رواية روح الباران (الزين) الفصل الثاني 2 بقلم زوزو
رواية روح الباران (الزين) الجزء الثاني
رواية روح الباران (الزين) البارت الثاني
رواية روح الباران (الزين) الحلقة الثانية
باران : بحبك يا ديلان
ديلان وهي ماشية بتكلم نفسها بعصبية : شخص مستفز اوي قال يعني علشان شافني بتكلم بزوق معاه وبعتذر يفتكرني من البنات اللي بيعرفهم ولا هو شايف نفسه شويه علشان حلوو يعني لا حلوو اوي كمان استغفرالله العظيم يارب 😌
جول وزمرد أصدقاء ديلان ومتابعين ديلان وهي بتكلم نفسها
زمرد : انتي إتأخرتي علي المحاضرة ليه يا هانم المحاضرة بدأت من نص ساعة كدا
جول : مالك يا ديلان متعصبة ليه اي حصلك بالظبط
ديلان : لا اله الا الله مالي يعني وبعدين مالكم كدا قالبين علي محامين وبتسألوني كثير يله نحضر المحاضرة منك ليها وبعدين أحكيلكم اللي حصل
جول وزمرد : هو احنا مقولنالكيش اللي حصل 🥹
ديلان : لا مقولتليش حاجة خالص 🤨
زمرد : والله ياديلان يا اختي احنا انطردنا من المحاضرة وقال الدكتور اللي يتأخر 5 دقايق برا بعدي مافيش حد يدخل
جول : بالظبط بس مالك فهمينا اللي حصل معاكي اي في
ديلان : طيب تعالو نروح الكافتيريا واحكيلكوا
في كافتيريا الجامعة :
ديلان حكت اللي حصل من اول ما دخلت من باب الجامعة لغاية لما شافتهم
ديلان : بس دا كل اللي حصل معايا
افتكرت الحلم بباران وهو بيقولها انتي روح الباران وقالت
ديلان : هو دا اللي حلمت بيه لا لا يارب يارب ما يكون هو 😫
جول وزمرد بعدم فهم : انتي بتقولي اي يا ديلان انتي مجنونة يابنتي
ديلان : أنا حلمت بباران قبل ما اشوفوا
واتفاجئت بجود باران وراها
باران : بجد يا ديلان احلفي ونبي كدا حلمتي بيه
لفت وشافته واقف قصادها وبيضحك ليها وهي واقفة مصدومة ومش قادرة تستوعب انه سمعها وكمان جي وراها
فجأة اغمي علي ديلان من الصدمة لحقها باران قبل ما تقوع 🤭
باران : اللهم احفظ لي عقلي يارب شكلها مجنونة ولا اي 😅
جول وزمرد :ديلان ديلاااااان فوقي
باران : هاتو ماية بسرعه
أخذ الماية من جول وكب إزازة الماية كلها عليها
ديلان : إيه في اي هو أنا بغرق ولا اي 😅
باران بضحك : لا انتي غرقتيني في حبك ياختي
ديلان وهي هيمانه في ضحكتة ووسامته : انت جميل اوي يخرب بيت ضحكتك يا جدع
جول وزمرد : ديلان يا روحي انتي كويسة وطي صوتك لا يسمعك
ديلان : ما خليه يسمع انتي مش شايفة ضحكتة دي مزيلة للاكتئاب والله خطفت قلبي 🤭
جول وزمرد : تصدقي صح جميلة اوي هو أصلا كله جميل 😻
باران : سمعتكم علي فكرة 😉
ديلان بصدمة : ممكن حضرتك تقولي انت مين وجاي ورأيا ليه
باران : اقعدي يا ديلان وانا هقولك
ديلان وهي سرحانه فيه : هاا لـ لـ لو سمحت متقولش اسمي تاني ومتضحكش قدامي واتكلم زي الناس
باران وهو بيكتم ضحكتة : حاضر أنا باران طالب في كلية الطب وفي آخر سنه الامتياز حالياً
ديلان : تمام وأي المطلوب مني
باران : قلبك
ديلان : تا / جر اعـ / ضـ / اء يعني وعايز قلبي علشان
تشـر / حوا عندك في المستشفى صح يعني ملقتش غيري أنا جاي تقولي عايز قلبك والله كنت حاسة ان الموضوع دا مش سهل
جول وزمرد بيضحكو : شكلو مش موضوع بسيط في غدر وفي حوارات 🤭
باران : طب اي الجمال هدي الكلام تضحكيلي وتاخدي كام 😎
ديلان : 1000 ناقه وقطعه من الدنانير …😌
احنا هنهزر مع بعض يا سعد المجرد انت ما تقول عايز اي مني
زمرد : والله حضرتك أنا قلبي قلب رمانه ويساع من الحبايب إلف خد قلبي أنا 🙋♀️
جول : وانا كمان قلبي موجود والله سيبك من ديلان دي فقر مش وش نعمة 😇
ديلان بعصبية : انتم كدا اتجننتوا
وقامت سبتهم ومشيت
وهي ماشيه رن فونها وكان جودت
ديلان : روح قلبي من جوه انت جيت ولا لسه
جودت : ديلان مال صوتك متغير انتي كويسة
ديلان بدموع : لا أنا مش كويسة
جودت : أنا برا اطلعي لي ياله
ديلان : حاضر سلام
في كافتيريا الجامعة :
باران : هي زعلت مني علشان كدا مشيت
جول : ديلان ملهاش في الحوارات دي هي بتبان فرفوشة ودمها خفيف وطيبة وعفوية ولكن هي محترمة جداً وملهاش في السكك بتاعتك دي خالص
زمرد : بالظبط كدا ابعد عن ديلان علشان ممكن بسببك تتأذي جامد واللي في الجامعة عارفين ديلان تبقي مين فـ بلاش مشاكل ليها افضل
باران : أنا مش قصدي كدا انتم فهمتو قصدي غلط أنا عمري ما كلمت بنت ولا حتي أعجبت بحد قبل كدا أنا فعلاً بحبها هي خطفت قلبي مني ♥️🫶🏻
جول وزمرد : وهي مقعدة من افكار الحب دي ومتنفعكش وسابوه ومشيو🥹
قدام الجامعة :
ديلان : قلبي ياناس
جودت : قلب اخوكي انتي أميرتي 🤍
ركبت ديلان السيارة
ديلان : علي فين بقا
جودت : علي مكان حلو اوي اليوم بتاعك النهاردة يا أميرتي 🫶🏻
بعد دقايق وصلو لمكان حلوو اوييي علي البحر
جودت : اي رأيك في المكان حلو مش كدا
ديلان : اه حلو اوي يا جودت حبيته وهادي المكان دا
ديلان في نفسها و هي بتبص للبحر : يارب ونبي مش عايزة وجع قلب تاني
فضلت سرحانه في الماية في صمت قطع الصمت اللي بينهم دا جودت : مين زعلك ومين اللي عايز ياخد قلبك يا ديلان 😇
ديلان بصدمة : اي دا انت عرفت من وين وبعدين أنا جربت حظي مرة وطلع ماليش نصيب خلاص علي كدا
جودت : لو هتخبي عن العالم كله مش هتعرفي تخبي عليه يا ديلان أنا اللي مربيكي وعلي فكرة بقا انتي مجربتيش حاجة واللي كنتي فكراه حب ماكنش حب أصلاً دا كان تعود علي الشخص مش حب حقيقي
ديلان بدموع : بس أنا اتكسرت يا جودت كل طاقتي للحب والمشاعر اللي كانو جوايا ادتهالو ومش هعرف ادخل في تجارب تانيه خالص
جودت : طيب تحبي أكلمك كأخ او نتكلم كصحاب وفاهمين بعض
ديلان : صحاب أكيد
جودت : انتي لسه ماتعرفيش يعني اي حب بجد ومجربتهوش لحد دلوقتي اللي فات واللي فكراه حب كنتي مراهقة كنتي متعوده ومتعلقة بوجودة مش اكتر
طيب لما بعد عنك وقت ما كنتي محتاجاه واختفي اي اللي حصل معاكي
ديلان بدموع : دوست علي قلبي وطلبت من ربنا يغفر لي وقربت من ربنا اكثر ختمت القران كمان 🤍💫
جودت : يبقي دا كان بعده عنك خير ليكي طب وقبل ما يسيبك كنتي اي …
كنتي بعيدة عن ربنا وكنتي فاشلة وكنتي محطمة ومحدش يعرفك لكن لما بعد عنك أبواب السعادة اتفتحت في وشك وبدأ الخير يجيلك كثيير من عند ربنا يبقي المفروض نحمد ربنا كالعاده ونؤمن بآية
“وعسي ان تكرهو شيئاً وهو خير لكم وعسي ان تحبو شيئاً وهو شر لكم والله يعلم وأنتم لا تعلمون “♥️
ديلان : ونعمه بالله أنا مش معترضة يا جودت بس تعبت وقرفت من الحب
جودت : انتي محبتيش بجد بقولك عايزه تعرفي أنا شايف فيكي اي دلوقتي
ديلان : شايف اي
جودت : شايف عيونك بتلمع المره دي مش حزينه ومخبياها ورا هزارك شايف شغف وعيون عاشقة وطاقتها بتتجدد وفيه أمل فيهم
ضحكتك طالعه من قلبك يا ديلان بجد مش تظاهر بس شايف كمان قلق وحيره ومش عارفه تتصرفي ازاي
ديلان بحب : انت ازاي بتفهمني اكثر من نفسي يا جودت ازاي بتحس بيا وبتحس باللي جوايا من غير ما اقولو
جودت بابتسامه : علشان أنا اللي المربيكي يا ديلان من وأنتي في اللفه واكتر شخص فاهمك انتي بنتي قبل ما تكوني اختي وصاحبتي وحبيبتي وكل ما ليا في الحياة 🫶🏻♥️
ديلان : بحبك اوي يا جودت انت عوضتني عن حنية بابا اللي مشفتهاش من يوم ماتولدت ولا حتي حسيت بيها ولا حسيت ان بيخاف عليه ولا مهتم ليا كأني مش بنته 😉
جودت : هاتي حضن كبيييير لاخوكي ياله وبالمناسبه انتي مش محتاجة ابوكي في حاجة أنا معاكي اهو وواخد عهد علي نفسي مش هحسسك بفقدانه دا تاني
ديلان وهي في حضن جودت : ربنا ما يحرمني منك ابداً يارب ويخليك ليه وجنبي دايماً سند اممم يله علشان نروح اتأخر الوقت وانا محتاجة أريح شوية ممكن
جودت : من عيوني يا أميرتي يله بينا بس افتحي قلبك المره دي وثقي في كلامي مش هتندمي ❤️🔥
ديلان : بإذن الله اللي فيه الخير يقدمه ربنا
وصلو القصر ديلان وجودت :
سعيد : ما لسه بدري يا هانم أسافر في شغل وإنتي تلفي في الشوارع ولا كأن ليكي أهل
ديلان : حمدالله عي السلامه يا بابا أنا كنت خارجة مع جودت مكنتش لوحدي
سعيد : سلامك مش محتاجة أما بقا خارجة مع جودت ميخصنيش مفيش خروج من البيت غير للجامعة وبس كلامي مفهوم ومترديش عليه تاني وأنتي قليلة أدب كدا
ديلان بدموع : حاضر يا بابا تصبح علي خير
وجريت ديلان علي غرفتها تعيط لحد ما غرقت في النوم
جودت بعصبية : وهي غلطت في اي علشان تتكلم معاها بالطريقة دي والمفروض إنها مع اخوها ولا انت بتتلكك علشان تدخلها في اكتئاب تاني وخلاص
سعيد : أتعدل في كلامك معايا ومتدخلش في حاجة متخصكش ويله في مستندات لازم تتراجع قبل ما نضمي علي الصفقة الجديدة
جودت بنفاذ صبر : حاضر يا بابا هشوف بس ديلان وارجعلك
سعيد : أنا قلت تعالي ورايا المكتب وسيبك منها دلوقتي
جودت : استغفرالله العظيم واتوب إليه حاضر يا بابا
بعد ساعات ⏰ ديلان صحيت مع آذان الفجر والدموع مغرقة عيونها وجسمها مكسر أدت فرضها وقعدت تقرا قران
سمعت بعد وقت صوت رسالة من فونها قامت تشوف محتواها وكانت الرسالة من نفس الشخص المجهول
المجهول : ديلان انتي كويسه أنا قلبي واجعني اوي عليكي من الليل حاسس ان فيكي حاجة طمنيني عليكي اول ما تقري الرسالة ردي عليه الله يخليكي أنا مش هنام غير لما تطمنيني عليكي …
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية روح الباران (الزين))
