رواية روح الزين الفصل التاسع 9 بقلم شهد الشيخ
رواية روح الزين الجزء التاسع
رواية روح الزين البارت التاسع
رواية روح الزين الحلقة التاسعة
فتح زين الباب لروح وروح اتصدمت
روح حطت ايدها على عينها وقالت: انت ازاى تفتحلى وانت كده
فكان زين يرتدى بنطال وعا*رى الصدر
زين ببرود:واى المشكله
روح بعصبيه: ادخل البس حاجه بسرعه
زين مسكها من دراعها وروح اول ما مسكها نزلت ايدها من عنيها
زين بحده: متعليش صوتك تانى
روح بوجع: حاضر بس سيب دراعى
زين سابها وقال:ادخلى اقعدى عقبال لما البس
روح: حاضر
ودخلت قعدت وزين طلع كمل لبس وبعد دقايق نزل تانى وكان لابس تيشيرت ابيض بنص كم وبنطلون اسود وكوتشى اسود بركبه قصيرة
زين: يلا
وخدها وخرجوا ركبوا العربيه وزين قال للطفى على المكان اللى هيرحوا ولطفى مشى للمكان ده
«««««««««««
سمير: اهلا مستر زين
زين: اهلا بيك.. ها كل حاجه جاهزة
سمير: ايوا اتفضل
ومشى زين مع سمير ومعاه روح اللى كانت ساكته من ساعه ما دخلت بيت زين
زين:تمام جهزوا الموديل عشان ابدا تصوير
سمير: حاضر… وقال بصوت عالى. رحمه جهزوا الموديل يلا
رحمه: حاضر يا مستر سمير
سمير: تعال ارتاح عقبال لما يجهزوا
زين: لا انا هتمشى لحد ما تخلصوا بعد اذنك
سمير: اتغضل
خد زين روح وراح يتمشى على البحر لحد ما يخلصوا
روح: مستر زين انا مش فاهمه احنا هنا ليه ممكن تفهمنى
زين:مستر سمير طلب منى اصور لهم التصاميم بتاعتنا اللى خدوها على الموديل عشان يعرضوها عندهم على السوشيال وانا وافقت
روح:طيب انا هعمل اى
زين:هتفضلى معايا عشان لو احتجت حاجه وبعدين لازم تتعودى على كده لان السكرتيرة بتاعتى بتروح معايا فى كل مكان
روح: حاضر
وصمتوا واكملوا تمشيه وبعد وقت ليس بطويل سمير اخبر زين انهم استعدوا وزين ذهب وبدأ بتصوير الموديل وروح كانت تقف خلفه ولكن بعيد عنه
وكانت ترى كيف الفتاه تقف وكيف تمشى وظلت واقفه مبتسمه وبدات فى تقليدها وكان هناك من يراه
سمير: انسه روح
روح اتخضت وبصتله بسرعه
سمير: اهدى فى اى
روح: لا مفيش حاجه حضرتك كنت عايز اى
سمير: انا واخد بالى انك واقفه وبتقلدى الموديل وبصراحه عجبنى تقليدك ليها وانا شايف ان فيكى كل حاجه مطلوبه فى الموديل
روح بابتسامة: شكرا للمجامله دى
سمير بتسرع: لا انا مش بجاملك انا بقول الحقيقه وكنت بقول لو توافقى تبقى بدل الموديل
روح وهى مش مصدقه: حضرتك بتتكلم بجد
سمير: ايوا طبعا اى رايك
روح: يعنى حضرتك عايزنى دلوقتي البس الفساتين دى واطلع اتصور مكانها
سمير: ايوا وع فكره هندفعلك الفلوس اللى كانت هتاخدها الموديل
روح: طيب وليه مهى الموديل موجودة
سمير: اصل بصراحه انتى اجمل منها وكمان وجه جديد ولو عملتى الشغل ده هتشدى الناس اكتر لشراء الفساتين دى
روح بابتسامة: وانا موافقه وكمان هاخد نص الفلوس
سمير: ماشى اتفقنا هروح اقولهم
سمير مشى وكانت روح واقفه فرحانه ومش مصدقه انها هتكون موديل
«««««««««««
سمير: مستر زين
زين: نعم
سمير: وقف تصوير عشان هنغير الموديل روح هى اللى هتصور
زين: نعم!
سمير:اتفقت مع روح هى اللى تصور وهى وافقت ياريت ميكونش عندك مانع
زين:روح جايه معايا لانها المساعدة بتاعتى يعنى تساعدنى انا مش جايه موديل
سمير:لو سمحت وافق هى الحمله دى وبس
زين: طيب اشمعنا روح مهى الموديل اهى قدامك
سمير: روح اجمل ووجه جديد وهتشد اللى هيشوفها ونسبه البيع هتكبر لو روح عملت الشغل ده
زين:طيب وهى هتعرف
سمير: ايوا شوفتها كانت واقفه وراك وبتقلد الموديل بالظبط
زين: تمام هخليها تجهز
سمير بابتسامة: تمام شكرا اوى
«««««««««««««
سمير: تعالى يا روح
روح: نعم
سمير: استنى…. رحمه خدوا روح جهزوها عشان هى اللى هتصور ومشى الموديل
رحمه بصت لروح وبصت لسمير وقالت: حضرتك هتخليها تصور مكان الموديل المشهورة
سمير: ايوا يلا
رحمه: طيب والعقد اللى مضينوا معاها
سمير: خلاص خدى روح جهزيها وانا هتكلم معاها
رحمه: تمام… يلا تعالى معايا
««««««««««««
سمير كلم الموديل وهى وافقت بعد ما ادها مبلغ ومشيت وروح جهزت وراحت تصور وزين اول ما شافها انبهر بيها وبشكلها كان حلو وكانت فعلا احلى من الموديل وبدا يصورها وهو مبهور بيها
وبعد وقت طويل خدوا راحه وراحوا ياكلوا
زين:مفكرتيش تشتغلى موديل
روح: بصراحه لا
زين: ليه
روح: عشان مكنتش شايفه نفسى موديل ومكنش الموضوع ده بيجى على بالى خالص
زين:اممم… لعلمك انتى هتخلصى التصوير ده ومغيش تصوير تانى حتى لو طلب منك انتى بتشتغلي معايا انا مش معاهم
روح: حاضر
وسكتوا شويه وروح اتكلمت
روح: مستر زين هو حضرتك هتطردنى
زين باستغراب: اطردك ليه
روح: اصل سمعت يعنى اى سكرتيرة بتشتغل مع حضرتك مش بتقعد اكتر من اسبوع وتطردها وانا النهارده كملت اسبوع
زين:لما تكون غـ بيه وبتتعبنى فى الشغل وشغلها مش بيعجبنى لكن انتى شغلك عاجبنى وبتفهمى بسرعه
روح بابتسامة: شكرا دى شهادة كبيرة فى حقى
زين ببرود: العفو
روح بخفوت:بارد
زين:الكلمه دى ليا
روح اتصدمت وقالت: ك كلمه اى
زين: خلاص اسكتى
«««««««««
وبعد ما خلصوا اكل رجعوا كملوا تصوير وبعد وقت طويل خلصوا شغل
روح بتعب: الشغلانه دى متعبه اوى
زين:مفيش شغلانه سهله
روح: ع رايك
زين بصلها وروح ابتسمت بتوتر وقالت
روح: لما اروح اغير عشان نمشى
ومشيت بس وهى ماشيه رجلها غرزت فى الرمل ووقعت بس زين لحقها
وفى هى اللحظه تلاقت اعينهم وظلوا ينظرون الى بعضهم البعض
روح بلا وعى: يخربيت جمال عيونك
زين ابتسم وقال:عاجبينك اوى كده
روح بلا وعى: اوى وضحكتك كمان جميله
زين ابتسم اكتر وقال: شكرا يا ستى
سمير: مستر زين
زين وروح فاقوا من كانوا فيه وروح ادركت الكلام اللي قالته واتعدلت وزين اتعدل
زين: نعم
روح: طيب اسيبكوا واروح اغير وسابتهم ومشيت
«««««««««
روح وهى بتغير كانت بتكلم نفسها
روح: يخربيتك يا شيخه لسانك دايما فالت كده الراجل يقول عليكى اى بقى يقول بتعاكسنى ومعجبه بيا.. هو اه انا بعاكسه بس عمرى ما اروح اقول
وافتكرت لما كان زين ماسكها وابتسم فقالت
روح:عرفت ليه مش بتضحك كتير بام غمازتك القمر دى مهو اى حد هيشوفها هيحبك على طول من حقهم بصراحه
خلصت لبس وخرجت راحت لزين وخدها وركبوا العربيه ومشيوا
««««««««««
فى العربيه
زين: اطلع يا عمو لطفى على مطعم……*
لطفى: حاضر
روح: هو احنا هنقابل حد!
زين: لا هنروح نتعشا اصلى جعان انتى مجوعتيش
روح بخجل: بصراحه جوعت
«««««««««««««
وتمضى الايام والشهور وروح ما زالت تعمل مع زين وجميع من فى الشركه مستغربين لان 4 اشهر مضت وروح مازالت تعمل فى الشركه ولكنهم احبوها ولكن الاربعه اشهر هذه لم تمضى هكذا كان احيانا زين يغضب على روح ويهينها ولكنها كانت تصمت ورغم هذا لا يريد زين ان يطردها وداليا ايضا كانت تضايق روح كثيرا وعدى اصبح صديق روح المقرب
فى شركه Ze
داليا بغيظ: اربع شهور وهى لسه قاعده ليه ليه زين مطردهاش
مى: تلاقيها عجبته
داليا بغضب مكتوم: اكيد لا زين مستحيل يعجب بيها وصعب اصلا حد يعجبه
مى: امال مطردهاش لحد دلوقتي ليه
داليا: مش عارفه وكملت بشر: بس قريب اوى هتمشى من هنا
مى: هتعملى اى
داليا: مش عارفه لسه بس مش هسيبها لازم امشيها
««««««««««»««
فى مكتب زين
زين فى فون المكتب: روح هاتى ورق الصفقه بتاعت النهارده
روح: حاضر ثوانى وهتكون عند حضرتك
وبعد ثوانى
طق طق
زين: ادخل
روح: اتفضل الورق
زين خد الورق وشافه وملامحه اتغيرت من الهدوء الى الغضب
زين بغضب: انتى حما*ره مش بتفهمى بقولك ورق الصفقه دى اى اللى انتى جيباه ده
وحدف الورق فى وشها وروح كانت واقفه خايفه منه
روح بخوف:اا انا اسفه باين اتلغبطت ثوانى والورق يكون عند حضرتك
زين: لمى الورق ده قبل ما تخرجى
روح: حاضر
ووطت لما الورق وخدته وخرجت وجابتله الورق التاني
روح: اتفضل اهو
زين خده وشافه وقال
زين ببرود: تمام خمس دقايق وهنمشى
روح: تمام
وخرجت راحت مكتبها وعدى الخمس دقايق وزين خرج خد روح وعدى ومشيوا
«««««««««««««
فى شركه ما
كان هناك اجتماع بين شركه زين وشركه خيرى اقامته هذه الشركه
منصور: مين هيقدم عرضه الاول
زين بسخريه: اتغضل يا خيرى بيه
خيرى بابتسامة قدم العرض بتاعه وعجبهم اوى وزين وعدى كانوا مصدومين من العرض لانه كان فيه شبه كبير من عرضهم
منصور: اتغضل يا مستر زين
زين:حاضر
وبدا زين بتقديم عرضه
منصور: تمام كده شوفنا العرض بتاع الشركتين هنقرر وهنرد عليكوا بكره
زين: تمام بعد اذنكوا
منصور: اتفضلوا
وزين خرج هو وعدى وروح وبعدها خيرى وسليم استاذنوا وخرجوا وراهم
«««««««««««««
فى العربيه
كان زين قاعد ورا وجنبه عدى وروح قاعده قدام جنب لطفى
عدى: زين انت كويس
زين: ايوا
عدى: امال متكلمتش من ساعه ما خرجنا ليه
زين حط ايده على راسه وقال: بفكر مستغرب اوى ازاى عرضه شبه عرضنا كده
عدى: وانا برضو مستغرب بس عادي اكيد جابوا حد شاطر
زين: شاطر لدرجه تصاميمه تشبه تصاميمنا
عدى:انت بتفكر فى اى يا زين
زين: مش بفكر فى حاجه يا عدى
كل ده وروح قاعده ساكته وهموت من الخوف وافتكرت لما كلمت خيرى
Flash Back
روح:انا هاخد منه النهارده
ورق الصفقه الجايه
خيرى بابتسامة خبيثه: حلو بس هتبعتيهم ازاى
روح: مش هبعتهم انا هصورهم وهبعتهوملك كده كده مفيش كاميرات فى المكاتب غير فى مكتب زين وانا هصورهم قى مكتبى
خيرى:ماشى هستناهم
روح: تمام سلام
خيرى: سلام
Back
زين:رووح
روح: نعم
زين: عمو لطفى بقاله ساعه بيقولك وصلنا
روح: معلش مخدتش بالى
زين: طيب يلا
ونزلوا هما التلاته ودخلوا الشركه وكل واحد منهم رجع لشغله
««««««««««««««««
فى مكتب زين
عدى: زين كنا عايزين موظف خدمه عشان الموظف اللى كان هنا مشى
زين: تمام نزل اعلان بالكلام ده
عدى: ماشى يا صاحبى اروح بقى اشوف الموضوع ده
زين: ماشى
«««««««««
فى مكتب عدى
طق طق
عدى: ادخل
داليا:ازيك يا عدى
عدى بابتسامة: الحمدلله بخير وانتي عامله اى
داليا: كويسه امال مشوفتكش النهارده ليه
عدى:اصل عندى شغل كتير وبعدين روحت مع زين الصفقه
داليا: وعملتوا اى
عدى: قدمنا عرضنا بس لسه هيردوا علينا بكره
داليا: اكيد احنا اللى هناخد الصغقه دى
عدى: مظنش اصل خيرى قدم عرض حلو وفيه شبه كبير من بتاعنا
داليا باستغراب: ده ازاى!
عدى: اهو اللى حصل
داليا: من امتى وخيرى عروضه بتكون احلى مننا
عدى: متنكريش برضو ان شغله حلو
داليا: حلو بس شغلنا احلى وبالذات لما بيكون شغل زين
عدى: عندك حق بس ادينا مستنيين الرد
داليا: عدى مش واخد بالك من حاجه غريبه بتحصل
عدى: حاجه غريبه زى اى
داليا:ان زين لسه لحد دلوقتي مرفدش السكرتيرة الجديدة
عدى: ويرفدها ليه؟
داليا:زين كل اسبوع كان بيغير السكرتيرة
عدى: بس روح استقرت معاه وباين هتكمل لانه عاجبه شغلها اوى
داليا بغيظ: ماشى يا عدى
وسابته وخرجت
عدى : نغسى تشيلى زين من دماغك بقى
««««««««««««««
زين خلص شغل ورجع بيته وغير لبسه وخرج يجرى
وكان متضايق اوى بسبب عرض خيرى وفجاه الفون بتاعه رن
زين وهو بينهج: الو
:………….
زين: الحمدلله بخير وانتي اخبارك اى
:…………
زين: والله تنورى
:………..
زين: تمام هبعتلك السواق يجيبك من المطار
:………..
زين: ماشى سلام
وخلص مكالمه وقفل الفون وكمل جرى
وووووو
يتبع…
لقراءة الفصل التالي : اضغط هنا
الرواية كاملة اضغط على : (رواية روح الزين)
