رواية رغد وكبريائه الفصل الخامس 5 بقلم الكاتبه الصغيره
رواية رغد وكبريائه الجزء الخامس
رواية رغد وكبريائه البارت الخامس
رواية رغد وكبريائه الحلقة الخامسة
ميرنا / وانت ازاي سمحولك اصلا تدخلي الشركه بالمنظر المقر.ف ده انتي مشوفتيش نفسك في المرايه قبل ما تيجي باللحاف اللي انتي لابساه ده
مراد وصل الشركه و كان داخل المكتب بس وقف لما سمع كلام ميرنا
رغد كانت هترد بس اتفاجأت بمراد واقف قدامها وقال بصوت جوهري سمع الشركه كلها/
اللي قدامك دي احسن منك مليون مرة انتي فااااهمه.
ميرنا بحقد / دي احسن مني انا وبعدين هو انت بتزعقلي عشان البتاعه دي
مراد / كلمه تانيه وهتكوني مرفوضه انتي فاهمه . اتفضلي اعتذريلها حالا واللي حصل ده ميتكررش ولو مش هتحترمي الموجودين هنا يبقى ملكيش وجود معاهم
ميرنا / اسفه أنا مكنتش اعرف انك هتدايقك يا مراد . و
مراد / انتي مبتسمعيش ولا اي . أنا قولت اعتذريلها هي
ميرنا بحرج وحقد / انا اسفه مش هتتكرر تاني يا .
رغد وهي رافعه رأسها بثقه / رغد اسمي رغد كان المفروض تسألي عن اسمي بدل ما تقوليلي يا بتاعه
ميرنا بأبتسامه خبيثه / تشرفنا يرغد معلش مكنتش اقصد
مراد ووجه كلامه لرغد / حصليني ع المكتب حالا
رغد في سرها/ ما انت كنت كويس من شويه اي اللي حصل
مراد دخل المكتب ورغد دخلت وراه غير مهتمه بكلام الموظفين عنها
في المكتب
رغد / تعرف ان حضرتك كنت جامد لما كنت بتهزقها
رغد استوعبت اللي قالته بسرعه و قالت . اقصد يعني ميرسي لحضرتك عشان دافعت عني مع ان أنا كان ممكن ادافع عن نفسي عادي بس مش مشكله
مراد / أنا مدافعتش عنك ولا حاجه هي غلطت وانا عرفتها غلطها
رغد / لا دافعت عني لما قولتها اللي قدامك دي احسن منك مليون مرة
مراد / أنا قولت كده عشان هي عصبتني ولو اي حد تاني كان هيعمل كده
رغد / مع ذلك شكرا واتمنى من حضرتك متدخلش تاني أنا أقدر احل مشاكلي بنفسي
مراد / ايوا باين
رغد كانت متغاظه من طريقته بس قالت برسميه / اتفضل حضرتك كنت عايز اي
مراد/ أنا ندهتلك عشان اقولك اي اللي انتي لابساه ده
رغد وهي بتتظاهر الامبالاه/ لابسه اي يعني دريس واسع باللون الكحلي و طرحه طويله ونقاب ولا قصدك ع الكوتشي اصل انا لاحظت كل اللي هنا لابسين هيلز فشكلي غريب بالنسبه ليهم يعني
مراد/ حد قالك اني مبشوفش؟ قصدي فين يونيفورم الشركه ؟
رغد/ يونيفورم اي اه تقصد اسكيرت قصيرة وملزقه وتوب مقزعر زي اللي برا دول حضرتك احنا في شركه مش في كازينو
مراد بعصبيه/ محدش خد رايك ده اولا ثانيا مش شرط ابدا انك تلبسي اسكيرت مقزعر (قصير) زي ما قلتي تقدري تلبسي اسكيرت واسعه وكمان مش هتلبسي توب زيهم
هتلبسي قميص او تشيرت نفس لون اليونيفورم فهمتي
رغد/ احم طيب هو أنا هستلمه امتى
مراد / اظن كل ده كان مكتوب في الورق اللي باين جدا انك مكلفتيش نفسك وقعدتي تقريه
رغد بتمثيل / لا طبعا قريته ازاي يعني مقريتهوش ا. تمم ماشي هروح ابدل هدومي والبس هدوم الشغل حاجه تاني
مراد/ اه my coffee and my breakfast وحضري الورق بتاعت الاجتماع اللي عليه الدور
رغد / امم قهوة حضرتك اي يمراد بيه
مراد/ مظبوط
مراد تليفونه رن
شاورلها بإيديه انها تطلع
مراد/ مجتش لي ي راعد (بالمناسبه اسمه راعد مش رعد)
راعد/ هاجي كمان ساعه اتصلت عشان اقولك أن بابا هييجي معايا
مراد/ ما هي مش شركه ابوك تيجي وقت ما انت عايز ولا انت عايز اللي حصل يتكرر تاني. بالنسبه لبابا اكيد طبعا ينور الشركه .
راعد/ يعم اه شركه ابويا عندك مانع
مراد / راعد أو ما اتعدلتش هعدلك أنا بطريقتي يلا غور
راعد / يساتر عليك يا خي س.سلام
أما رغد طلعت الورق وشافت التعليمات و عرفت انها المفروض تستلم اليونيفورم اول ما توصل الشركه
وراحت فعلا عشان تستلمه
الموظف اللي كان واقف هناك عاملها بإحترام ومحسسهاش أنها غريبه بالعكس لقيته من نفسه طلعلها اسكيرت طويله من نوع البليسيه وقميص أبيض كم طويل
الموظف / انتي محظوظه الاستايل ده مفيش منه اتنين في الشركه كلها
رغد شكرته وذهبت لترتديهم
وأعجبت جدا بذلك اليونيفورم لانه فعلا كان مظبوط عليها ومع ذلك كان مريح وخفيف
رغد في نفسها / الشركه دي توحفه اوي اوي اوي
رانيا بصوت عالي / امم اكيد طبعا ما انت مش واخده على كده الله اعلم جايه منين
رغد بأبتسامه/ اه أنا فعلا مش واخده على كده
مش واخده على أن يبقى في واحده بتتصنت عليا طول الوقت ،وكمان متعودتش على اني اشوف واحده حاطه لون روج غبي كده ،وكمان متعودتش على اني اشوف حد متكبر ومتنمر واسكت
رانيا بدموع تماسيح وقد تحولت 180درجه مثلما يقولو /هو أنا وحشه اوي كده
رغد / ايوا وبسببك حاسه اني في كازينو مش في شركه محترمه
رانيا بتمثيل / لي بتقولي عليا كده انا عملتلك اي
رغد / اي ده اي الانفصام في الشخصيه ده
رانيا / ربنا يسامحك
رغد كانت مستغربه مالها دي
مراد من وراها / رغد تعالي حالا ع المكتب
رغد بصتلها بتحدي / عشان كده ماشي انتي اللي بدأتي
رغد / مراد بيه حضرتك هنا من امتى
مراد مشي من غير رد
رغد دخلت المكتب لقت مراد واقف ومستنيها واول ما دخلت قالها تقفل الباب فقفلته وهي مدايقه من أنه يكون فهم غلط او خد فكرة غلط عنها
رغد / طبعا بقا هتقعد تقولي ازاي اقول عليها كده ومش عارفه اي واني واحده ممثله لان حضرتك مكنتش موجود من الاول بس عامة هي اللي بدأت وطبعا حضرتك مش هتصدق وهتقول لا أنا سمعت كل حاجه و كده وجو الافلام ده وانا الصراحه مش فاضيه لكل ده لو عايز ترفدني فكر شويه بس كده وبعدين ارفدني عادي
مراد / هششش اي الرغي ده افصلي شويه ..
الإجتماع هيبدأ كمان نص ساعه كنا 5 اشخاص بس بقينا 7 تمم
رغد / تمم بس كده
مراد / ايوا
رغد / حضرتك يعني لي مقولتليش كده برا أو ع التليفون
مراد ببرود / براحتي
رغد لفت وكانت هتمشي
مراد / رغد استني
رغد لفت تاني اتفضل يا مراد بيه
مراد/ كنت عايز اقولك كويس انك رديتي عليها لو حد اتن.مر عليكي او تما.دى معاكي في الكلام متسكتيش عشان لو سكتي هيفتكرك ضعيفه و هيتمادى اكتر مع أن السكوت قوة بس الناس مش بتفهم ده
رغد ابتسمت من تحت النقاب وهزت رأسها وخرجت
بس الفرحه مبتكتملش زي ما بيقولو
رغد بصدمه / راعد ؟!
راعد بشك / رغد انتي بتعملي اي هنا ؟
رغد / أنا بشتغل هنا
راعد / والله وده من امتى ده أن شاء الله
رغد / من النهارده وكويس اني شوفتك عشان اقولك ملكش دعوة بيا خالص انت فاهم ولا لا
راعد بعصبيه مسك أيدها وشدها جامد ودخل مكتبه اللي هو كان جمب مكتب مراد بالظبط بس طبعا مكتب مراد اكبر بكتير
راعد / فهميني بقا مين جابك تشتغلي هنا مراد مش كده
رغد / سيب ايدي . مسمحلكش انك تلمسني انت فاهم
مراد فتح الباب ودخل وهنا كانت الصدمه
راعد قريب من رغد جدا و
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية رغد وكبريائه)
