رواية ريتاج الفصل الثالث 3 بقلم سولييه نصار
رواية ريتاج الجزء الثالث
رواية ريتاج البارت الثالث
رواية ريتاج الحلقة الثالثة
حطيت ايدي علي وشي وانا مصدومة …مكنتش مصدقة أنها عملت كده …
-امي !!!
قالها لؤي بصوت عالي وبعدين وقف قدامي فضحكت بسخرية وقالت:
-ايه يا سيد الرجالة هتضر.ب امك عشان خاطر مراتك يا بتاع مراتك !!!خدها ووديها فوق أنا مش عايزة اشوف وشها دلوقتي …وبعد ما تقدر تلمها تنزل تشتغل وهي حاطة جز.مة في بوقها والا تأخدها وتغوروا من هنا بلا قلة ادب …
-انا قليلة الادب يا ست يا …..
لسه ههيـ نها لؤي مسك أيدي جامد وقال:
-ريتاج !!!كفاية بقا
دموعي نزلت وانا بصرخ في وشه :
-كفاية …كفاية ايه يا لؤي …أنا اتضر.بت بالقلم من الست والدتك وبدل ما تاخد حقي بتز.عقلي أنا !!!أنا اصلا غلطانة أن وافقت عليك …أنا همشي وورقة طلاقي توصلي والا ورب العزة لأرفع عليك قضية خلع واشحـ.ططك في المحا.كم يا لؤي …
وبعدين جريت علي شقتي فوق وقفلت باب الاوضة عليا خرجت شنطتي وبدأت احط هدومي وانا بمسح دموعي اللي بتنزل علي خدي زي المطر !!
بعد ما خلصت لم هدومي سمعت باب الاوضة بيخبط ولؤي بيترجاني افتح بس أنا رفضت …كنت متعصبة مش قادرة افكر كويس …الشيطا.ن كان مسيطر علي دماغي …اخدت تليفوني واتصلت ببابا وانا ببكي وقولت :
-بابا لو سمحت تعالي خدني من هنا …خدني يا بابا !!!
وبعدين قفلت معاه وقعدت علي السرير وفضلت اعيط جامد من كل قلبي ولؤي لسه بيخبط علي الباب ..
بعد نص ساعة
كان حاضنة بابا في بيتنا وانا بعيط جامد ولؤي قاعد قدامنا متوتر …بصله بابا بغضب وقال:
-انا عمري ما مديت ايدي علي بنتي يا لؤي عشان تيجي والدة حضرتك وتضر.بها بالقلم …بنتي لو غلطت كلمني وانا اجي واربيها لكن مش من حق والدتك ابدا انها تضر.بها …
-يا عمي أنا …
قاطعه بابا بصوت قاسي وقال:
-لما جيت تطلب ايد بنتي جيت تطلب ايدها عشان تتجوزها …تبني حياتك معاها مش عشان تبقي خدا.مة للست والدتك هي كفاية عليها اووي بيتها وكفاية انها مش مقصرة معاك ومش بتزعلك لكن أنك تيجوا عليها عشان فاكرين ملهاش اهل يبقي أنا ممكن ازعلك اووي …
قام بابا وقال:
-لما تقدر تكون راجل وتحمي مراتك ومتجيش عليها عشان خاطر أي حد ابقي تعالي عشان تاخدها …لكن طول ما انت بالسـ.لبية دي ومش عارف تدافع عم بنتي يبقي مش هتلمس منها شعرة تاني …
بصلي وقالي:
-هاتي يا حبيبتي هدومك ..
وبعدين كمل كلامه مع لؤي وقال:
-قدامك اسبوعين عشان تقرر تعمل ايه بالضبط والا متزعلش من اللي ممكن اعمله يا لؤي …لاني مش هسيب حق ريتاج !!!
…….
نزلت أنا وبابا من الشقة ووقف ابويا ثانية وهو بيبص لحماتي بغضـ.ب وهي اتوترت وبصت الناحية التانية بس متكلمش معاها و سحبني من ايدي ومشي….
……
نزل بعدها لؤي ووقف قدام امه وهو باين عليه الانكـ.سار وقال:
-بتمني تكوني مبسوطة دلوقتي لما خر.بتي حياتي بأيدك …اتمني تفرحي لانك كـ.سرت قلب ابنك.
وشها بهت فلؤي مشي من قدامها وخرج من البيت كله !!!
…….
تاني يوم …
كنت في اوضتي قاعدة علي السرير وبمسح دموعي اللي بتنزل من عيوني وانا شايفة لؤي بيرن عليا بإصرار من امبارح ..رفضت ارد عليه كنت مجر.وحة اوووي منه لانه مدافعش عنه…فجأة الباب خبط فقولت بصوت مخنو.ق:
-ادخل …
دخل بابا وعلي وشه ابتسامة وقال:
-يالا يا أميرتي عشان تفطري …
ابتسمت ابتسامة باهتة وقولت :
-معلش يا بابا مليش نفس افطر انت …
هز رأسه بإصرار وقال:
-لا طبعا مينفعش …انتي لازم تأكلي معايا والا والله ما هفطر وهفضل جعان …
ابتسمت ليه بحنان …من بعد مو.ت ماما وانا وبابا قربنا من بعض اووي …كنت دايما بخاف منه وكلامي كله مع امي …لكن فاكرة يوم وفا.تها لما جه حضنني وفضل يبكي وقتها الخوف كله اتلاشي من جوايا …وقتها عرفت بابا تاني وقربت منه وبقا هو اللي بيحميني ويجيب حقي …
مسكت ايده وطلعت عشان افطر…
….
وعلي الفطار اتكلم وقال:
-ها يا حبيبتي قررتي ايه ؟!
اتنهدت وانا ببصله وقولت:
-مش هرجع البيت ده تاني يا بابا …مستحيل ارجع …أنا آخر مرة كنت هغـ.لط وامسك فيها بجد …فقدت اعصابي ودي مش أنا وغير كده أنا مستحيل اتحمل الاها.نة منها …
-عايزة تتطلقي؟!
سألني بابا بإهتمام فقولت وانا حزينة:
-انا بحب لؤي يا بابا …رغم انه احيانا بيضايقني بس عنده صفات تانية تخليني اتمسك بيه …
-اللي عايزاه هيحصل يا ريتاج …قولي يا حبيبتي عايزة ايه …
اتنهدت وانا ببصله وقررت اقوله شروطي ….
….
بعد اسبوع …
-ايه بتقول ايه يا عمي ؟!
قالها لؤي بصدمة لبابا أنا كنت بشوفهم من ورا باب اوضتي …اتمنيت ان لؤي ميخذ.لنيش قدام ابويا لان وقتها هتكون القاضية بالنسبالي وعمري عمري ما هرجعله …
بابا اتكلم بصوت قوي وقال:
-كلامي واضح يا لؤي بنتي مش هترجع البيت بتاع عيلتك تاني …عايز بنتي جيبلها شقة برا والست والدتك ملهاش أي دعوة بيها وكمان هوصي بنتي هي كمان ملهاش دعوة بالست والدتك اما كده.اما تطلقها من سكات!!!
……
ولؤي اثبت حبه فعلا …وقف قدام اهله لأول مرة واحدة مبلغ من اللي حاطه في البنك واشتري بيت صغير وعرف ان من حقي يكون ليا سكن منفصل عن عيلته …حقي احس اني انسانة مش كل شوية اهله يتدخلوا في حياتي …
…….
كنت مبتسمة بسعادة وانا بنقل عفشي لبيتي الجديد …صحيح صغير بس منفصل وبعيد عن حماتي ..وكده احسن بكتير ….
….
بعد يومين كنا استقرينا في البيت …قعد لؤي علي الانترية وقعدت أنا جمبه وحضنته وانا بتفرج علي التلفزيون وانا حاسة بالسلام …أخيرا بعدت ومحدش هيتحكم فيا …صحيح حماتي حاولت توقف لؤي عشان ميبعدش بس هو وعدها انه هيزورها دايما…أما أنا …أنا فضلت ابعد للأسف مش كل العلاقات لازم تكون مثالية …ممكن اصفي ليها قدام وتتعامل مع بعض كويس …يمكن …بس لا مش دلوقتي ..أنا دلوقتي هتمتع بالسلام اللي بيحاوطني وانا مع جوزي حبيبي اللي أخيرا وقف جمبي وعرف ان كرامته من كرامتي …
حضنته اكتر فقال وهو بيبوس راسي :
-بحبك♥️
-انا اكتر♥️
تمت..
لقراءة الرواية كاملة اضغط على : (رواية ريتاج)
