رواية زوجة للايجار الفصل الرابع 4 بقلم اسماعيل موسى
رواية زوجة للايجار الجزء الرابع
رواية زوجة للايجار البارت الرابع
رواية زوجة للايجار الحلقة الرابعة
انهى محمد المكالمه انا طرت على الكنبه قبل ما يخرج من الغرفه
حتى صدمتى وخوفى مقدرتش أظهره قدامه
كنت مضطره اكتمه زى ما بنكتم كل المشاعر السيئه جوانا
كلامى عن مواجهته اختفى، لسانى كان مهزوز جوه بقى
محمد قرب منى وقعد جنبى، اول مره يعمل كده من يوم الدخله
حضنى وهمس فى ودنى وحشتينى
مقدرتش ابعد جسمى عنه، انا كنت طلبت قربه قبل كده وهو كان متوتر
سبت نفسى فى حضنه، كان نفسى أبكى واصرخ فهمنى يا جوزى فيه ايه؟
لكن محمد كان طبيعى لما خرج من الغرفه، انا كنت هجنن، بسمع من محمد كلام وأفعاله بتكون مختلفه
محمد قال ايه رأيك ندخل أوضة النوم؟
قلتله معلهش يا محمد خليها بالليل، اعصابى متوتره شويه
قعد محمد يضحك، امبارح كنت انا والنهرده انتى؟
اسفه حبيبى، الليل قريب مش بعيد
هتغدينا ايه؟
اتشعلقت بالكلمه مكنتش حامله ريحته ولا ملمس جسمه، جريت على المطبخ، على الاقل هناك اقدر افكر براحتى
حضرت الغدا وقعدنا ناكل ومحمد كان بيهزر ويفكرنى بأيام الخطوبه
حتى انا نفسى ضحكت غصب عنى من همومي
لكن محمد ما سبنيش فى حالى، كأنه تغير بقدرة قادر لشخص مهوس بلمسى ومداعبتى
حاولت بلطف ابعده لكن معرفتش محمد كان واخد جرعة شجاعه وصلت انه شلنى ودخل بيا غرفة النوم
دماغى كان هينفجر، مش قادره الاقى حل أو نتيجه او مبرر لكل الى بيحصل معانا
كلام محمد فى التليفون كان ليه معنى واحد، محمد عايز يسبنى لشخص تانى
بمعنى أوضح اجوزنى عشان يسلمنى لشخص تانى
وهو بيحضنى افتكرت كلامه
انا مش هقدر المسك، انتى مش ملكى، انا اجوزتك عشان شخص تانى
فى التليفون كان بيقول انه مش هيلمسنى ايه الى بيحصل دا ياربى؟
واقتنعت بفكرة انى اسلم نفسى لمحمد على الأقل اقتل الشك إلى جوايا
ومحمد قبل كل حاجه جوزى مش شخص غريب
حتى عقلى صورلى ان محمد بيتكلم عن واحده تانيه وانه ممكن يكون مشترك فى جريمة خطف بنت وتسليمها لشخص تانى مقابل فلوس
لكن جسمى رفض محمد غصب عنى ولقتنى بزقه بعنف بعيد عنى بطريقه مش حلوه
ولقيت نظرة محمد اتغيرت، بصلى بصه مرعبه، شعر بالأهانه من تصرفى
وقال بنبره حاده، انتى ملكى ومن حقى اخد حقى الشرعى
قلت اهدى يا محمد شويه
محمد كتف ايديا بعنف، إلى عملتيه من شويه هعاقبك عليه بشده يا مروه
افتكرته بيهزر
لكن محمد كان جاد جدا تحول لشخص متوحش كل همه يحصل عليا بأى طريقه
كبل ايديا وحط جسمى تحته رغم محاولاتى الشديده ورفضى محمد خدنى غصب عنى
سابنى منتهيه بعيط، مش قادره اتخيل إلى حصل ما بينا، اطلع بره صرخت
بره يا حيوان
بصلى محمد بسخريه وانا منكمشه على نفسى ببكى ومعطيه نفسى بالبطانية
وقال بنبره مرعبه، لازم تعرفى انى راجل، وراجل جدا كمان
اياكى تكونى فاكرانى زى عمر؟
وفهمت ان محمد كان بيلمح لخطيبى السابق، انا كنت لمحتله انى فسخت الخطوبه لان شخصيته ضعيفه
قبل ما ارد، محمد صرخ، نضفى نفسك وتعاليلى بره انا عايزك فى موضوع مهم
صرخت، اطلع بره بقلك
محمد قرب منى ومسك دراعى وضغط عليه جامد لحد ما عيطت وشدنى لحد ما وقعت من على السرير
اسمعى يا مره، الكلمه هقولها مره واحده، فى خلال ربع ساعه عايزك تكونى واقفه قدامى فى الصاله فاهمه ولا اكسر دراعك؟
قلتله فاهمه
محمد قرب اكنر وقال بنبره شيطانيه، كرريها
قلتله فاهمه، فاهمه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية زوجة للايجار)
