رواية زوجتي الجريئه الفصل التاسع عشر 19 بقلم منة محمد
رواية زوجتي الجريئه الجزء التاسع عشر
رواية زوجتي الجريئه البارت التاسع عشر
رواية زوجتي الجريئه الحلقة التاسعة عشر
ع الموبيل
وجدي : اتأكدلي ان يحيي لسه مع البنت دي واتحرك بسرعه مش عايز بنتي يحصلها اكتئاب وتتكرر نفس الحاله تاني
امجد بعدم فهم : اي حاله يا اونكل
وجدي توه الكلام : متهتمش انسي ولما يجي وقتها هقولك
امجد: اونكل عارف انت اتصلت بيا عشان اساعدك بس ازاي وانا مش عارف القصه كامله بس اوكيه هعمل كل الي في وسعي وهساعدك بكل الي اقدر عليه
وجدي : شكرا جزيلا يا امجد وحالا هتصل بيحيي واطلب منه يتغير لو فعلا عايز يكمل حياته مع بنتي
امجد: ده لو كان فعلا هيتغير واضح ان مشاعرها ولا في دماغه بس اوكيه حضرتك اعمل الي المفروض يتعمل وانا معاك
………………قصص منه محمد كاتب…………….
واقف في المطبخ بيشرب فنجان قهوه تلفونه رن استغرب شويه وبعدها رد
يحيي: اهلا يا عمي حضرتك عايز تكلم رشا
وجدي: لاء عايز اتكلم معاك انت
يحيي : ايه الموضوع يا عمي
وجدي: انا يابني مش قصدي ابدا ادخل في حياتكم لكن مقدرش ابدا اسكت لو كانت بنتي في مشاكل
يحيي بقلق: تقصد ايه ياعمي الطبيعي كل اتنين يتخانقوا شويه
وجدي : يحيي اسمعني وهقولهالك بصريح العباره اتمني تكون مهتم ببنتي كويس وتحبها بكل اخلاص لو مش هتقدر تعمل كده انا هاجي اخدها واهتم بيها في بيتي
يحيي : عمي بتتكلم عن ايه انا مش فاهم هي رشا قالت لك حاجه
وجدي: لاء بنتي مش بتقولي اي حاجه بس زي ما قولت لك انا بتكلم بشكل عام متخدش كلامي بجد
يحيي قفل ولنفسه بلوم: عملت ايه بس يا يحيي ليه محطتش في حسابك ان رشا مراتك ايوه رغم اني مش بحبها لكن لازم اهتم بكرامتها بس ليه مش عارف
يحيي قرب منها بخجل: رشا انا متأ سف للي حصل ليله امبارح مكنش اقصد الي عملته فيكي
ريشه من غير ما تبصله: بجد هو انت مكنتش تقصد
يحيي : ايوه مكنتش اقصد اني اتجاهل مشاعرك انا اسف انا بس لما شوفتك مع حاتم وبلبسك الملفت للنظر والعيون كلها راحت عليكي عقلي غاب ومفكرتش في اي حاجه بس اوعدك ههتم بيكي واحافظ ع مشاعرك بطريقه افضل من دلوقت تمام
ريشه بصتله وسابته ومشت وهو اتنهد بضيق
شويه يحيي قعد ع الشزلونج وفتح موبيله ع رساله من توتا قرائها وابتسم بسعاده
ريشه بصتله وقالت في سرها: جسمه بس الي هنا لكن قلبه مع واحده تانيه
ريشه قعدت جنبه وقالت بصوت مقهور : لو عايز تخرج اتفضل اخرج مش هوقفك
يحيي: وراحوا فين شروطك السابقه
ريشه: لو مش هتتغير من نفسك مفيش داعي لوجع القلب وانا وجهه نظري الانسان بيتغير في 44 يوم بس انا بعترف مقدرتش اغيرك وكنت ليا اربع شهور بس قلبك لسه مع توتا عشان كدا تقدر تقابلها ولا هي مش هنا
يحيي: لاء هي هنا بس انا مليش مزاج اخرج
ريشه جالها مسدج ابتسمت نص ابتسامه : كنت حاسه
يحيي بنزعاج: مين ؟
ريشه: ليلي بتقولي نخرج سوي تحب تيجي معانا
يحيي: لاء بلاش
ريشه: تعال اخرج مع اختك اسمعها وشاركها مشاكلها
يحيي : اوكيه قومي نلبس
بالفعل راحوا قعدوا في جنينه لكن يحيي قاعد بعيد وعيونه في التلفون
ليلي لفت وبصتله وبعدها رجعت بصتلها : هو يحيي كدا حتي في البيت
ريشه: اه ع طول ماسك التلفون
ليلي ابتسمت اوي وريشه قالت لها: بس تعرفي جميله وانتي بتضحكي وبقي صعب اشوفها
ليلي بحزن : ريشه انا عايزه اعتذرلك لاني كنت قليله الذوق معاكي بس كنت متوتره بفكر في امور كتير واظن انتي عارفه مشاكلي مع بلال
ريشه : بابي دايما يشجعني بكلام ايجابي وعلمني ان الحياه بنعشها عشان نتعلم من بعض مش اننا نتخانق ونعمل مشاكل
ليلي هزت دماغها: وانا متقفه جدا معاه بس اوقات الكلام مش بينفع في حل المشكله او بيبقي فات الاوان بلال بيمد ايده عليا بستمرار والوضع ده تعبني وكسر نفسي
ريشه: وانتي استسلمتي لكده
ليلي نزلت دموعها: مش هكدب عليكي انا بحس اني متكتفه وهشه ومش عارفه اعمل ايه
ريشه : الدين هو الوحيد الي كرم واحترم المراه كتير
ليلي: مش هخبي عليكي ابويا هو الي فرض عليا بلال مفيش حاجه اخترتها برغبتي حتي الطلاق ممنوع
ريشه : بس انتي حقكك تعترض ده ظلم ليكي ولبنتك
ليلي كشرت بحزن : انا بخاف عمري ما وقفت قدامه قبل كده
ريشه طبطبت ع ايدها برفق : لازم تقفي لان سكوتك هيخليه يزيد حاولي تفكري بحقوقكك كزوجه
………………………………….
في كافيه
امجد : ياتري لسه بتكتبي روايات
ريشه رفعت كتافها لفوق: لاء
امجد قلدها بغيظ : لاء ليه انتي مش كنتي بتحبي الكتابه
ريشه وع شفايفها ابتسامة جميله: كنت بحبها بس مبقتش مهتمه بعدين
امجد: متضيعيش موهبتك
ريشه: هو انا مش مسؤله من بيت
امجد: هو انتي ليه ع طول محسساني انك مشغوله اربعه وعشرين ساعه اكتبي لما تحسي بالملل والتوتر غير كده انتي كان نفسك تنشري كتاب قوليلي ونقدر نتعاون سوي
ريشه :اوكيه هشوف
امجد : اوعديني تفكري في الموضوع وجايز تكتبي روايا عني
ريشه ابتسمت له بهدوء : مستحيل
امجد بيضرب بعينه شاف يحيي وتوتا خارجين سوي ويحيي وشه اتغير جدا لما شافها معاه وحس بغيره بتخلع صدره
امجد: كده عيني عينك
ريشه: في ايه
امجد بيشاورلها بعيونه: بصي مش دي توتا ويحيي
ريشه: اه هما
امجد بتعجب: ومالك هاديه هو مش جوزك
ريشه : اه جوزي
امجد : وازاي يخرج مع واحده تانيه
ريشه بتنهيده: وانا هعمل ايه يعني
امجد دفع الحساب: تعملي ايه قومي ياختي نروح النادي نجري شويه
ريشه ابتسمت وقامت اخدت شنطتها وطالعه هي وامجد كان يحيي ركب توتا تاكسي ورجعلهم
يحيي بصله ووشه محمر: انت بتخرج مع مراتي في السر ( ورجع بصلها) ايه ده يا رشا
امجد مد ايده : اهلا يا يحيي عامل ايه
يحيي بنرفزه شديده : بطل تمثل قدامي وانتي مش عارفه انك ست متجوزه
امجد: ليه ياتري بتغير عليها
يحيي بلع ريقه : تقصد ايه انا بس مش عايز حد يقول اني بخسر لاني سمحت لمراتي تخرج معاك
ريشه ببرود : هو انت مقرئتش رسالتي
يحيي جعد وشه بتهكم: رساله مفكره رساله كفايه
ريشه : بقولك ايه متعملش كانك متعرفش ان امجد اقرب صاحب ليا من وقت طويل حتي عيلتي تعرفه
يحيي : وان كان كده تفتكري هسمحلك تخرجي معاه انتي مراتي
امجد بسخريه لاذعه: تمام عرفنا انك جوزها ومهتم بيها اوي مش كده بس بنصحك تهتم بيها بشكل افضل ولا هيهتم بيها واحد تاني
يحيي: عايز تهتم بمراتي مستحيل يحصل روح دور ع واحده تانيه وحبها
امجد : واحده زي مين توتا
يحيي : قصدك ايه
امجد: انت عارف الي اقصده رشا وجدي كانت معايا هنا في الجامعه ومتوقعتش ابدا ان جوزها يكون له عشيقه
ريشه بشخط: بس كفايه لو كنتم هتتخانقوا هرجع البيت
يحيي رايح وراها: رشا استني
امجد وهو بيشارولها: اهتمي بنفسك يا رشا
يحيي مسكه من ياقه قميصه جامد:اسمعني كويس دي اخر مره تشوف فيها مراتي مفهوم
امجد بتحدي: دي كدا البدايه
يحيي اتجنن وحاول يخنقه ورفعه من ياقه قميصه : انت عايز تدمر حياتي ولا ايه حكايتك
امجد مسك ايده بقوة يبعدها : لما تحترمها وتمشي عدل بيتك مش هيتدمر
يحيي رجف من الغضب: انت مالك هي مراتي
امجد : يبقي تسيب عشقتك
يحيي بنرفزه وزعيق : ده ميخصكش
امجد بهدوء مميت: بلغ تحياتي لتوتا
يحيي حاول ما يتعصبش اكتر قبل ما يهجم عليه ويقطعه باسنانه ولف ومشي وسابه عشان يلحقها
………………قصص منه محمد كاتب……………….
من اخر مره اخد جنب منها ورافض يكلمها والفضول قاتلها
ريشه: هو انت ليه بقيت نادر لما تتكلم معايا في الفتره الاخيره
يحيي سكت شويه وقال : ليه
ريشه مدت شفايفها بهدوء : كدا بسال بس
يحيي اخد انفاس كتير وري بعض وقال : رشا انا مش عايزك تقابلي امجد بعد كده
ريشه: ليه
يحيي بحده :كده مش عايزك لا تقابليه ولا تتصلي بيه لانه مزعج ووقح
ريشه وهي مستغربه حدته: تمام نفس الشئ ينطبق ع صحبتك انا كمان مش عايزك تقابلها
يحيي: واو هتردي عليا كده
ريشه ايوه اتعلمت منك
يحيي: لو عايزه تتعلمي مني يبقي اتعلمي الصفات الكويسه
ريشه: تمام تقدر تقولي ايه الصفات الكويسه الي كنت بتعملها معايا طول الوقت
………………………….
يوم جديد خلص شغله في الشركه وطالع لقاها واقفه في وشه
توتا: يله افطر معايا
يحيي بتعجب: افطر هو انتي صايمه النهارده
توتا: تخيل
يحيي: يعني ده نظام جديد يعني اصلي عمري ما شوفتك بتصومي في الايام العاديه
توتا: لاء انا بصوم اتنين وخميس
يحيي :بس انا رشا مستنياني وهرجع كدا شبعان لاني اكلت معاكي
توتا :ومين قالها اصلا تستناك قولها بلاش تبقي واخده جوازكم بجديه ولا عايز تعرفك ان مفيش ست بيت زيها وعندها مهارات في كل حاجه
يحيي : وانتي ايه هي المهارات الي المفروض تظهريها
توتا قربت منه اوي : مهارات الاغراء
يحيي :هو انتي مش صايمه وانا متجوز
توتا كشرت فيه:يالله انا بس بهزر ليه بقيت وقح زي مراتك
يحيي: انا مش وقح بس انا وعدتها اكل معاها
توتا: وميصحش تسبني افطر لوحدي وفاضل عشر دقايق ع الفطار ولا عايزني افطر لوحدي في العربيه مش كفايه عايشه لوحدي رغم عندي حبيب
يحيي : خلاص خلينا ندخل وهفضل معاكي لحد ما تفطري بس انا مش هاكل
توتا مسكته من دراعه: موافقه يله بينا
يحيي دخل وقعد وقالها: ياريت تستعجلي وتسمعي الكلام وتخليكي لطيفه
توتا: المفروض انا الي اقولك الكلام ده انت مبقتش مطيع يايحيي
يحيي: انا اظن قلت لك ووعدتك بأني هطلق رشا خلاص
توتا: بس انا مبقتش واثقه فيك
يحيي: بوعدك هطلقها في اقرب وقت
توتا: اوفي بوعدك
يحيي: اكيد
توتا: انا بحبك
يحيي: وانا كمان بموت فيكي
السكرتيره قربت وصورتهم وهما مع بعض وبعتت الصور لرشا
………………….قصص منه محمد كاتب………..
بعد ما قابت يحيي وسابها ومشي لانه عنده اجتماع مهم في الشركه
امجد: تهاني
توتا لفت وبأبتسامه واسعه: هالو انا اعرفك انت امجد مش كده بجد الدنيا صغيره
امجد: منين ما تروحي هنتقابل مره تانيه
توتا: ذكي ووسيم بس كنت اقذر شخص في المدرسه
امجد بصلها من فوق لتحت وقال ببرود : وبرغم كنت قذر الا انك حاولتي تغويني اقع في شباكك
توتا: سوري انت مش وسيم انت لسه زي ما انت متغيرتش ادا ولسه سافل
امجد: لاء مش عجبني ان حد يحكم عليا من غير ما يعرفني
توتا: انا عارفاك كويس جدا
امجد: تمام قوليلي حاجه واحده تعرفيها عني
توتا: اوكيه مره روحت معايا الييت وبدل ما تعمل معايا الواجب عملت حاجات تانيه ومكملتش
امجد: اصل انا بقي عندي مشكله ان بقي عندي ذوق وانتي مش ذوقي بس الي كان معاكي حبيبك
توتا : هو انت شوفته
امجد : ايوه
توتا: ده جوزي وقرب
امجد : جوزك رغم انه راجل متجوز
توتا اتغيرت ملامحها بصدمه : وانت ازاي عرفت بيحي
امجد: قلت لك انتي متعرفنيش كويس
توتا: لاء متفهمنيش غلط هو اتجبر ع الجواز ولا هو بيحبني كتير وقررنا نتجوز
امجد : افوكورس فاكره ايه هو لقبك تهاني الملعب لانك كل سنه بتكوني مع راجل مختلف لكن دلوقت رقيتي نفسك وبتجري وري المتجوزين وخصوصا لو كان زي يحيي مغفل تقدري تلعبي معاه بس خدي بالك مع الرجاله التانين
توتا عرفت انه بيسخر منها وبصتله بحقد وكتفت ايدها وقالت: ده كان زمان ودلوقت انا مخلصه ليحيي
امجد بصلها من فوق لتحت وابتسملها بحتقار وقال: من دقيقتين بس كنتي عايزه تعملي علاقه معايا
بتوتا ابتسمت بستهزاء من اسلوبه وكلامه لفت ضهرها ومشت من قدامه
استوب ورايكم وتوقعاتكم امجد هيعمل ايه في يحيي ورشا هتعمل ايه في توتا
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زوجتي الجريئه)
