رواية زواج مع ايقاف التنفيذ الفصل الخامس 5 بقلم عادل عبدالله
رواية زواج مع ايقاف التنفيذ الجزء الخامس
رواية زواج مع ايقاف التنفيذ البارت الخامس
رواية زواج مع ايقاف التنفيذ الحلقة الخامسة
سهام اقتنعت بكلامي وحست منه بالصدق .خصوصا بعد تعهدي ليها ان غلطتي اللي حصلت مش هتتكرر تاني .
طلبت من سهام انها تقف جنبي و انها ترجع البيت وندي لبعض فرصة نقرب من بعض فيها لحد ما نتجوز بشكل طبيعي مع الوقت .
وفعلا سهام رجعت البيت .وبدأ روتين حياتنا في البيت يتغير .
كل يوم ارجع من الشغل واخدها ونخرج نتفسح مع بعض او ندخل سينما .
ولما نرجع البيت بقيت اناديها تقعد معايا نتفرج علي التليفزيون ونلعب مع اسر مع بعض .
فضلنا كده كام يوم في جو أسري جميل .ولكن انا من جوايا لسه مش قادر اقتنع ان سهام بقيت مراتي بعد موت اخويا .
وفي ليلة بعد ما رجعنا واثناء ما بنتفرج علي التليفزيون وأسر نام النور قطع فجأة .
سهام كانت بتخاف جدا من الضلمة بطبيعتها .لقيتها جت جري جنبي وحضنتني بتحتمي بيا من خوفها .
في اللحظة دي مكنتش شايفها .ونسيت خالص انها ارملة اخويا وبقيت حاسس ان اللي بين ايديا مراتي .وتحول هنا جوازي من سهام من جواز صوري لجواز حقيقي .
بعدها النور رجع . دخلت غرفة لوحدي وطلعت صورة اخويا ياسر وبكيت وحسيت بتأنيب الضمير تاني .
صحيح اللي حصل حلال وواجب من واجبات الزوجية ولكن حبي لاخويا ياسر الله يرحمه وشعوري بالذنب تجاهه مسيطر عليا .
من بعدها بعدت تاني عن سهام وبقيت احاول اروح البيت علي النوم فقط.
وفي اقل من شهر عرفت ان سهام حامل .
مكنتش عارف افرح بأن هيكون ليا ابن ولا احزن بأن ابني اللي جاي ده جي من جواز محكوم عليه بالفشل وعدم الاستمرار .
وفي نفس الوقت سهام واهلها شعروا بحزن او هم وخوف لنفس السبب .فهم ايضا حاسين ان الجواز مصيره في النهاية الفشل .
مرت الاسابيع علي الحمل اسبوع ورا اسبوع حاولت خلال الفترة دي اقناع سهام باجهاض الحمل رغم علمي بانه حرام ولكن طلبت منها كده للضرورة .
في البداية سهام كانت بترفض طلبي لانه حرام ومع تكرار طلبي ده غضبت و راحت سهام عند اهلها .
ومرت فترة واصبح اجهاض الحمل مستحيل .
وخلال الفترة دي حصلت مفاجأة مكنتش متوقعها ابدا .
اخو سهام طلب اختي سحر للزواج من امي .
انا لما عرفت اتجننت صحيح هو شاب كويس ولو في الاحوال العادية كان اتقدم لاختي كنت هكون سعيد .
لكن .ازاي اكون انا علي وشك اني اطلق اخته وهو عاوز يتجوز اختي .
كمان والده كان رافض لانه شايف ان بنته سهام اكيد هتتطلق مني .فمفيش داعي للخطوبة خصوصا اننا معرضين لمشاكل كبيرة بين العائلتين .
طبعا انا كنت مندهش ومستغرب من طلب اخو سهام ولكن عرفت من امي بأن باسم اخو سهام كان بيحب سحر من بدري من اول تعارف بين العائلتين .
وزاد كمان ان سحر اختي نفسها بتحبه وموافقه وكمان مصممه علي الخطوبة دي .
امي صحيح تبقي زوجة اب لسحر اختي ولكنها هي اللي ربتها من وهي صغيرة وبيتعاملوا زي ام وبنتها .
طبعا انا زعلت من سحر اختي انها كانت مخبية عني الموضوع ده .
والمفاجأة الكبيرة بقه لما عرفت ان محمود اخويا وافق علي الجوازة دي .وعرفت انه وافق عند فيا .
وكأن الكل بيتحداني او انهم عاوزين يربطوني اكتر بسهام .
محمود اخويا اتغيرت معاملته معايا نهائيا معايا بعد زواجي من سهام .
هو كان حاسس ان هو احق انه يتجوزها لانه معجب بيها .
لدرجة انه لما كانت تيجي فرصة ونتكلم كان بيقولي صراحه اني السبب في موت ياسر ولولا اني سافرت له في المصيف مكانش مات .
عدت شهور الحمل شهر ورا التاني الي ان جاء موعد الولادة .
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية زواج مع ايقاف التنفيذ)
