون معاها سعديني يانيلي هو حب اني اعترف باني حاسه بالغيره وانا زي الهطله اعترفت بده فعلا عطيته الي هو عايزه اتمني ينام مرتاح الليله
…………………..قصص منه محمد كاتب……………….
ريشه بتسحب يحيي من ايده ع تحت وعيونه كلها نوم
يحيي : انتي مجرجراني كده ليه ع المطبخ اظن ده يوم اجازتي عايزه انام
ريشه : انت بس البس المريله
يحيي بتريقه: ليه البس المريله هروح المدرسه
ريشه ابتسمت : اسمع الكلام والبس يا شيف
يحيي: يابنتي انا مش طباخ
ريشه لفته وبتربطهاله: هش لما تلبسها هتحس انك طباخ حقيقي
يحيي: تمام يا شيف هنطبخ ايه
ريشه : هنطبخ فراخ بأرز بسمتي
يحيي: واو سهل جدا مفيش اصناف اصعب من كده
ريشه صقفت بمرح: ده سهل تمام هعمله في بيت امك بكره
يحيي ضحك ع شكلها المتحمس: اه صح امي عزمنا عندها بكره شكلك متحمسه
ريشه : ايوه متحمسه جدا يله نبدء
يحيي: اه يله
ريشه: الاول نقطع الفراخ حتت صغيره
يحيي لقاها بتقرب عليها: هو انتي هتعملي ايه
ريشه ببتسامه كلها شر: بجيب السكينه ( طلعتها وفضلت تهوش بيها قدامه)
يحيي مسكها منها: بتعملي ايه ممكن توقفي لعب بالسكينه انا قلقان
ريشه: عارف ليه رغبه اقلد نبيله عبيد لما قطعت عزت ابو بكر لما خانها
يحيي: بس انا متذكر انه نصب عليها مش خانها
ريشه: وانت شايفهم عكس بعض انا شيفاه انه خانها في الحالتين ولا انت خايف اقطعك زيه
يحيي: لاء نقطع الفرخه ونخش ع الخطوه التانيه
ريشه: تمام ( ضربت السكينه بقوه) نقطعها كده
يحيي بعد ما خلصوا وحطوا الاكل في الفرن طلع قعد ع الكنبه يستريح
ريشه طلعت وقعدت ع رجل الانتريه: اظن الموضوع سهل مش كده عاجل ولا اجل بمجرد ما تعرف تطبخ مش هتضطر تزعجني لما ابقي تعبانه
يحيي: مش انتي قولتيلي عايزه تهتمي بيا طول الوقت وتبقي جاهزه لخدمتي بقي مفروض عليا اطبخ
ريشه : ياتري احنا مش محتاجين مشاركه بلاش تكون اناني لدرجه مش ملاحظ ان مراتك تعبانه
يحيي : شكلك كده بتتريقي هو انتي زعلانه مني
ريشه : ايه رايك عايزني اكون صادقه معاك برغم انك مش صادق معايا سيد يحيي لو عايز جوزنا سعيد وهادي لازم يبقي الصدق من الطرفين ولا يمكن تتجوز واحده وتحتفل مع واحده تانيه بذكري علاقتكم سوي
يحيي ارتبك: انتي بتتكلمي عن ايه
ريشه طبطبت ع دهره: اهدء ده مجرد مثال عن اذنك
يحيي حط دماغه بين ايده: هو انا دماغي هتفضل ع نفس الحال
تلفونه رن ورد: نعم يا توتا
توتا: اهلا يا حبيبي يحيي ممكن نخرج سوي النهارده احنا مخرجناش من اخر مره كنا فيها مع بعض تعال نتمشي ونعمل شوبنج
يحيي: مش هقدر لاني مواعد رشا نخرج سوي يوم اجازتي
توتا: بس انت تقدر تخرج معاها كل يوم جرالك ايه خلاص مبقتش تحبني ولا بتستمتع لما بتخرج مع الست دي هي الخروجه معاها حلوه للدرجه
يحيي: بلاش تتعصبي انا بعمل كل ده عشنا ولمصلحتك دي الوسيله الوحيده عشان اقدر احافظ ع علاقتي معاكي
توتا:لكن لحد امتي يا يحيي هتنفذ شروطها اسمعني كويس هو انت خايف من ابوك ولا من مراتك
يحيي: المسأله ملهاش دعوه خالص بالخوف هي طول الوقت زوجه مثاليه ولطيفه معايا بجد معنديش اي سبب يزعلني منها
توتا: ايه زوجه وانا يا يحيي دي اتجوزتها شهر واحد بس بقت زوجه مش بالكلام امال بعد سنه هتبقي ايه وانا عني ايه عشقتك
يحيي حدف الموبيل بخنقه لما قفلت في وشه الخط: انتي بس بتفكري في زعلك مش بتفكري
في زعلي ( انفعل بصوت عالي جدا) كل ما طالت المدة كل ما زاد التوتر الي بقيت فيه وكل الي بعمله كله غلط
ريشه: اهدء مشكلتك مش هتتحل بالعصبيه
يحيي بصلها بحده وبصوت كله غضب : اهدء ومين محطوط وسط النار دلوقت انا ولا انتي
ريشه: انا كمان زيك محطوطه وسط النار ولا انت شايف نفسك لوحدك متورط في الجوازه دي
يحيي : ولما انتي متورطه ليه هاديه ولا شيفاها متعه وانتي بترقصي قدامي
ريشه وهي بتقاوم دموعها: لحظه انت متعصب دلوقت من مين؟
يحيي رفع حاجبه بقهر: انا متوتر ومش عارف لحد امتي هعيش ع الحال ده
ريشه هبدت بقوه ع التربيزه: لحد امتي لليوم الي هتنسي فيه توتا وتبقي مخلص لمراتك الي واقفه قدامك بعدها مش هتحس بالتوتر
يحيي حدف الكاسات وصرخ: هي كمان سابتني ومشت مش حاسه ابدا بمعانتي هو انا لسه خلصت كلامي
استوب بس ريشه خلصت كلامها تعالوا بقي لما نشد الامور وياتري ريشه هتكسب قلب يحيي ولا توتا هتفصلهم عن بعض بخطاطها الخبيثه والعيبها المنحطه الي هتفوق الشـ يطان
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زوجتي الجريئه)
