رواية زواج بالتهديد الفصل الرابع 4 بقلم شروق حسام
رواية زواج بالتهديد الجزء الرابع
رواية زواج بالتهديد البارت الرابع
رواية زواج بالتهديد الحلقة الرابعة
عدت أيام كتيرة لحد ما عدي شهرين
وبدر بيعامل لمي بنفس الطريقة ذل وإهانة وبيأخد حقه منها بالغصب وبيعاملها زي الخدامة تحت رجليه
لمي بخضة ” حاضر حاضر والله قايمة متضربنيش ”
بدر بقرف ” قومي يلا نضفي المياه دي وانزلي نضفي الفيلا مليانة تراب ”
هزت راسها بسرعة وقامت بخوف احسن ما يقرب منها ويأخد حقه بالغصب زي كل يوم هي بقت تقرف منه ومن نفسها وبقت تخاف أي حد يقرب منها
بصت علي هدومها المبلولة من المياه اللي حدفها عليها وجت عشان تغيرهم منعها
_” راحة فين يا قطة ”
_” هغير هدومي انا حاسة بساقعة ”
_” تؤ تؤ تؤ انتي كده حلوة اوي روحي شوفي شغلك ولا ”
كمل بغمزة ” انتي عايزة نقعد مع بعض شوية ”
لمي بصت له بخوف وراحت تنضف الفيلا زي ما أمرها
مضفت كل مكان في الفيلا ومسبتش زاوية لحد ما فضل آخر حاجة وهي المكتبة اللي فيها الكتب
فضت رف رف وحافظت علي ترتيب الكتب وهي بتشيلهم عشان مايزعقلهاش
نضفت التراب اللي علي الرفوف واللي علي الكتب وهي بتفكر مع نفسها
_” هو انا عملت ايه في حياتي عشان اشوف الذل ده كله ”
_” انا عمري في حياتي ما شوفته ولا اعرفه عشان يعاملني كده ”
_” هو انا وحشة عشان يحصل فيل كل ده ”
كملت بسخرية ” حتي التايكوندو مش قادرة استخدمه انا بقيت ضعيفة مش قادرة حتي اتحرك ولا ادافع عن نفسي مفيش حتة في جسمي سليمة بسببه ”
_” كل اللي كنت بعمله واجتهادي كل السنين دي بيروح مفيش حد قدر حتي اللي كنت بعمل عشانهم كل ده خذلوني ومحدش فيهم صدقني ”
فضلت سرحانة وهي واقفة علي السلم وبترص الكتب اللي فوق خلصت وجت تنزل اتزحلقت وقعت علي الارض بسبب شرودها وسرحانها
كانت هتصرخ من الألم بس حطت ايديها علي بؤها عشان ميسمعهاش ويبهدلها حاولت تقوم بس مقدرتش حاسة ان فيه ضلع او عظمة اتكسرت بس حاولت تتطمن نفسها انها كويسة
قامت بصعوبة من مكانها وحاولت تستند علي الحيطة لكن مقدرتش ووقعت تاني مكانها والمرة دي شافت علي الأرض دم كتير مش عارفة جاي منين بصت حواليها لقته جاي منها هي اول ما شافت كده مستحملتش وأغمي عليها
……………….
في المستشفي
_” اااااه أنا ايه اللي جابني هنا ”
جت تقوم حست بوجع فظيع في الحوض وفي ذراعها
الدكتور بخوف ” خليكي مكانك ومتتحركيش انتي عندك كسر وكتر الحركة ممكن يعمل مضاعفات ”
لمي بتعب ” ط..طب ليه..انا حاسة …،بوجع في الحوض هو فيه كسر ….هو كمان ”
الدكتور بأسف ” حضرتك كنتي حامل والظاهر انك وقعتي من مكان عالي فالجنين مستحملش ومات ”
كمل بجدية ” ده غير انك كنتي جاية وهدومك كلها مبلولة فيعتبر انك خدتي بردك شديد ولو ستر ربنا كان ممكن يحصل لك حاجة ”
لمي ببرود ” تمام ماشي وبعدين مين اللي جابني هنا ”
الدكتور بإستغراب من برودها انها متأثرتش بنسبة 1% حتي علي موت جنينها بس هو عارف ايه اللي كان بيحصل لما كان بيعمل العملية وشاف أثار التعذيب والاغتصا*ب علي جسمها ” زوج حضرتك هو اللي جابك هو واقف برا اناديهولك ”
_” تمام ”
……………..
_” اهلا اهلا بدر باشا عامل ايه كويس قلبك مطمن ضميرك مرتاح مش كده قولي قولي متتكسفش انا مراتك بردوه ”
بدر ببرود ” من الآخر عايزة تقولي ايه يا لمي ”
_” عايزة اقولك الحمد لله انه مات انا مكنتش هطيق اشوفه لما يجي واشوف نتيجة اغتصا*بك وتعذيبك ليا ان بإذن الواحد الأحد هتشوف أيام سوداء في الدنيا وفي الآخرى علي اللي انت عملته فيا ”
_” انتي السبب وانتي اللي لعبتي مع الشخص الغلط ”
_” هههه اعمل فيها المظلوم هو انا عمري شوفتك في حياتي قبل كده ولا كلمتك اصلا ده انت الخبث والشر مالي دمك ”
_” انتي بجد ممثلة من الدرجة الأولي عايزة تأخدي واحد من مراته وانا أفضل واقف ساكت وبتفرج علي دمار عيلتي مش كده ”
لمي بصدمة ” انت بتقول ايه “
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زواج بالتهديد)
