رواية روح الزين الفصل الثالث 3 بقلم شهد الشيخ
رواية روح الزين الجزء الثالث
رواية روح الزين البارت الثالث
رواية روح الزين الحلقة الثالثة
روح بصدمه: نعم انتوا عايزينى اشتغل جاسوسه فى الشركه
خيرى ببرود: مالك مخضوضه كده ليه
روح بعصبيه: انت سامع نغسك انت عايزنى اشتغل جاسوسه لحسابكوا فى شركه المنافس بتاعكوا
خيرى ببرود: وطى صوتك وانتى بتتكلمى ده اولا ثانيا انتى لو اشتغلتى معانا هتبقى فى حته تانيه خالص هتلبسى لبس عمرك ما تحلمى بيه وهتشترى الشقه اللى قاعدين فيها وهيكون فى مبلغ باسمك فى البنك يعني عيشتك كلها هتتغير
روح سكتت ثوانى وبعدين قالت بهدوء:مستحيل اعمل كده بعد اذنكوا وخدت حاجتها وخرجت
سليم: انت هتسبها تمشى كده مش خايف لتفضحنا
خيرى بخبث:وهى هتستفاد اى لما تفضحنا وبعدين هى هتقبل وهترجع
سليم:ترجع ازاى انت مسمعتش دى رفضت وقالتلك مستحيل
خيرى:هتشوف وطلع فونه رن على رقم
خيرى: الو بقولك اى روح مطعم……..*وقاله يرفد روح من عنده واديله مبلغ حلو عشان يوافق
رامى: اوامرك يا بيه
سليم بصله وقال: ومفكر انها كده هترجعى ما هى هتروح تدور على شغل تاني
خيرى: اهدى واتفرج وصدقنى محدش غيرها هيعمل كده
احب اعرفكوا
(خيرى عنده 42 سنه متجوز وبس مش مخلف شركته من اكبر شركات ازياء الموضه وبيكره صاحب شركه Ze عشان ناجح اكتر منه وعايز يبعده عن طريقه عشان يكون هو وشركته وبس
سليم اخوها الصغير وايده اليمين فى كل حاجه عنده 30 ولسه متجوزش وهو كمان بيكره صاحب شركه Ze)
««««««««««
عند روح
روح دخلت غيرت ولبست هدوم الشغل وخرجت عشان تبدا شغل
على: روح مستر محمود عايزك
روح بقلق: استر يارب
وراحتله
طق طق
محمود: ادخل
روح:نعم يا مستر محمود على قالى ان حضرتك عايزنى
محمود: اه… غيرى هدومك وامشى ومتجيش تاني
روح بصدمه:اى
محمود: يلا روحي
روح: كل ده عشان اخرت ساعه انا اسفه والله اول واخر مرة مش هكررها تاني
محمود: يلا يا روح انا عندي شغل ومش فاضي
روح بدموع: حاضر يا فندم بعد اذنك
روح خرجت من عنده والدموع مغرقه وشها راحت غيرت هدومها ورجعت البيت وهى حزينه
««««««««
روح: السلام عليكم
دعاء: وعليكم السلام ورحم…
قاطعت كلامها وقالت بخضه: مالك معيطه ليه واى اللى جابك دلوقتي
روح: اترفدت يا ماما
دعاء: ليه عملتى اى
روح: عشان اخرت الطريق كان واقف وروحت ماخرة
دعاء: قدر الله ماشاء فعل متزعليش نفسك ان شاء الله هتلاقى شغل غيره
وبعدين قالت بضحك عشان تضحكها: وبعدين هى اول مره تترفدى مش عارفه متاثرة اوى كده ليه
روح ضحكت وقالت:عندك حق
دعاء: طيب يلا بقى قومى غيرى وارتاحى
روح: لا هغير واجى اقعد معاكي
دعاء: ماشى يا حبيبتى
روح غيرت وخرجت قعدت مع مامتها وبعد فتره طويله الباب خبط
دعاء: ده تلاقيه اخوكى لما اقوم افتحله
روح: لا خليكى هقوم انا
وقامت روح تفتح بس مكنش وليد
روح: ازيك يا عمو فوزى
فوزى:بخير الحمدلله يا روح كنت جاى عشان الايجار انتى قولتى استنى يومين وانا استنيت اسبوع ومفيش حاجه وصلت
روح: معلش يا عمو فوزى اصل انا اشتغلت جديد واترفدت النهارده ولسه هنزل بكره ادور على شغل تانى فى لو مفهاش مشكله ممكن تخليه الشهرالجاى وتاخد الشهرين
فوزى: مش مشكلتى انا وبعدين انتى عارفه تسددى شهر عشان اخده شهرين بصى يا بنتى اخركوا معايا لحد بكره تجيبى الفلوس تمام مجبتيش هطردكوا
روح بصدمه: اى ازاى
فوزى: زى ما سمعتى معاكى لبكره
روح: انا مش هعرف اتصرف لحد بكره
فوزى: قولتلك مش مشكلتى مع السلامه
وسابها فى صدمتها وحزنها ومشى وهى قفلت الباب ودخلت
دعاء:كنتى واقفه ع الباب كل ده ليه ومين كان اللى على الباب
روح بحزن: ده عمو فوزى جاى عايز الايجار
دعاء: طيب وانتى قولتليه اى
روح: قولتله يخليه للشهر الجاى وادفعله الشهرين مرضيش وعايزه بكره
دعاء بغضب: اى الراجل عديـ م الاحساس ده هو مش عارف ظروفنا
روح: اهدى يا ماما وبعدين ده حقه
دعاء اتنهدت وقالت:طيب هنعمل اى دلوقتي
روح:انا هتصرف وقامت تدخل اوضتها وقفها صوت دعاء
دعاء: رايحه فين
روح: هدخل اغير عشان انزل ادور على شغل
دعاء: حتى لو لقيتى يا روح محدش هيرضى يديكى الفلوس قبل ما تشتغلى
روح: انا هنزل لعمو فوزى وهحاول اقنعه يستنى بس علينا بس انتى ادعيلي
دعاء: ربنا يفتح فى وشك ابوابه ويحفظك ويوفقك
روح: اللهم آمين
ودخلت غيرت لبسها ونزلت خرجت من البيت على طول
«««««««««
فى التاكسى
روح بينها وبين نفسها: اروح ولا لا…. انا بقول لا…. مانا لو مروحتش هجيب الفلوس منين وهلاقى شغل فين وحتى لو لقيت محدش فعلا هيرضى يدينى فلوس قبل الشغل ياربي
وظلت تفكر كثيرا ولم تلاحظ انها قد وصلت الى وجهتها حتى اخرجها من تفكيرها صوت السائق
السواق: يا انسه وصلنا… يا انسه
روح: ها نعم
السواق: وصلنا
روح بصت من شباك التاكسى وبعدين بصت للسواق ادته الفلوس ونزلت فضلت واقفه قدام الشركه
روح: ادخل ولا لا
وفضلت واقفه تفكر تدخل ولا ترجع وتقدم رجل ولما تفكر فى طلبهم ترجع تفتكر كلام فوزى تقدم رجلها للدخول
روح:يارب خليك جنبى وخدت نفس عميق ودخلت الشركه
«««««««
فى مكتب سليم
سليم: طيب دخليها بسرعه
السكرتيرة: حاضر يا فندم
السكرتيرة لروح: اتفضلى
طق طق
سليم: ادخل
روح: السلام عليكم
سليم بابتسامه نصر: وعليكم السلام ورحمة وبركاته اتفضلى اقعدى
روح قعدت وفضلت تفرك فى ايدها وقالت بتوتر: اا انا موافقه
سليم بابتسامه: واى اللى غير رأيك
روح: اظن انها حاجه متخصكش
سليم باحراج: احم طيب ثوانى خليكى هنا متتحركيش
روح: تمام
««««««««««««
فى مكتب خيرى
طق طق
خيرى: ادخل
سليم: روح جت يا خيرى
خيرى بابتسامه: مكنتش متخيل انها هتيجى بالسرعه دى
سليم:واهى جت يلا بينا على مكتبى عشان انا سايبها هناك لوحدها
خيرى: يلا
««««»»»»««««
فى مكتب سليم
روح:تمام بس انا هدخل الشركه دى ازاى
خيرى:صاحب الشركه كل اسبوع بيغير السكرتيرة مفيش سكرتيرة بتفضل معاه وانتى هتروحى تقدمى على انك سكرتيرة
روح باستغراب: طيب ازاى بيغير كل اسبوع السكرتيرة وعايزنى اكون السكرتيرة مانا كده هتطرد قبل ما اعمل اللي انتوا عايزينوا
خيرى:اتصرفى اعملى اى حاجه عشان ميرفدكيش
روح بسخريه: جيت للشخص الغلط دانا اسمى الحقيقى مرفوده
خيرى: اعملى اى حاجه مش مشكلتنا
روح: تمام بس هو ليه بيرفدهم
خيرى: اصل طبعه صعب شويه ومغيش ولا واحده قادرة تتعامل معاه صح عشان كده بيرفدهم
روح: يا حلاوه تمام انا موافقه بس بشرط
خيرى: قولى
روح:عايزه فلوس عشان اقدر اشترى الشقه اللي احنا فيها وكمان عشان اجيب لبس جديد عشان الشغل وتكون معايا عشان ممشيش مفلسه
خيرى: كل اللى انتى عايزاه هنعملوا
روح: يبقى كده اتفقنا قولتى هشتغل من امتى
سليم:اول ما نعرف انه رفد السكرتيرة اللى عنده هنبلغك
روح: وانتوا هتعرفوا منين
خيرى: ملكيش دعوه انتى ويلا بقى عشان تمشى
روح: احم باين بطرد طيب اسيبكوا بقى وامشى
وقامت كانت خارجه بس وقفت وقالت
روح:هكلمك بكره عشان تجبلى المبلغ اللى هطلبه
خيرى: ماشى يا روح
روح: سلام
ووووو
Stop.
يتبع…
لقراءة الفصل التالي : اضغط هنا
الرواية كاملة اضغط على : (رواية روح الزين)
