رواية رغما عني الفصل الثالث 3 بقلم ميرفت السيد

رواية رغما عني البارت الثالث

رواية رغما عني الجزء الثالث

رواية رغما عني الحلقة الثالثة

سيبت الفون وانا مصدومة وقع مني
صلاح اخد الفون وقالي : في ايه
ورد عالفون: الو مين معايا
: انا حسين جارهم عم عبد العزيز وقع ونقلناه المستشفى حضرتك مين
: مستشفي ايه انا زميلها بالشغل
تمام احنا بالطريق
صلاح شد زينة وقومها وركبها العربية وهي مصدومة وقالها: زينة مفيش حاجة خير ان شاء الله متخافيش
زينة كانت في وادي تاني 🥺🥺
وصلوا المستشفى وصلاح طلع صديق لصاحب المستشفى واتصل بيه وقاله ان الحالة دي تخصه وطلع مع زينة لحد الغرفة الي باباها فيها
كان معاه جيرانه اول ماشافوا زينة طمنوها
زينة قالت للجيران : ايه الي حصل حد يحكيلي
عم حسين: هو فجأة حس بدوخة وضيق تنفس وكان هايقع جبناه هنا وعملوا له اللازم
دخلت لقيته متعلقله نفس ومحاليل جريت بوست ايديه وانا باعيط
بابا حبيبي سلامتك
حرك ايده على شعري وطبطب عليا كان بيطمنني
جه الدكتور سلم على صلاح وطلب مني اخرج عشان يكشف عليه
طلبت من الجيران يروحوا كلهم رفضوا
قالو دة خيره علينا كلنا احنا اهلك ومش هنسيبك لوحدك دة عمره ماسابنا في شدة ولافرح وانتي بنتنا وكلنا جنبك
🥺❤️
شوية والدكتور وصلاح خرجوا جرينا عليهم
الدكتور قال: اتطمنوا ياجماعة هو بس محتاج يتحجز يومين للفحص الطبي
قولتله: طب عنده ايه دة كان زي الفل
صلاح قالي: مفيش شيء خطير ضغط عالي وشاكين بمشاكل بالقلب بس الحمد لله انه اتلحق بالاول وهايتعمله تحاليل وأشعة وان شاء الله نتطمن
بكيت وقلت: انا مش هاروح انا هابات معاه
صلاح بص للدكتور وقاله:لو سمحت اعملها غرفة مرافق
الدكتور: مع انه صعب بس عشان.خاطرك ياصلاح
الجيران روحوا بعد معاناة واتفقوا يتناوبوا علينا بالزيارة
عم حسين قالي دة مفتاح المحل يابنتي
: خليه معاك ياعمي المحل مش هايتقفل اشرف انت عليه وقول للعمال يشتغلوا عادي
حاضر ياحبيبتي من عنيا متحمليش هم
🥺
صلاح يصمم يفضل معايا وبات في مكتب الدكتور امير صاحب المستشفى وكل شوية ييجي يتطمن علينا ويجيبلي اكل وشرب مش قادرة اكل بقى يغصب علياويتطمن على ضغط بابا
وانا صاحية ادعي واصلي وابصله مش قادرة اتخيل انه ممكن يسيبني ويمشي 😭😭😭😭
صلاح دخل وانا باعيط سحبني لحضنه وهمس: متخافيش انا جنبك هايبقى كويس باذن الله
فضل يهديني وانا باصرخ صراخ مكتوم وباضربه بايديا وباعيط بانهيار وهو بيضمني ومستحمل وبيهديني لحد.مانمت. في حضنه من الارهاق
صحيت على صوت عم حسين بيقولي : حبيبتي يابنتي روحي ارتاحي وانا جنبه
فوقت وقولتله مش هامشي من هنا غير وبابا معايا
قومت اتطمن علي بابا لقيته فتح.عنيه وفايق بوست راسه : حمد الله على سلامتك يا حبيبي
دخل صلاح ومعاه امير كشف على بابا وقال: لا دة احنا بقينا عال اهو الحمد لله الحج زي الفل بس محتاج راحة ونظام في الاكل وتحاليله سليمة
:بجد يادكتور يعني هايخرج
لا يوم كمان نتطمن ان ضغطه اتظبط ومفيش قلق وبكرة هايخرح باذن الله
:ربنا يطمن قلبك شكرا بجد
اشكري صلاح انا معملتش حاجة
: ربنا يخليك ليا ياصلاح ❤️
عم حسين: انت يابني راجل بجد ربنا يحرسك
بابا قال بصوت ضعيف : صلاح دة ابني دة ابن الغالي دكتور خليل صديق صديقي وعشرة عمري تعبناك ياابني
صلاح: ياجماعة عيب كدة دة انت بمقام ابويا
بما انك اتطمنتي يازينةبقى تعالي افطرك
: مليش نفس
عم حسين: يابنتي روحي افطري الدكتور طمنك اهو
روحت معاه مطعم المستشفي كان بيغصب عليا اكل
فوني رن كان طارق
صلاح خد الفون ورد عليه وحكاله طلب يكلمني
الف سلامة على بابا مش محتاجة اي حاجة يازينة
: لا شكرا واسفة على الغياب
متقوليش كدة خدي وقتك ولما يشد حيله تعالي وانا هاتطمن عليكي باستمرار
وقفل حسيت ان صلاح مرهق
: روح انت بقى دى نام ذنبك ايه تتعب كدة
بس اسكتي بقى 😒
عدا اليوم كله زيارات واتصالات وصللح رافض يسيبني دقيقة واحدة 🥺من كل المعارف وصممت ابات برضه معاه
وتاني يوم الدكتور كتب لبابا على خروج مع وعد بالالتزام بالراحة والعلاج
صلاح وصلنا لحد البيت وعم حسين معانا واول ماوصلنا الشارع كله جه يتطمن على بابا
صلاح وصلنا البيت ونزل بسرعة
شويةورجع جايب العلاج واكل جاهز وعصاير
وقالي: انا هامشي اي حاجة كلميني وكل يوم هاجي اقيس ضغطه واتطمن عليه
عم حسين و بابا شكروه
وصلته لحد الباب: صلاح انا مديونة ليك بحياة بابا
بصلي بزعل :على فكرة عيب ياللا ادخلي جوة خليكي جنبه
ازمة وعدت الحمد لله
فضلت جنب بابا اسبوع باراعيه وكل يوم الجيران يبعتولنا اكل 🥺 وانا بانزل اتطمن واراجع حسابات المحل وكل يوم طارق بيكلمني بيتطمن عليا
وصلاح بييجي خمس دقائق بوجود عم حسين يتطمن على بابا ويمشي
لحد مابابا بقى احسن من الاول والاكل اتنظم وقرر ينزل يتمشى ويروح الشغل بعد معاناة مني وعدني انه هايباشر بس بدون مايرهق نفسه
رجعت شغلي الكل سلم عليا واتطمن على بابا ولسة داخلة مكتب طارق انظمه وارتبه لقيت
😳😳😳😳😳😳😳😳