رواية روح الباران (الزين) الفصل التاسع 9 بقلم زوزو

رواية روح الباران (الزين) الجزء التاسع

رواية روح الباران (الزين) البارت التاسع

رواية روح الباران (الزين) الحلقة التاسعة

باران : اقصد يعني ان انتي اا اا كمان وحشتيه أكيد
ديلان : تفتكر
باران : اومال يلا كملي وايه كمان
ديلان : عارف بحبه اوي بحب اسمع ضحكته واسرح في عيونه العسلي دي زي الهبله
باران : كملي
ديلان : بس برضو خاين
باران : خانك ازاي طيب
ديلان : ريهام كانت بتجره للرز / يله
باران : يعني انتي شايفه ان خانك
ديلان : لا طبعاً دانا كنت دبحـ / ته وقطـ / عته وحطيتو في كياس سوده شبه أيامه
باران : يا ساتر يارب
ديلان : عااا عايزه اكلمه
باران : ليه ما هو خانك
ديلان : هو بصراحة مخانيش هو كان بيحاول يبعد ريهام عنه
باران : مدد ظهر الحق انتي اللي قولتيها اهو مخونتكيش وكنت بحاول أبعدها عني
ديلان بصدمة : باران هو انت دا
باران : ايوا يا روح باران وحشتيني اوي
ديلان : انت خاين متكلمنيش صح انت جبت رقمي من وين
باران : من جودت يا روحي
ديلان : انت متفق مع جودت عليا بقا
باران : بصراحة اه بصي من البلكونه كدا
ديلان : ليه في ايه
باران : اطلعي بس
طلعتي ديلان وبصت لتحت لقيت باران واقف تحت وبيبص علي اوضتها
باران : اسف يا روح باران
ديلان : يا ابن المجانين انت ايه اللي جابك هنا
باران : بصي جنبك هتلاقي ايه
بصت لقيت جنبها بيتزا 🍕 من نوعها المفضل
ديلان : الله بيتزا هيييي
باران : أظن كدا اتصالحنا
ديلان : ازاي لمؤاخذه يعني
باران : بحبك
ديلان اتكسفت ودخلت اوضتها وقعدت تغني وترقص وباران كان ماشي مبسوط وفرحان علشان صالح ديلان
تاني يوم الصبح صحيت ديلان أدت فرضها وخرجت علي الجامعة وهي مبسوطه من كلام باران واللي حصل امبارح ومكالمة الفون وكلمة بحبك اللي قالها
وصلت الجامعة وشافت زمرد وجول
ديلان : هيييح الحب طلع حلو اوي يعيال
جول : هييييح ياما نفسي أجريه
زمرد : هيييح اتعدلي يابت انتي وهي مالك يا ديلان انتي رومانسيه اوي كدا ليه
ديلان : باران جنني
في الجيم :
باران دخل يتدرب كالعادة وكان في بنتين واقفين
بنت 1 : بقولك ايه كالعادة مش هيشوف واحده فينا داحنا لو وقفنا قدامو متهيألي مش هياخد بالو قولتلك هو مش في دماغو الحاجات دي
بنت 2 : هنوقعة دا شاب واكيد ليه نقطة ضعف ومش هسيبه انتي مش شايفة عضلاته ولا شكله ومش هضيعو من إيدي واتفرجي هقرب منه ازاي
باران واقف هو وكرم وبيشيل أوزان مع كرم
كرم : بقولك ايه في بنتين بقالهم فتره ملاحقينك
باران : وانا مالي متشغلش بالك
كرم : قولي صحيح يا باران مين البنت اللي كانت في المستشفي وجريت عليها اول ما فاقت دي مش فاكر اسمها
باران : ممم مين يعني أكيد مريضة من المرضي اللي في المستشفي
كرم : ما هو ملامحك مكنتش بتقول إنها مريضة عاديه اسمها ديلان افتكرتها مين دي بقا وخطفت قلب باران الجارحي امتي وإزاي
باران بارتباك : خطفت قلبي مره واحده لا أكيد انت فاهم غلط دي مريضة عادي
كرم : عيونك بتلمع ليه واحنا بنتكلم عنها كدا هتخبي عني يعني
باران : هقولك اي بس لأول مرة قلبي يتعلق بحد كدا اتعلقت بروحها قبل ما أتعلق بيها حبيت طفلة بحب طفلة عمرها يجي 10 سنين
تصرفاتها طفلة هزارها ضحكتها نظرة الأطفال بتاعتها دي وهي عايزه حاجة شكلها وهي سرحانه كل حاجة حلوه فيها مفيهاش عيب مش عارف ألاقي اي عيب فيها
كرم : باران الجارحي بنفسه بيقول كدا دا انت حالتك صعبة يا ابني
باران بضحك : للأسف عارف جننتني والله
واتفاجؤ بصوت عالي في صالة الجيم وبنت وقعت وراه باران جري عليها لقاها مش قادره تتنفس شالها هو وكرم ونيمها علي الكنبه وحاول يعملها تنفس صناعي
وفي شخص من بعيد واقف بيصور باران وهو شايل البنت ويكشف عليها وهو بيعملها تنفس صناعي ويفبرك الصور …….