رواية رهينه تحت تهديد السلاح الفصل الرابع عشر 14 بقلم نور أحمد
رواية رهينه تحت تهديد السلاح الجزء الرابع عشر
رواية رهينه تحت تهديد السلاح البارت الرابع عشر
رواية رهينه تحت تهديد السلاح الحلقة الرابعة عشر
…… في جناح غزل ومراد…..
غزل نايمه على السرير وبتفكر في ابوها وامها واخواتها البنات التوأم واخوها ياسين اللي وحشها جدا عايزه تشوفه بس ازاي مراد مش هيوافق…. لكن ما شغل تفكيرها اكتر هو فوزي ابوها وما قالته لها جنات اليوم
غزل: معقوله بابا يعمل كده خطف ام مراد زمان وكمان قتلها ليه كدا انا عمري ما اتخيلت ان بابا قتل روح بريئه ازاي وليه واي اللي هيحصل بعدين ياترى خير ولا شر… الله اعلم اي اللي مخبياه لينا الايام
……… في جناح جنات……….
خرجت من الحمام وهي لابسه بجامه وعليها رسمة توم وجيري وكانت بتنشف شعرها بالفوطه وجلست على السرير وقعدت تسرح شعرها قدام المرايا لكن فجأه جه على بالها ياسين ابتسمت بتلقائيه لكن سرعان ما مشيت الابتسامه
جنات: اي اللي انتي بتعمليه ده يا جنات انتي مقبلتهوش غير مره واحده بس يعني ممكن متشفهوش تاني وهتنسيه عادي زي اي ناس قابلتيها…
………. في منزل فوزي………
ياسين: جدي!
الالفي: ايوه يا حبيب جدك
ياسين بعد عنه بسرعه: انا مش عايز اسيب امي وابويا واخواتي واجي معاكم
مراد بسخريه: هو انت متعرفش انهم مش عيلتك ولا بتمثل عشان متجيش معانا
الالفي: مراد اسكت….. ياسين انت عارف ان دول مش عيلتك صح
ياسين: صح بس…
الالفي بمقاطعه وهدوء: مبسش انا عارف انك حبيتهم لانك اتربيت في بيتهم وعاملوك على اساس انك ابنهم بس ده ميمنعش انك مترجعش لعيلتك الحقيقه وتبعد عنهم ولا كأنك تعرفهم
ياسين نزل راسه اتجاه الارض بأسى: طيب…… بس ادوني اسبوع اقعد معاهم وابقى اجيكوا
الالفي ضحك: اسبوع كتيره اوي وانا عايزك تبقى معانا بس عشان خاطرك هوافق.
ياسين في نفسه: اخذت وجهة نظر مخطئ يا ياسين مش كل الناس الغنيه قاسيه وطماعه عندك مثلا الالفي او اقول جدك الالفي مطلعش زي النااس الغنيه اللي قابلتها من قبل وكمان البنت اللي كانت هتخبط الطفل بالعربيه كان باين على شكلها الغنى وكمان العربيه اللي كانت بتسوقها… كانت خايفه على الطفل وبتسأل اذا كنا كويسين او لا… صحيح في ناس شوفتها بتخبط ناس وتنزل وتتكلم ببرود ولا يدفعوا فلوس المستشفى…..
مراد: طيب يلا بينا نروح
الالفي: يلا
وميشوا روحوا القصر والالفي كان مبسوط جدا انه شاف حفيده اللي كان مفقود من يوم الحادث
الالفي بحده: مراد
مراد: نعم
الالفي: احكيلي
مراد اتنهد بقلق: حاضر يا جدي
وحكاله كل حاجه من اول ما اقتحم بيت فوزي لحد ما دخلوا القصر وهي معاه…. بعد انتهاء مراد من الكلام لقي كف نزل على خده وكان شديد جدا ورن في القصر
الالفي بصرامه: ده عشان انت روحت هناك من ورايا
وضربه واحد تاني
الالفي بغضب: وده عشان انت كدبت عليا بأنها بنت واحد اسمه فؤاد العطار
مراد نزل راسه اتجاه الارض بأسف: جدي انا…..
الالفي قاطعه بحده: بلا بس بلا نيله اتفضل حضرتك على جناحك فوق وبكره هتطلقها
مراد بصدمه: جدي انت بتقول اي انا مستحيل اطلقها
الالفي بحده: لا هطلقها
مراد بغضب وهو طالع على: لا يا جدو انا مش هطلق يعني مش هطلق واللي عندك اعملوا
وطلع حناجه وساب الالفي بيحاول يهدي نفسه… دخل غرفة النوم لقي غزل نايمه فدخل الحمام واخد شاور وطلع وهو لابس منطلون مريح وواسع ومش لابس حاجه من فوق… راح اتمدد على السرير جنبها وبص ليها وفضل يتأمل جمالها اللي سحره من اول نظره
مراد في تفكيره: مش عارف اذا كنت حبيتك او ده مجرد اعجاب بجمالك بس انا حاسي بالانجذاب ليكي وبشده كل ما ابعد عنك عايز اشوفك بأي طريقه واسمع صوتك اللي سحرني…. مش عايز اطلقك فكرت طلاقي منك بتخليني اقلق او اتوتر مش عايزك تبعدي عني ثانيه وحده… انا هستنى اذا كنت بحبك. او لا
واخدها في حضنه واستنشق بعض من ريحتها وراح في النوم
….. في صباح اليوم التالي….. وعلى السفره
الكل متجمع حول السفره ما عدا نيره وسلوى و مراد وغزل
الالفي: اومال فين الباقي
جنات: مش عارفه يا جدو شكلهم نايمين
الالفي بغضب: هما هيخالفوا قواعد البيت ولا اي
جنات: معلش يا جدو ممكن يكونوا نامين او تعبانين
سمعوا صوت اقدام متجهه نحوهم وكانوا غزل ومراد
مراد وغزل: صباح الخير
الكل عدا الالفي: صباح النور
غزل قعدت جنب جنات ومراد قعد جنب الالفي
الالفي بغضب: ليه التأخير
مراد: اسف يا جدو
الالفي بحده: المره الجايه لو اتكررت مش هتاكل لحد الغدا
جنات: قلبك ابيض
الالفي بحنيه لغزل: عامله ايه النهارده يا غزل
غزل بأبتسامه: كويسه الحمدلله
الالفي: اوعي ليكون مراد مزعلك
غزل: لا
الالفي: ماشي… بس لو زعلك متتردديش انك تقوليلي اتفقنا
غزل بحنيه: اتفقنا
الالفي بحب: يلا سمي الله و كلي
غزل: ماشي
جنات طلعت التليفون وكتبت رساله لمراد “” هو جدو ليه غريب انهارده “”.. مراد كتب”” هبقى احكيلك بعدين “”
جنات كتبت””هو في سر؟ “”
مراد””اه “”
جنات “” اوكي””
الالفي بغيظ: مش قولنا ممنوع التليفونات على الاكل
جنات: الله قالب ليه علينا انهارده
الالفي: عشان انتوا مش بتلزموا قوانين وقواعد القصر
مراد: خلاص يا جدو هنلتزم بيها
غزل بهمس لجنات: اي هي القوانين والقواعد بتاعتكوا دي
جنات: القاعده الاولى كلام الكبير لازم يتنفذ القاعده الثانيه ممنوع الكلام على الاكل القاعده الثالثه ممنوع التليفونات وقت اجتماع العيله او على الاكل القاعده الرابعه ممنوع التأخر عن الاكل والا مش هتاكلي خالص لحد ما ناكل كلنا القاعده ال ….
الالفي: جناات
جنات: سكت اهو
الالفي: فين سلوى ونيره
جنات: هما حرين ياكلوا ولا مياكلوش
……. في جناح نيره……..
نيره نايمه على السرير بآرهاق بسبب ليلة امبارح مع عشيقها….. دخلت عليها سلوى بغيظ
سلوى بضيق: لحد امتى هتقعدي تروحي لزيزو ده
نيره: لحد ما اخد املاك مراد كلها و اطلق واتجوزه ونعيش مع بعض
سلوى: طيب خلي بالك لتكشفي
نيره بخبث: متخفيش يا ماما… زيزو ده بيدلعني غير مراد خالص
سلوى: ربنا يستر مراد ميعرفش
……… في مكان تاني……….
زيزو ماسك التليفون وبيتفرج على مقطع فيديو وهو مع نيره في الاوضه وبيعملوا ما حرمه الله
زيزو بضحكه خبيثه : هنشوف لحد امتى سمعت عيلة الالفي هتبقى كويسه وسط الناس
…………………..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية رهينه تحت تهديد السلاح)
