رواية روح الفصل الثالث 3 بقلم رحمة سلامة
رواية روح الجزء الثالث
رواية روح البارت الثالث
رواية روح الحلقة الثالثة
-انا حكيتلك عني قولي بقا اي حلمك أو طموحك احكيلي يلا
-ماااشي بصي ياستي انا بعد ماتخرجت من الكليه فكرت ف مشروع
كدة بس مش لاقي حد يدعمني الصراحه وخايف يفشل خصوصا اني
معرفش حد
-اي هو المشروع ده
-مطعم
-طب أنت بتعرف تطبخ!؟
-ماهي دي العقبه
-اممم انت عامل زيي انا كمان كان نفسي افتح كافيه صغير كدة واسميه
كافيه روح بس وقفت قدامي شويه عقبات برضوا يلا محصلش
نصيب…المهم انا ممكن اساعدك وادعمك ف الموضوع ده ع فكره
-بجد ازاي
-احنا ممكن ننزل اعلان انك محتاج كذا شيف وجارسون
-طب هينفع
-نجرب مش هنخسر حاجه وبعدين لو منفعش اكيد في مليون طريقه
مش هنغلب يعني بس هو انت شوفت مكان تفتح المطعم فيه
-من بكره انزل ادور
-تمم واول ماتشوف مكان كلمني عشان اشوفه وننزل الاعلان
-خلاص ماشي طب هاتي رقمك هكلمك ازاي
-تمم خد رقمي ولما تشوف مكان ابعتلي عنوانه
-حاضر بجد انتي جدعه اوي تخيلي انتي اول حد يشجعني ع كدة
-مش اجدع منك انشاء الله تحقق حلمك وتفتح المطعم ال نفسك فيه
وانا هفضل معاك وأفضل ادعمك لغايه مايكمل
-طب وبعد مايكمل هتمشي؟!!!
-لأ..اا..اه..اقصد يعني هكون زبونتك طبعاً
-بصلي وابتسم وقال “طبعاً”
-احم طب يلا بقا نروح عشان ماما كدة هتبيتني عند الجيران
روحنا وكل واحد مشي من طريقه…كنت بخبط ع الباب وبرن الجرز
بطريقه جنونيه بالظبط زي عيال الجيران لما بيخبطوا ويجروا
فتحتلي ريم اختي وهي متعصبه
-في اي يست روح هو في حد يخبط كدة
-خدي بوسه واسكتي قوليلي بقا فين ماما
-فضلت قاعده مستنياكي بعدين دخلت تنام وقالتلي لما تيجي اصحيها
بسس…انا ممكن مصحيهاش لو حكيتيلي
-احكيلك اي
-يعني فرحانه لي كدة واتأخرتي لي برا روحتي فين بعد الفرح احكيلي
-هيكون روحت فين يعني يلمضه انتي
-اممم يعني انتي مروحتيش ف حته
-قولتلها بثقه “لا طبعا مروحتش ف حته”
-ااااه ماشي…يماماااااا
-خلاص يافضيحه انتي هحكيلك بسس الاول قومي اعمليلنا كوبايتين
شاي بالنعناع عقبال ماغير هدومي
-ماااشي يستي بس عارفه لو نمتي هصحي ماما واقولها انك لسه جايه
-لا مش هنام “اوووف انا عارفه اني مش هعرف ازوغ منها”
دخلت اوضتي غيرت هدومي وقعدت ف البلكونه عقبال ماريم تخلص
سمعت صوت ماسدج اتبعتتلي قومت اشوف مين…ده رقم غريب
-روح وصلتي
-مين؟!
-انا لؤي
-ااه لؤي…اه انا وصلت وانت
-حمدالله ع سلامتك..انا كمان وصلت سجلي بقا رقمي
-حاضر
-يلا اسيبك بقا تصبحي ع خير
-وانت من أهله
-دخلت ريم اي بتكلمني مين
-لا مبكلمش حد
-حطت الشاي ع الترابيزة وبخباثه…اممم مبتكلميش حد طب وريني كدة
وسَحبت الفون من ايدي
-اي ده هاتي ي ريم خلصي
-هو ده ال مبتكلميش حد مين بقا لؤي ده
-طب هاتي الفون وانا اقولك
-امسكي الفون احكيلي بقا مين ده
حكيتلها أن ادهم ونور اتجوزوا طبعاً هي اتصدمت نفس صدمتي
-وانتي عملتي اي لما شوفتيهم
-هعمل اي يعني يريم معملتش حاجه
-معملتيش حاجه ازاي انا لو منك كنت طربقت الفرح ع دماغهم هما
الاتنين انا اصلا نور دي مكانتش بتنزلي من زور ولا ادهم انا مش عارفه
انتي ازاي كنتي قبلاهم اصلا
-فضلت اضحك ع طريقه كلامها “اهدي بس اهدي خلاص اهو راحوا لحالهم”
-طيب انتي مقولتليش برضوا مين لؤي ده
-اااه…لؤي ده شخص عادي
-ايوا منا عارفه أنه شخص مين يعني
-لؤي ده يريم انسان طيب اوي هو ال هداني من الانهيار ال كنت
فيه بكلامه الجميل وصوته ونظرته اللي يطمنوا القلب تخيلي اول مره
شوفته كنت بتخانق معاه فيها ومكنتش طيقاه بس لما عرفته
واتكلمت معاه عرفت أنه إنسان لطيف اوي و يتحــ
-كملي كملي ويتحب امممم
-يووه متكسفنيش بقا ي ريم الله
-خلاص يستي طب متفقتوش انتي وسي لؤي ال يتحب ده تتقابلوا تاني
-ايوا يبنتي لما يشوف المكان
-اي ده مكان اي
-لأ هكملك بكره بقا لاحسن انا سهرت اوي وعايزة انام
-لا يروح بقا قوليلي عشان خاطري
-ابداااً خلاص انا نمت اهو تصبحي ع خير
-وانتي من أهله
-تاني يوم صحيت ع صوت ماسدج من لؤي
-روح قابليني بسرعه عند ***** عندي ليكي مفاجأه
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية روح)
