رواية زوجة رجل ضعيف الفصل الرابع عشر 14 بقلم عادل عبدالله
رواية زوجة رجل ضعيف الجزء الرابع
رواية زوجة رجل ضعيف البارت الرابع
رواية زوجة رجل ضعيف الحلقة الرابعة عشر
فرح شادي وغمرته سعادة بالغة بينما كان مفعول القرص المخدر قد ذهب من رأس دعاء وسألته الراجل اللي اسمه شكري بيه ده عطاني أكتر من نص الفلوس دي لكن قالي أنه كاتب رقم موبايله وقالي أكلمه ضروري ومش عارفة أكلمه ولا لأ زي الزبون الاولاني
شادي وهي دي عايزة كلام لازم تكلميه طبعا !!!
دعاء أكلمه أزاي وأفرض طلب يقابلني أعمل أيه
شادي حاولي تتهربي منه بأي سبب .
دعاء حاضر يا شادي لما نشوف أخرتها ايه !!
شادي أتحملي بس كام شهر والدنيا هتضحكلنا وهتبقي زي الفل .
دعاء أتصل به أمتي
شادي لما نقوم من النوم .
استيقظا من نومهم بعد العصر ثم أمسكت دعاء بهاتفها وأتصلت بشكري بك وبجوارها شادي …
دعاء الو حضرتك شكري بيه
شكري بك ايوه مين انتي
دعاء بدلال أنا دودو .
شكري بك عارفة يا دودو لو مكنتيش اتصلتي بيا كنت زعلت منك اوي .
دعاء وأنا مقدرش علي زعلك .
ضحك شكري ضحكة عالية أنتي فعلا متقدريش علي زعلي علشان أنا زعلي وحش أوي ربنا يكفيكي شړ لما أزعل من حد .
شعرت دعاء بأن كلمات شكري بك ټهديد غير مباشر لها .
دعاء وأنا فعلا مقدرش أزعلك .
شكري أيوه أنا كده احبك عايز أشوفك النهاردة يا دود .
دعاء أنت تشرفنا هكون في أنتظارك في المحل .
شكري بك لأ أنا عايز أشوفك كمان ساعة بعيد عن المحل .
دعاء النهاردة مينفعش علشان ميعاد الدكتور بتاع ماما هأخدها ونروحله .
شكري بك لأ أنا كده هزعل منك .
دعاء ليه
شكري بك علشان كده أنتي عايزة تشتغليني .
دعاء لأ ابدا ماما فعلا تعبانه وهوديها للدكتور .
شكري طيب أنا هضحك علي نفسي وهصدقك النهاردة بس ياريت بكره تفضيلي نفسك علشان عايز أشوفك ضروري .
دعاء حاضر من عينيا .
أنهت دعاء المكالمة معه بينما كانت ترتجف خوفا من أسلوبه وطريقته في ټهديدها الغير مباشر .
شادي مالك يا دعاء وشك متغير ليه
دعاء أنا خاېفة من الراجل ده أوي يا شادي وحاسة انه مش سهل .
ضحك شادي أنتي غلبانه اوي !! زي الراجل ده وأكبر منه وبينضحك عليهم عادي أنتي بس اللي مش عندك خبرة بالمعاملة مع الناس دي .
دعاء وهنعمل ايه دلوقتي
شادي تعالي الاول علشان انتي وحشاني اوي وبعدين نشوف هنعمل ايه مع المغفل ده .
وظلت هكذا دعاء بمساعدة شادي تتهرب من شكري بك لمدة أكبر من أسبوع !!! وكل ليلة تستخدم ملاطفتها وتغنجها ودلالها عليه وعلي باقي الزبائن وفي نهاية كل ليلة تعود مع زوجها ومعها الكثير من المال !!!
شعر شكري بك بتلاعبها به حتي تستنفذ أمواله !!
بدأ شكري بك في تجاهلها والأغداق علي زميلاتها بالكثير من الأموال !!
ثم أختفي فجأة لعدة أسابيع !!
وبعد فترة تعجبت يوما دعاء من أختفاء شكري بك !!! فقالت لزوجها متعجبة أنت مش ملاحظ يا شادي أن شكري بيه من فترة طويلة مش بييجي الكباريه
شادي أيوه لاحظت ومستغرب كمان !!
دعاء أنا كمان مستغربة أوي !! ده كان تقريبا كل يوم بيروح هنا وفجأة أختفي !! بس بصراحة بقول في نفسي أحسن أنه بطل ييجي .
شادي ليه بقي يا فقرية ده اليوم اللي كان بييجي عندنا الكبارية كنا بنرجع ومعانا فلوس اكتر من اي يوم تاني
.
دعاء يا شادي الراجل ده أنا كنت بخاف منه أوي .
شادي طيب بطلي الخۏف بتاعك ده أنتي مش ملاحظة أننا لسه مش كملنا شهرين في الشغل ده وبقي معانا فلوس كويسة
دعاء طيب ما كفاية كده يا شادي ربنا سترها في الشهرين خاېفة يحصل حاجة بعد كده .
شادي مش عايزك تجيبي سيرة الخۏف بعد كده يا قلبي الخۏف للضعفاء بس و احنا مش ضعفاء والفلوس بتقوي القلب وأحنا بدا يبقي معانا فلوي .
دعاء طيب كفاية اللي معانا بقي .
شادي يا بت اللي معانا ميعملوش اي حاجة كملي بس أنتي معايا لحد ما أوصل للي أنا عايزه .
دعاء طيب يا شادي لما نشوف أخرتها ايه .
بعد يومين وأثناء أرتداء دعاء ملابسها وقبل نزولهم لعملهم نادت دعاء علي شادي ولكنه لم يجيبها !!!
تعجبت دعاء وظلت تبحث عنه في كل أرجاء الشقة حتي وجدته داخل الحمام .
دعاء كنت بنادي عليك يا شادي مش بترد ليه !
شادي أيوه أيوه خارج أهو .
دعاء طيب يلا بسرعة علشان عايزاك .
بعد دقيقة خرج شادي ونظرت له دعاء ولاحظت وجود بقايا مسحوق أبيض أسفل أنفه !!!
دعاء أيه ده يا شادي
شادي فيه أيه يا قلب شادي
دعاء أنت كنت بتعمل أيه في الحمام
ضحك شادي هكون بعمل ايه يعني !!! بعمل زي الناس ما بتعمل .
دعاء طيب بص في المرايا كده !!
شادي ليه فيه أيه
دعاء ايه اللي في وشك ده
نظر شادي في المراة وأرتبك ومسح أنفه قائلا لا لا مفيش حاجة .
دعاء أنت بتشم بودرة يا شادي
شادي يا دودو أنا اااا….
دعاء متقولش حاجة يخربيتك هيه حصلت لكده كمان ! باقي أيه تاني لسه معملتوش !!
شادي يا بت أسمعيني أنا اااا….
دعاء أنت تخرس خالص والهباب ده تبطله نهائي فاهم
شادي طيب خلاص حاضر .
دعاء هتقولي حاضر وبعدين ترجعله تاني زي البرشام !!
شادي طيب ما أنتي كمان بتأخدي برشام معايا !!
دعاء أنت السبب أنت اللي عودتني عليه .
شادي أنا مضربتكيش علي ايدك أنتي اللي طلبتي .
دعاء طلبت منك بسبب اللي أنا شايفاه وعايزه أتحمل الحياة بالشكل ده ومش عارفة وبأذن الله هبطله .
شادي وأنا كمان هبطل البودرة .
دعاء لازم تبطلها يا شادي انت كده بتدمر نفسك وهتدمرني معاك !!
أتتهي الكلام بينهم وشعرت دعاء بأن شادي حياته وبالتالي حياتها معه في سبيلها للضياع والدمار !! ولكن ماذا تفعل الان بعد أن تركت كل شئ من أجله ! بعد أن تركت حياتها الأولي الهادئة المستقرة في مغامرة بالتأكيد ستدفع ثمنها غاليا !!!
ولكنها الان تفكر في هذا الثمن الذي ستدفعه بالتأكيد هل ستستطيع تحمل ذلك الثمن الذي ربما يط
كلفها حياتها كلها !!!
وظلت تفكر هل من سبيل لتقويم شادي واعادته للمسار السليم لتعيش معه في حياة مستقرة هادئة
ذهبت دعاء مع شادي الي عملهم صامتة لا تتكلم بينما يحاول شادي أن يتحدث معها وهي لا تستجيب !!
حتي وصلا الي العمل وبدأ كلا منهما في ممارسة واجبات عمله .
كانت تعبيرات وجه دعاء تجمع بين الحزن والخۏف .
لاحظ الجميع ذلك و حاول الجميع معرفة سبب مظهرها الحزين دون جدوي .
كان علي أحدي الطاولات ثلاثة شباب في العشرينات من العمر .
لم تكن المرة الأولي لهم في هذا المكان بل أنهم أعتادوا التردد عليه كثيرا .
ولكن كانت ترافقهم وتقوم علي خدمتهم أحدي زميلاتها في العمل الذي تغيبت عنه في هذا اليوم .
بدأت دعاء في تقديم الخدمة لهم بينما مازالت ملامح الحزن تكسوا وجهها حتي أمسك أحدهم بيدها قائلا الجميل زعلان ليه
دعاء لا ابدا مفيش حاجة .
أومال مكشرة في وشنا كده ليه !
لا أبدا مش قصدي انا أسفة .
طيب اضحكي علشان الدنيا تبقي حلوة .
حاولت دعاء اصطناع الابتسامة لهم فأخرج هذا الشاب عدة ورقات نقدية وأعطاها أياها !! قائلا عارفة لو ضحكتي ضحكة حلوة وعجبتني هتشوفي هعملك ايه .
هتعمل ايه يعني
جربي وأنتي تشوفي .
اصطنعت دعاء ضحكة عالية رنانة فقام الشاب وأخرج ألفين من الجنيهات ورمي بها عليها .
نظرت له دعاء في تعجب تخاطب نفسها ماله العبيط ده بيرمي الفلوس دي كلها ليه !!!
ناداها شادي سريعا هامسا لها العيال دي معاهم فلوس زي الرز أشتغلي عليهم كويس هتروحي معاكي فلوس حلوة .
أثناء ذلك قال له أحد صديقيه مالك يا زياد أنت أتجننت ولا أيه !
ليه يا زميلي
بترمي كل الفلوس دي عليها ليه ده كتير اوي !! أحنا لسه في أول الليلة !!
ضحك زياد ضحكة عالية قائلا علشان هتروح معانا أخر الليلة .
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية زوجة رجل ضعيف)
