رواية روان الفصل الأول 1 بقلم إسراء ابراهيم
رواية روان الجزء الأول
رواية روان البارت الأول
رواية روان الحلقة الأولى
روان بعياط: انا عمري ما فهمت هو انت بتعاملني كده ليه انا عملتلك اي وحش
ادم: انتِ عايزة اي دلوقتي
روان: عايزة اي!!! نفسي تفهم اني بنت عمك مش عدوتك
ادم: خلصتي؟؟ انا همشي
روان شدته بعصبية: استني هنا مش هسيبك غير لما تفهمني ليه يا ادم ليه بتعمل فيا كده
ادم بزعيق: علشان ابوكي واكل ورثنا وحقنا يا روان ارتحتي
روان: انت بتتكلم جد؟
روان مشيت وهي في حالة صدمة لحد ما وصلت البيت
روان: بابا هو الكلام اللي قاله ادم ده بجد
مدحت: قال اي
روان: قال انك اكلت ورثهم وسارقهم
مدحت بتوتر: لا لا طبعا محصلش انا اشتريت نصيب ابوه في الشركة ومعايا ورق يثبت كده
روان: بابا انت نسيت اني دكتورة نفسيه؟ بابا انت كداب انا مش مصدقة بجد انت كل السنين دي كنت بتاكلني من فلوس حرام
مدحت وضربها بالقلم: انتِ ازاي تتكلمي معايا كده
روان بعصبية: انا مش مسمحاك
وخرجت من البيت وهي مش عارفة هتروح فين
تلفون روان كان بيرن ردت
مريم: في اي يا روان انتِ كنتِ بتتكلمي مع ادم في اي
روان بصوت مبحوح: بعدين يا مريم هحكيلك
مريم: انتِ بتعيطي بسبب ادم هو قالك اي هو دبش فيكِ كالعادة
روان: لا لا انا بس اتخانقت مع بابا وسيبت البيت
مريم: طب ورايحة فين دلوقتي
روان: مش عارفة بفكر اروح لملك
مريم: انتِ بتستهبلي تعالي عندي طبعا
روان: ادم مش بيطقني يا مريم انا هروح لملك
مريم: بس…
روان بمقاطعة: سيبيني علي راحتي يا مريم اشوفك بكرة في المستشفي سلام
عند ادم
كان قاعد في اوضته ومش عارف كان صح انه يقول لروان الحقيقة ولا لا مريم دخلت عليه
مريم: علشان خاطري يا ادم ريحني وقولي اي اللي قولته لروان صوتها مكسور اوي تخيل دي اول مره تتخانق مع باباها وسابت البيت اوعي تكون قولتلها علي حوارات الورث دي
ادم: ايوه قولتلها
مريم: طب ليه يا ادم روان ملهاش دخل فكل ده وانت عارف
ادم بلهفة:بتقولي سابت البيت هي جايه علي هنا
مريم: لا راحت لملك
ادم: ملك مين
مريم: صاحبة روان بس انا مش برتحلها
عند روان
كانت وصلت قدام بيت ملك وخبطت عليها
ملك: اي دا ازيك يا روان ياه يا بنتي مشوفتكيش من ايام الجامعة
روان: سامحيني يا ملك ملقتش حد غيرك اجيله
ملك: اي ده يا بت مالك
روان: اتخانقت مع بابا وسيبت البيت ومش عارفة اروح فين فقول اجيلك بس لو عندك مشكلة انا ممكن امشي
ملك: لا تمشي ازاي يا قلب اختك ده حتي يبقي عيب بصي ادخلي انتِ ارتاحي ونامي شوية باين عليكِ التعب وانا هنزل اجيب كام حاجة وارجعلك
روان: تسلميلي يا ملك مش عارفة اقولك اي والله
بعد شوية
روان كانت بتحاول تنام بس حست بصوت في الصالة
روان وهي طالعة للصالة: ملك انتِ جيتي
روان بصويت: انت مين….
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية روان)
