رواية رحم للإيجار 3 (حب الفرسان) الفصل التاسع والستون 69 بقلم ريحانة الجنة
رواية رحم للإيجار 3 (حب الفرسان) البارت التاسع والستون
رواية رحم للإيجار 3 (حب الفرسان) الجزء التاسع والستون
رواية رحم للإيجار 3 (حب الفرسان) الحلقة التاسعة والستون
كانت كعاتها قاعدة علي كرسيها المتحرك بملل ووجع مافيش مخلوق ممكن يحس بيه أو يتخيله … الكل متعاطف ايوة … الكل حاوليها ايوة .. الكل نظرة الحزن والشفقة في عيونه موجودة ايوة ..لكن للاسف ده كان اكتر شئ بيدبحها …انت محتاج كل حبايبك حاوليك اكيد لكن كون انك تشوف طول الوقت نظرة الشفقة والعطف دي بإستمرار ده شئ مؤلم بيحسسك بعجزك اكتر واكتر…يمكن هو مش بيفارقها طول الوقت ولو بعد بيكون وقت وساعات قليلة …لكن هي مفتقدة نفسها…مفتقدة تحس انها عايشة وفيها الروح ….
غمضت عيونها بألم وهي قاعدة في الجنينة ..وهو كان بيقرب منها بالفطار اللي بقي هو وكل الوجبات من اختصاصاته…قرب منها مبتسم كعادته طول الوقت…
ياسو: الفطار جهز يا ست هانم !! يارب تعجبك عمايل ايدي بقي وتبطلي تريأتك بتاعة كل يوم !!
ابتسمت نغم لما انتبهت ليه واتنهدت بوهن وفتور: الغريب انك كل يوم تقولي كدة وكل الحكاية هي بيض اوملت وجبت وشوية سوسيس !! فين الابداع بقي يا عم الشيف مش فاهمة !!!
رفع حاجبه بغيظ : كدة!! يعني هو انتي مستهطرة بالأموليت ده !! دي وصفة خاصة بيا يا هانم ثم يخونك الغداء والعشاء اللي بخرج فيهم عصارة خبرتي المطبخية !! اااااخ منكم نسوان جاحدة تاكل وتنكر !!؟
ضحكت بهدوء: هههههه.. أكيد طبعا الفراخ المسلوقة لما كانت بتتعذب يعني جوا !! واللحمة النية اللي بتأكلهالي!! ولا السمك السالمون اللي وجعت بطني بيه!! الحمد لله اني لحد دلوقتي ما دخلتش المستشفي بسببك !!!
رفع كتفه ببراءة : والله بقي ده استطاعتي انا بحاول اغير ذوقك في الاكل انتي اللي وحشك المحشي بتاع الست الوالدة !! وانا للاسف تخصص اسكلوب وسالمون ماليش في المحشي!! بس اوعدك اوصي الست حلا حماتك تعملك اكلة محشي تجنن احسن من اكل أمك اللي مالوش طعم !!
ضغطت علي سنانها بغيظ: انا امي اكلها مالوش طعم !! ده عيل كداب !! اومال مين اللي بيخلص الاكل اللي هي بتجيبه كل مرة مش انت !! طيب وحياة أمي دي اللي مش عاجبك اكلها ما هخليها تعمل حسابك في أكل تاني …هاكل الاكل لوحدي وانت كل العك واليخن عمايل ايديك!!!
مثل كعادته بدرامية : كدة !! واهون عليكي تاكلي انتي الاكل بتاع البني آدمين اللي بيتبعت ده !! وانا آكل آكل النمل اللي انا بعمله ده !!
ضحكت بقوة: هههههه!! احسن تستاهل يابناع أكل النمل انت !!
هديت ابتسامتها واتنهد بحزن!! هو شايف بعيونه ولامح انها اتخنقت وتعبت من الوضع ده!! تعبت من عجزها وحبستها طول الوقت!! قلبه بيألمه كل ما بيشوفها عيونها علي رجليها بحزن وقهرة !! بس هو حقيقي بيقدم كل شئ في استطاعته علشان يهون عليها وكمان يساعدها انها تخف وتتحسن حتي لو بشكل بسيط !! قرب منها اكتر وضم كفوفها بحنان !!
ياسو بحب: مالك حبيبتي!! انتي النهاردة شايفك سرحانة بزيادة .. وكمان ضحكتك من غير نفس!! في ايه !!؟
تمالكت دموعها بصعوبة وابتسمت بهدوء بتحاول تخبي حزنها عنه …هي شايفة إنه مش مقصر نهائي في أي شئ …لكن هي حقيقي موجوعة !!
نغم بحزن: مافيش حاجة حبيبي ….انا كويسة !!
ياسو اتنهد بحزن: نغم انا عارف انك مش ممكن هتبقي كويسة !! ومتأكد انك مش قابلة ولا مرتاحة ولا حتي متحملة الوضع ده…بس احنا بنحاول وانتي شايفة!! وكل الدكاترة بتقول انك قريب هتتحسني …حاولي تتفائلي شوية علشان خاطري !!
هنا فقدت تماسكها وغصب عنها انهارت بدموع ووجع …
نغم بدموع: لأمتي يا ياسو !! لأمتي هتحمل واسكت وعدي!! انا مقهورة علي نفسي!! ااانت!! ااانت مش متخيل انا جوايا إيه وحاسة بإيه!! تعرف اني أوقات بقعد ابص لرجليا واتخيل خطوات رجلي علي الارض !! بشوف أي حاجة قصادي واحلم امتي هقوم من الكرسي اللي بقي سجني ده علشان اقدر اجبها من غير ما انده ليك تساعدني !! تعرف اني كل ما بشوف أي حد بيتحرك قصادي بقيت بحسده انه قادر يقف علي رجله !! نفسي امشي!! نفسي اجري !!
وخبت عيونها بدموع وانكسار بكفوفها بألم : نفسي لما احتاج ادخل التويلت ادخل لوحدي من غيرك !! لما اقلق من نومي اتحرك لوحدي !! ما استناش اصحيك واقولك قوم دخلني!! بشوفك نايم تعبان وبفضل جنبك بتلوي من الوجع لحد ما فقد سيطرتي علي التحمل واصحيك غصب عني !!
رفعت كفوفها من علي عيونها وبصت في عيونه بقهرة وخزي: علشان لو ما عملتش كدة عارف هيحصل ايه!! ااا…
هنا قاطعها وضمها لحضنه بضيق : ششش!! بس كفاية … ما تكمليش ارجوكي !! انا عارف وفاهم ومقدر كل اللي انتي بتمري بيه ده !! لكن انا ياما افهمك إنك ما تصبريش للحظة دي لو نائم ولا مقتول حتي !! انتي اهم من أي حاجة !!
خرجها من حضنه وهو بيمسح دموعها بحنان : كفاية علشان خاطري!! دموعك دي بتدبح فيا وبتوجعني والله !! إسمعيني !! احنا لازم نعمل العملية الجديدة في اقرب وقت !! انا متأكد ان ربنا هيوفقنا فيها وتخفي وترتاحي!!
حركت رأسها بنفي وخوف: تعبت !! تعبت من العمليات والحقن والعلاج الطبيعي تعبت يا ياسو!! تعبت من الام اللي بينهش في ظهري ورجلي وانا مش قادرة اتحمله ولا عارفة ازاي اخلص منه!! انا لما مفعول المسكن بيخلص ببقي بموت!! ظهري بحس إن فيه منشار بيقطع فيه !! مافيش فايدة خلاص!! انا اتحكم عليا افضل مشلولة طول عمري !! مش هعمل عمليات تاني انا تعبت! تعبت بقي والله تعبت!!
ضمها بخوف وحزن وهو بيخفي دموعه بتماسك: ماتقوليش كدة!! مافيش حاجة اسمها مش هتعملي عمليات! ولا إني هسمح انك تفضلي كدة طول عمرك!! لو هخدك لاخر الدنيا وبدل العملية الف هنعملها!! مش هسيب أمل واحد مش هجري وراه!؟
خرجها من حضنه بوعد عاشق ودموع نادم: انا لو اقدر اساعدك واتحمل كل ده عنك كنت عملت كدة !! لو كنت الظهر والعظام دي عضو بنتبرع بيه زي أعضاء تانية اقسملك بالله كنت عملت كدة !! ما كنت هتأخر لحظة واحدة !!
بكت بحزن وتمني : اقولك حاجة !! انا نفسي احمل !! عايزة اخلف منك وابقي أم!! طول عمري من صغرنا وانا بتخيل اليوم اللي هجيب فيه منك بنت او ولد ونلاعبه …نتعب من عياطه طول الليل … نتخانق مين فينا يغيرله ويقعد معاه ويريح التاني… نحضر معاه اول حركة يعملها ..نشوف اول ضحكة ليه!! نفرح باول سنة تظهر ليه وكأنها إنجاز!! نتنطط من الفرحة مع اول خطوة يخطيها الأرض! نتخانق واحنا بنعلمه ينطق وكل واحد عايزه ينطق اسمه هو الأول!! بحلم باليوم اللي هينده عليا ويقولي يا ماما!! نفسي اشيله وانام في حضنه!! انا فرحت لمهرة صدقني والله فرحت!! بس قلبي وجعني!! صعب عليا حالي وانا مشلولة وعاجزة ومستحيل ابقي أم !! ظهري مش هيتحمل حمل دلوقتي زي ما كل دكتور يصدمني ويقولي الحقيقة المرة دي !!! انا لما عرفت انها خلفت حسيت بعجزي اكتر !! يوم ما كانوا كلهم هنا كنت فرحانة بيهم اوي واتونست بلمتهم حاوليا…لكن كنت بشوف كل واحدة فيهم بتضحك وترقص في حضن جوزها وانا جنبك قاعدة علي الكرسي ده قلبي انكسر!! كرهت عجزي وشللي وكرهت نفسي !! انا تعبانة ومكسورة اوي!! هو انا وحشة اوي كدة وبغضب ربنا علشان يعمل فيا كدة ليه بيحصلي كدة لييييييه!! قولي ليه يا ياسو ليبيه!؟؟
غمض عيونه بدموع وحزن !! كل كلمة قالتها كانت سكين حاد مسنون بيدبح في كل شبر فيه بقسوة!! مش قادر يمحي كل ده عنها ولا يحميها من كل العذاب والافكار دي!! هو كمان حاسس بالعجز قصاد عجزها اللي مش قادر ينجيها منه!!
ياسو بهدوء ودموع: هيحصل!! والله هيحصل وهنخلف وهتبقي أجمل أم في الدنيا كلها!! وهتخفي وتبقي زيك زيهم كلهم واحسن منهم كلهم كمان! وانتي عمرك ما كنتي وحشة ! عمرك ما كنتي تستاهلي أي حاجة من اللي بتحصل دلوقتي دي صدقيني !! لكن…!! لكن هو قدر من ربنا وغصب عننا لازم نصبر ونتحمل !! لازم كمان نحاول مع صبرنا ده ونسعي اننا نخرج من الأزمة دي علي خير!! علشان خاطري خاليكي اقوي من كدة ارجوكي !!؟
مسح دموعه ودموعها وتبتسم بحنان : إيه رئيك نخرج نتعشي برا الليلة ونغير جو!! احنا زهقنا من البيت وكمان مش عايز اروح لا عند أمك ولا أمي!! انا عايزك ليا لوحدي الليلة !! نخرج وننبسط!! ها ايه رئيك !! وما تقوليش لا ولا تتحججي بالكرسي!! ماحدش ليه عندك حاجة !! وانتي حتي وانتي علي الكرسي ده انتي احسن من كل ستات الدنيا دي!! وانا هكون معاكي ورجلي قبل رجلك !! وحياتي وافقي علشان خاطر ياسو!!؟
حركت رأسها بموافقة واتنهدت بإستسلام : حاضر موافقة!! بس لو اتضايقت من أي حاجة توعدني انك تروحني بسرعة من غير مناهدة !! اتفقنا!؟؟
ابتسم وهو بيأكدلها بعينه: اتفقنا اوعدك وقت ما تتعبي هنرجع البيت علي طول !!
وقتها سمعوا صوت رنين جرس فون ياسو جوا !! بصت چنا ليه
نغم: روح رد علي فونك بيرن !!
لوي شفايفه بلامبلاه : مش مهم مش وقته بعدين اشوف مين كان بيرن !!
الرنين لسة مستمر بيفصل ويرجع يرن من تاني اتنهدت هي وابتسمت: علشان خاطري شوف مين انا بقيت كويسة ! رد وتعالي نفطر انا جوعت!!
ياسو ابتسم: يبقي نفطر الاول وبعد كدة ابقي اشوف الفون مش هيطير!! دي عصفورتي بتقول جعانة!!
ابتسمت بحب : لا رد وبالمرة اعملي نسكافيه تاني بدل اللي برد ده وانت جاي ممكن !!
ضم كفوفها بحنان وباسها وتبتسم: طبعا العصفورة تأمر!! انا هقوم بس علشان اعملك النسكافيه مش علشان الفون !!
غمزها بعيونه ودخل جوا وكان فونه علي الكونتر الخاص بالمطبخ!! خرج اللبن وبدأ يجهز النسكافيه واخد الفون بإهمال يشوف مين رن كتير كدة !! وكان جده رعد!!
ياسو عقد حاجبه بفضول: جدو بيرن كتير ليه كدة!! ياتري فيه ايه!!؟
رن هو علي رعد علشان يطمن : الو!! ايوة يا جدو!!
رعد اتنهد بهدوء: ازيك حبيبي…طمني نغم عاملة ايه!!
اتنهد ياسو بتعب وحزن: الحمد لله يا جدو!! المهم قولي فيه حاجة!! انت اول مرة ترن كتير كدة !؟
رعد غمض عيونه بإرهاق وتعب: ياسو انا عارف انك مشغول مع نغم وحالتها!! لكن الفترة اللي جاية انا محتاجلك معايا في الشركة اكتر من اي وقت فات!! انا بجهز لسفري علشان فيه شغل مهم لازم اخلصه بنفسي وابوك لوحده !! ماينفعش يدير كل ده من غيرك !! فيه الف بيساعدوه ايوة لكن وجودك مهم !! وانت شايف باقي الشباب كلهم شغلهم بعيد عننا مافيش حد بيفهم في شغلنا غيرك انت !؟ حاول تلاقي حل !! يا توديها عند مهاب وچودي ياخدوا بالهم منها لحد ما انت ترجع كل يوم او تجبها وتيجوا تعيشوا هنا مع ابوك وامك ..وامك هتراعيها طول ما انت مشغول !! اعتبره وقت مؤقت لحد ما أرجع انا وافوق من اللي انا فيه !! اتفقنا يا ياسين!؟
غمض عيونه بحيرة وقلق!! وفتح عيونه وبص عليها وهي قاعدة في الجنينة برا بحزن وحيرة بتمزعه!! لكن هو متأكد إن رعد عمره ما هيطلب منه الطلب ده في الوقت ده وهو عارف احتياج نغم الكبير ليه…الا لسبب وشئ مهم وكبير!!
اتنهد بحزن: حاضر يا جدو!! من بكرة إن شاء الله هكون موجود في المجموعة!! ما تقلقش انت !!
رعد اتنهد بإرتياح: تمام يا حبيبي !! اسيبك انا دلوقتي وسلم علي نغم!!
ياسو : الله يسلمك يا حبيبي !! مع السلامة !!
قفل ياسو مع رعد بحيرة وكمل النسكافيه وخرج بيه ليها وابتسم!!
ياسو : النسكافيه السخن لنغم الحياة كلها وحياتي !! اتفضلي بقي افطري الاكل برد والاومليت عمايل ايديها تلج!!؟
ابتسمت بحب: ربنا يخليك ليا يا روحي هفطر اهو خلاص!! بس قولي مين كان بيرن عليك!!؟
ابتسم بإرتباك: احمم..ده جدو رعد كان بيطمن عليكي !!
ابتسمت: تعرف انهم وحشوني اوي وكمان ناناه همس !! انا بحب الست دي اوي يا ياسو !! بحسها جدتي انا كمان زي ناناه نغم بالظبط !!
حمحم ياسو بتردد: احممم!! بقولك ايه يا روحي !! عندك مانع لو نروح نقعد معاهم في القصر كدة كام يوم ! اهو تغير جو هنا وكمان تتكلمي معاهم وتخرجي من مود الوحدة ده!! كام يوم كدة بس ونرجع البيت تاني!! لكن لو مش عايزة خلاص براحتك!! هي كانت مجرد فكرة بس علشان تلاقي اللي يشغلك ويريحك من وشي اللي مزهقك طول الوقت ده !! اهو تغيري وشوش !؟
ابتسمت بحنان وضمت ملامحه بحب: عمري ما بزهق منك!! ده نور عنيا والوش الوحيد اللي برتاح وانا عيوني شايفاك!!
ابتسم وضم كفوفها وباسها وابتسم : بحبك!!
باسته من خده بحنان: وانا بحبك اوي !! بس تعرف فكرة حلوة ! انا موافقة!!
ابتسم بفرحة : بجد يعني مافيش مانع نروح هناك!؟ بصي اوعدك وقت ما تزهقي هنرجع البيت هنا علي طول من غير مناقشة !!!
ابتسمت بعشق !! هو دائما بيخاف علي شعورها وبيقدم اللي يريحها عن أي شئ!! كمان هي حاست إن عرضه ده كان لسبب ! هو ايه هي مش عارفة!! لكن هي متأكدة إنه شئ مهم ! علشان كدة وافقت علشان تريحه !!
نغم: انا متأكدة انك مش هتتردد في اي وقت اقولك نرجع هنا!! ناكل بقي عصافير بطني صوصوت!!؟
ابتسم واخد الشوكة واكلها بحماس: ناكل بس !! ده انا هزغطك الليلة!! كلي يا روحي بقي وادعيلي…
اخدتها منه وضحكت: هههههه!! هات ياروحي وامري لله !! اديني هترحم من عمايل ايديك كام يوم واعرق في أكل ناناه همس وطنط حلا اللي يفتح النفس!!
رفع حاجبه بغيظ وتحدي: كدة!! طيب ايه رئيك هناك كمان انا اللي هعملك الفطار وكل اكلك عقابا ليكي علشان بتتبطري علي عمايل ايديا!؟؟
ضمت شفايفها بيأس: حسبي الله ونعم الوكيل!!
*****🌹ريحانة الجنه🌹*****
قاعد قصادها بفرحة وتفاؤل انها اخيرا وافقت تقابله وتسمعه!! هو شايف في عيونها اللوم والعتاب !! لكن كلامها وملامحها غير كدة !! وهو متفهم ده ومقدره !!
فراس بتردد: وحشتيني نچمة!!!
اتنهدت بفتور بيخبي حقيقة مشاعرها: فراس ! انت طلبت تشوفني والحت في ده علي بابا وكمان ريان!! وبصراحة انا مش قادرة افهم حقيقة تغيرهم المفاجئ ده من ناحيتك !! واظن كمان احنا كنا قفلنا كل شيء بينا اخر مرة كنت عندك في لبنان!! ياريت تتكلم بسرعة وتقولي انت عايز تقول ايه!! مع إني مافيش شئ جوايا هيتغير مهما قولت!!
اتنهد فراس بحزن: شوفي!! انا بعرف كتير منيح انك ما انك قابلانة تشوفيني ولا حتي تحكي معي!! لكن انا بدي تسمعيني بقلبك وتتفهمي اللي چواتي !! نچمة بدك تتأكدي من شي مهم كتير …انه انا ما اتخليت عنك ولا تركتك عن ايرادتي !! انا كنت ضايعان تايه!! موجوع!! فيكي تقولي اني ما كنت انا!! كمان اللي بدك تعرفيه إن هيدا كله كان من تحت راس بيك!! هو كان بدو هيك !! وهيدا الشي ما انه سئ منه !! لا بالعكس !! يمكن وقتا انا كنت شايفه هيك!! لكن بعدا فهمت ووعيت منيح انه بي بيخاف علي بنته !! انا كنت مجبور ابعود عنك نچمة !!
لوت شفايفها بسخرية : انت قولت ايه جديد!! ما هو ده كان الوضع واللي انا وانت كنا عارفينه كويس !! هو من إمتي بابا كان مقتنع بيك ولا حتي موافق عليك!! اشمعن في البداية كنت متحمس ومستعد تعمل أي حاجة علشان تتمسك بيا!! ايه بقي اللي خلاك فجأة كدة توافق بابا وتبعد!!
فراس اتنهد بحيرة: حقيقي متل ما حديتك ! انا كنت ضايعان ومتلخبط كتير!! ووقتا حسيت اني راح كون الشوكة اللي بضهرك انتي وبيك وخيك!! موضوع جوازنا مو هين ولا قليل!! بعد ما حكيت الحكي تبعي وقتا ايلك وفليتي عني وتركتيني!! لقيت حالي وحيد …وقتا بس فكرت وصممت اعرف شو السبب اللي بيك كان ضاغط عليا من شانه من شان اتركك!! مرت ايام حزني ووحدتي وايجيت علي مصر وقابلت بيك وحكيته!! فهمت إنه كان معه حق في خوفه مني أنا قبل خوفه من العالم وحكيا!! نچمة بيك كان عارفان منيح ان ما اني مسلم عن حق وقتا!! يمكن وقت ما قررت اني اعتنق الإسلام ما كنت عرفان عنه شي!! حتي من بعد ما عرفتك وحبيتك !! كان الإسلام عندي مجرد احساس بالراحة مو اكتر !! ما اني سمعان عنه كتير ولا فهمان فيه شي! بيك كان عارفان انك جوازتك مني وقتا راح تكون فيا شبهة حرام!!
عقدت حاجبها بدهشة: حرام!! حرام ازاي وانت كنت خلاص أسلمت حتي من قبل ما نتقابل!!
فراس: منشان ما حكيتك ماكنت عرفان عن الدين شي! اعتنقت الاسلام وانا من چواتي ما اني مسلم!! بيك كان رده ياني كون مسلم عن چد مو بالاسم!! ومن شان هيك عرفني بالشيخ حذيفة!!
نجمة بإستفهام: مين الشيخ حذيفة ده!؟
فراس ابتسم: هيدا الشخص اللي راح عيش وموت وهو صاحب الفضل عليا من بعد الله!! انسان نقي ونضيف وحباب!! علمني وفهمني!! فيني قلك اني خلقت من جديد علي ايديه !! انا وقت نطقت الشهادة اول مرة من قبل ما كانت لامسة قلبي ولا حاسس بشي غير اني مرتاح وبس!! لكن ماني فهمان شي!! لكن من بعد ما قابلته وعشت معه الفترة الماضية نطقتا من جديد ووقتا حسيت فيا!! فهمت ووعيت علي معناها!! انا كنت غفلان صدقيني !! يمكن الله كان رايد هيك منشان افهم واتعلم وكون حقيقي صالح كون زوجك!! الحب وحده في قصا متل قصتنا مانوا كافي!! كان لازم اوعي علي كل شي !! نچمة انا لحد ما قابلت الشيخ حذيفة ما كنت بعرف الفرق بين الوضوء واني اتحمم !! ما كنت بعرف حتي اتوضي!! ما كنت بعرف كيف كون شخص طاهر عن چد!! ومو قصدي طاهر اني كون متحمم ومتعطر !! لا قصدي كون طاهر من چواتي قبل ما اتطهر جسمي وحالي!! نچمة انا هلأ صرت قدرات ومقتنع اني اقلك اني مسلم!! انا من قبل ما كنت بعرف من هو النبي محمد ولا بعرف عنه شي!! هلأ صيرت بعرف عنه كتير ولساتني بعرف وأقرأ واتعلم !! نچمة انا قبل لو كان اي حدا من اللي كانوا ولساتهم في راح يعترضوا علي جوازنا سألني عن أي شئ او مثلا ليه اختارت كون مسلم مو أي دين تاني ! ماكنت راح اعرف رد ولا احكي شي!! هلأ فيني احكي واقول وانا چواتي ثبات قوي وإيمان يقويني اني حارب منشان كون مسلم ومنشانك انتي كمان!!
نچمة كانت حاسة وشايفة تغير كبير في فراس!! كل شيء فيه متغير!! حتي ملامحه متغيرة !!!
ملامحها لانت من غضبها في البداية : وانت ليه بقيت مسلم دلوقتي من وجهة نظرك!!
ابتسم فراس بهدوء: من شان فوز بالجنة!! الله انزل أديان سماوية من قبل الاسلام !! ومنها المسيحية اللي انا كنت عليا من قبل!! لكن ما كانت هي المسيحية اللي موجودة هلأ بالعالم !! الله. واحد ماله بي ولا خي ولا خية ولا حتي زوجة متل ما كنت مفكر انا!! كل الأديان من قبل الاسلام كانت تدعي الناس للوحدانية !! توحيد العبادة لله وحده بدون شريك !! كل الأديان هيدي اتحرفت بفعل البشر !! الا الاسلام الله حفظه من التحريف!! القرآن ما اتغير ولا اتحرف من البشر!! لما عرفت كل هيدا فكرت مع حالي!! لو كان الله عن چد متل ما كنت مفكر اله زوجة وابن ! طيب شو الفرق بينا وبينه! كيف يكون هو الإله !! وقتها فهمت إن الاله هو الخالق المتنزه عن أفعال وطباع البشر!! ما فيه إله يكون متل الناس اللي خلقهن بدياته !! هو إله لانه عظيم وواحد ماله شريك في الألوهية ولا الوحدانية!! الاسلام هو الدين اللي الله انزله ليتم علي العالم أحكامه واوامره !! نچمة انا هلأ صيرت قدران احكي اني مستعد اكون زوجك وواجه العالم كله واي حد بدوا يقف بوچ چوازنا!!!
نچمة الحنين ليه بيقتلها ومحتارة!! لكن هي حقيقي شافت فيه التغير بكل شئ!! هي حقيقي من قبل التغير ده كانت بتحبه ومتمسكة بيه!! لكن بعد اللي قاله ولمست المعني الحقيقي ورا رفض ابوها وتمسكه وقتها إن فراس مش مناسب ليها!! قدرت تتأكد إن اللي حصل ده كان لعلة وسبب من عند ربنا!! علشان تكون بدايتهم صحيحة من غير شك في دينه !! وحقيقي زي ماهو لسة قايل ليها !! الحب في حكايتهم دي لوحده مش كفاية !! خصوصا إن الوضع مش معكوس!! يمكن لو الزوج هو اللي اتزوج إنسانة علي غير دينه واسلمت بسهولة بعدها يقدر يقومها خصوصا إن شرعا مافيش ضرر إنه يتزوجها حتي لو هي فضلت علي دينها !! لكن الزوجة شرعا لا يجوز انها تتزوج بغير مسلم!! وفراس لما شهر اسلامه كمان ماكنش لسة مسلم !!
فراس بحنان ورجاء: نچمة!! بترچاكي تعطيني فرصة واحدة!! واحدة بس اثبتلك فيا اني قدران كون الرچال اللي بيستاهلك!! بترچاكي !!
نچمة بتردد: طيب لو بعد كدة شوفتك بتتخلي عني وتبعد لاي سبب!! اللي بيتخلي مرة سهل عليه يتخلي الف مرة !! وانا ما صدقت قدرت اتخطي اللي حصل واكمل حياتي !!
فراس اتنهد بهدوء: لا نچمة انتي عم تكدبي!! انتي ما اتخطيتي شي ولا فيكي تتخطي حبك لإلي بهاي السهولة!! نچمة انا حكيتك اني بوقتا ما كنت عرفان حالي وشو بعمول!! بترچاكي هاي فرصة أخيرة !! وبوعدك ما راح اتركك أو اتخلي عنك لو شو ما صار!!
نچمة بصت في عيونه بحنين ودموع: كنت محتجالك جنبي!! كنت محتاجة اشوفك متمسك بيا قصاد اي حد حتي لو كان أبويا!!!
ضم كفوفها بحنان واسف: بعتذر!! عن چد بعتذر نچمتي !! سامحيني ببوس ايدك!! نچمة انا متأكد ان لساتك بتحبيني !! مافيكي تضيعي حبنا هيك!! لا انا فيني كون مع مرا غيرك ولا انتي فيكي تكوني مع رچال غيري!! ليش بقي نصعبها علي حالنا ونترك حالنا للحزن والندم !!؟
وقتها فراس شاف نچمة بتبص ورا فراس بتوتر وبتحاول تسحب ايديها من بين كفوفه !! هو كمان حاسس بظل كبير وراه التفت وشاف ريان واقف وراه وعاقد ذراعه بغيظ وملامحه متعصبة !! وقتها سحب ايده من بين ايدين نچمة بتوتر وارتباك!!!
فراس قام ليه متلخبط : اهلا وسهلا كيفك خي ريان !!!
ريان بيضغط علي شفايفه بغيظ وغيرة: هو مش انا قولتلك تكلمها وتفهمها وبس من غير نحنحة !! ولا هو انت غاوي تعصبني!! وبتتنيل تمسك ايديها ليه !! هي لسة بقت مراتك يا غبي!! اكسرلك ايدك دلوقتي بقي علشان تفتكرها وما تمسكش ايديها تاني !!!؟
نچمة بتخبي ضحكتها من هجوم ريان وشكل فراس الملخبط قصاده!!
ريان التلفت ليها بغيظ: وانتي يا نحنوحة!! مش كنتي عملالي فيها اللي قادرة علي التحدي والمواجهة !! مش ده اللي قولتي مش ححن ولا ابص في وشه!! سايباه يمسك ايدك ليه يا اللي تتشلي في ايدك !!؟
نچمة بخجل: والله هو لسة ماسكها دلوقتي!! انا بس !!
ريان قاطعها : ششش!! حسابنا وكلامنا في البيت يا هانم قومي معايا !!!
فراس بضيق: يا رچال استهدي بالله !! شو صار يعني كلها مسكة كف خربت الدنيا !! وعدين خي بيا نفسه عارفان اني راح شوفا اليوم !! شو فيك انت عم بتعقد الحكي هيك!!
ريان بغيظ: شوف انت بقي يا جدع !! انا خلقي ضيق وبفهم كلامك بالعافية !! بلاش جو الدبلچة ده انت عصبتني!!؟
فراس اتنهد بغيظ: لا اله الا الله!! يا خي يا حبيبي !! اتركنا بس شوي نحكي لسة ما خلصنا!! وبعدين شو بدك ياني تحكي مثلا !!
ريان قرب منه بعصبية: هو انت ياجدع انت مش بتتكلم مصري!!!؟
فراس رفع كتفه ببراءة: اي بحكي مصري شو فيه!؟
ريان بيمسح ملامحه بتماسك: طب كلمني مصري كدة !!؟
فراس بحيرة: طيب اتكلم اقولك ايه !!؟
ريان ضغط علي شفايفه بغيظ وكور قبضة ايده : ولما انت بتتنيل تتكلم عدل اهو عاوج لسان اللي خلفوك ليه !! انت عايز تشلني !!؟
فراس بدهشة: يا خي شو عملت انا بس فهمني!!؟
ريان شده من ذراعه بغيظ: بص نصيحة مني طول ما انت بتتكلم معايا اتكلم مصري علشان يمين بالله تلوح لسانك وتكلمني لبناني هضربك بوكس اخليك تتكلم يباني!!؟
فراس بتوتر: طيب بس روق حالك !! قصدي روق دمك انا هكلمك مصري علشان ترتاح !!!
ريان ساب ذراعه: يكون احسن !؟؟
فراس اتنهد : بس لو اعرف شو بيعصبك من لهجتي كنت برتاح!؟
ريان بص ليه بغيظ وهو ابتسم بإستفزاز: خلاص ! خلاص زي ما تحب!!؟ ممكن بقي تسيبنا نتكلم شوية !؟؟
ريان سحب نچمة من مكانها بغيظ واخد شنطتها وحطها في ايديها بعصبية!!
ريان: اتكلمتوا بكفاية خلصنا هي قصة ابو زيد!؟
فراس بعصبية: لا لسة ما خلصنا!! انا لسة ما سمعتش منها حاجة !! سبها تتكلم !!
ريان بص لنچمة: انتي موافقة ترجعي للنحنوح ده ولا لا!!؟
نچمة ابتسمت وسكتت بخجل !!
ريان بغيظ: انطقي يا ختي ما انتي كنتي قاعدة ومرحرحة من شوية !! دلوقتي هتعملي فيها مكسوفة !؟
نچمة بصت لفراس وابتسمت: ايوة موافقة اديله فرصة تانية …
فراس ابتسم بسعادة: عن چد نچمتي !!
ريان شدها بغيظ علشان يمشي: اديك سمعت يا خويا ابقي تعالي بقي كمل كلامك معايا انا وأبوها عن اذنك !!
نچمة بتحاول تفلت منه وتوقفه: ريان استني بس ما يصحش كدة!!
ريان بغيظ: مايصحش ده انا هفرمك بس نروح البيت !! سايباه يفعص في ايدك يا نجمة!! ده انتي يومك اسود !! امشي من سكات بدل ما أرجع اقلبهولك سوداني مش لبناني !! امشي معايا !؟؟
فراس بغيظ من ريان وعصبيته الدائمة : ااااخ منك يا ريان!! شو هاد إعصار من عند الله !! الله لا يوفقك علي هاي العملة !!؟ بس كله يهون من شان نچمتي!! راح اتحمل هاي التنين المجنح بس لفوز بيها وتكون مرتي !! وقتا والله العظيم بس يقرب عليا راح اكله بسناني هادوا!!؟
*****🌹ريحانة الجنه🌹*****
دخل عليها اوضتها مبتسم من هيأتها وجملها اللي خطفه من أول مرة قابلها فيها .. ابتسم اكتر وهو بيلف حاوليها بإعجاب !! مستغرب من لبسها! لابسة لبس إلي حدا ما شعبي مش زوقها جلابية بلدي مفتوحة من الجوانب ولونها اسود مطعمة باللون الذهبي !! لابسة حلق كبير وعقد ذهبي شكلهم غريب!! خلخال كبير كله اجراس!! شعرها فرداه بشكل غجري وغريب عنها !!؟
فارس بإعجاب شديد: مش ممكن!! انتي ماسة !؟ اول مرة اشوفك لابسة اللبس ده !!؟ مش زوقك خالص !!!
ماسة بغرور اتحركت قصاده بنعومة وكل خطوة خلخالها بيرن بصوت مثير ليه !؟
ماسة: هو فعلا مش زوقي بس زوقك انت !! انا عارفة انك بتحب كدة !! وأي حاجة انت تحبها انا هعملها واتعود عليها !!؟
قرب منها وحاوطها من خصرها بتملك ورغبة: وعرفتي منين بقي اني بحب النوع ده من اللبس!!
ماسة ضغطت علي شفايفها بإثارة : من عيونك واحنا بنشوف اي فيلم بتكون متحمس اوي لاي واحدة بتكون لابسة كدة!! فقررت اجرب!؟؟
فارس بهمس: وما عرفتيش كمان إني بحب الرقص الشرقي خصوصا باللبس ده !؟
ماسة حركت رأسها بتأكيد: طبعا عرفت !!؟ والليلة هتشوف اجمل رقاصة في الدنيا وعيونك دي مش هنشوف بعد رقصي انا رقص أي ست!!؟
فارس قرب من شفايفها برغبة مثيرة وباسها بتملك وجنون !!
فارس: هتعملي فيا ايه تاني يا بنت الحديدي!!؟
ماسة بإثارة: انا خلاص عملت ولسة هعمل اللي مافيش واحدة غيري قدرت تعمله!؟ خطفت قلبك يا فارس عصرك !! هو فيه غيري عرفت توقعك وتجيب اجلك!؟؟
فارس ابتسم وهو بيخلل أطرافه في خصلات شعرها الطويل الغجري بشكل مثير!!
فارس: عندك حق!! كنت جايلك اخد روحك !! اخدتي انتي مني قلبي وروحي !! بحبك يا ماسة الفارس!!
ماسة قربت من شفايفه تبوسه بنعومة وهمس: وانا وقعت في غرامك من ليلتها وبقيت ملكك !! وقلبي عمره ما دق ولا هيدق الا ليك انت يا فارس!؟؟
وقتها فون فارس كان بيرن!! ماسة بفضول!!
ماسة : مين بيرن عليك دلوقتي!!
فارس مش مهتم بعرف نهائي ومتمسك بيها في حضني: مش مهم مش عايز اعرف!!
ماسة بنعومة: علشان خاطري شوف مين !!
فارس اتنهد بضيق : هيكون مين غير حد تنح وغتت بيتصل يقطع عليا لاحظاتي الحرجة!!؟
اخد فونه وشاف الاسم لقاه رعد عقد حاجبه بدهشة: ده جدك. رعد!!
ماسة قربت منه بقلق: جدو رعد!! طيب رد بسرعة شوفه عايز ايه!! اوعي حد يكون حصله حاجة!!؟
فارس رد بسرعة: ايوة يا ملك!! خير!!
رعد اتنهد بهدوء: ازيك يا فارس وماسة عاملة ايه!؟
فارس بقلق: بخير يا ملك كويسين !! طمني هو فيه حاجة حصلت!؟
رعد بتعب: فارس انا عايز منك خدمة !؟
فارس عقد حاجبه: تحت أمرك طبعا اؤمرني !!؟
رعد : عايزك من بكرة تيجي المجموعة محتاجلك معايا هناك الفترة اللي جاية !؟ وجل رجوعك سينا دلوقتي !!
فارس بشك: تحت أمرك هكون عندك الصبح !! بس طمني انتم كلكم كويسين !؟؟
رعد اتنهد بحزن: ايوة كلنا بخير بس تيجي الصبح ضروري!! فاهم يا فارس!!؟
فارس بتأكيد: طبعا فاهم ما تقلقش!! هكون عندك الصبح اكيد !!
رعد براحة : طيب تصبح علي خير انت وسلم علي ماسة !!
فارس : وانت من اهل الخير حاضر الله يسلمك …
قفل معاه فارس وهو سرحان ومحتار بشك وقلق!! ماسة قربت منه بقلق!!
ماسة : فيه ايه يا فارس!! هتروح الصبح فين !! وجدو عايزك في ايه!؟؟
فارس ضيق عيونه بشك: مش عارف يا ماسة!! بس هو بيقول عايزني معاه الفترة اللي جاية في الشغل!! عموما هروح الصبح وافهم فيه ايه!؟؟
ماسة بتفكير: غريبة أن جدو يطلب منك كدة !! تفتكر فيه ايه!؟
فارس لوي شفايفه بسخرية: هنقضي الليلة ننجم جدك عايز ايه وتضيع عليا الحفلة الراقصة ولا ايه!؟
ماسة ابتسمت: انت ايه مافيش حاجة بتشغلك الا رغباتك المنحرفة!؟؟
فارس رفع حاجبه بثقة وغرور: وهو فيه حاجة موتتك فيا الا رغباتي المنحرفة دي!؟؟ قومي بقي طريها عليا وروقي دماغي !! جدك شكله هيتعبني الفترة اللي جاية !!؟
ماسة مالت عليه بغرور: تدفع كام بقي في الرقصة الليلة!؟
فارس بإعجاب: هو الحساب بالرقصة!!؟
ماسة بثقة: طبعا اومال انت فاكر ايه !؟ دي ماسة الحديدي لجلالة قدرها هترقصلك لوحدك ده انت تدفع دم قلبك !؟
فارس غمز ليها بتحدي: وانا موافق!! قصاد كل رقصة هتقعدي في حضني ساعتين ولا تتكلمي ولا تعترضي ولا تقولي كفاية !! هاه قولتي ايه!؟
ماسة بعدت عنه بقلق: لا مش موافقة ! انت ربنا مديك صحة تهد جبل وانا بفرهد منك ! اديني فلوس احسن!؟؟
فارس ضحك وسحبها احضنه بقوة وهمس: هي الفلوس برضوا هتعمل اللي انا بعمله!! تؤتؤ مافيش فلوس!! ثم اللي هيحصلك ده عقاب ليكي علشان تحرمي تغريني وتتعبي مشاعري وتخرجي المنحرف المفترس اللي جوايا !؟؟
ماسة بهمس: بس كدة العمارة كلها هتسمع صوتنا ونتفضح!؟؟
فارس بثقة: طيب خالي كدة اي كلب يفتح بقه وانا انيم رقبته جنب كتفه!؟
ماسة شدته من خدوده بغيظ: ياااربي منك ! مش هتبطل عنف بقي!! قتال قتلة صحيح!؟.
فارس ضمها اكتر وباسها من رقبتها بإثارة : ايوة انا قتال قتلة!! وبحب ادبح الناس من هنا !!
ماسة غمضت عيونها بنعومة وهمس: تؤتؤ !! لسة اصبر علي الدبح مش دلوقتي!! نخلص حفلة الرقص الاول!! وبعد كدة انا اللي هدبحك مش انت !!؟
فارس ابتسم بغرور وقعد براحة وفرد ذراعته متحمس: مستني اتفرج !! فرجيني بقي يا منحرفة!!
بالفعل قبلت التحدي وقامت وبدأت المزيكا وكانت بترقص بإحتراف شديد !! كانت بتدهشه وهو معجب بيها وبكل شئ بتعمله علشانه!! كانت طول الوقت عيونه عليها والرغبة جواه بتقتله !! ما قدرش يتحمل انها ترقص اكتر من كدة وتلهب مشاعره ورغبته فيها اللي بتزيد يوم عن يوم !؟
قرب منها وضمها لحضنه وهي بترقص برغبة مثيرة !!
فارس بهمس: كفاية كدة بقي علشان انا مش عارف اتحمل اللي بتعمليه فيا اكتر من كدة !!
ماسة بإغراء: بس انا لسة ما خلصتش لسة بدري!!؟
فارس بهمس وهو بيبوبسها من رقبتها برغبة وجنون: تؤتؤ بدري ايه!! انا بغلي وانتي مش حاسة بيا!! انا قررت انتقم منك علي اللي وصلتيني ليه!!
ماسة بنعومة: ساعتين برضوا!!؟
فارس بص في عيونها بشراسة ووعيد: ساعتين دي كانت قبل ما تتعمدي تتعبيني !! لكن دلوقتي لا!! انتي مش هتسيبي حضني لحد الصبح !!
ماسة ضغطت علي شفايفها بإثارة: كدة هتتأخر علي جدو الصبح!!!
فارس شالها بسرعة وكانت بين ايديه في سريرهم: المهم انتي تبطلي كلام علشان انتي كدة اللي بتأخريني عن إنجاز مهامي المنحرفة !!
ماسة ابتسمت: بحبك يافارس،!!
فارس برغبة وانفاس مجنونة: وانتي سحرتيني وغيبتني عقلي يا قلب فارس!!
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية رحم للإيجار 3 (حب الفرسان))
