رواية روح الزين الفصل الثالث عشر 13 بقلم شهد الشيخ
رواية روح الزين الجزء الثالث عشر
رواية روح الزين البارت الثالث عشر
رواية روح الزين الحلقة الثالثة عشر
روح بصدمه: زين
زين بسخريه: مفاجأة صح
روح بصت لخيرى ورجعت بصت لزين
زين: كملوا كلامكوا سكتوا ليه
وقرب من روح وقال بسخريه: كملى يا حبيبتى ساكته ليه كملى كدب يلا
روح دموعها نزلت منها
زين: بلاش دموع التماسيح دى امسحيها عشان خلاص شكلك بقى بايخ اوى
روح: زين والله انا سب
قاطعها زين:هتقولى اى هتكملى كدب
روح سكتت ومردتش
و زين بص لخيرى وقال:انا برضو فى الاول كنت مستغرب ازاى شغلك اتطور كده ولا كمان ده كان فيه شبه كبير من شغلى بس بعد كده عرفت ان فيه خاين
ورجع بص لروح وقال: بس مكنتش متخيل ان انتى الخاين
ده… ليه عملتى كده يا روح وكمل بغضب… ليه بعتينى ليه… ردى
خيرى بابتسامة: روح مبعتكش روح من الاول شغاله معايا انا اللى بعتها ليك عشان تنقلى اخبارك وشغلك بس بصراحه كانت قايمه بشغلها كويس اوى
روح بصتله بغضب
وزين بصلها وقال: ليه يا روح… هو انا مصعبتش عليكى وانتى شيفانى مموت نفسى فى الشغل… مستحرمتيش اللى كنتى بتعمليه… وكمل بزعيق. ليه عملتى كده ردى
روح بدموع: والله كان غصب عنى وانا لما اشتغلت معاك وحبيتك كرهت نفسى ومن اللى بعمله وقررت انهى ده كله عشان كده سبت الشغل ورفضتك.. انا اسفه
زين: لا برافو تصدقى انا عينى دمعت… تعرفى انا كرهت نفسى عشان حبيتك انتى واحده رخصيه وزباله ومتستاهليش ذره حب
وبص لخيرى وقال: اما انت فهتندم اوى ع اللى عملتك دى
وسابهم وخرج
وروح فضلت تعيط
خيرى: بقى بتضحكى عليا وتقوليلى انه رفدك
روح بغضب: اخرس بقى كل ده بسببك انت ازبل انسان شوفته فى حياتى انا بكرهك
وسابته وخرجت
««««««««««««
اما عند زين
فكان سايق عربيته بسرعه عاليه اوى وراح بيته خد شويه لبس ورجع ركب عربيته وساق بسرعه تانى وطلع ع اسكندريه
«««««««««««««
فى شقه روح
روح دخلت وهى بتعيط واترمت فى حضن امها
دعاء: بسم الله الرحمن الرحيم.. مالك يا روح
روح: انا بكره نفسى يا ماما اوى انا نفسى اموت
دعاء: بعد الشر يا حبيبتى… مالك فيكى اى
روح: انا غلطت غلطه كبيره اوى وعمرى ما هسامح نفسى عليها
دعاء بقلق: غلطه اى انا مش فاهمه حاجه اتكلمى يا روح بلاش تقلقينى
روح خرجت من حضنها وبصتلها وقالت
روح: هقولك
««««««««««««
فى شركه Ze
عدى: زين اتاخر اوى يا ياسمين
ياسمين: طيب ما تكلمه يا بنى
عدى: كلمته ومش بيرد
ياسمين: جرب تانى
عدى طلع فونه ورن عليه تاني بس لقى الفون مقفول
عدى: ده قفله
ياسمين: طيب هتعمل اى
عدى:انا هكلم روح
«««««««««
فى شقه روح
دعاء: ليه يا روح عملتى كده
روح بعياط: مانا قولتلك يا ماما كان غصب عنى.. لو مكنتش عملت كده كنا هنترمى فى الشارع
وقاطع كلامها رنين التليفون
روح: ايوا يا عدى
عدى: مال صوتك يا روح انتى معيطه
روح: كنت بترن ليه
عدى: هو زين مش معاكى
روح: لا مش معايا
عدى: ازاى ده قالى انه رايحلك
روح: مهو جه بس مشى من بدرى
عدى: ازاى ده مجاش الشركه
روح بقلق: طيب رنيت عليه
عدى: ايوا طبعا مردش وبعدين تليفونه اتقفل
روح: طيب ما تروح تشوفه فى البيت
عدى: ماشى بس هو اللي حصل بينكوا
روح: بعدين يا عدى عشان مش قادرة اتكلم دلوقتي سلام
عدى: ماشى سلا
««««««««
ياسمين: قالتلك اى
عدى: مش معاها وقالتلى اروح اشوفه فى البيت بس كان باين ع صوتها انها معيطه
ياسمين: معيطه!
عدى: ايوا
ياسمين: يبقى اكيد فى حاجه مش كويسه حلصت انا بعد الشغل هروحلها
عدى: تمام طيب انا دلوقتي هروح اشوف زين
ياسمين: ماشى
«««««««««
فى شقه روح
كانت روح فى حضن دعاء وبتعيط
دعاء: اهدى يا روح وان شاء الله كل حاجه هتتحصل
روح بعياط: مستحيل تتصلح يا ماما انا كدبت وخنت ثقه واحد بيكره الكدب والخيانه
دعاء: مغيش حاجه مستحيله ع ربنا يا روح بس اهم حاجه دلوقتي تكونى اتعملتى من غلطك ومتكدبيش تانى اديكى شوفتى اخره الكدب اى
روح: اتعلمت والله وندمت ع اللى عملته
دعاء: طيب يلا قومى غيرى هدومك واغسلى وشك وارتاحى
روح: حاضر
«««««««««««««
عند بيت زين
عدى كان واقف وبيرن الجرس بس زين مش بيرد ف رن ع لطفى
عدى: ايوا يا عمو لطفى
لطفى: اى يا عدى بيه
عدى: هو انت مع زين
لطفى: لا انا فى البيت زين بيه مشانى بعد ما وصلته الشركه لما لقينى تعبان
عدى: اه الف سلامه عليك
لطفى: الله يسلمك بس حضرتك بتسال ع زين بيه ليه هو فيه حاجه
عدى:ها لا مفيش سلام
لطفى: سلام
عدى: هتكون روحت فين بس
ورجع الشركه تاني
««««««««««
بليل فى شقه روح
كانت ياسمين هى وعدى قاعدين مع دعاء مستنين روح تخرج من الاوضه
روح: ازيكوا عاملين اى
ياسمين: احنا كويسين بس انتى مالك معيطه ليه
روح: ماما ممكن تسبينا لوحدنا
دعاء: ماشى انا فى الاوضه لو عوزتى حاجه
روح: ماشى
عدى: مالك بقى يا ست روح وزين فين
روح: انت ملقتش زين لحد دلوقتي
عدى: لا من ساعه ما خرج من الشركه وقال انه جاى عندك ومشوفتهوش
روح بخوف: ازاى هيكون راح فين
ياسمين:منعرفش مكانه بس هو اى اللى خلى زين يختفى وانتى معيطه وحالتك وحشه كده
روح: اصل……………….* وحكتلهم اللى حصل وحكت من ساعه ما قابلت سليم واللى طلبه هو خيرى منها
عدى وياسمين كانت الصدمه ماثره عليهم ومش عارفين يقولوا اى
روح بعياط: والله عملت كده غصب عنى وانا والله حبيت زين وعشان كده سبن الشغل ورفضته عشان مأذهوش تانى
عدى: انا مش عارف اقولك اى مش عارف اطبطب عليكى ولا اتخانق معاكى واقطع علاقتى بيكى… زين حبك يا روح ووثق فيكى وانتى خنتى الثقه دى
روح بعياط: بلاش والنبى تكونوا عليا انتوا كمان انا عارفه انى غلطت وغلطه كبيره مش صغيره بس والله حاولت اصلح الغلطه دى
ياسمين خدت روح فى حضنها وفضلت تطبطب عليها
عدى: انا كده خوفت ع زين اكتر الله اعلم هو فين ولا يمكن عمل فى نفسه حاجه
روح بخوف: لا بعد الشر ان شاء الله هتلاقيه
عدى: طيب انا هروح ادور فى الاماكن اللى زين بيروحها يلا يا ياسمين عشان اوصلك
ياسمين: ماشى.. روح خلاص اللى حصل حصل بلاش تعملي فى نفسك كده
روح هزت راسها وهى ساكته
ياسمين حضنتها تانى ومشيت مع عدى
«««««««««««
فى الطريق
عدى:انا لحد دلوقتي مش مصدق ان روح عملت كده
ياسمين: روح ليها عذرها برضو
عدى: عذر اى اللى يخليها تعمل كده كل ده عشان الفلوس
ياسمين:ع فكره الفلوس مكنتش همها هى كل اللى كان همها انها تنقذ امها واخوها من رميت الشارع لانها هى اللى مسئوله عنهم.. انت عمرك ما هتفهم هى كانت بتفكر ازاى لانك ماشاء الله مرتاح وعندك بيت ملكك
عدى بصلها لقي دموعها نازله
عدى: طيب انتى بتعيطى ليه دلوقتي
ياسمين: عشان روح صعبانه عليا بنت مسئوله عن امها واخوها دخلت فى لعبه بين منافسين كبار عشان تحمى اهلها من رميت الشارع وغصب عنها حبت زين وهى اللى فى الاخر خسرت كل حاجه حب زين ليها وشغلها وخسرت نفسها
عدى: ومش صعبان عليكى زين اللى حبها واتخدع فيها واللى تعب ليل ونهار فى الشغل وفى الاخر خيرى اللى خده واللى لحد دلوقتي منعرفش عنه حاجه
ياسمين: كل حاجه اتقلبت والاتنين خسروا كتير واهم حاجه خسروا بعض
عدى: عندك حق
عدى وصل ياسمين بيتها وراح يدور ع زين فى كل مكان زين بيروحه بس ملقهوش ورن عليه تانى بس لقى الفون مقفول برضو واخر ما تعب رجع بيته
«««««««««««««
ومرت اسابيع ع اختفاء زين وروح عادت الى العمل مجددا طلبا من عدى وكان عدى كل يوم بعد العمل يذهب يبحث عن زين فى نفس الاماكن ع امل ان يجده ولكن كان يرجع الى منزله بخيبه امل جديدة
««««««««««
فى اسكندريه
زين: فهمت هتعمل اى
: فهمت يا زين باشا بس هاخد الفلوس ازاى
زين: انت بس تنفذ وهتلاقى فلوسك عندك
: تمام يا باشا
««««««««
فى شركه Ze
عدى بحزن:خامس اسبوع وزين لسه مختفي ومش عارفله مكان وتليفونه مقفول
ياسمين: ان شاء الله هتلاقيه
عدى: يارب يا ياسمين عشان انا خايف عليه اوى وخايف من غيره حاسس كانى مليش ضهر
ياسمين مسكت ايده وقالت:هتلاقيه والله وانا جنبك يا عدى وهفضل جنبك
عدى ابتسم بحزن وقال: شكرا ع وجودك جنبى
««««««««««
بليل
كان سليم وخيرى خارجين من الشركه ورايحين ناحيه عربيتهم بس وقفوا اول ما البوليس وصل
الظابط: انت خيرى….*
خيرى: ايوا انا يا باشا فيه حاجه
الظابط:وانت سليم….*
سليم: ايوا انا فيه اى يا باشا
الظابط للعساكر: فتشوا العربيات دى
خيرى: فيه اى يا باشا احنا مش فاهمين حاجه
الظابط بسخريه: دلوقتي هتفهموا
العسكرى: احنا لقينا الهيروين ده فى العربيات
خيرى وسليم بصوت لبعض بصدمه
الظابط:اى الكميه دى كلها يا بهوات
خيرى: يا باشا احنا منعرفش حاجه عن الهيروين ده
الظابط: الكلام ده تقوله فى القسم هاتوهم
وكان هناك شخص يراقب كل شئ فاخرج هاتفه وطلب رقم
: تم يا ياشا
زين: تمام بكره الفلوس هتوصلك
: خدمه تانيه يا باشا
زين: لا شكرا سلام
««««««««««««««
وبعد شهرين تم الحكم ع سليم وخيرى بالمؤبد والتحفظ ع املاكهم ومرات خيرى اتطلقت منه بعد الحكم مباشره
فى السجن
العسكرى: خيرى……*
خيرى: نعم
العسكرى: عندك زيارة
سليم: يا ترى مين جايلك
خيرى: مش عارف ادينى لسه هخرج اشوف
وخرج خيرى لزيارة
خيرى بصدمه: انت! اى اللى جابك
زين بابتسامة نصر: قولتلك هتندم غلطت لما لعبت معايا
خيرى بغضب: كنت عارف انك وراها
زين: اشوف وشك بخير بعد ما تخلص مدتك ده لو خرجت عايش
وسابه ومشى
خيرى بغضب: مش هسيبك يا زين
وزين كان ماشى ومش مهتم لكلامه
«««««««««««
فى شركه Ze
زين كان داخل بهيبته ورافه راسه وسط عدم تصديق الموظفين ان موجود فى الشركه زين دخل مكتبه لقى روح قاعده
روح بشوق وفرحه: زين
زين ببرود: انتى بتعملى اى هنا
روح بحزن: بشتغل عدى طلب منى ارجع الشغل بعد ما انت اختفيت
زين: وانا جيت اهو م……
قاطعه دخول عدى
عدى بفرحه وهو بيحضنه: زين وحشتنى كنت فين يا صاحبى كل ده
زين بعده عنه وقال لروح: مش عايز اشوف وشك هنا تانى يلا امشى
عدى: انت بتقول اى يا زين
زين: ملكش دعوه انت يا عدى
روح: زين اسم…
قاطعها زين بحده: قولت مش عايز اشوف وشك اطلعى برا
روح خدت شنطتها وخرجت وهى بتعيط
عدى: ليه عملت كده يا زين
زين: انت متعرفش حاجه يا عدى
عدى: لا عارف كل حاجه وروح حكتلى يوم مانت اختفيت هى غلطت بس كان ليها عذر انها تعمل كده ومن ساعه ما رجعت وهى معملتش اى حاجه تضر بالشركة
زين:عدى الموضوع ده اتقفل ومش عايز كلام فيه تانى ويبقى شوفلى سكرتير راجل يا عدى مش عايز ستات تانى
وسابه ودخل مكتبه
وعدى دخل وراه
عدى: طيب قولى انت كنت فين انا قلبت الدنيا عليك
زين: كنت قاعد فى اسكندريه
عدى:طيب كنت قافل تليفونك ليه
زين:عدى مش ناقص روح شوف شغلك
عدى: ماشى
««««««««««««
ياسمين: طيب وهنعمل اى يا عدى
عدى: مش عارف
ياسمين: يعنى كده خلاص
عدى: باين كده
ياسمين:لا لازم روح تحاول معاه لحد ما يسامحها
عدى: يبقى قوليلها انت الكلام ده
ياسمين: هقولها
«««««««««««««
فى بيت روح
دعاء:اهدى يا روح وانا هقولك تعملى اى
روح: اهو هديت قولى
دعاء بابتسامة: بصى انتى تفضلى وراه لحد ما يسامحك وكل مرة يصدك ارجعيله
روح: كده هيكون مش عندى كرامه
دعاء: لا مش كده انتى غلطتى ولازم تستحملى نتيجه غلطتك وتصلحيها كمان
روح: عندك حق يا ماما وانا هغضل وراه لحد ما يسامحنى
««««««««««
فى بيت ياسمين
فى اوضه ياسمين
ياسمين: عندها حق انا برضو كنت هقولك كده
روح: وانا هعمل كده… عشان نفسى يسامحنى… انا بحبه اوى وبعده عنى واجعنى
ياسمين: ان شاء الله كل حاجه بينكوا هتتصلح
روح: يارب
يتبع…
لقراءة الفصل التالي : اضغط هنا
الرواية كاملة اضغط على : (رواية روح الزين)
