رواية زواج بالاجبار الفصل التاسع والأربعون 49 بقلم فريدة أحمد

رواية زواج بالاجبار الجزء التاسع والأربعون

رواية زواج بالاجبار البارت التاسع والأربعون

رواية زواج بالاجبار الحلقة التاسعة والعشرون

مسكت هنا الورقه بعصبية وفتحتها وهي مش مصدقه
لكنها اتصدمت صدمة عمرها حقيقي لما اتأكدت ان دي ورقة طلاقها من تامر فعلا.
مراد .. خربتي بيتك . والله برافو عليكي
هنا بصدمة .. مش ممكن . مش معقول
مراد .. مش ممكن لي . مش ده اللي كنتي عوزاه وطلباه
اهو عملك اللي انتي عوزاه ونفذلك رغبتك.
هنا باندفاع ومن غير ما تحس .. بس انا كنت
وسكتت
مراد بسخرية .. كنتي ايه . كنتي عوزاه يجيلك راكع وندمان مش كده . يجيلك راكع وندمان بتاع ايه.. اي الغرور ده كله جايباه منين . انا مربتكيش علي كده
هو غلط وندم لكن انتي عملتي ايه . لعبتي بيه ….
بس واضح انك ضمنتي حبه فعلا وافتكرتيه خاتم في صباعك
لكن لأ . لأ يابنتي الراجل مهما يحب استحالة هيحبها اكتر من كرامته وعزة نفسه . مفيش راجل بجد هيذل نفسه لواحده ست مهما كان بيحبها
اتنهد مراد وقالها بجمود .. ورقه طلاقك معاكي اهي وهيبعتلك شيك بمؤخرك
شهيره .. هو اي اللي حصل وخلاه يعمل كده فجأة
مراد .. اسألي بنتك . ولا هتسأليها ليه ماهي تربيتك ياهانم
شهيره بصدمة .. مالها تربيتي يامراد . انا عملت ايه
مراد .. عملتي ايه . لأ انتي معملتيش حاجة . فعلا معملتيش اي حاجه ..
مراد .. انا من اول متجوزتك قولتلك ماليش غير اخويا علشان كده عاوز ولاد كتر . صحيح مقصرتيش في الخلفة . بس بقيتي تخلفي وترمي للمربيات وتهتمي بس هترجعي جسمك الزاي . لكن ولادك مكانوش في دماغك مهتمتيش بيهم ولا بتربيتهم مربتيش ولادك تربية صح ..
الكبير ظابط فاسد ميعرفش حاجة اسمها مبادئ واخلاق مبيتعملش بيهم
فاكر الناس كلهم عبيد عنده يأمر وينهي بس ولازم الكل يطيعه وينفذ اوامره . عندو استعداد يعمل اي حاجه في سبيل رغبته وتحقيق مراده ومن غير ما يهمه بيدوس علي كله بجزمته وميفرقش معاه
شايف انو بسلطتته ونفوذه يدوس علي خلق الله عادي . ويأذي ناس مالهمش ذنب عادي
شاور مراد علي ريم وقال .. لولا ربنا وقعه في واحدة زي دي كان زمانه مكمل والله اعلم هو لسه مكمل ولا رجع فعلا
حازم واقف يسمع وساكت
مراد بصله بجمود .. ايه ياحازم باشا عندي غلط في اللي بقوله
بص علي ياسين وقال .. ابنك البيه التاني عاملي فيها بلطجي وصايع . اخلاقه زفت كل حاجة عندو بالدراع وبالقوة معندوش مانع انو يأذي ويهدد ويقت.ل ولو عاوز حاجه ياخدها بالقوة . نفس اخوه ..
ياسين .. بابا
مراد .. انت تخرس خالص . ايه فاكر اني مش عارف اللي انت عملته . بتهدد بنت عمك ياو.سخ عشان تتجوزها وبتجبرها تسيب خطيبها . واللي عملته في البت التانيه وبسببك فضلت في مصحة نفسيه شهور لاحول ليها ولاقوة . واي حاجه وسخ.ة تانيه انتا عملتها انا عارفها . لأ انا مش نايم علي وداني وعارف عنك كل حاجه بس ساكت بمزاجي
بعدين بص ل هنا وهو بيوجه كلامه لشهيرة .. والهانم اللي خربت بيتها من دلعلك فيها .. طلعتيها مغروره ومتكبره شايفه نفسها علي خلق الله
حتي يارا الصغيرة . تعرفي عنها ايه . تعرفي ايه عن حياتها . بتدخل وتخرج ولاتعرفي حاجة عنها ربنا يستر عليها هي كمان ومن اهمالك
شهيره وهي لسه مصدومة من كلامو .. للدرجادي شايفني ست مهملة اوي كده ومعرفتش اربي .. قربت منو وقالت .. وانت كنت فين . ولا هما ولادي انا لوحدي مربتهمش انت صح ليه
مراد .. انا دوري معروف ودورك معروف . واظن انا مقصرتش في دوري .. عيشتكم في احسن مستوي . دخلت احسن مدارس واحسن جامعات وتعليم بره .
كل اللي كنتو بتعوزه كان بيجي قدامكم من قبل ماتطلبوه مقصرتش .. لكن انتي بقا قومتي بدورك صح . لأ . الاهم عندك الشوبنج والنادي وصحابك . لكن ولادك موجودين والمربيات موجودين . للأسف ولادك متربوش كويس ياهانم
وبصلهم كلهم جامد ومشي
بعدين حازم هو كمان خد مفاتيحه وخرج خد عربيته ومشي
والباقيين كل واحد طلع اوضته
………………..
في اخر الليل
حازم لسه مرجعش وريم كانت قلقانه جدا عليه قامت خرجت من الاوضة وهي قلقانه ومش عارفه تعمل ايه
عند هنا في اوضتها
هنا رايحة جاية بغضب وهي بتقول .. الحيوان بيطلقني انا . انا اللي كلو يتمني بس نظره مني يجيي الغبي ده بسهولة ويطلقني كده
انا صحيح قولتلو يطلقني بس علشان يفضل يلف ورايا مش يطلقني بجد الغبيي
سكتت ثواني وقالت . لأ تامر بيحبني ومستحيل هيستغني عني بالسهولة دي . انا عارفة . هو اكيد عمل كده علشان يغيظني . بس علي مين انا ولا يهزني واكيد هيجيلي
ويطلب مني السماح تاني
قعدت مكانها وقالت .. بس الزاي . الزاي اصلا يتجرأ ويطلقني . معقول ممكن يكون قدر يستغني عني
هزت راسها برفض ودموعها نزلت غصب عنها وهي بتقول .. لأ استحاله تامر يقدر يبعد استحالة . دا بيعشقني
في الوقت ده ريم كانت خارجه من اوضتها وهي ماشيه من جمب اوضة هنا سمعتها لأن الباب كان مفتوح وشافتها وهي بتعيط
فضلت ريم واقفة بتردد وفي الاخر دخلت وقالتلها
.. انتي كويسه
مسحت هنا دموعها وقالت بغضب .. وانتي مالك
اتصدمت ريم من ردها .. نعم
هنا قامت وقفت .. وانتي مالك بتسألي ليه .
ريم .. انا حبيت اتطمن عليكي بس .
بصتلها من فوق لتحت .. بس واضح اني غلطانه
هنا .. اه غلطانة وانتي مالك بيا اصلا .
كملت بسخرية وقالت .. ايه افتكرتي نفسك واحده مننا خلاص . لا فوقي ياماما وافتكري اخويا اتجوزك الزاي
ريم بلعت ريقها .. قصدك ايه
هنا بسخرية قالت .. قصدي انتي عارفاه . واحده اتجوزها في السر . ياتري بقا اتجوزك في السر ومكانش عاوز يظهرك للنور ليه .. دا لولا بابا كان زمانك زي مانتي محلك سر ولا حد يعرفك ولا يسمع عنك ومش بعيد كان حازم طلقك واتجوز واحده تليق بيه بجد . مش واحده خدها في السر عشان يقضي معاها يومين
مقدرتش ريم تستحمل كلامها اكتر من كده راحت ردت عليها بغضب وقالتلها .. انتي قليلة الزوق وقليلة الادب كمان وانا فعلاً غلطانة اني عبرت واحدة زيك ..وعلي فكره انا مستوايا ميقلش حاجة عن مستواكي انتي وأخوكي . واظن انتي عارفه كده كويس . بس انتي فعلا واحدة مريضة
وخرجت بغضب وهي متعصبة ودخلت اوضتها وغصب عنها فضلت تعيط بوجع
في الوقت ده حازم كان بيوقف بالعربيه قدام الفيلا ونزل وطلع علي اوضته علطول
فتح حازم باب الاوضة
ريم اول ماحست بيه مسحت دموعها بسرعة ومثلت النوم
دخل حازم وقرب عليها وهي نايمة
قعد علي ركبته في الارض قدامها وميل باسها من خدها وهو فاكرها نايمه لكن حس بدموعها اللي نزلت غصب عنها
اتخض حازم وقلق عليها اوي
حازم .. ريم . ريم انتي صاحيه . ريم ردي عليا بتعيطي ليه
حازم .. قومي ياروحي وقوليلي مالك
فتحت ريم عينيها وقالتلو .. مفيش
مسك ايديها وقالها .. بتعيطي ليه يا حبيبتي . ايه اللي حصل
قامت ريم اتعدلت وقالت .. صدقني مفيش
حازم .. مفيش الزاي .اتكلمي ياريم . حد ضايقك هنا . حد زعلك
ريم وهي بتمسح دموعها هزت راسها برفض وقالت .. لأ . كلهم كويسين
حازم قعد قدامها علي السرير وقالها .. طيب بتعيطي ليه
ريم .. انا .انا بس مخنوقه شوية
لمس حازم بأيده علي شعرها بحنية وقالها .. من ايه ياحبيبتي
ريم وهي مش عارفه تبص في وشه ومش عارفه تقوله ايه
لكن راحت قالت بهدوء … ه .هو انت بتحبني بجد
حازم .. ليه بتسألي السؤال ده دلوقتي
رفعت وشها وبصتله .. جاوبني لو سمحت
مسك حازم وشها بأديه وقالها .. بعشقك ياريم . انتي بتجري في دمي .
كمل بقوة .. انتي حياتي كلها . فاهمه
قرب وباس كل حته في وشها وبعدين مسك وشها بين ايديه
وقالها … تتحرق الدنيا كلها باللي فيها ومشوفش نظرة الضياع اللي في عنيكي دي
………………………………
تاني يوم
عند تامر
دخل البيت بهدوء
ليلي قاعدة علي الكنبة وواضح انها مستنياه
تامر بهدوء .. مساء الخير يا ماما
ليلي .. مساء الخير
تامر لسه هيطلع ليلي قالت .. استني
وقامت وهي بتقولو …ايه اللي حصل ده
تامر .. ايه اللي حصل
ليلي .. انت طلقت مراتك بجد
تامر .. ايوا
ليلي بلوم.. ليه . ليه ياتامر
تامر .. ليه ايه ياماما . انا حققتلها رغبتها . طلبت الطلاق اكتر من مره . نفذتلها اللي هي عايزاه
ليلي .. بس
قاطعها تامر .. دي صفحه واتقفلت خلاص ومش عاوز كلام فيها . هنا دلوقتي بنت عمي وام بنتي وبس
ليلي .. يعني ايه . يعني خلاص مفيش امل مش هترجعو
تامر بجمود .. مفيش رجوع . هي طلبت وانا نفذت
ليلي .. وبنتكو ذنبها ايه . تدفع ليه تمن انانيتكو وعندكم . مش بتفكرو فيها ليه
تامر .. انا عملت اللي عليا وكنت لسه باقي عليها بس خلاص
ليلي .. ايه اللي حصل ياتامر اللي غيرك وخلاك تطلقها دلوقتي . انت زي ماقولت لسه باقي عليها وبتحبها ليه بتتنازل عنها بسهولة كدة .
خدت نفس وقالت .. تامر هنا بتحبك . هي بس مجروحه منك . علشان كده عاندة معاك . استحملها شويه
شرد تامر وكلام هنا اللي في المكالمه بيتردد في ودانه
والزاي عاوزاه يتذل ليها علشان بس ترضي كبراياءها مش علشان بتحبه ولا حاجة واعترافها وهي بتقول مش بتحبه
ابتسم من جواه بسخرية علي غباءه وقد ايه كان بيحاول يصلح . والهانم بتفكر و بتتفق مع صحابها الزاي هتذله وتجيبه راكع .
“ومع ذالك محبش يتكلم ولاجاب سيرة المكالمه دي لحد علشان مايبقاش شكلها وحش قدامهم ”
فاق من شروده علي صوت امه وهي بتقولو .. فكر تاني ياحبيبي
تامر بجمود .. هنا انتهت بالنسبالي ياماما . تصبحي علي خير
وطلع
……………………………
عند شيرين
فتخت شيرين باب شقتها ودخلت بعد ما رجعت من عند دكتوره النسا وهي تايهه
بصت قدامها لاقت امجد قاعد علي الكنبة وماسك تليفونه وواضح كان بيحاول يكلمها
امجد اول ماشافها .. كنتي فين ياشيرين
قعدت شيرين وهي مش قادرة تتكلم او بمعني اصح مش عارفه تتكلم تقولو ايه
قلق امجد من منظرها وقرب عليها .. مالك ياشيرين في ايه .كنتي فين وبكلمك مش بتردي ليه
بصتله شيرين ودموعها نزلت بوجع
مسك امجد وشها باديه وقالها بقلق .. مالك ياحبيبتي . ايه اللي حصل
مسح دموعها وقالها .. اتكلمي ياشيرين
شيرين هزت راسها واترمت في حضنه
امجد ضمها ليه جامد وهو مش فاهم حاجه بس كان بيحاول يهديها
امجد .. اتكلمي ياحبيبتي وقوليلي ايه اللي مزعلك
بعدت شيرين واتنهدت بحزن
وقالت بصعوبة وهي بتمسح دموعها .. هقولك . هقولك ياأمجد لأني مش هخدعك تاني
كملت بشهقات وقالت .. انا مش هقدر . اخلف دلوقتي . ياأمجد
امجد بدون فهم .. ازاي
شيرين .. لسه راجعه من عند الدكتورة . و. وقالتلي اني محتاجه وقت علشان اقدر اخلف
دموعها نزلت بندم وقالت وهي باصه في الارض .. علشان موضوع الحبوب اللي كنت باخدها أثرت عليا ونسبة الحمل بقت قليلة
شيرين .. انا اسفه . اسفه اووي
امجد كان ساكت
شيرين بدموع قالت بصعوبة
.. ل. لو عاوز تتجوز . اتجوز يا امجد . صدقني مش هعترض . ومش هزعل منك
امجد بهدوء غريب .. اتجوز ليه ياشيرين
شيرين بدموع .. علشان تخلف الولد اللي نفسك فيه
امجد .. بس انا عاوز اخلفه منك انتي
شيرين لسه هتتكلم
قال امجد .. الدكتورة قالتلك في امل ولا مستحيل
شيرين .. قالت في امل . بس هاخد وقت مع العلاج
امجد بهدوء .. هنستني مع بعض
بصتله شيرين وهي مش مصدقه رد فعله الغير متوقعة
وفضلت تعيط اكتر وهي حاسه بالندم والذنب
امجد .. خلاص اهدي ياشيرين . احنا الاتنين غلطنا . ولازم نتحمل نتيجة الغلط ده
هزت راسها برفض وقالت .. بس انا غلطي اكبر ومعترفه بيه . انا اسفه ياأمجد . اسفه بجد
شدها امجد لحضنه وقال .. متتأسفيش ياشيرين
شيرين .. انا بحبك بحبك اوي بجد يا امجد . بحبك اوي
امجد .. وانا بحبك ياشيرين ومعنديش استعداد اني اخسرك ابد لأنك اغلي حاجة في حياتي .
بعدين قال بشرود .. انا متأكد إن ربنا هيراضينا
………………………………
بعد يومين
عند تامر في شركته
تامر قاعد في المكتب بص لقي بوسي داخلة
تامر بغضب .. انتي ايه اللي جابك هنا . والزاي تتدخلي كده . فيين السكرتيرة اللي بره
بوسي .. مفيش بره سكرتيرة . علشان كده دخلت
قام تامر من مكانو وفتح باب المكتب ملقاش تقي فعلاً
رجع بصلها وقالها بجمود .. ايه اللي جابك
قربت بوسي منو بدلع وقالت .. جيت علشان انتا وحشتني . ايه موحشتكش
وبتحاول تقرب اكتر
بعد عنها تامر وقالها بغضب .. اتفضلي اخرجي بره ومشوفش وشك هنا تاني
برا
في الوقت ده تقي رجعت علي مكتبها واتفجأت بصوت تامر العالي وهو بيزعق
فضلت تقي قاعدة متوترة لكن متحركتش من مكانها بس فضلت خايفه
جوا في المكتب
بوسي .. هو في ايه انتا ليه بتعمل معايا كده . انا بحبك … ليه مبقتش بتيجيلي زي الاول ومبقتش ترد عليا لما بكلمك .
بوسي .. ليه مش عاوز تقابلني ومش عاوز تشوفني
يصلها تامر بشمئزاز .. لأنك ماضي و.سخ وانا حرقته بجاز . مش عاوز اعرفك تاني
وكمل بغضب .. امشي وياريت مشوفكيش تاني مش عاوز اشوف وشك في اي مكان . فاهمه
بوسي .. ليه ايه اللي حصل لكل ده
تامر خد نفس وهو بيمسح علي وشه وبعدين اتكلم
وقال بهدوء .. عاوزة تعرفي ايه اللي حصل . اللي حصل اني فوقت وعرفت اني اللي كنت بعمله ده غلط . غلط كبير . بس الحمدلله فهمت ورجعت ومش عايز اكمل
بصلها وقالها .. وانتي كمان ياريت تفوقي لنفسك وترجعي الدنيا مش دايمه لحد . روحي توبي لربنا محدش عارف آخرته امتا
سكتت بوسي ثواني وبعدين قالت .. لو عاوزني اتوب هتوب . وهتحجب كمان علشانك
تامر .. اسمها علشان ربنا وعلشان نفسك مش علشاني
بوسي هزت راسها .. حاضر . بس اتجوزني ياتامر . انا بحبك اوي ومقدرش اعيش من غيرك . صدقني هعملك اللي انت عاوزه . هبقي تحت طوعك وتحت رجليك وههنيك . ههنيك وهسعدك . بس اتجوزني عشان خاطري انا بحبك بجد
تامر بهدوء .. مينفعش اتجوزك
بوسي .. ليه . ليه ماينفعش ماانت خلاص طلقت مراتك . ايه المشكلة اننا نتجوز
تامر .. روحي شوفي حياتك بعيد عني . وزي ماقولتلك مش عاوز اشوفك تاني .
بوسي .. تامر حرام عليك . انا بحبك . بعشقك ياتامر
وحاولت تقرب منو تاني
تامر بعدها عنو بغضب وقالها .. سمعتي انا قولت ايه . يلا اطلعي برا
كمل بغضب .. يلااا
بوسي فضلت تعيط .. ارجوك خليني جمبك ومعاك . والله هتوب وهعمل كل اللي يرضيك .بس متسبنيش . انا بحبك اوي والله بحبك اوي . ارجوك متعملش فيا كدة . انا مقدرش اعيش من غيرك صدقني
تامر وهو بيحاول يتكلم بهدوء .. من فضلك امشي . مش هينفع صدقيني . روحي ابدأي حياتك من جديد
اتحرك تامر ناحية الخزنه وفتحها وخرج منها مبلغ كبير وقرب من بوسي وقالها. .. خدي دول ابدأي حياتك بيهم
ومتمشيش في طريق الغلط تاني يابوسي
بوسي بدموع .. انا مغلطتش مع حد وانت عارف
تامر .. غلطي معايا انا
بوسي .. عشان حبيتك . لكن صدقني والله ماحد لمسني غيرك
تامر .. بردو اللي عملتيه كان غلط ولازم تتوبي عنو . يلا خدي الفلوس وامشي
بوسي .. انا مش عاوزه فلوس . انا عاوزاك إن..
تامر بعصبية .. قولتلك مينفعش . افهمي بقا . واتفضلي لو سمحتي
وشاوراها علي الباب
بوسي بصتله بقهر وفتحت الباب وخرجت علطول وهي منهارة
خرج تامر هو كمان يشوف تقي سايبه شغلها وفين لاقها قاعدة علي مكتبها
تامر بغضب .. والهانم كانت سايبه شغلها وراحت فين
قامت تقي وقفت وهي باصه في الارض . وقالت . اسفه يافندم مش هتتكرر تاني
تامر بغضب .. كنتي فين وسايبه شغلك
تقي .. انا اسفة بس انا دخلت جوه اصلي العصر . اسفه يافندم
تامر بعد ماكان متعصب لقي نفسه سكت ومكانش عارف يقول ايه
لكنه رد بهدوء وقالها .. اتفضلي شوفي شغلك
وراح دخل مكتبه
……………………………………………….
تاني يوم عند حازم في القسم
حازم قاعد في مكتبه وبيكلم وائل اللي اول ماحازم كلمه مكانش مصدق نفسه
وعلطول قاله .. حازم اقسم لك بالله اني ماخونتك
رد حازم بهدوء وقالو .. عارف . عارف ان صحابي مش خاينين وانك استحالة تخون ياوائل
وائل وهو مش مصدق .. بجد يعني انت مصدقني ومش شاكك فيا
حازم .. مصدقك ومشكتش فيك لحظه . هو الموقف كله كان غلط انا فاهم . والعيب مش عليك . العيب علي اللي دخلت بيتك وقعدت فيه . انا مش شايل منك في حاجة .
انا دلوقتي بنيت حياتي واتجوزت
وائل بفرحة .. طول عمرك صاحبي واخويا وعشرة عمري
حازم .. وانا عاوز منك خدمه ياوائل
وائل .. انت تؤمر ياصاحبي
حازم .. اميرة
وائل باستغراب .. خطبتي . مالها
حكاله حازم علي اللي حصل منها وانها كانت عاوزه تأذي مراته
وائل بجنون وهو مش مصدق .. انت بتقول ايه يا حازم
حازم بهدوء .. بقول الحقيقة ياوائل . عارف انك مصدوم بس فعلا هي عملت كده
كمل حازم وقاله .. انا كان ممكن اخلص الموضوع ده من غير مااقولك . بس ماحبيتش اعمل كده من قبل ما اعرفك الاول
وائل بهدوء .. اؤمر عاوز ايه
حازم .. فضيحه تسمع وتجيلي هنا علي القسم
وائل .. قولي اعمل ايه وانا هنفذهولك
حازم .. هقولك تعمل ايه
بعدين خد نفس وقال ..