رواية زوجة جميلة ولكن الفصل السابع عشر 17 بقلم سلمى سمير

رواية زوجة جميلة ولكن البارت السابع عشر

رواية زوجة جميلة ولكن الجزء السابع عشر

رواية زوجة جميلة ولكن الحلقة السابعة عشر

تمر الايام علي غرام والحزن يكتسي ملامحها الجميله
شيماء:- وبعدين يا غرام وضعك كده مش كويس علي البيبي
غرام:- ضيعته يا شيماء خلاص سيف خد مراته واستقل بحياته بعيد عني ابني هيبقي يتيم وابوه عايش
شيماء:- عمري ما شوفتك ضعيفه كده وانهزاميه يا غرام صدقيني هو محتاج يرتب اموره وبالذات بعد قضية بابا
والتحقيقات اللي لسه شغاله وكانت صدمة ليه ان ابوه اتقتل
مش مات في حادثة زي ما كنا كلنا عارفين
غرام:- كل ده ميمنعهوش انه يجي ويطمن عليا لو كان عنده نيه يسامحني ونبداء من جديد او حتي كبنت خاله
شيماء:- طيب اتصلتي بيه في الشركة كلميه انتي واطمني عليه مش هو اللي لازم يعمل الخطوة الاول دايما
غرام:- اتصلت وعرفت انه بيروح الشركة وكمان عمل مناقصة جديدة ومكسبه كبيرة منها جدا يعني خلاص نجح
ورسم مستقبله وعايش حياته مع ابنه ومراته
شيماء:- وانتي مستقبلك وشغلك اللي حاربتي واجتهادتي
لحد ما وصلتي للي وصلتيله هتسبيه كده ارجعي لشغلك
يمكن يهون عليكي مرارة الانتظار والشوق ليه
غرام:- وحشني وحشني اوووي اوووي يا شيماء
شيماء:- زي ما قدرتي تعيشي ٨ سنين من غيره حاولي تعيش الايام الجاية لنفسك وللي في بطنك واصبري
انا واثقه انه هيرجعلك بس بعد ما يقدر يتقبل كل الحقائق اللي عرفها في الفترة اللي فاتت عصب عنه
اللي حصله كان فوق طاقة احتماله اصبري عليه
دادة فاطمة:- كلام شيماء عين العقل يلا قومي علشان الغدا جهز وشيماء كلها يومين وجوزها يرجع بالسلامه
يعني هتبقي لوحد ولازم ترجعي لنفسك يا بنتي
غرام:- حاضر يا دادة وتقوم تنزل للغدا
وبعدها تلبس وتاخد شيماء وتخرج تغير جو
وتروح لدكتور متابعه الحمل علشان تطمن علي البيبي
الدكتور:- الجتين وضعه ممتاز بس محتاجه غذا شويا
انا هكتبلك علي فيتامينات ولازم تنتظمي عليها الفترة الجايه لحد ما يخلصو الشهور الاول وكمان البعد عن الارهاق
والاجهاد النفسي والعصبي ولا انت عايزه البيبي يبقي خلقه ضيق ويكفر سيئاتك وسيئات اهلك
غرام:- لا كفاية عليا ابوه حاضر هنفذ كل اللي قولته
وتحس الراحه بعد ما اطمنت علي ابنها
شيماء:- اظن بقي نهتم بالبييي الفترة الجاية وننسي سيف ومشاكل سيف لحد ما يعقل ويرجع لبيته وليكي
غرام:- حاضر انا هنزل الشغل من بكره ويروحو الفيلا
وكان في ضيف بانتظارهم
غرام:- استاذ مروان خير في ايه حصل حاجه لسيف
استاذ مروان :- اسف يا دكتورة غرام بس المهندس سيف
بيعمل فصل للشركة وحبيت ابلغ حضرتك قبل ما الشركة تقع
غرام:- يعني ايه مش فاهمة
استاذ مروان:- يعني بيعمل شركة موازيه لشركة والدك وبينقل ليها اصول ومناقصات يعني بيخلق كيان لشركة جديدة من شركة والدك صحيح شركة كاظم بيه قوية بس عدم الاهتمام بيها واهمال موردها الفعلي مع نقص اصولها ممكن يضيعها
غرام:- ليه دي شركته بيعمل كده ليه
مروان:- اتفضلي وانتي هتعرفي ليه ويسلمها اوراق تاسيس شركة جديدة باسم شركة الزغبي للاستثمار والمقاولات
غرام:- فهمت طيب يا استاذ مروان شوفلي حل قانوني
يحافظ علي اصول الشركة ووضعها المالي في السوق
وبلغني بالمستجدات ومش تتخلي عنه في اي مشوره
استاذ مروان:- انا لحم كتافي من خيركم وخير الشركة اللي فاتحه بيوت كتيره وشكوتي ليكي خوف علي تعب والدك
يروح علي الارض في شركة جديده عمرها ما هتوصل لاسم ومكانة شركة كاظم بيه الله يرحمه
غرام:- انا عارفه نيتك وواثقه انك جيت تبلغني خوف علي شركة بابا اللي تعب سنين علشان يكبره لكن سيف معذور
ساعده علي قد ما تقدر وجهز ليا تقرير عن وضع شركتنا
استاذ مروان:- حاضر تحت امرك استاذن انا
شيماء:- انا مش فاهمه ليه سيف يعمل كده
كان يقدر يغير اسم الشركة وخلاص ليه يعمل شركة جديدة
غرام:- هو ده سيف كان طول عمره نفسه ياسس شركتة بنفسه اخد نصيببه من شركة بابا واسس شركة باسم والده
فاهمتي مش عايز شركة بابا وانا واثقه انه بعد شهر او اتنين
هيتنازل عن شركة بابا ليا علشان يقطع اي صله بمال بابا
خلاص يا شيماء سيف هيعمله كيان منفصل عني
انا كمان لازم ارجع لنفسي لازم ابقي قويه للي جاي
خلاص بقيت لوحدي بالدنيا مليش فيها غير ابني
وتنزل غرام لعملها في الكليه والمستشفي
وتمر الايام كئيبه خاليه من اي حياة لكن غرام تتشبث
بالفرحه االي بتنمو في احشاءها والرابط الوحيد اللي باقي ليها مع سيف اللي هجر حياتها اكثر من شهر بدون اي سؤال عنها او عن حالها زي ما تكون ماضى وانتهي بالنسبه ليه
وفعلا زي ما اتوقعت رجع استاذ مروان ليها تاني
في يوم وهي راجعه منهكه وتعبانه
من عمليات متعاقبه كل يوم
تدخل تلقيها في انتظارها
دادة فاطمة:- جه من نص ساعه واصر يستناكي
قولتله يجيلك الصبح لانك بترجعي تعبانه من المستشفي
لكنه رفض واصر انه يقابلك باي طريقه
غرام:- مفيش مشكله يا دادة انا كنت مستنياه فعلا
اهلا استاذ مروان اسفه لانتظارك
استاذ مروان:- انا حابب اعتذر الاول علي سوء ظني بالمهندس سيف وثانيا الورق ده محتاجة توقيعك
غرام:- اتفضل واحكيلي بالتفصيل كل اللي حصل الاول
استاذ مروان:- اانا كنت قولت لحضرتك ان شركة والدك
ممكن تتاثر بالفصل اللي بيعمله المهندس سيف
اللي حصل غير كده بالعكس هو اسس شركته الجديدة واخد.مناقصه كبيرة جدا بضمان اصول شركة كاظم بيه
والشركة بقت منافس قوي بسبب المناقصه دي
وبعد كده عمل دمج لشركتين وبكده اصبحت شركة والدك شركتين في سوق الاستثمارات والمقاولات
وطبعا ده قوي مركز الشركة واصبحت الشركات العالمية بتتهافت للتعامل معانا والمناقصات بقت عالميه دوليه
غرام:- انا سعيدة جدا بالاخبار دي كنت واثقه في سيف
انه عمره ما هيقبل انه يدمر شركة خاله اللي بقت شركتة
وايه الاوراق ده اللي عايزني اوقعها دي
استاذ مروان:- اولا ده عقد تسجيل شركة كاظم بيه باسمك
مره تانيه وده عقد شراكة ودمج بين شركة الزغبي وكاظم
غرام:- سيف اللي طلب منك توصلهم ليا
استاذ مروان:- ده صميم عملي كان لازم الاوراق تتوقع في اجتماع مجلس الادارة بالامس لكن انا فضلت اجي لحضرتك
و اوضحلك كل التفاصيل وكمان اعتذر عن سوء ظني
غرام:- يعني سيف ميعرفش انك هتسلمني الاوراق
استاذ مروان:- لا عارف انا طلبت منه اني اجي ليكي
واطلب منك توقعك علي العقود الجديدة
غرام:- اوك فهمت وتمضي الاوراق وتسلمها لمروان
شكرا لتعبك وياريت تصرف شهر مكافاءه لكل العاملين
بمناسية توقيع عقد الدمج بين الشركتين
استاذ مروان:- بس الباشمهندش سيف صرف مكافاءة فعلا
ولا حضرتك عايزه مكافاءه باسم شركتك
غرام:- ايوه باسم شركة كاظم بيه النعمان
استاذ مروان :- تحت امرك يا دكتور وياريت تحضري بكره
الاجتماع الاول بعد دمج الشركتين للترحيب بالاعضاء
و كمان اختيار رئيس جديد لمجلس الادارة
غرام:- حاضر بس ياريت يكون قبل الساعه ١٠ لان عندي محاضرة مهمه وبعدها عملية مقدرش ااجلها
استاذ مروان :- لا الاجتماع في التاسعه صباحا
غرام:- كويس جدا هكون موجوده
استاذ مروان :- هتنوري شركتك يا دكتورة تأمريني بحاجه
غرام:- لا اتفضل انت واشوفك بكره بالشركة باذن الله
ويمشي مروان وتدخل غرام اوضتها وتتصل بشيماء
شيماء:- كنت لسه هتصل بيكي عامله ايه طمنيني عليكي وعلي البيبي وحشتيني وليد كلة اسبوع و يسافر
واجيلك اقعد معاكي يومين غصب عني اني سيباكي لوحدك
غرام:- ولا يهمك انا مش برجع البيت غير علي النووم
حبيت اقولك زي ما اتوقعت سيف اتنازل عن الشركة ليا
وعمل دمج لشركته مع شركة بابا
شيماء:- ياه مش معقول عمل زي ما اتوقعتي بالظبط
طب بردك متاصلش بيكي او خاول يكلمك
غرام:- لا خالص خلاص بقي مراته وابنه اهم عنده
شيماء:- مش عارفه اقولك ايه ياغرام تحبي اكلمه اشوف
وضعكم ده اخرته ايه لان حرام يسبك متعلقه كده
غرام:- اوعي انا بكره هقابله وهحاول اتكلم معاه
شيماء:- بجد هتقابليه فين
غرام:- في اجتماع بالشركة لتفعيل الدمج بين الشركتين
شيماء:- اه وده مكان ينفع تتكلمو فيه
غرام:- فعلا كلامك صحيح بس ده المتاح دلوقتي اعمل ايه
شيماء:- طيب ابقي طمنيني عملتي ايه لما تخلصو
غرام :- حاضر تصبحي علي خير حبيبتي
وتشرق الشمس الذي انتظرت غرام ساعات شروقها بترقب وقلق لمقابلتها سيف بعد غيابه عنها لشهر كامل بدون اي
كلام بينهم طول الفترة اللي فاتت لا عتاب ولا مودة
وتتأنق جدا وترفع شعرها الذهبي بشكل جميل علي راسها ليعطيه جمال ووقار واناقه تحسدها عليها بنات جنسها
وتركب عربيتها وتنطلق لشركة والدها ومقابلة حبيبتها
وتدخل من بابا الشركة وتطلع علي مكتب والدها
السكرتيرة:- دكتورة غرام اهلا بحضرتك الكل بانتظارك
وتفتح ليها قاعة الاجتماعات وتدخل تشوف سيف علي
راس ترابيزة الاجتماعات ويشاور لها علي الكرس المقابل
اتفضلي يا مدام غرام علشان نبداء الاجتماع
سيف:- يبداء بالترحيب باعصاء مجلس الادارة
غرام:- تنظر ليه مبهوره بيه وبطريقتة لادارة الامور وكمان مشتاقه ليه ولملامحه اللي غابت عنها
لكنه بيتجنب النظر ليه او حتي الكلام معاها وده جرحها ووجع قلبها لانه اتاكدت ان مفيش مجال للكلام بينهم تاني
سيف:-يطرح عليهم فوائدالدمج ويطلب منهم التصويت
علي الاختيار بينه وبين غرام لرئاسة مجلس الادارة
غرام:- انا بذكيك للمنصب لعدم وجود وقت عندي لشغل الشركة وعدم المامي باعمال الاستثمار والمقاولات
اغلب اعضاء المجلس وافقو علي مقترح غرام
ليطلب سيف منهم الاستفتاء او اختيار حد.تاني
ليجمعو علي اختيار سيف لرئاسة مجلس الادارة
وبعدها يعرض علي الاعضاء ارباح شركته الجديدة
وارباح الشركتين بعد الدمج.
لتصدم غرام من ضخامة المبلغ اللي قدر يكسبه سيف في شهر واحد من تأسيسه لشركته
غرام:- تحس الالم لنجاح سبف وهو بعيد عن حياتها
واتاكدت انه خلاص بني مستقبله ومش محتاج لغرام
في حياته واتوقعت انه خلال ايام هيرسل لها ورقة الطلاق
وتحس الالم اكتر لمجرد التفكير انه ممكن فعلا يطلقها وينهي علاقته بيها للابد بس لو كان عايز ينهي علاقته بيها ليه الشراكة والدمج اللي هيجمعهم تاني
انا غبيه طبعا علشان خاطر خاله مش علشان خاطري انا
وتحس الخنقه والتوتر وتبص للجميع وهما بيستمعو لسيف
انا اسفه مضطرة استاذن عندي محاضرة في الكلية
كمان نص ساعه انا اتشرفت بيكم واتمني ان الفترة الجايةتكون ناحجه للجميع الف مبروك يا باشمهندس
علي رأستك لمجلس الادارة مع تمنياتي بالنجاح والتوفيق
سيف:- بتهكم شكرا يا مدام غرام واتشرفنا بوجودك معانا
وتخرج غرام تجر اذيال الخسارة علي حب حياتها
وتحضر المحاضرة ومش عارفه كانت بتشرح ايه او
بتقول ايه لكنها تعتذر عن انها تكمل المحاضرة
وتتصل بالمستشفي تطلب تاجيل العمليه لاحساسها بالتعب
وتركب عربيتها وتروح للفيلا وطول الطريق
ملامح سيف لاتغادر خيالها وهو بيتهكم عليها وهي خارجه من الاجتماع وتندب حظها لخسارة حبها لوحده تانبه
وتوصل للفيلا وتشوفها الدادة اللي تجري عليها بخضه
دادة فاطمة:- مالك يا بنتي رجعتي بدري ليه حصلك حاجه
غرام:- لا يا دادة حسيت بالارهاق فضلت ارجع وارتاح
انا هطلع اخد شاور وانام لاني منمتش كويس امبارح
وتطلع لاوضتها منهكة القوي لوجعها الداخلي
وحرمانها من حب حياتها للابد
وتاخد شاور وتترك شعرها ينسدل علي كتفيها
لتحس التحرر من ايةقيد فرضته علي نفسها
وتكلم نفسها وتبكي فراق حبيبها لها
غرام:- معقول يا سيف حب السنين ينتهي في ايام
ياتري كان حب ولا عرفان بالجميل لخالك اللي رباك
وتبكي وتنام ودموعها علي خدها
علشان تحلم بان سيف رجع ليها بكل شوق ومحبة
بيمسح دموعها وبيحضنها برغبه وشوق واشتياق
ليس له حدود وتحس جسمها يوجعها من شدة احتضانه
لها لتفوق من حلمها لتصتدم بالواقع الذي لما تكن تتخيله