رواية زوجتي الجريئه الفصل التاسع والعشرون 29 بقلم منة محمد
رواية زوجتي الجريئه الجزء التاسع والعشرون
رواية زوجتي الجريئه البارت التاسع والعشرون
رواية زوجتي الجريئه الحلقة التاسعة والعشرون
في كافيه
توتا مثلت الاحراج: يحيي انا اسفه خليتك متوتر وعصبي, بس اوعدك من هنا ورايح هعمل الي تقوله
يحيي: تمام وياريت منتخانقش انا وانتي تاني لاني بجد تعبت اقنعك بتخنق لما بنتخانق وارجع اصالحك حرفيا زهقت
توتا: عندك حق اعذرني انا كمان متوتره وقلقانه لو اتنقلت للقاهره مش هقدر اقضي وقت معاك وهتحرم منك وطبعا هتقضي وقت مع الي اسمها رشا وتحبها اكتر مني
يحيي: تمام امشي مش عايز اكون عقبه قدام طموحك ناقشنا في ده كذا مره واظن عارفه الاجابه
توتا كشرت: يعني معندكش مانع لو سافرت
يحيي: هو انتي لسه بتسأليني ايه رايك اسألي نفسك انتي عايزه ايه في حياتك
توتا: عايزك اكيد عايزك وعايزه اكون معاك يحيي متخلنيش احس بالذنب
يحيي: تهاني احنا ناس ناضجين وكبار ودلوقت عايز اروح شغلي انا متاخر اسمح لي
توتا : حيي استني ارجوك
يحيي: هستني لان انا عندي كلام لازم اقلهولك ليه قبل ما اتجوز مكنش عندك وقت ليا ومكنتيش عايزه تخرجي معايا ولا حابه تخصصيلي وقت لكن بعد ما اتجوزت رشا حسيت بامور غريبه بقيتي فاضيه وتيجي في اي وقت ع بيتي وكل مره بتيجي فيها تقوليلي رغم انك مشغوله لكن بيبان العكس
توتا : لحظه كلامك مش مفهوم وضح تقصد ايه اظن انا فعلا مشغوله
يحيي : مشغوله بالشغل مش هو ده ولا مشغوله بحاجه تانيه
توتا ارتبكت : يحيي انا مشغوله طبعا بشغلي
يحيي : ليه فجاه حسيت بقي عندك وقت فاضي وكبير ليا لدرجه بقيتي تيجي بيتي لما بكون موجود ومبقتيش مجهده وتعبانه
توتا بتوتر : ايوه بس
يحيي قطعها وقام من مكانه: بس خلاص انا مش محتاج للشرح لاني مبقتش عايز حتي اسمع انا تعبان مفيش داعي
توتا مسكت ايده برجاء: يحيي اسمعني الاول وخليني اشرحلك
يحيي سحب ايده واخد مفاتيحه وتلفونه وسابها ومشي غادر المكان
توتا بتريقه : والله عال بقي يعرف يتكلم ويفتح مواضيع كمان
……………………………………
في بيت وجدي
وجدي: واضح ان يحيي وتهاني بعدوا عن بعض شويه
امجد: معرفش يظهر كده لكن يحيي طلع عظيم جدا بعد الي حصل لسه رشا عايشه معاه وبتعامله في منتهي اللطافه حتي بعد الي ابوه عمله اه ع سيره ابوه شوف الفيديو ده كده
وجدي اخد منه الموبيل وبص فيه وقال بصدمه: مقدرتش تتجوز ابنه عملت علاقه مع ابوه
امجد ابتسم: لا الموضوع انها معرفتش تحرض الابن فراحت تحرض الاب
وجدي: خبيثه جدا
امجد: وللسبب ده يحيي مش قادر يبعد عنها وبيتخبط في كل زاويا هنعمل ايه دلوقت
وجدي بتنهيده: مش مطلوب مننا نعمل اي حاجه سيبه لان انا ناوي اهين علام انا عارف هعمل ايه جه معاد الغداء وعندنا معاد في بيت بنتي لازم اتحرك دلوقت
امجد: اونكل لو معندكش مانع ممكن انضم معاكم يعني مشفتش رشا بقالي وقت طويل عايز اطمن عليها لاني مشفق عليا لانها وحيده غير كدا هنكون تلاته وااللمه حلوه
وجدي: يله قوم
……………….قصص منه محمد كاتب…………
دلال بغيظ: انا مش عارفه انتي مخلوقه من ايه لسه عايزه تكملي معاه بعد الي عمله فيكي يا بنتي ده خانك في وشك
ريشه: معرفش اقولك ايه انا فعلا في موقف صعب
دلال: ولما هو كده ليه عايزه تكملي معاه الصعب
ريشه: مامي طول الوقت كنت وقحه معاه بس مفيش حاجه اتغيرت هو لسه مكمل معاها
دلال: يابنتي ده بيفكر يتجوز عليكي انتي متخيله وتوقعي الاسوء قبل الاحسن لانه لو خلف منها انسي انه يعرفك تاني يا حبيبتي اجمل حاجه في الجواز انك تتجوزي انسان بيفهمك وبيقدر انوثتك في حياته ويهتم بيكي ويبقي حنين اوي عليكي ويعرف ازاي يخلي يومك جميل كله سعاده وحب لكن ده معاكي بيعمل العكس رغم بتحبيه وبتعشقيه وانتي المفروض امانه عنده حقك ميفكرش في غيرك وتلاقي معامله حلوه وكلمه حلوه ولمسه حنينه وتقدير ع تعبك طول الوقت وتحسي بحنيته عليكي الست خلقت للاحتواء والحنيه والرحمه يابنتي ليه تدفني انوثتك معاه فوقي وسيبك من الحب وفكري هل هتقبلي ان هو يبقي بعيد هتقبلي تشوفيه كل فين وفين هتقبلي انك تبقي هامش شويه شويه لو عندك استعداد تعيشي كده خاليكي معاه لو مش هتقدري تستحملي عرفيه واطلقي منه ع الاقل يمكن ربنا يبعتلك واحد يحبك
ريشه : عايزني اعمل كده
دلال بغيظ: اه وروحي اسأليه وخيريه بينك وبينها ويبقي هو الي اختار
وجدي دخل: السلام عليكم
دلال: وعليكم السلام
امجد: ازيك يا رشا
ريشه: الحمد لله عامل ايه
امجد: انا زي الفل طول ما انتي بخير انا كمان بخير
دلال: يله تعالي يا رشا نحضر الاكل ع السفره
امجد: خليكي انتي يا طنط انا هجيبه معاها
وجدي: ها يحيي اتصل ولا طنش
دلال بهمس وغيظ: انا قرفانه منه طول الوقت موترها وبس
وجدي بنفس الهمس: وانا زهقت وانا مطول بالي عليه بس اعمل ايه لبنتك الي خايفه تسيبه للبنت الي بيحبها تخرج معاه طول الليل
دلال: وجدي انت مفكر بنتك ام دماغ بطيخه دي هتسمع كلامنا وتسيب يحيي في البيت لوحده ده مستحيل كل الناس بتختار الي يكمل معاها الا بنتك اختارت الي يكمل عليها
وجدي: وانا قررت انهي لمهزله الي هي فيها
دلال: قولي ناوي تعمل ايه
بعد ما اتناوله وجبه الغداء في جو كله كلام وضحك امجد قام جاب الدواء لرشا
امجد لوجدي: هو ده علاجها
وجدي: ايوه هو يابني
ريشه بصتله وهو جايب البرشام وكوبايه الميه وابتسمت ابتسامه واسعه
امجد ضحك: بتبتسمي حتي وانتي بتاخدي الدواء المر
ريشه بمزح: اصل هرمون السعاده عندي بيزيد
امجد بجديه: ولحد امتي هتفضلي تاخدي في مسكنات
ريشه: اف منك بقيت عامل زي جوزي
امجد: رغم مش بقبله بس متفق في دي معاه لاننا مهتمين بيكي بس لازم نلاقي علاج لصدعاك يابنتي انتي خسيتي وقريب هتختفي ولا وحشتك
ريشه ضحكت: مستحيل
امجد: مستحيل وبتقوليها في وشي وانتي كمان بتضحكي لا بجد حاجه جميله خالص
ريشه: بجد عندي صداع معقول اكون مبسوطه مستحيل
امجد: لايمكن تبقي مبسوطه لكن لما تبهدليني عادي
ريشه: ايوه وانت تستحملني لانك اغلي صديق عندي
امجد: امرك يا ستي ايه مشكلتك يله احكيلي
ريشه بصتله وسكتت
امجد هز دماغه: فهمت عندك مشكله بس مش عايزه تحكيلي
ريشه: فعلا
امجد: فعلا اوكيه بلاش نتكلم عن المشاكل
وجدي: امجد يله نمشي
امجد: عايز اقولك حاجه اخيره لو لسه مش متأكده انه بيحبك ولا لاءاسأليه وشوفي رده واجابته لان مشكلتك طول لوقت بتحاولي انك توقعيه في حبك وبس وعمرك ما سالتيه ابدا ع الاقل عشان تستريحي
ريشه: شكرا وهحاول
………………………………….
في منزل علام
يحيي: بابا فيه حاجه عايز اكلمك فيها جالي عرض من شركه كبيره بس مش عارف اقبل ولا ارفض
علام: معني كلامك بتفكر تسيب الشغل عند حاتم
يحيي: ايوه
علام: حلو بصراحه مش عاجبني الطريقه الي بيعاملك بيها حاتم طول الوقت، وامك بس الي كانت متحمسه وبتضرب بيه المثل طبعا ما هو ابن اختها الي ربيته بعد وفاه امه بس الشهاده لله انا عمري ما هضمته لانه وقح بس هو بيعامل امك كأنها امه
يحيي بضيق: بابا ده كلام قديم انا دلوقت بتكلم عن شركته مش هو ليه قلت الي قلته شايف انه مش ضروري
علام: انت اخدت رآي وانا موافق خد فرصتك واظهر امكانياتك الحقيقيه ليه تضيع موهبتك والتزامك ناحيه شركه حاتم لو كنت قادر تفتح شركه لنفسك
يحيي: ايوه بس انا محتاج مبالغ كبيره عشان اقدر اشتري اسهم وادخل شريك في الشركه ومهما احط بالنسبه لشركه كبيره وقويه 2 مليون ولا حاجه
علام: يعني عايز اد ايه بالظبط ممكن اعملك قرض
يحيي: لاء حاليا ممكن ابيع العربيه واكمل بيهم ع الي معايا بس مش متاكد لسه
علام: ابني الفرصه دي مبتجيش الا مره واحده في العمر استغلها واظهر لحاتم انك قادر تقف لوحدك بس متقولش لامك لو عرفت هتعارض اكيد
يحيي: تمام مش هجبلها سيره
………………………………….
في منزل يحيي قام يعمل نسكافيه وهي سرحت في حياتها
يحيي حطلها الكوبايه وسألها: بتفكري كدا في ايه
ريشه: ميرسي
يحيي قعد قدامها: كنتي عايزه تسأليني سؤال
ريشه: فعلا يا يحيي عايزه اسألك سؤال وتجاوبني عليه اه ولا لق
يحيي ضم حواجبه: ده بس سهله
ريشه:انت بتحبني قلت انه سهل وهي اجابه اه او لق
يحيي: ايوه انا بحبك بس انا مقدرش اسيب توتا
ريشه حركت وشها بأنزعاج : مش قادر تسبها لانك حاسس بالشفقه ناحيتها ولا لانك بتحبها
يحيي اتوتر وقال: الشفقه ! لا قصدي انا بحبها رشا انا بجد معرفش
رشا: ياتري لسه عايز تتجوزها
يحيي سكت شوي وبعدها رد عليها : ايوه
ريشه قلبها دق بدقه عنيفه : لو عايز تجوزها انا مش همنعك اتجوزها لو ده هيخليك سعيد
يحيي: انتي بتتكلمي بجد
ريشه : انا تعبت من المشاكل معاك لكن بشرط طلقني
يحيي: رشا انا بوعدك اعدل بينكم ليه بتصعبيها
ريشه اتعصبت عليه: انا بصعبها انت متخيل انت عايز تتجوز عليا في اهانه اكبر من كده
يحيي : هو انا اول راجل يتجوز اتنين في الدنيا
ريشه : لاء بس انا مش قابله انك تتجوز عليا يحيي انا برفض وبحاول معاك عشان حبيتك بجد مش عشان مفيش غيرك
يحيي: قصدك ايه
ريشه عيونها كلها دموع : قصدي اني سامحت في حقي كتير ع امل ان الي بينا يعيش بس لما بلاقيك بتقابله انه ولا حاجه بيصعب عليا نفسي اوي بجد
يحيي: ممكن الي بينا يكمل ويعيش بس انتي الي رافضه
ريشه ضحكت بقهر: يعيش اذا كان لما كنت ليا لوحدي كنت بشحت منك الدقايق انت متخيل ان الراجل الي بفكر فيه طول اليوم مش عارف ياخد 3 دقايق من يومه يسأل عليا فيهم وانا كنت عايشه ع امل تاخد بالك لكن انت جاي لي بضره ومين تهاني
يحيي: افهم انك بتعاقبيني
ريشه صرخت فيه: انت الي بتعاقبني عشان حبيبتك اكتر من نفسي , بتعاقبني عشان كنت بفكر فيك قبل ما افكر في نفسي بتعاقبني عشان قفلت ع حياتي عليك واستكفيت بيك عن كل الناس عشان خليتك صحبي واخويا وعشيقي وحبيبي وابني مفروض بنيتعاقب عشان علقت نفسي بيك زياده عن اللزوم عشان اتمسكت بيك بتعاقبني عشان عملتك محور حياتي وسبب سعادتي بتعاقبني لما بحسك مستغني عني وانا منتظره اي كلمه حب منك بتعاقبني لما بكون شايله كتير جوايا وببقي نفسي احكي بس مش بقدر ولما تسالني مالك اقولك انا تمام بتعاقبني عشان حاولت احافظ عليك كتير بس كل تصرفاتك بتقول انك مش عايزني وصدقني انا مش ندمانه اني حبيتك انا ندمانه اني صدقت انك ممكن في يوم تحبني
……………….قصص منه محمد كاتب……………………
يحيي قاعد طول اليوم متكدر وزعلان من نفسه
يحيي دخل لحاتم مكتبه وقال : حاتم هو انا ممكن امشي بدري النهارده
حاتم بصله بتنهيده: ياتري بسبب تهاني ولا رشا
يحيي : لاء رشا
حاتم : اذا كان كده تمام بس مالها
يحيي : تعبانه وبترجع كتير
حاتم ابتسم بسعاده : تهانينا
يحيي: لا مش حامل عندها بس صداع
حاتم بجديه : يحيي فيه موضوع عايز اكلمك فيه بس اتمني متخدهوش اني بدخل في امورك الشخصيه انا بكلمك كأخ وبقولك انسي تهاني
يحيي: الكلام اسهل من الفعل بس انا مقدرش اتخلي عن تهاني
حاتم : وانا هتكلم معاك بصراحه لو فضلت معاها هتخسر , حاول تتخيل امجد بياخد مراتك منك
يحيي قعد : لاء مستحيل
حاتم: ليه مستحيل هو عازب وعنده امكانيات غني ومتعلم ووسيم يعني واحد بوضعه الحالي كفئ لرشا تكمل معاه واضافه لاسلوبك الي مش مهتم غير لتهاني وبس
يحيي: مالها تهاني مش فاهم
حاتم: يابني افهم رشا انسانه لطيفه فوق الوصف بس انت لسه مصمم تختار تهاني
يحيي: حاتم الموضوع مش كده انا لسه بحب تهاني لكن في نفس الوقت بحب رشا ارجوك افهمني
حاتم بعصبيه شديده : فاهم انت وواعي للي بتقوله انت نفسك فاهمه مين اكتر واحده فيهم بتعملك مشاكل في حياتك صدقني لو اتجاهلت ابوك وتهاني مش هتبقي ع الحال ده خليك صاحب قرارك يايحيي مش حد تاني يقررلك
يحيي كشر و قال بضيق : انت جبت كلامك في الاول ع هيئه نصيحه بس اتاريك عايز تهني ودخلت بابا وتهاني في كلامنا
حاتم : مقدرش انافقك انا بنصحك كل مره بس المره دي لازم ازيل كل مشكله في راسك تمام العايله هتفضل عايله بس لما الموضوع بيتعلق بالعمل هنا لازم نفصل ياتري تقدر يحيي انا عندي مشاكلي الخاصه بس بعرف اتعامل معاها لو مش هتتعامل مع مشكلتك بشكل سليم اكيد هتخسر اتجاهتك بعدين
يحي: يعني بتلومني دلوقت ع كل حاجه , الخساير الي حصلت كانت غلطتي حلو اسمع انا بستقيل هي شركه ناجحه وقويه بفضلك لوحدك
حاتم بصدمه : انت بتقول ايه
يحيي: اظن سمعتني كويس
حاتم مسك ايده: يحيي
يحي: اخرس وابعد عني
تهاني كانت واقفه وسمعت كل الكلام ونزلت جري وطلعت ع بيت رشا
…………………قص منه محمد كاتب……………………
ريشه كانت تعبانه جدا وواقفه تحضر هدومها تمشي من حياه يحيي نهائي لقت جرس البيت بيرن اتسندت ع السلم ونزلت فتحت اتصدمت لماشافت هي
توتا قربت منها وهي تصرخ وسحبتها من شعرها : اسمعي يا حشره انتي , انتي خلاص عصبتيني وجبتي اخري وخليتي الكل يكرهني عارفه قد ايه ده مؤذي_ زقتها ع الارض) زي كده انتي ازاي تتجرئي تحكي لحاتم وتشتكيلو اني حقيره وهو اهان يحيي( شدت شعرها اكتر) انتي صنفك ايه طبعا طفله مدلعه وغنيه انتي اخدتي مني حبيبي ورفضتي نخرج سوي بشروطك الغبيه , اه شكلك جميل بس اخلاقك وضيعه اسمعيني ياروح امك لو عقلك وزك تحكي ليحي عن الي عملته فيكي اقسم بالله لقتلك فاهمه
ريشه زقتها وهي بتحاولت تبعدها عنها: سبيني يامجنونه
تهاني رقدت فوقيهاو غرزت صوابعها في لحمها: بتضربيني يا سافله لسه عايزه تتربي
يحيي دخل ورفع تهاني من فوق رشا وصرخ: ايه الي بيحصل
توتا جسمها ارتعش : انا مكنتش قصدي يايحيي ازقها كنت بكلمها في منتهي الذوق
يحيي شدها من دراعها بشدة: تكلميها في ايه وجايه هنا ليه
توتا بتعيط بنهيار: انا جيت هنا
يحيي عيونه برقت بقسوه واترسم فيها الغضب: انطقي جيتي هنا ليه
توتا فركت ايديها بتوتر وقالت : انا جيت اشوفك مسكتني بهدلتني وضربتني ( عيطت بنهيار ) يحيي صدقني والله هي الي بدئت لما جيت اشوفك ضربتني وزقتني مقصدتش اجي جنبها
يحيي مسك دراعها : تهاني قولي الحقيقه
توتا ببكاء : هي دي الحقيقه انا معملتش حاجه غلط هي بتمثل الضعف قدامك
ريشه عيونها نهر من الدموع وشفايفها ترتعش : بس كفايه تقدري تكدبي عليه بسـ
يحيي صرخ فيها بعصبية وبقمه الغضب : رشا اسكتي خالص انا بجد مش مستوعبك ازاي تعملي كده في تهاني انا صبرت عليكي كتير ودلوقت خلتيها تعيط عايزه ايه اتاني مش مكفيك بعدتيني عنها مش مكفيك ردي اسمعيني كويس مش هسامحك ابدا , ومش هنسي الي عملتيه ابدا يله يا توتا
توتا شدته بسعاده: اه يله بينا من هنا
رشا ببكاء: انت غلطت كتير ( سحفت بالعافيه ومسكت التلفون واتصلت واتكلمت بدموع: مامي من فضلك تعالي خديني انا اخدت قراري
دلال بخوف: حصلك ايه انتي تعبانه ولا بتعيطي
ريشه ببكاء:مامي تعالي وخديني حالا من هنا
دلال: حاضر حالا جايلك حالا
……………..قصص منه محمد كاتب……………….
.في كافيه قاعد لكن هاين عليه يعيط لكن عيونه كلها جمود ونظراته في الفراغ
توتا: قررت ايه يا يحيي
يحيي اخد نفس طويل وقال : اظن وعدتك بالجواز حددي التاريخ بس اتأكدي انه مش وقت اجازه يعني يوم شغل عشان رشا هتكتشف ده
توتا: انت ليه صعب عليك تطلقها وتنفصل عنها انا مش هقبل تشاركني فيك
يحيي: بس انتي عارفه انها لسه ع ذمتي مش معقول اروح اطردها
توتا: يحيي حاول تتخيل الجنان الي هتعمله رشا فينا بعد ما نتجوز دي حطت عليك شروط قد الكتاب لما كنت حبيبي لما تبقي جوزي هنقدر نواجهه الي هتعمله لاء مقدرش احنا كدا هنتعذب وعمرنا ما هنعيش في سعاده طالما مطلقتهاش لانها هتفضل مسيطره ع حياتك لو انت تقدر علي ده انا مستحيل اقبله
يحيي : سيبي كل ده سابق لاوانه لما نستقر في حياتنا ابقي اشوف انا هعمل معاها ايه
توتا: انت ليه اسيتعابك بطيئ بقولك دي هتتجنن علينا شوفت عملت فيا ايه ومش عارفه مستني ايه تاني عشان تبعد عنها
يحيي: ممكن تسبيني اقرر حياتي معاكم تمشي ازاي
توتا سرحت في كلام مراد انها هتسيب يحيي لو فتحلها فندق تديره
…………………قصص منه محمد كاتب…………………..
وجدي بقهر: خلاص بنتي مش عايزه تشوف يحيي بعد الي حصل
امجد: ايه الي حصل
وجدي نبره كلها قهره : تهاني ضربتها وفوق كل ده يحيي صدقها لحد ما وصلت للحاله دي
امجد: لاء ده اتجاوز كل حدوده يله نروح نأدبه
دلال صرخت من فوق: الحقوني رشا اغمي عليها تاني
اخدوها وبسرعه ع المستشفي ودخلت غرفه الطوارئ
دلال بصدمه: معقول بنتي بقالها شهور في كارثه وعارفه الي عندها وساكته وبتعاني لوحدها كأن ملهاش اهل
امجد: انا مصدوم
دلال بصوت مبحوح : وجدي الدكتور قالك ايه وليه خبي علينا
وجدي: هو ملوش ذنب دي رغبه رشا يخبي علينا مكنتش عايزنا ندخلها مستشفي وتعمل عمليه
يحيي دخل بفزع: عمي حصل ايه لرشا
امجد بنظرات حقد : جاي دلوقت بعد ما سمعت لواحده تانيه مفكرتش وقتها فيه
يحيي قرب منه بعصبيه : تعرف تخرس انت , عمي مالها رشا
وجدي بعدم تصديق : بنتي طلع عندها ورم حميد في الدماغ وعارفه بقالها شهور بس خبت عننا كل حاجه الدكتور الي بيعالجها دلوقت هو نفسه الدكتور الي كان متابع حالتها من ثلاث شهور ورغم شوفت الاشعه بعيني بس مش مصدق
امجد غمض عيونه بألم وسحب نفسه وسابهم وخرج قبل ما يتجنن ويضرب يحيي… اما يحيي قام من قدامهم وقعد في ركن بعيد وانهار وبكي زي الطفل
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زوجتي الجريئه)
