رواية زواج مع ايقاف التنفيذ الفصل السادس 6 بقلم عادل عبدالله
رواية زواج مع ايقاف التنفيذ الجزء السادس
رواية زواج مع ايقاف التنفيذ البارت السادس
رواية زواج مع ايقاف التنفيذ الحلقة السادسة
عدت شهور الحمل شهر ورا التاني الي ان جاء موعد الولادة .
خلال فترة الحمل باسم اتكلم اكتر من مرة مع والدتي ومع اخي محمود انه عاوز يخطب سحر اختي ولم يتكلم معي مباشرة ولكن بسبب موقفي لم يقابل طلبه بالرفض او بالقبول وتم التاجيل من امي .
الي ان جاء يوم الولادة والحمد لله قامت سهام بالسلامة وربنا رزقنا بولد .
اول مل اتاكدت انه ولد ذهبت مباشرة وسميته ياسر علي اسم اخي رحمه الله .
كانت بتواجهني مشكلة في البداية بعد ولادة ابني ياسر .
لاني مكنتش عارف اشوفه لان سهام خرجت من المستشفي علي بيت اهلها .
وفي نفس الوقت انا مكنتش بروح هناك .
المشكلة الواحده بقيت مشكلتين .بدل ما كان جوازي من سهام علشان اسر ابن اخويا بقي كمان استمرار الجواز علشان ياسر ابني كمان .
بقيت مشتاق جدا اني اشوف ياسر ابني وكمان اسر ابن اخي اللي كنت بحس انه كمان زي ابني .
والد سهام كان بيخليني اشوفهم عن طريق التت .
بعد كده حصلت مشكلة بين سهام واخوها باسم لانها قالت انها عاوزة تطلق مني وانها هتعيش وتربي ولادها لوحدها .
طبعا كده اصبحت رغبه الطلاق مني ومن سهام وده كان هيكون سبب اكيد في استحالة جوازه من سحر .
وبالرغم من كده جي باسم قابلني وقالي انه بيحب سحر وسحر بتحبه وان الكل موافق ومفيش حد معارض في هذا الزواج الا انا .
انا قلتله وهتعمل ايه لما انا وسهام نتطلق ؟
رد عليا وقالي ان زواجه من سحر ملوش علاقه بيا وبسهام وان الحب بينهم هيغلب اي مشكلة ..
قلتله انه لما يشوف اخته اتطلقت وهتبقي في مشاكل علي حضانة الاطفال بينا هو مش هيسكت واكيد ده هيكون له رد فعل سئ علي سحر .
هو حاول اقناعي بان الموضوعين منفصلين علشان اوافق غلي جوازه من سحر ولكني في النهاية لما وجدت منه الاصرار قلتله ناجل الكلام في الموضوع ده .
ولكن باسم احس من كلامي بان مفيش امل من موافقتي .
وفي اليوم ده روحت البيت وانا مشغول اوي وكلمت والد سهام قبل ما انام علشان اطمن واشوف ياسر واسر .
وفعلا شوفتهم عن طريق النت واطمنت عليهم في دقايق وبعدها نمت .
وانا نايم شوفت ياسر اخويا الله يرحمه جاي وكان بيبصلي وهو مبتسم وقالي :
ازيك يا نور يا اخويا عامل ايه من بعدي ؟
: حبيبي يا ياسر .هو انت ممتش؟
:لا انا مت فعلا بس انا دلوقتي في مكان احسن ومرتاح اوي .
: انا اسف يا ياسر .انا السبب في موتك وكمان اتجوزت مراتك .سامحني يا اخويا مكنتش اقصد انك تموت بسبي .واتجوزت مراتك غصب عني لكن ده جواز صوري بس يا اخويا واللي حصل بينا مكنتش داري انها سهام مراتك ومكررتهاش تاني .
: يا حبيبي انت مش السبب اني مت .ده قضاء ربنا وانت مقلتليش انزل البحر .انا مت بقضاء الله .وكان ده معاد موتي اللي ربنا مقدره .وسهام دي مراتك انت مش مراتي .انا كل اللي مزعلني منك انك مش عاوز تعيش معاها بشكل طبيعي .انت كده معذب نفسك ومعزبها معاك .انت لازم تعيش معاها عادي زي اي اتنين متجوزين .وعايزك تخلي بالك من اسر وياسر دول ولادك .خلي بالك منهم اوي .انا مبسوط اوي علشان سميت ابنك علي اسمي خلي بالك منه ومن اسر وسهام.
: يعني انت مش زعلان مني ؟
: لا يا نور يا اخويا .ابدا .انا عاوزك تخلي بالك من مراتك وولادك علشان ابقي مرتاح لو بتحبني صحيح .
بعدها صحيت من النوم علي أذان الفجر وكنت مبسوط اوي .وكأن كان علي كتفي جبل وانزاح .
واول ما طلع النهار لبست ونزلت جري علي بيت اهل سهام .
كان الوقت لسه الصبح بدري .كلهم اتفاجئوا لما شافوني وظنوا ان حصلت مصيبة او اي خبر سئ .
ولكني طلبت ادخل اشوف سهام والاولاد.
قالولي استني نصحيها .
قلتلهم سهام مراتي انا اللي هدخل اصحيها .
كلهم بصوا لبعض باستغراب .وقالي والدها ادخل صحي مراتك يابني .
دخلت صحيت سهام من النوم .
اول ما سهام صحيت اتفاجأت وقامت بسرعة مفزوعة .
طبطبت عليها وقلتلها متخافيش .انا جاي علشان اخدك واخد الولاد ونروح بيتنا .
سهام مبقتش مصدقه وقالتلي : هو انا صاحية ولا نايمه وبحلم .
قلتلها لا صاحية ويلا قومي علشان عاوزك في حاجه مهمه اوي ومستعجلة .قالتلي خير ؟ قلتلها خير متخافيش .لما نروح بيتنا هتعرفي .
قالتلي :هو ايه اللي حصل ؟
قلتلهاا: الحاجز اللي كان بينا خلاص اتشال .
قالتلي : ازاي ؟ قلتلها مش مهم ازاي.المهم انه اتشال .
قامت سهام من النوم ولبست .واهلها مرضيوش اننا ننزل الا لما نفطر معاهم .
فطرنا معاهم وبعدها اخدت سهام والاولاد وروحنا علي البيت
وفي الطريق اتصلت بزميلي في الشغل وقلتله اعملي اجازة اسبوع من الشغل .
قضينا اسبوع عسل خيالي .كله رومانسية وحب .
عرفت من سهام خلال الاسبوع ده ان موقفي منها علي اد ما كان مضايقها ولكنها حبتني بسببه لانها حست اني انسان بجد كلي وفاء واخلاق نبيلة .
بعدها طلع محمود بمفاجاة مكنتش اتوقعها ابدا .
محمود اخويا قال انه عاوز يبيع نصيبه في المصنع والبيت والارض .
وعرض عليا ان اشتري نصيبه او انه هيبيعه للغريب .
وطبعا انا مكنش معايا فلوس اشتري منه .
ولما اتكلمت معاه عن سبب بيعه لميراثه قال انه عاوز يعمل مشروع خاص لنفسه .
انا فهمت انه عمل كده علشان زعل لما علاقتي بسهام اتحسنت .
حاولت اني اخليه يتراجع عن قراره او يأجله ولكنه اصر انه يبيع في اقرب وقت .
في نهاية الكلام كان الموقف انه هيبيع لاول مشتري غريب عننا .
ولكن سهام عملت موقف بعده حبيتها كتير لانها قالت انها هتشتري نصيب محمود علشان مفيش حد غريب يدخل بينا .
سهام كبرت اوي في نظري بسبب موقفها وحبيتها اوي بعدها .
وباسم اخوها اتجوز سحر .
وبيعنا الارض واشترينا بفلوسها فيلا نعيش فيها انا وسهام والاولاد وامي وسحر وباسم .
انتهت ………….
لقراءة الرواية كاملة اضغط على : (رواية زواج مع ايقاف التنفيذ)
