رواية زهره الفصل السابع عشر 17 بقلم سيمو مو

رواية زهره الجزء السابع عشر

رواية زهره البارت السابع عشر

رواية زهره الحلقة السابعة عشر

امتى الفرح بقااااا
ساره: طب ما نروح للبواب أسهل ونقوله كل اللي حصل وهو هيساعدنا أسهل
نادر: مش هينفع انا هخـ’ـاف
محمد: نادر عنده حق مينفعش لازم نهـ*ـرب من هنا بسرعه !
وبداو يحضرو الشنط وطلعو بره فتحو درج البوفيه واخدو الفلوس اللي كانت فيه وحطوها فى كل شنطه معاهم وخبو الشنط دي فى الدولاب بتاعهم من تحت ونامو فى سراريهم.
كانت قاعده بتعمل كوفيه كروشيه ل ابن بنتها لونها بيبي بلو وفجأه الباب خبط ف قامت فتحت لقتها بنتها
ملك: ماما حبيبتي
فاطمه: ملك ازيك ي حبيبتي وحشتيني اوي
ملك: وانتي ي حبيبتي تعالي نخش
فاطمه: اتفضلي ي حبيبتي ازيك ي مالك ي حبيب نانا
مالك: ازيك ي نانا وحشتيني اوي
فاطمه: وانت كمان اوي ي حبيب نانا شوف بص كنت قاعده بعملك اي .. وورته الكوفيه فرح بيها اوي
ملك: تسلمي ي حبيبتي دي جميله اوي شبهك
مالك: الله ي نانا دي جميله اوي
فاطمه: حبيبي انت .. اي اللي جايبكو متأخر كده ي بنتي مجيتوش ليه بدري
ملك: احنا لسه راجعين ي حبيبتي من المطار وقولت اعملهالك مفاجأه
فاطمه: احلى مفاجأه والله ي حبيبتي اومال فين جوزك صح
ملك: راح يجيب اكل ي حبيبتي وزمانه جاي متقلقيش
فاطمه: عايزاكو تقعدو حبه حلوين بقا معايا
ملك: متقلقيش هنقعد لحد اما المدارس تبدأ ونرجع
فاطمه: ماشي ي حبيبتي تنوروني يلا قومو خدو دش واستريحو عبال ما اعمل اكل حلو كده واجي اقعد معاكي انتي وجوزك علشان احكيلكو ع كل حاجه حصلت الفتره اللي فاتت
ملك: ماشي ي حبيبتي يلا ي مالك ناخد دش
مالك: اه يلا ي ماما لاحثن انا حران خالث (لأحسن انا حران خالص)
ملك بضحك: يلا ي حران خالث انت😂
*ملك خليل الدين عندها 27 سنه محجبه ومتجوزه من وهى عندها 19 سنه وخريجه حقوق كانت بتشتغل سنه واحده بس بعدين بطلت علشان خلفت ابنها مالك وهى 20 سنه، ومالك حاليا عنده 7 سنين وهو الدغ فى السنين وداخل سنه اولى وهو ابيضاني وشعره اشقر ناعم زي بباه، ابوه اسمه حسين علي عنده 28 سنه من السعوديه لكن قضى سنين كتير فى مصر ف بيعرف يتكلم مصري وقابل ملك فى الكليه وحبها واتجوزها وسافرو السعوديه واستقرو هناك وقالو ل فاطمه تيجي تقعد معاهم فى بيتهم بس مرضيتش*
شويه والباب خبط وكان حسين ف مالك فتحله
مالك: باباا
حسين شاله حضنه: عيون بابا فين ماما ونانا
مالك: فى الحمام بتاخد دش ونانا فى المطبخ
حسين: يلا بينا نشوف نانا .. ودخلو يشوفوها
حسين: امي حبيبتي
فاطمه بخضه: حسين حبيبي وحشتني اوي ي ابني حمدلله ع سلامتك
حسين: الله يسلمك ي حبيبه قلبي انتي اخبارك اي اهم شيئ
فاطمه: بخير ي حبيبي اطلع تعالى نقعد بره ارتاح
حسين: ماشي ي حبيبتي انا بس عايز اخد دش سريع خبط ي مالك ع مامتك شوفها خلصت ولا لسه
مالك: حاضر .. ي ماما بابا اجا بده الحمام
ملك: حاضر ي حبيبي طالعه اهو ثواني
حسين: خلاص ي حبيبي انا بقولك شوفها بس سيبها تخلص تعالى
فاطمه: يوه شوف الواد بتخلوه يتكلم سعودي خلاص
حسين بضحك: اصلي طول الوقت اكلمه فى البيت سعودي انا وملك ل اتعود والناس حوالينا بيتكلمو كده كمان😂
فاطمه: لا حفيدي لازم يتكلم مصري كمان
حسين: ما احنا قولتالك ي ست الكل تعالي معانا وهتعيشي معززه مكرمه وتعلمي حفيدك بنفسك مصري براحتك
فاطمه: بإذن الله يابني اديك شايف حال البلد عامل ازاي ربنا يرحمنا
حسين: يارب .. وطلعت ملك من الحمام
ملك: اي ي حبيبي جبت الحاجات
حسين: اه ي حبيبتي هخش انا بقا
ملك: ماشي .. ماما هو فين الشامبو بتاعي والحاجات بتاعتي اللي كانت فى الحمام؟
فاطمه: اكيد فى الحمام ي حبيبتي فى الركن بتاعك انتي عارفه مش باجي نحيتهم
ملك: ايوه بس ده اكترهم مش موجود
فاطمه: مش عارفه والله ي بنتي انا لما بنضف بحطهم مكانهم تاني انتي عارفه
ملك: اممم يمكن انا خدتهم معايا وناسيه
فاطمه: ممكن المهم خشي البسي هدومك وتعالي اقعدي معايا يلا
ملك: حاضر ي حبيبتي .. ودخلت الاوضه وبصت فى المرايه وعنيها جت ع رف البرفانات لقته فاضي تقريبا !
ملك: اي ده بقا لا انا متأكده اني مخدتش اي برفان معايا قبل كده الحاجات راحت فين .. ودورت فى بقيه التسريحه لقت كمان الخواتم والإكسسوارات بتاعتها اللي اكتريتها فضه ودهب مش موجوده ف طلعت تقولها
ملك: ماما انا اكتريه حاجاتي مش موجوده حتى الهدوم والإكسسوارات !
فاطمه: ازاي ي بنتي بس هو حد بيجيلي يعني ولا انا هعمل اي ب الحاجات دي بس
ملك: اتسرقت يعني ي ماما
فاطمه: معرفش ي بنتي والله اكيد حد فيكو اخدها معاه
ملك: طيب .. دخلت لبست هدوم من اللي جايباها معاها ولمت شعرها وطلعت
ملك: احكيلي بقا اي اللي حصل .. حسين كان خرج من الحمام وقال لملك: فى اي ي ملك كنتي بتزعقي ليه
ملك: حاجتي مش لقياها ي حسين اختفت
حسين: اهدي كده وسمي الله ودوري براحه اكيد هتلاقيها
ملك: خلاص بقا لما اتكلم مع ماما شويه وتحكيلي يلا احكي
وحكتلهم ع حاجات كتير اوي حصلتلها ومن ضمنهم هدى ولما جت
ملك: اي انتي دخلتي واحده غريبه الشقه ي ماما؟؟
فاطمه: فى جارتنا اللي قدامنا ي حبيبتي وبعدين دي غلبانه
حسين: اللي غلبانه دي اكيد هى اللي اخدت الحاجات ي امي
فاطمه: لا يابني لا حرام الظن السوء دي جوزها ضربها وطردها
ملك: ساكنه فين دي ي ماما
فاطمه: فى الشقه اللي فى وشنا
ملك: طب يلا ي حسين نروح نشوفها
فاطمه: لا بس ي بنتي عيب اي اللي بتقوليه ده
حسين: ايه اللي بتقوليه ده ي حبيبتي انتي بتهزري
ملك: لا طبعا اومال نسيبها سا*رقه الحاجه كده وبعدين ده دهب وفضه وافرض سيبناها ما اكيد هتسرق ناس تانيه
حسين: اولا ي ملك الوقت متأخر جدا ثانيه احنا مش متأكدين اذا كانت فعلا سرقت الحاجه دي ولا لا لأنها جت من فتره كبيره وكمان ماما ماخدتش بالها غير لما انتي جيتي ومالقتيش الحاجه
ملك: طب يعني اي
حسين: انا هروح اسال الناس اللي فى العماره مالكش دعوه
ملك: طيب يلا ي مالك علشان تنام الوقت اتأخر .. وخدته ودخلو نامو وحسين فضل يفكر
……
تاني يوم عاصم صحى وكانت زهره جمبه ونايمه نوم عميق وشعرها ع وشها ف بعده ب صوبعه وفضل باصص عليها بحب ف فتحت عنيها
زهره بنوم: عصوم
عاصم بتوهان: قلب عصوم ي ناس
زهره: صباح الخير ي عمري
عاصم: صباح العسل والجمال والحلاوه والطعامه والقمر وكل حاجه حلوه فى الدنيا عليكي ي مراتيييي
زهره بضحك وكسوف: اي كل ده ي حبيبي ده كتير عليا
عاصم: مش كتير عليكي ولا حاجه ي قلب حبيبك
زهره: طب مش يلا نقوم بقا النهارده حنتنا
عاصم: وبكره فرحناااا😉😉
زهره بكسوف: اه انا فرحانه اووي ي عصوم
عاصم: مش اكتر مني ي قلب عصووم .. وقامت شدته علشان يقومو للحمام وبعد ما خلصو راحو ل أحمد يشوفوه
عاصم: ده لسه نايم
زهره: الساعه كام
عاصم: 11 يلا ي أحمد اصحااااا
احمد بنوم: اممم انا قايم اهو بس شويه
زهره: لا ده مش هيصحى كده خالص ي عاصم انا عارفاه
عاصم بضحك: طب اي اجيب المايه؟ 😂
زهره: لا لا انا هصحيه متقلقش .. ي أحمد قوم ي أحمد ي احمااااااااد
احمد بفزع: هااا اهو قايم اهو فى اي
عاصم بضحك: صح النوم ي استاذ احمد اي كل ده
احمد: تعبان والله مش قادر جسمي متكـ’ـسر
عاصم: الف سلامه يعم معلش قوم خدلك دش علشان نفطر وكمان ابوك يشوفك
احمد: وحشني اوي والله .. ودخل الحمام وبعد ما خلص راح ل اوضه ابوه ودخل لقاه نايم ف صحاه براحه وعاصم وزهره كانو واقفين وره
هشام بنوم: ممم مين
احمد: انا احمد ابنك ي بابا عامل اي وحشتني
هشام فتح عينه بصدمه مش مصدق انه قدامه ف اخده فى حضنه جامد وعيط
احمد: وحشتني اوي اوي ي بابا انا اسف
هشام: ولا يهمك يابني المهم انت كويس
احمد: اه ي حبيبي يلا نقوم نفطر وهفهمك كل حاجه
…..
بعد ما روح أحمد: سلام عليكم
امه: وعليكم السلام ورحمه الله وبركاته اي يابني رجعت يعني من سوهاج بدري
احمد: مفيش ي امي المدير رجعني علشان وقتي خلص
امه: مش كنت هترجع الجمعه
احمد: قالي خلاص بالله عليكي ي امي انا جعان اوي وتعـ’ـبان ع الاخر
امه: مالك بس ي حبيبي الف سلامه عليك احكيلي مالك
احمد: هدخل اخد دش طيب عبال ما تعمليلي اي لقمه
امه: ماشي يابني .. وقامت غرفتله اكل من بتاع الغدا بطاطس وفراخ وشوربه ورز وهو بعد ما خلص طلع قعد ياكل
امه: مالك بقا يابني احكي
احمد: تعبت من كل حاجه ي ماما
امه: اي كل حاجه دي
احمد: الشغل والحياه وكده وإن مفيش راحه ابدا
امه: انت بتحب يابني واحده صح
بصلها كده باستفهام وقال: وانتي عرفتي منين ي امي
ابتسمت وقالت: ده انت ابن بطني ي احمد .. ده انا ابص عليك كده اعرف اللي فيك ي حبيبي
سكت شويه وقال: انا بحبها اوي ي ماما معرفش ازاي بس اول ما شوفتها حبيتها والله المشكله بس ..
امه: مشكله اي يابني
احمد: انها متجوزه ي امي
…..
الساعه 10 الصبح نادر وساره ومحمد صحو ولبسو واخدو شنطهم واخدو المفتاح فتحو براحه الباب وسابوه جوه تاني وقفلو ونزلو ف البواب سألهم: رايحين فين ي عيال لوحدكو
نادر: رايحين التمرين يعم عبده
البواب: ااه طاايب .. ومشو من المنطقه خالص
ساره: وبعدين نروح فين احنا منعرفش الحته دي ده بره منطقتنا
نادر: احنا هنمشي وخلاص ولما نلاقي واحد هنقوله عايزين نروح ل بابا.
كانو ماشيين ولقو واحد ماشي باصص قدامه وبس ف وقفوه
نادر: لو سمحت ي عمو
احمد: ايوه ي حبيبي نعم
نادر: لوسمحت ي عمو ممكن تساعدنا
احمد: اه طبعا ي حبيبي محتاج حاجه
نادر: بص ي عمو احنا تاييهين وعايزين نروح ل بابا بس مش عارفين هو فين
احمد: طب تعالو ع جمب .. انتو مين ي حبايبي
نادر: انا اسمي نادر ودي ساره اختي وده محمد اخويا
احمد: طيب ابوك اسمه اي
نادر: اسمه احمد هشام محمود
احمد: احمد هشام محمود .. عنده كام سنه ي حبيبي وشكله اي
نادر: عنده 30 سنه ودي صورته .. وطلعله صوره وشافها
احمد: طب مامتكو فين
نادر: ماما كرشت بابا علشان اتعار*كو مع بعض واحنا سيبنا البيت علشان مش بنحبها وعايزين نروح ل بابا وعمتو زهره وجدو هشام
احمد انصدم لما قال زهره وقاله: طب بصر ي حبايبي انا ساكن هنا تعالو معايا اقعدو نتكلم ونحاول نوصل ل ابوكو ماشي متخافوش
نادر بصلهم وكانو خايفين ف قال: والله ما تخافو انا تقريبا اعرف عمتكو زهره
نادر: بجد ي عمو تمام ماشي هنيجي بس علشان خاطر أغلى حاجه عندك ما تعملنا حاجه ماشي
احمد: متخافش ي حبيبي والله تعالو .. وخدهم وراحو البيت
احمد: يلا ي حبيبي قولي كده بقا عمتو زهره ده شكلها اي
نادر: قصيره ولونها ابيض وشعرها اسود طويل ومتجوزه عمو عاصم
فهم بقا انه هى زهره دي ف قال: طيب ي حبيبي انا عرفتها هحاول اكلمها اقولها …
*ام احمد اسمها سكينه عندها 55 سنه ارمله ومعندهاش عيال غير أحمد*
ياترا هيعرف يوصلها؟؟؟🤔