رواية زوجتي الجريئه الفصل التاسع 9 بقلم منة محمد
رواية زوجتي الجريئه الجزء التاسع
رواية زوجتي الجريئه البارت التاسع
رواية زوجتي الجريئه الحلقة التاسعة
رجعوا البيت بعد يوم ممتع
يحيي بصلها بستغراب: مالك متحمسه كده
ريشه: الزوجه الحقيقيه هتحس بالحماس لما تشتري خزين البيت لكن الحبيبه هتحس بالحماس وهي بتشتري جزمه ولا شنطه لنفسها
يحيي: انتي عارفه اشتريتي حاجات بكام بفلوس كتير جدا
ريشه : هو انت متاكد ان اسمك يحيي علام
يحيي هز دماغه : ايوه متاكد ليه
ريشه: لاء انا اعتقد اسمك هو يحيي البخيل طلع بطاقتك اتحقق منها يمكن الاسم غلط
يحيي : انا مش بخيل انا بحب امشي واصرف بالمعقول وبعدين المنطق السليم بيقول احنا فردين الي عايشين في البيت ليه كل الحاجات دي
ريشه: ايوه كتير بس بص لتلاجتك الكبيره مفهاش اي حاجه
يحيي : وانتي عارفه احنا لسه متجوزين ومعظم اكلنا من بره
ريشه : بس دلوقت هنستقر وناكل في البيت
يحيي : وانا شايف مفيش داعي في الوقت الحالي لما نجوع نروح ناكل في بيت امي زي الليله
ريشه بشك : الليله اه عشان كده رجعت بدري
يحيي : لاء انا رجعت بدري لاني هفلس منك
ريشه ضحكت وهو بصلها وقال لنفسه : البنت رقيقه ولطيفه جدا وكل ما بتتكلم ولا تضحك تجنن
ريشه بصتله وقرصت خده : عارفه اني لطيفه لاني اتجوزتك
يحيي ارتبك ومشي من قدامها وقال بحيره : ازاي عرفت اني قلت عليها لطيفه
…………………………..
ع الموبيل
يحيي : توتا عايزه ايه اكتر من كده انتي عارفه انا ببذل كل جهدي
توتا بتهكم: جهد انا اصلا مش شيفاك بتحاول حتي
يحيي بغيظ: افهمي انا متوتر في البيت
توتا :متوتر ولا مخنوق بلاش تكدب يايحيي
يحيي: ايه الفرق بين الاتنين انتم خلتوني اكاد امـ وت
توتا: انا ولا هي السلعوه
يحيي: توتا ممكن تقدري الوضع الي انا فيه لو سمحتي
توتا :يحيي اوي تكون لمست شعره واحده منها
يحيي :لا طبعا مستحيل المسها
توتا : ولا حتي تبصلها
يحيي: انا مش طايق اشوفها اقوم ابصلها
ريشه ماسكه أعصابها جات وقعدت قدامه ويحيي قفل الخط وبصلها
ريشه فتحت موبيلها وحطته قدامه : شوفت يا يحيي البطانيه دي حلوه جدا
يحيي من غير ما يبصلها رد: اه حلوه
ريشه: كداب انت مبصتلهاش
يحيي عيونه في تلفونه: لا بصيت
ريشه حركت التلفون قدام عيونه : بص هنا يايحيي
يحيي عطاها ضهره وهو ماشي : قلت بصيت
ريشه راحت قعدت جنبه ع السرير لقته بيشات بصتله
يحيي بعد عنها بضيق وقال: ايه ده ممكن متبصيش في تلفوني انا مش مرتاح
ريشه: تحب تشرب شاي او عصير
يحيي: لاء شكرا
ريشه: طيب تاكل حلويات
يحيي: مش عايز حاجه
ريشه: طيب مش عايزني
يحيي اتوتر واتلجلج: ريشه ممكن متقربيش مني من فضلك انا متوتر
ريشه: انت متوتر ولا مخنوق
يحيي بصلها وفهم انها سمعت المكالمه الي تمت بينه وبين توتا
ريشه حطت كف ايدها ع انفه: شم البرفن لطيف مش كده
يحيي اتوتر: ايوه لطيف
ريشه: بجد حاجه تزعل عندك زوجه في البيت وتبص لبره بدل ما تجري وري واحده متحللكش
يحيي: ممكن تبطلي تضايقني انا مش عايزك
ريشه قامت من جنبه وقامت تصلي ركعتين تهدي وجع قلبها
…………………….قصص منه محمد كاتب……………….
توتا داخله الديسكو تقابل مراد طلع ووقف قدامها
ابوها بدموع ورجاء: المره دي لو مساعدتنيش هرجع اسرق تاني
توتا بحتقار : ماتسرق ولا تغور في نصيبه ليه رجعت تدور عليا تاني طول الوقت سيبني انا وامي نعيش لوحدنا وروحت اتجوزت عليها ليه دورت عليا دلوقت
ابوها: انا اسف مليش مكان اروحله انا مذلول
توتا: مذلول عشان كدا راجع تدور عليا ليه كل الرجاله بتحب تؤذيني ويعصبوني ليه
ابوها بدموع: توتا ساعديني بأي حاجه
توتا: هو انت مش فاكر لما جيت اكمل تعليمي ايه الي قولته
ابوها: الوقت ده كان اخواتك صغيرين في المدرسه ومحتاجين فلوس كتير
توتا: افندم انا بنتك الوحيده لكن لما روحت اتجوزت واحده غير امي بقي عندك اولاد كتير
ابوها: هما مش لاقين اللقمه
توتا: وانا بقي الغنيه انت ازعجتني وبس انت مصيبه
ابوها : ربنا يخليكي يا بنتي
توتا زقته بشنطتها في كتفه وقالت بحتقار: مش عايزك تطلع قدامي تاني
………….قصص منه محمد كاتب…………….
يحيي قعد يخلص شغله ع الجهاز ومندمج
ريشه دخلت وقربت منه بأبتسامه: يحيي اشرب اللبن بالفراوله عملته مخصوص عشانك
يحيي: لاء مش بحب اللبن اصلا انا اسف
ريشه: ليه ده حتي طعمه حلو جدا جربه
يحيي: بلاش قلت لك مش بحبه يعني مش بحبه
ريشه: اسمع في بعض الاوقات الي مش بنحبه هو الي بنحتاجله واللبن مفيد للجسم جدا وبلاش تزعلني واشربه
يحيي: بس انا مش عايز
ريشه بأبتسامه : طيب الاول جربه لو معجبكش تفه وهرجعه
يحيي: افندم
ريشه شربت منه وقالت: شايف محطتش فيه سم فئران
يحيي: انا امتي قلت كده بس انا مش بحبه
ريشه اتغاظت ومسكت بؤه وشربته بالعافيه ويحيي بصلها بغيظ
ريشه مسحت شفايفه بأيدها الناعمه: حبيبي فوضوي جدا غمزت لسه برضو مش عايزني اصلي حاسه بالخجل
يحيي خاف يضعف بعد نظراته وقام بسرعه : احسن حاجه انام وحالا
ريشه : سامحني يا يحيي وتصبح ع خير
يحيي: وانتي من اهله
ريشه طفت عليه الاباجوره وراحت غرفتها الخاصه وفتحت اللاب توب
ريشه نزلت دموعها: نيلي لما بيعاملني كده بحس اني بموت وهو بيجرحني
نيلي: احكي كل الي جواكي اوعي تكبتيه لو كبتيه هيبقي سرطان يضر نظام الجسم
ريشه مسحت دموعها : انا مسحت كل الي بيوجعني منه لما كان معيد في الجامعه ونسيت اسلوبه الجاف ونفسي اعيش معاه في سعاده عايزه حياتي هاديه ومستقره
نيلي: حبيبتي انتي مش قادره تتجاوزي الحزن الي جواكي وعشان بتحبي يحيي بتتقبلي منه اي حاجه وتديله العذر
ريشه: صدقيني اوقات مببقاش عايزه ابقي مؤدبه معاه ولاعايزه ابقي لطيفه هو مش فاهم ان العلاقه السامه لايمكن تدوم اكتر
نيلي: افتكري مهما كانت فجوه المشاكل الي بنواجها دلوقت متخلناش نوصل لمرحله الغضب اكتر من الازم اتصرفي بحكمه وشغلي عقلك
ريشه: مفيش حاجه هتتغير عشان كده قررت اتغير وابقي حازمه يمكن اقدر احافظ ع حب عمري الوحيد
نيلي: وانا مؤمنه ان الواحده مننا عشان تحافظ ع حبيبها وبيتها تتعامل بلطف وادب وتبقي صبوره
ريشه: لكن لحد امتي هحاول ابقي لطيفه ومطيعه طول الوقت واسيب يحيي بموفقه البارد تسيطر عليه الشيطانه توتا بس هسمع كلامك يا نيلي واحاول اكسب قلبه وافوز بحبه
………………………………….
ع السفره قاعدين بياكلوا من غير ولا كلمه لحد ما تلفون يحيي رن بحبيبه قلبي ريشه بصت للموبيل ورجعت اكلت في هدوء لحد ما رن تاني ويحيي قلب الموبيل ع وشه رن تالت
يحيي اخد الموبيل وقام بعيد شويه ورد: اهلا يا حبيبتي سوري كنت باكل
توتا: والاكل بقي حلو
يحيي:اه مش وحش لذيذ زي اكل امي
توتا: يعني طلعت ست بيت شاطره زي امك
يحيي: طبعا اكل امي هيفضل رقم واحد
توتا: وللسبب ده انا مكسله اتعلم الطبخ
يحيي: ها متصله ليه مش زعلانه مني
توتا: لا انا بس بفكرك بالي لازم تعمله معاها
يحيي: انا فاكر كويس متقلقيش
توتا: انا قلقانه لو حبيتها عليا ولا اتغيرت مش قادره حتي اتخيل ده يا يحيي
يحيي: حبيتي قلبي ليكي لوحدك اهتمامي وحبي ليك لوحدك وبس من فضلك اطمني
توتا: لاطالما الست دي لسه قدامك مقدرش اثق فيك كليا
يحيي بعصبيه:اعملك ايه انتي حره تثقي فيا ولا لاء طالما انا واثق من نفسي
توتا بنفعال :هو انت بتتعصب عليا ليه
يحيي مسح وشه بزهق: استغفر الله كمان قفلت
ريشه بهدوء :هايل اكيد ممتع لما تكلم صحبتك وتسيب مراتك تاكل لوحدها
يحيي:انتي ليه متطفله
ريشه بصتله يغيظ: انت الي بتتكلم عادي قدامي ومش مهتم لو سمعت
يحيي بوقاحه:اظن مفيش سر عشان كدا انتي حره لو سمعتي براحتك
ريشه شوي وتبكي قهر :ازاي اقدر اغيرك
يحيي :مش هيحصل قلبي لتوتا وهي عندي اهم منك
ريشه سابت الشوكه وصقفت بسخريه: واو الحمد لله انا محظوظه لان عندي زوج زيك مخلص جدا شكرا الف شكر
يحيي: تقدري تقولي الي تقوليه بس انا هفضل مخلص ليها
ريشه أخدت نفس عميق تهدي بيه ضربات قلبها ودموعها متحجره في عيونها
يحيي وهو طالع لف وبصلها وقال : اسف يا ريشه انتي بريئه بس غصب عني الظروف اجبرتني
…………………….
في بيت وجدي
امجد: عمي ممكن تقولي مين هو زوج بنتك
وجدي: قلت لك اين صاحبي وهو شاب محترم
امجد: الي بيمثلوا الاحترام بيبقوا اخطر ناس ياعمي
وجدي: بس بنتي مشتكتش منه ولا مره لو فيه حاجه كانت حكت لي
امجد بمكر: اكيد طبعا لكن في بدايه الحياه الزوجيه كل شئ مبهر وجميل لكن بعد فتره كل واحد بيظهر ع حقيقته وبمجرد ده ما يحصل هتبقي مجبره تكمل معاه بدل ما تاخد لقب مطلقه وانا خايف من طاعتها العميه انها متبقاش للشخص المناسب
وجدي بعدم فهم: هو انت بتحاول تقول ايه
امجد: انا بقدم النصيحه وبس لاني مش عايزك تندم بعدين هي مش رشا دي بنتك الوحيده
وجدي بصله وبدء الكلام يقلقه ان بنته تكون بتتعامل معامله سيئه من يحيي لكن عارف انها عشان بتعشقه هتسكت فقرر يروحلها يطمن بنفسه
………………قصص منه محمد كاتب………….
توتا نفخت بزهق: لسه مقرئش رسالتي نفسي اطلع غضبي عليه
لينا: معني كده لسه مخلص ليكي
توتا بسعاده: لحد دلوقت كله الامور تمام كل الي شاغلني دلوقت اني لسه كل يوم افكره بوجودي وهيفضل مخلص ليا وقلقان يقرب منها
لينا: توتا لو بجد مفيش رجاء منه ماتشوفي مصلحتك مع راجل تاني
توتا: مستحيل اي نعم انا نفسي في راجل غني وعنده فلوس كتير اعيش الي اتحرمت منه ويكون مسؤل عني مش زي ابويا ساب امي وسابني عشان رغباته
لينا: صدقيني هتلاقي راجل غني ويبقالك لوحدك
توتا كانت إيدها تلعب بخصل شعرها وهي بتقول : يا عبيطه افهمي مش لازم ادخل في علاقه يبقي اخرها الجواز وبصراحه انا بتسلي عايزه اشوف لـ اي مدي هيوصل حب يحيي الي من غير شروط عليا
لينا: من غير شروط قوليلي وضعك ايه مع مراد
توتا بعصبيه : متقوليش اسمه قدامي
لينا بتحذير: يا بنتي انتي بتلعبي بالنار هو بيقول انه بيحبك وعايزك ومش بيقدر ينام الليل
توتا: وانا معلمتش ده ببلاش اخدت قصاده فلوس
………………قصص منه محمد كاتب………………
يحيي بصلها بغيظ وقال: انا زعلان ع توتا لاقادرين نخرج سوي محتاج اتكلم معاها بس مفيش خصوصيه
ريشه: لو كنت مكانك كنت سبتها
يحيي: ليه مفكرها لعبه بلاستيك
ريشه: دي اللعبه احسن منها انت زوقك يع دي ملهاش قيمه بص للعروسه الي قدامك واحده جميله طباخه شاطره ذكيه رومانسيه لا بطلب هدايا يادوب دفعت لي مهر وبس وممكن تاخد حقوقك مني ليه تهتم بالحرام
يحيي: اسمعي لو كنتي قدامي ملاك هفضل احب توتا
ريشه بغيظ: لو كنت بتحبها مكنتش اتجوزتني
يحيي: اتجوزتك بسبب ابويا
ريشه: معني كده انك بتحب ابوك اكتر من توتا المسكينه
يحيي : ممكن توقفي تخريف واياك تحلمي اني هقبلك زوجه
ريشه : وانت متحلمش تتجوز توتا وتبقي مراتك
يحيي : مفكراني هخاف منك
ريشه : متاكد انك مش خايف
يحيي شافت وشه اتغير وبعدين رجع يقولها : بلاش تهدديني ده مش هياكل معايا
ريشه باستهزاء: هنشوف هياكل ولا هيشرب واهرب ونام
ريشه قامت شدت منه اللحاف وهو رجع يشده وهي تشده منه لحد ما زهق وسابهولها
……………………………………………………..
في النادي ريشه بتجري ويحيي ماشي جنبها
ريشه وقفت تسترد انفاسها: ممتع الجري بقالي كتير مجرتش
يحيي وقف وبصلها: وكنتي بتجري مع مين
ريشه: امجد كل يوم
يحيي: كل يوم
ريشه: اممم كل يوم
يحيي وشه اتغير بحمقه : هو ظريف ولطيف
ريشه: ممكن تهدي لان هو الي بيفهمني ويتحملني
يحيي: تفاهم
ريشه: هو كمان بيقلق عليا اوي وكل الي بطلبه منه بيعمله ويفضل يدلعني ويديني بكل عطاء
يحيي بنظرات حاده: خلصتي ولسبب ده مكنتش عايز اجي معاكي امجد امجد حاجه تخنق
ريشه طلعت تجري وراه: استني بس يا يحيي ليه اتعصب
…………………………..
يوم جديد يحيي سمع ريشه بتتكلم مع حد قلق وحط ودنه ع الباب سمعها بتتكلم وتشكر حد انه دايما جنبها وبيدعمها جه عشان يفتح الباب كانت هي فتحته
يحيي واقف ع عتبه الباب وعيونه بتلف في الغرفه بجنون : كنتي بتكلمي مين
ريشه: كنت بكلم واحده صاحبتي
يحيي بشك: هو انتي عندك صاحبه انثي اعزميها لبيتنا وقدمهالي
ريشه ماسكه اوكره الباب وقالت: قبل ما انسي خلينا نزل عايزك تشرب العصير الي عملتهولك بالحب
يحيي هيموت ويعرف كانت بتكلم مين وهي سحبته من ايده ونزلته ع المطبخ
ريشه حطت قدامه كاس: اتفضل عصير سموذى تفاح مع برقوق اشربه وبعدين اديله أسم
يحيي بتعجب: هو العصير محتاج اسم
ريشه مبتسمه: طبعا لاني عايزه انشره ع حسابي في الانستيقرام ولو حد طلب الوصفه هيكون سهل اقوله الوصفه مع اسمه
يحيي: تمام هشرب واسميه
ريشه: ها حلو
يحيي عيونه في التلفون: حلو
ريشه سحبته منه : يحيي انت ع طول ع التلفون وبتهتم كتير بخصوص توتا لكن انت معايا دلوقت يله سميه بسرعه
يحيي: عصيير تفاح ع برقوق
ريشه: انت ممل ليه بتقول المكونات قول اسم
يحيي: ريشه انا مش بحب افكر بدماغي الشمال انا بفكر بدماغي اليمين
ريشه بغيظ: هو انا طالبه منك تعملي قنبله قول اسم
يحيي: استني افكر بس ع فكره العصير حلو
ريشه: عملته بالحب بمناسبه الحب مش عايزني برضه الليله
يحيي: نفسي تقتنعي مش هاجي جنبك
اثناء كلامهم جرس الباب دق وريشه اتحركت وراحت تفتح لقتهم اهلها فرحت جد ا واستقبلتهم استقبال حافل كما ينبغي ودخلتهم الصالون وراحت ندهت يحيي الي جه وسلم بترحاب كبير
وجدي: احنا اسفين جدا جينا من غير معاد سابق ياتري ازعجناكم
يحيي ابتسمله: لا ابدا ياعمي
ريشه ماسكه ايد يحيي: بالعكس كويس انكم جيتوا عشان تعطلوه يحيي انه يخرج
يحيي: بنتك خفه دم ماشاء الله ع طول بتهزر كده
وجدي مبتسم: ايوه كانت مشيبنا واتعودنا تحب تستفز الي قدامها
يحيي تلفونه رن برقم توتا بصلهم وقال: سوري كل يوم شغل لازم حد يتصل بيا ليه مقولتالناش انكم جاين
دلال: في الحقيقه طلعت مره واحده في دماغ حماك الا لازم يجي يطمن ع ريشه مشفنهاش من يوم رجوعكم من شهر العسل الا مره طمنيني لسه بتتقيئ
ريشه :لاء
وجدي: حاسه بدوخه ولا صداع نصفي
ريشه :بسيط بس مش كتير
يحيي تلفونه رن تاني وريشه كشرت بس بتحاول تتماسك
وجدي : لو تلفون مهم قوم يايني رد
يحيي وهو بيقوم: ثانيه ارد ع المكالمه لحظه وراجع
ريشه إبتسمت بغصه داميه وقالت: ده امر طبيعي تلفونه مش بيبطل
يحيي طلع وقف بره ورد : معلش يا حبيتي متستننيش اعمل ايه اهل ريشه هنا مش عارف هل هقدر اخرج
توتا شايطه: بس انت وعدتني تسهر معايا الليله
يحيي: ايوه وعدتك بس مش عارف اخرج ازاي وهما هنا
توتا : بقولك ايه سيبلك منهم
يحيي: ازاي يعني اسبني منهم
توتا : هو انت جبان وخايف منهم
يحيي: مش مساله جبان المسأله احترام ارجوكي افهمي
توتا عيطت: انت الي مش فاهمني يحيي انت اتغيرت كتير
يحيي مسح وشه بزهق: عارف بس مش بايدي غصب عني لازم اتغير معاكي بس لازم تعرفي اني بحبك وحبي مستحيل يتغير ناحيتك ابدا
توتا بخبث: ماشي انت بتحترمهم بس هما بيحترموك لو كانوا بيحترموك كانوا اتصلوا قبلها بس هما طبوا عليك فجأه ده معناه انهم مش بيحترموك
ريشه خطبت ع كتفه بتكشيره: يحيي
يحيي نزل الموبيل ولف بصلها وكانت توتا بتكلمه
ريشه: بابا وماما عايزين يسهروا الليله معانا فيه مشكله لو مش مرتاح هدخل امشيهم
يحيي اتنهد: استني معنديش مشكله
ريشه شكرا بلاش تتطول كلام مع حبيتك مده طويله لو سألني بابي مش هقدر اكدب
يحيي حط التلفون ع ودنه كانت توتا قفلت وهو اضايق جدا وقال: اكيد اضايقت وكله بسبب رشا
يحيي رجع انضم لقعدتهم وبعد وقت مشيوا اهلها وهو قام دخل اوضته ورزع الباب
ريشه: مالك يا يحيي
يحيي بصلها بحده: مالي انا بقيت متوتر بسبب جوازتي منك
ريشه: يالله هو انت مش بتمل من انك تتكلم في كلام قديم من اول جوزنا لحد ما سافرنا ورجعنا تفضل تعيد وتزيد عن نفس الشئ بجد الموضوع بوخ جدا لدرجه بقي اجزاء لمسلسل تركي
يحيي: كل ده لاني كنت برفض دايما خروجه توتا في كل مره تطلبني اخرج معاها انا دايما بجرحها وبزعلها
ريشه بشخط فيه : مين قالك تعمل كدة
يحيي وسع عيونه : مين قالي اعمل كده انتي فقدتي الذاكره
ريشه :ايوه فقدتها في حضن حبيبي
يحيي شاورلها تسكت : ممكن توقفي الكلام عن الحب الفارغ لان الانسانه الي بحبها هي الي بتأذيها ولما بتتأذي انا كمان بتأذي فاهمه عشان كده ارجوكي
ريشه انهارت: انت الي ارجوك تفهم انك متجوز انساها
يحيي زعق فيها بشده : انساها بقولك بحبها مقدرتش اشوفها زي الاول بسببك انتي
ريشه دخلت غرفتها ورمت حالها ع سريرها ومسكت دماغها وفضلت تتألم لحد ما اغمي عليها
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زوجتي الجريئه)
