رواية رفق الفصل السابع 7 بقلم روح الفؤاد
رواية رفق الجزء السابع
رواية رفق البارت السابع
رواية رفق الحلقة السابعة
فجأه لقيت اشعار م الموبايل ف فتحته واتصدمت، كانت رساله من عمر بيقولي ان تيم عمل رهان معاه اني هوافق عليه وانه مش بيحبني ولا حاجه وكلام زي دا ، حاولت اهدي بس ملامح وشي اتغيرت غصب عني
تيم : عيب تمسكي الفون ف وقت زي دا ، ومالك قلبتي كدا لي
رفق : لا انا تمام ، قولي بقا اتقدمتلي لي
تيم : مفروض تكوني فهمتي بعد دا كله السبب
رفق : لا مش فاهمه واشرحلي وبعدين مش انت كنت هتتقدم لبنت تانيه
تيم : م انتي البنت دي
رفق بدموع : اصدقك يعني ولا اعمل اي
تيم : ممكن تهدي شويه ، مين اللي بعتلك ع الموبايل ؟
رفق : حاجه مش مهمه ، ملهاش علاقه
تيم : متكدبيش عليا ي رفق
رفق : عمر ابن خالك
تيم بعصبيه : بيقولك اي
رفق : بيباركلنا عادي
تيم بزعيق : قولتلك مرة متكدبيش عليا
رفق : بيقول انك مش بتحبني وانك عامل معاه رهان انك هتخليني اوافق عليك وبعدين تسيبني
تيم : وانتي عبيطه وصدقتي
رفق : مصدقتش بس فسرلي الوضع دا عشان تعبت والله تيم : عايزة تعرفي اي
رفق : اتقدمتلي لي ، اشمعني انا
تيم : انا كنت هجي اتقدملك وقولت اعرف عمر وكدا ، لما عمر عرف قالي انكوا بتحبوا بعض وانك بتغيري عليه عشان كدا بتختلفوا مع بعض دايما وانه هيتقدملك وبالفعل اتقدملك بس استغربت انك رافضه ومش متقبلاه خالص لحد م جيت اتكلمت معاك
Flash back
تيم : بس عمر كلامه غير كدا
رفق : ازاي يعني ؟
تيم : يعني قال انك بتحبيه ولحد دلوقت وان سبب تعاملك معاه كدا انك بتغيري عليه وسمعني ريكورد بتقولي فيه كدا ودا اللي خلاني أصدق
رفق بصدمه : محصلش والله العظيم م حصل واكيد مش صوتي
تيم : أنا عمري م هغلط ف صوتك . كان صوتك ي رفق
رفق : انت بتكدبني !!
تيم : أنا مش لاقي تفسير للي بيحصل
رفق : الصوت متفبرك هو دا التفسير
تيم : وهيعمل كدا لي ؟
تيم : معرفش اسأل نفسك اي اللي جاب سيرتي وخلاه يقولك كدا واختار هتصدق مين
Back
تيم : عرفتي بقا اي اللي جاب سيرتك واي اللي خلاه يقول كدا ، دا كله كان عشان يبعدني عنك مش اكتر ، ولما عرفت قررت اجي اتقدملك تاني بس قولت احاول اعرف مشاعرك ناحيتي عشان لو رفضتي علاقتنا متنتهيش وبعدين عرفت ان رحيم اتقدملك ولما متفقتوش، قررت مأجلش اكتر من كدا ، اعتقد انك كدا فهمتي كل حاجه
رفق : ايوا اتقدمتلي لي برضو
تيم : انتي هبله ي بنتي ولا حاجه
رفق : لا اشمعني انا ، عشان بنت خالتك مثلا طيب م رحمة بنت خالك
تيم : أنا مقولتش عشان انتي بنت خالتي ، السبب هقولهولك بعد كتب الكتاب
رفق : أنا موافقتش علفكرا
تيم : مين يقدر يرفض ابن خالك ، مش دا كان كلامك
رفق بإستنكار: أنا قولت كدا بجد
تيم : يلا ننده عليهم بقا
دخلوا كلهم خالتو وعمو وماما وبابا وبتول
محمد : ها قررتي ؟
رفق : بابا انت عايز تخلص مني بسرعة كدا لي
محمد بضحك : لا أبدا ، بطمن بس
رفق : هصلي صلاة استخارة واشوف
تيم : طيب قومي صلي دلوقتي
رفق : ي جماعه اصبروا عليا
بتول : انتي صليتي قبل م تقعدي وكنتي مرتاحه وحتي كنتي مستغربه السبب ف اديكي فهمتي السبب ، ودلوقتي ؟
رفق : خلاص موافقه
تيم : كنت الكتاب كمان اسبوع كويس ي عمي ؟
رفق : أنا مش موافقه
محمد : وانا موافق ، ع خير ي ابني ان شاء الله
رفق : للدرجه دي مليش لازمه
بتول : خلينا نخلص بقا ي رفق
رفق : صحيح ازاي متقولوش لجدو
تيم : جدو عارف الموضوع من اوله وهو اللي شجعني اتقدملك بس قال مش هيعرف يجي وان شاء الله يحضر ف كتب الكتاب
علا : هنعزم خالكوا ولا هنعمل اي
رفق : ايوا طبعا منعزمهوش لي
تيم : مفيش مشكله بس خالو بس
مامت تيم : يعني اي خالك بس ي ابني
تيم : يعني عايزين اليوم يعدي من غير مشاكل ، مش عايز اشوف وش عمر هنا
علا : مش هينفع ي ابني نقوله حاجه
رفق : خلاص انا هتكلم مع جدو وهو هيتصرف
قررنا نكتب الكتاب علطول احنا اصلا مش محتاجين خطوبة وعارفين بعض وفاهمين بعض وقعدوا معانا شوية وروحوا كلهم
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية رفق)
