رواية زهرة وسط اشواك الفصل التاسع والثلاثون 39 بقلم فريدة أحمد
رواية زهرة وسط اشواك الجزء التاسع والثلاثون
رواية زهرة وسط اشواك البارت التاسع والثلاثون
رواية زهرة وسط اشواك الحلقة التاسعة والثلاثون
فتحت هيام الباب اتفاجأت بـ زيدان اللي علطول قال بحب…. وحشتيني ياهيام
هيام كمان اول ماشافته كانت بتبصله وعنيها كلها لهفة واشتياق
لكن علطول وبسرعة قدرت تخفي اللهفة اللي في عنيها بمهارة ورسمت مكانها الجمود والثبات وقالت… ايه اللي جابك
زيدان….. موحشتكيش
لفت واديتله ضهرها قبل ماتضعف
لفها زيدان ليه وقالها… طب انتي وحشتيني
وهو بيتأملها بحب واشتياق وقال بإعجاب وهو بيبص لملامحها اللي محفورة في قلبه…لسه زي ماانتي ياهيام طول عمرك بتكبري تصغري
اوصفلكم هيام.. هي ست انيقة جدا شكلها اصغر من سنها وده لانها مهتمية جدا بـ جسمها وشعرها وبلبسها. من الاخر ست شيك جدا وياما رجالة حفيو وراها لكن هي قلبها محبش غير زيدان برغم انو كان متجوز ونفس النظام ذيدان اللي وقع في غرامها وحبها بجنون
هيام بجمود…. عاوز ايه يازيدان
زيدان…. تعالي نرجع ياهيام.. انا منستكيش لحظة
لكن هيام ردت عليه بسخرية وقالت…. نرجع.. دا علي اساس ايه.. ايه اللي مابينا يخلينا نرجع .انت ماعملتش حاجة واحدة تشفعلك عندي
زيدان بأسف …..عارف. بس لسه بحبك ودي كفاية..
اتحرك خطوتين ناحية صورته المتعلقة علي الحيطة وقال…. زي منا متأكد انك لسه بتحبيني
لف ليها وقال…. وافقي ياهيام وتعالي نقضي اللي باقي من عمرنا مع بعض ونعوض السنين اللي فاتت
وقبل ماهيام ترد قال هو…. انا عارف اني غلطت في حقك. بس طمعان انك تسامحيني
هيام بألم…. 23 سنة مفهميني ان بنتي ماتت قبل ماعيني تشوفها وفي الاخر اكتشف انها عايشة وانت عارف بوجودها وشايفها بتكبر قدام عينك وسايبني انا بتعذب. انت متخيل انت عملت فيا ايه.. ومتقولش ابوك اللي عمل كده من وراك لانك بعدها عرفت باللي عمله وفضلت مخبي ومقولتليش.. امشي يازيدان. لاني عمري ماهسامحك.. ولو فاكر ان قلبي ده هيضعف بحبك اللي لسه موجود جواه فـ تبقي غلطان لأن انت اكتر واحد تعرفني وعارف ان قلبي يوم مابيضعف بطلعه وادوس عليه برجلي
……………………………………………
بعد شهرين
عند ليلي
ليلي قاعدة وكنز قصادها بترسم
كنز… شوفي كده ياماما
ليلي…. جميل ياروحي. بس كفاية رسم بقا واطلعي هاتي كتبك وتعالي نعمل الهووم ورك سوا
كنز…. وبعدها العب مع يوسف ابن خالو حمزة
ليلي…. ماشي. بس نخلص الهووم ورك كلو
كنز… اشطا
وطلعت بسرعة تجيب الكتب
دخل رحيم من بره لقي ليلي اللي قاعدة تقلب في تليفونها
اللي بعد ماحست بوجوده كملت بلامبالاه ومرفعتش وشها من الموبايل
قرب رحيم ولسه هيبوسها
لكن ليلي رجعت لورا
مسح رحيم علي وشه بتعب وقال…. لحد امتا ياليلي
ليلي بنفس الامبالاه…. هو ايه
رحيم…. هتفضلي كده لحد امتا
كمل بضيق ويأس…. انا بقيلي شهور بحاول معاكي. من يوم مارجعتي وانتي علي الحال ده. لحد امتا هتفضلي كده
وده لأنو من يوم مارجعو وليلي مبتديلوش وش حتي ماجمعهمش اوضة واحدة من يوم مارجعو لانها دايما بتنام مع بنتها. لكن في الظاهر قدام كنز بتتعامل معاه كويس جدا علشان نفسية البنت متتأثرش
رحيم…. مش كفاية بقا. طب اعملك ايه علشان ترضي
ليلي بجمود … متعملش و متحاولش. انا مش عاوزاك تحاول لان مفيش حاجه هتتغير.. انت عارف اني رجعت علشان خاطر بنتي وبس
……………………………………………..
بعد يومين
في بيت هارون كلهم متجمعين حمزه وهارون ورحيم وزيدان قاعدين بيتكلموا في الشغل
وفي جمب لوحدهم قاعدين ليلي اللي قاعدة سرحانة وامينة اللي شايلة يوسف الصغير بحب وبتلاعبو
وزهره وعمتها قاعدين في جمب لوحدهم
حمزه وزهره قاعدين فاتحين موبايلاتهم وبيكلموا بعض ماسنجر وحمزه عمال بيبعتلها بيعاكسها وزهرة عماله تضحك
عمتها اخدت بالها…. مالك يا زهره
زهره… احم. ما فيش يا عمتو
ورجعت تبص في التليفون
حمزة بعتلها… بقولك بابطل
زهرة…. قول ياقلب البطل
حمزة… ماتسحبي نفسك وتسبقيني علي فوق
زهرة…. ليه
حمزة…. عاوزك.
زهرة باستغراب…. ايوا عاوزني ليه
حمزة….. واحشني الملبن.
و قبل ماترد بعتلها…. يوسف بقي عندو قد ايه دلوقتي
زهرة…. داخل في تلت شهور
حمزة…..طب خليكي شوافة بقا.. يلا اخلعي وانا هحصلك.
دانتي وتكاية مجننة امي . ماتخلصي يابت بدل مااقوم اشيلك من وسطهم واطلع بيكي
زهرة ضحكت اوي بصوت عالي
عمتها بصتلها…. مالك يابت في حد بيدغدغك ولا ايه
زهرة… مفيش ياعمتو
عمتها بصت علي التليفون اللي في ايدها…. في ايه في البتاع ده مخليكي مسخسخة علي روحك كده
زهرة بدون فهم…. يعني ايه مسخسخة ياعمتو
عمتها…. بتشوفي ايه في البتاع ده مخليكي فطسانة كده.
زهرة….. دا انا بكلم حمزة وهو بيضحكني
صفية باستغراب بصت علي حمزة اللي شايفاه قاعد بيتكلم هو وابوه وزيدان ورحيم في الشغل ورجعت بصت لزهرة وقالت… بتكلمي حمزة الزاي. حمزة ماهو قاعد قصادنا اهو.. انتي كويسة يازهرة
زهرة… ايوا. ماهو انا بكلمو ماسنجر
صفية بدون فهم … ما ايه
زهرة…. بكلمه ماسنجر ياعمتو
صفيه فهمت… ااه. البتاع ده اللي بتتشاتو عليه
زهرة بضحك…. يعني انتي ياعمتو معرفتيش يعني ايه ماسنجر وعرفتي بنتشات
صفية…. يازهرة. يعني هي جات عليا.. المهم. وريني كده كان بيقولك ايه بيخليكي تضحكي اوي كده
زهرة اتوترت وقفلت الفون حتطه جمبها من الناحية التانية وقالت… احم. لا مش هينفع ياعمتو
صفية فهمت وبخبث…. ليه بيقولك كلام قليل ادب ولا ايه
زهرة…. بصراحة اه
صفية… عارفاه انتي هتقوليلي. حمزة ابن اخويا عمره ماشاف تربية
زهرة…. فعلا ياعمتو. هو سافل
صفية…. بس بيحبك
……………………………………..
مساء في اخر الليل
عند ياسمين
فتح رحيم الباب ودخل لاقها نايمة
قرب عليها بحب وميل باسها علي خدها وبعدين نام بعد ماشدها لحضنه وضمها ليه بتملك
فاقت ياسمين لما حست بيه وقامت اتعدلت وهي بتقول
… رحيم انت جيت امتا
رحيم…. لسه من شوية.
وفتح ايده ليها تاني علشان تيجي في حضنه….. تعالي
قربت ودخلت في حضنه
وهو باسها علي راسها وهو بيمشي ايده علي شعرها ونامو
…………….
بعد مرور سنتين
حمزة وزهرة حياتهم بقت مستقرة بحبهم لبعض اللي بيزيد كل يوم وعايشين في سعادة طول الوقت
..
رحيم هو كمان حياتو بقت مستقرة مع ياسمين وليلي خصوصا بعد ماليلي بدأت تتقبل حياتها معاه في وجود
ياسمين بعد ما اتأكدت من اهتمامو بيها اللي بجد مش بس علشان بنتهم وقد ايه بيحاول يرضيها بجميع الطرق
ومش بس كده بقو صحاب هي وياسمين كمان علاقتهم مع بعض كويسة جدا لأن مابيحصلش بينهم اي مشاكل ودايما بيتعاملو مع بعض بتحضر ورقي. وده بحكم ان رحيم قدر يعدل مابينهم مش بس بمعاملته في مشاعرو كمان لانو بدأ يحب ليلي طبعا مش نفس حبو لـ ياسمين لأن حبو لـ ياسمين ميتقارنش
كمان ياسمين بقت حامل في شهورها الاخيرة. حامل في ولد ورحيم كان مبسوط اوي بحملها
…….
زيدان حاول كتير يرجع هيام لكن هيام رفضت برغم محاولات زهرة هي كمان معاها لاكنها فضلت مصرة علي رفضها
…………….
اليوم بقا اول ايام رمضان وكانو كلهم متجمعين بحب في فيلا هارون اللي كان عامل عزومة كبيرة لـ كل العيلة
……………….
عند رحيم وياسمين
رحيم بعد ماخلص مكالمة تليفون كانت معاه
دخل الاوضة وهو بيقول ل ياسمين اللي بتجهز علشان ياخدها تقضي اول يوم رمضان معاهم في الصعيد…. رحيم…. خلاص
ياسمين… خلاص اهو. ثواني
رحيم قرب عليها وهي واقفة قدام المرايا ميل عليها ولسه هيبوسها بعد لما افتكر انو صايم
رحيم…. هتفطريني يابنت ال… اللهم اني صايم
ياسمين ضحكت اوي
رحيم مد ايده حركها علي بطنها بحب… مقربتيش تفضي
ياسمين…. هانت اهو. فاضل شهرين بس
اتنهدت وقالت…. عارف يارحيم اكتر حاجة كان نفسي فيها اني اخلف منك. طول عمري كنت بتمني اخلف طفل يبقي حتة مني ومنك
رحيم حرك ايده علي خدها بحب وقال…. انا بعشقك يا ياسمين
ياسمين…. وانا وبموت فيك
رحيم بدون وعي ميل يبوسها
ياسمين بعدت علطول وقالت …. احنا في رمضان. انت نسيت تاني
مسح رحيم علي وشه… طب امشي قدامي
ياسمن ضحكت وهي بتاخد شنطتها…. يلا
و رحيم بيقولها…. هتروحي مني فين. كلها كام ساعة وهتبقي تحت ايدي
…………………
بعد ساعات
في المطبخ
ليلي واقفة بتعمل كنافة
و ياسمين كمان واقفة بتتبل لحمة علشان هتعمل استيك مشوي
ياسمين…. لولو بصي كده.. اعمل ايه تاني
ليلي…..مش حاطة روزماري ليه
ياسمين… هو لازم
ليلي… ايوا طبعا. بصي هاتي عود من هنا وحطيه. بعدين بقا انزلي باللحمة علي الشواية واول متاخد لون اقلبيها وافضلي قلبي لحد ماتستوي. بس خدي بالك لاتتحرق منك. رحيم بيحبها طرية وجوسي
بدات ياسمين تشوي اللحمة وليلي رجعت تكمل الكنافة
دخلت زهرة قربت عليهم…. بتعملو ايه
ليلي…. بعمل كنافة ل رحيم بيحبها
بصت زهرة لـ ياسمين باستغراب لأنها عارفة ان ياسمين ملهاش في الطبخ …. وانتي بتعملي ايه يا ياسمين… ياسمين….. بعمل استيك مشوي علشان رحيم بيحبو
زهرة… هو رحيم محظوظ ولا ايه
دخلت صفية وهي بترد عليها وبتقول …. محظوظ علشان معاه اتنين ستات مفيش زيهم.
………………………..
قبل الادان بدقايق كانو العيلة كلهم متجمعين بعد ما محمد وامال وجدتها وصلو وشيري كمان اللي كانت معزومة وهي وزهرة قاعدين مع بعض وهي شايلة يوسف ابن زهرة بحب اللي بقي عندو سنتين
شيري…. حبيبي ده اللي واحشني
وهي بتبوس في يوسف
دخلو رحيم وحمزة من برا
يوسف اول ماشاف حمزة قال… بابا
وهو بيفك ايدين شيري من عليه علشان ينزل وراح ل حمزة اللي علطول شالو وباسو
بصت شيري لزهرة….. شوفي الواطي باعني في لحظة
رحيم قرب علي ليلي اللي واقفة مع صفية
باس صفية علي راسها وقالها…. كل سنة وانتي طيبة ياعمتي
صفية…. وانت طيب ياحبيبي
وباس ليلي علي راسها و حاوطها لحضنه وهو بيقولها ببتسامة… عاملة ايه
ردت ليلي بابتسامة… الحمدلله
وبعدين قرب علي ياسمين اللي قاعدة فاصلة بسبب الحمل وبطنها الكبيرة وكنز قاعدة في حضنها وفاتحين الموبايل وباسهم الاتنين
بعد وقت قليل كان الادان ادن و كلهم اتجمعو علي السفرة وقعدو يفطرو في جو اسري جميل ولمة رمضان اللي مفيش احسن منها
زهرة لـ امال…. اديني يوسف ياطنط خليني أأكله
امال وهي مقعدة يوسف علي رجلها بحب… لا خليه معايا هأكلو انا
………..
بعد وقت في اخر الليل
ليلي ورحيم كانو مع بعض في اسطبل الخيل بتاع رحيم
رحيم واقف بيحرك ايده علي ظهر الحصان وبيكلم في ليلي اللي واقفة بتعملو شاي اخدت الكوباية وقربت تديهاله لكن ملحقش لانها اتكعبلت وكانت هتقع بس علطول رحيم قرب عليها بلهفة و لحقها وخد من ايدها كوباية الشاي اللي طرتشت علي ايدها وركنها علي جمب
ليلي كانت ماسكه ايدها بوجع اللي اتحرقت من الشاي
رحيم بقلق…. تعلي نروح للدكتور
ليلي…. مش مستاهلة يارحيم
رحيم…. تعالي بس نتطمن عليكي
وهو بيشلها
لكن ليلي قالت…. صدقني مش مستاهلة. دا حرق بسيط
رحيم بقلق … ورجلك
ليلي…. كويسة مش مستاهلة دكتور والله
رحيم اتجه بيها وهو شايلها ودخل بيها الاوضة اللي جمبهم في الجنينة ونزلها علي الكنبة بالراحة
ومسك رجلها…. بتوجعك منين
ليلي…. من هنا
رحيم وهو مش متطمن…. انا شايف نروح للدكتور احسن
ليلي… والله ما مستاهلة. ده وجع بسيط
بصلها شوية وهو مش متطمن بعدين
اتصل علي الصيدليه يجبلها دهان
بعد دقايق كان وصل الكريم وابتدي رحيم يدهنهولها مكان الوجع
ليلي…. رحيم كفايه
رحيم باسها علي راسها وهو بيقول..بقيتي احسن
ليلي هزت راسها…. احسن الحمدلله
مد رحيم ايده يرفع شعرها بعدين بص ليها ومرة واحدة تاه في ملامحها وكأنو بيشوفها لاول مرة. شعرها الاسود الطويل وملامحها الهادية رموشها الكثيفة كل حاجة فيها تسحر
ميل عليها برغبة وبدأ يبوسها بنهم
لكن بعدو عن بعض علطول لما قاطعهم دخول ياسمين المفاجئ وفي اديها طبق كنافة وهي بتقول… عملتلك الكنافة اللي بتحبها
وفجاة اخدت بالها من ليلي اللي بصتلها بحاجب مرفوع ف ضحكت و قالت… احم. بصراحة ليلي اللي عملتها.
ابتسم رحيم عليها
كملت ياسمين بغرور…. بس انا اللي عملت الاستيك. كان حلو ولا لأ. قول
رحيم…. كان عشرة علي عشرة. تسلم اديكي
وباسها علي راسها بحب
بعدين باس ليلي علي راسها هي كمان
ايوا كده يارحيم اعدلل😂😂
……..
فوق في اوضة حمزة وزهرة
كانت زهرة واقفة قدام المراية وهي بتحرك ايدها علي بطنها وهي بتحضر نفسها تقول ل حمزة اللي سمعاه بيفتح في الباب
دخل حمزة قرب عليها وهي لسه مكانها ولف ايده علي وسطها جذبها ليه وبدأ يبوسها علي رقبتها قبلات متفرقة
بعدين قال…. عاوزين نخاوي يوسف بقا
ابتسمت زهرة وقالت…. نفسك في ولد ولا بنت
حمزة….. انا عاوز 4 بنات وولدين
ورجع قال… لا كفايه بنتين.. اهم حاجة تجبيلي زهرة صغيرة
ابتسمت زهرة ولفت ليه وهي بتحاوط رقبته وقالت…. لو خلفت بنت هتسميها علي اسمي
حمزة… دانا ناذرها
زهرة…. بتحبني
حمزة ميل يبوسها وبعدين قال… بعشق امك
ابتسمت زهرة وقالت… طب ايه رايك ان فيه مفاجاة
بصلها حمزة باستفهام
مسكت زهرة ايده وحتطها علي بطنها وقالت بسعادة… انا حامل ياحمزة
حمزة… بتتكلمي بجد
زهرة هزت راسها.. بجد
حضنها حمزة بحب وفرحة وهو بيقول.. اهم حاجة تجبيلي زهرة وتكون حلوة زيك كده. مش هتنازل
ورفع وشها وباسها
بعدين قال… طب ايه. مفيش ليلة حلوة
زهرة بأسف…. مش هينفع الدكتورة قالتلي ممنوع في اول الحمل
حمزة….. طب حتي بوسه تصبيرة. دا الواحد هيصبح صايم حتي
ابتسمت زهرة وقربت ليه وغابو مع بعض في قبلة كلها حب وشغف دامت لدقايق لحد ما اخيرا بعدو وهما بياخدو نفسهم
زهرة…. بحبك اووي
حمزة….. انا بعشقك. انتي اغلي مااملك في الدنيا دي يازهرة
تمت
لقراءة الرواية كاملة اضغط على : (رواية زهرة وسط اشواك)
