رواية رقاصة الفصل الأول 1 بقلم آلاء الواقع
رواية رقاصة الجزء الأول
رواية رقاصة البارت الأول
رواية رقاصة الحلقة الأولى
ـ رقاصه!!!
ـ ايوه في شارع الهرم ؛ أنا جتالك علشان تشوفلك صرفه معاها
رد بانفعال
ـ جيالي بعد ٢١ سنه تفرحيني وتقوليلي بنتك بقيت رقاصه
ـ وانت كنت سالت فينا طول السنين دي ما إنت طلقتني ولا سالت إذا كنت حامل ولا لا .. وأول ما عرفت عملت ايه يا حسره بعتالي فلوس حتي مكلفتش خاطرك تجي تبص عليها و جاي تلوم عليا دلوقتي .ما هي عادتك ولا هتشتريها
ـ احمم ،أنا عارفه إني ماليش حق أتدخل بس ممكن تستهدوا بالله علشان نعرف نفكر إزاي نلحق البنت … اتفضلي اقعدي وانت يا عز اقعد واهدي ،هدخل اعملكوا حاجه تشرب
نجوي بغيره:اتجوزتها امتي دي ؟
عز : خلينا في المصيبه الي إحنا فيها “اتنهد” احم هي إسمها ايه؟؟
ـ شوق
ـ منك الله يا نجوي هو دا إسم
لوت بوزها
ـ ومالوا الاسم يا أخويا دا حتي علي اسم ستي من أبويا
ـ اتفضلي
ـ يزيد فضلك ،الا إنتي اسمك ايه؟؟
-رحيل
ـ نجوي اخلصي وسيبك من كيد النسوان دا .. البت دي فين وايه وصلها كدا
ـ كله من الزفت حسن إبن اختي هو الي غاوها وخدها في سكته وأنا ياما حاولت امنعها لكن هي عنيديه طلعلك يا عز ولا تكونش انت اتغيرت
عز بزعيق: اخلصي علشان أنا علي أخري منك
ـ يا أخويا اعصابك أنا جيالك في الكلام ..حسن فضل يزن علي وادنها وعاصها عليا وفيوم صحيت لاقتها لمت شنطة هدومها ومش موجوده ؛ اسكت ابدا قومت رايحة لأختي حنسات وبهدلت الدنيا و
عز بزعيق: يوليه بطلي رط البت فين ؟؟؟
بعد مرور ساعتين ـــــــــــ
رحيل : دماغي هتنفجر ،مش قادره استوعب إنت كنت متجوزها ازاي ؟؟؟
ـ نجوي دي غلطه وكنت فاكر إنها انتهت
ـ وهتعمل ايه ؟؟
عز بتعب: مش عارف
ـ انت لازم تروحلها وتجبيها هنا تعيش معاك إنت واخواتها يمكن لما تبقي في وسطكوا ترجع عن السكه دي
ـ مش هتزعلي لو جت هنا ؟
ـ دي بنتك يا عز يعني اخت ولادي ودا بيتها … واكيد مش هحب أن اخت ولادي تبقي رقاصه
ـ أنا مش عارف اقولك ايه بجد
ـ مش وقته ؛ بعدين علشان انت لازم تفهمني إزاي عمرك ما قولتي إنك عندك بنت ـــــــــــــــــــــــــــــــــــــــ
ـ لا أسمع ما اقولك يا شناوي يا أنا يبتت سهر هنا اااه أنا زي الفريك محبش شريك
ـ ما براحه علينا يا شوشو مالك داخله حاميه علينا كدا زي زعبيب أمشير…. إنت اساس الشغل هنا سهر دي موجوده هنا علشان تسخن الجو قبل ما تطلعي علي المسرح
ـ ماشي يا شناوي بس خف ريله عليها علشان بتضحك عليك والواد علي بتاع البار سبقك واخد الي انت عايزو منها
غمزتله وطلعت برا
شناوي بغضب : يا بنت ***** ـــــــــــــــــــــ
ـ دا انت طلعت نمس يا عز و
قاطعه
ـ اتلهي يا أدهم ونبي وانزل خلينا نشوف هنعمل ايه في المصيبه دي ـــ
ـ الحمراء احلي بتجنن الزبائن
ـ اهي يفنانه ،شهلي علشان فاضل خمس دقائق وتطلعي
-هوا
ـ هي دي اوضه النجمه
طلع ميه جنيه حاطها في ايدو
عز :تسلم
ـ انتوا مين ؟؟
ـ شوق هنا
بوسي: بتجهز يا باشا اطلعوا الصاله وهي خمسه وهتنور
عز بضيق:لا ما هي مش تطلع ،وسعي كدا
بوسي بزعيق : جرا ايه يجدع انت ،يالهوي الحقوناا
شوق :في ايه يبتت … الله إنتوا مين ؟؟
أدهم: يحلاوتك يا أحمر
عز بضيق: أنا ابوكي
شوق بضحك: أبويا هي الاموات بتصحي اليومين دول .. شد عجلك يراجل منك له
قرب منها ومسك دراعها
عز بهدوء: لو سمحتي غيري هدومك دي علشان نمشي من هنا
شوق بزعيق: وسع ايدك جتك كسرها ، بوسي اتصلي بولاد يطلعوا الرجل المجنون دا من هنا
أدهم: ما تحترمي نفسك شويه
بصتله بقرف
ـ بس ياض
حسن: بيحصل ايه هنا
ـ قال يا أخويا بيقول انه أبويا فاكرني عبيطه وهجري عليه اترمي في حضنه
ـ العيال دي محدوفه علينا يا شوشو
عز : انت حسن صح
ـ ايوا أنا
ماسكه ضربه بروسيه وقع من طوله
شوق صوتتت
ـ يخربيتك حسن قوم يا أخويا … منك الله عملت فيه ايه
ـ شيل البت دي وهاتها علي العربية ،اخلص
ـ يالهوي ابعد عني يدي الجدع انت ….يالهوي يالهوي الحقوني
ادهم :بطلي صريخ وداني اتسورت
ـ نزلني ..سابني يخرببتك أبوك .. الحقوني أنا مخطوفه
ـ اطلع يا عمي فيه ناس جايه ورانا بسرعه
شوق بخوف: انتوا عايزين مني ايه … أنا رقاصه بس بشرفي ماليش في
عز بمقاطعة: أنا أبوكي بطلي غباء وافهمي
ـ تاني هتقولي أبوكي يعم وربنا أبويا مات من قبل ما اتولد
أدهم:البسي الجاكت دا غطي جسمك
ـ شالله تسلم
ـ إنتي أسمك ايه؟؟
ـ الشهرة ولا الاصل يعسل انت
ـ الاصل يسكر
ـ شوق عز السيوفي
ـ أنا عز السيوفي ..يبقي إنتي بنتي فهمتي
شوق بصدمه: ع ..ع ..عز
واغمي عليها
ـ يخبر أسود اغمي عليها … عمي انا محتاج أفهم
ـ بعدين يا أدهم .. نزلها واطلع بيها علي فوق من غير ما حد يشوفك سامعني
رحيل: شكلها حلو أوي وفيها شبه منك كبير يا عز
ـ فرجت علينا الدنيا أنا وأدهم
ـ كنت عايزها تاخدك بالحضن يعني …
شوق: أنا فين ؟؟؟
ـ في بيتك..بصي دي بيجامة غيري هدومك براحتك …يلا يا عز ــــــــــــ
حسن بغضب: وانتوا كنتوا فين وهما بيخدوها يشويه بقر
شناوي بشر:شوق لو مرجعتش المكان دا هيتقفل وهتبقي بموتك يا حسن اظن إنت فاهمني كويس ـــــــــــــــــــــــــ
عز : هي دي كل الحكاية
شوق بجمود:ياريتك كنت ميت فعلا علي الأقل كنت بقول هو سابك غصب عنه أمر ربنا لكن طلعت سايبني بمزاجك .. بكرهك ،أنا عايزة امشي
ـ مفيش طلوع من هنا
ردت بزعيق
ـ همشي وانت مالكش دعوة بيا
رحيل : يبنتي الدنيا ليل هتروحي فين دلوقتي
شوق :هاء دا أنا رقاصه يعنينا أكيد عارفه مكانهم بيبقي فين
سلمي:الله يعني انتي زي صفنار
ـ أحسن منها
رحيل: سلمي ادخلي اوضتك .. وانتي يا شوق اسمعي كلام أبوكي
ـ أنا معنديش أب خليه يمشيني من هنا ورايا شغل
عز بانفعال: انتي بتت قليله الادب
ضربها بقلم علي خدها ……..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية رقاصة)
