رواية رحم للإيجار 3 (حب الفرسان) الفصل الثامن والخمسون 58 بقلم ريحانة الجنة

رواية رحم للإيجار 3 (حب الفرسان) الجزء الثامن والخمسون

رواية رحم للإيجار 3 (حب الفرسان) البارت الثامن والخمسون

رواية رحم للإيجار 3 (حب الفرسان) الحلقة الثامنة والخمسون

لو هنوصف حاله بالمصدوم هيكون ده ابسط وصوف ممكن يتقال …ريان كان في حالة من الجنون والغليل والحيرة كمان !! كطبيعة اي واحد في موقفه وبشوف اللي هو شايفه قصاده !!
ريان لقي رسالة من رقم خاص بتحتوي علي كلام نصي ومعاها صور وڤيدوهات !!
الكلام النصي كان نصه!!
** اترددت كتير اباركلك الحقيقة عن خبر الحمل لاني بصراحة مش عارف هو مين فينا اللي المفروض يبارك للتاني!! انا ولا انت؟
اظن انت اللي تباركلي لاني انا ابوه ولا ايه!!
قبل ما تتعصب وتكدبني اسأل نفسك سؤال بسيط ازاي لمار اللي كانت كرهاك بقت تمثل عليك الحب!! ايوة بتمثل هي عمرها ما حبتك ومستحيل تحبك ..لمار ما حبتش الا واحد بس انا ياريان ..والصور اللي قصادك دي ومعاها الڤيديوهات بتاعتي وانا عايش جوا بيتك الايام اللي انت كنت مسافر فيها..ولا انت ما اخدتش بالك ان المدام كانت قاعدة في البيت لوحدها ورافضة تروح بيت اهلها!! عارف ايه السبب !! السبب انها كانت عايشة معايا الفترة دي كلها وبنقضي اجمل ايام حياتنا سوا والنتيجة كانت سريعة اهو وانت تشهد حملت علي طول بسرعة البرق مبروك عليك ابني يا باشا سلام😎
كانت كل كلمة بيقرأها بتدبحه ببطئ وبرود…محتار بين كلام المفروض يعتبره كدب ووقيعة بينه وبينها وده الاقرب لذهنه ولقلبه اللي عشقها كمان !! وبين حقايق غريبة مش قادر ينكرها !! خصوصا لما فتح الصور وشاف صور لرامي من داخل شقة ريان صور ليه في كل مكان في البيت وكمان وهو متحرر من ملابسه بشكل فاضح يعني كأن واحد عايش جوا البيت بمنتهي الارياحية!!
كان بيضغط علي اسنانه بجنون وغليل وهو ضاغط الفون بين قبضته ويكاد يكسره في غمضة عين…قلبه بيتمزع وهو بيفتح اول ڤيديو لرامي من داخل غرفة نوم ريان وهو قاعد علي سريره وفي ايده علبة من النوتيلا المفضلة لريان ولمار وبياكل منه و بيستلذ بيه وهو بيصور بمنتهي الاستفزاز والبرود!!
رامي بيبتسم بإستفزاز: انا مش عارف هبعتلك الڤيديو ده امتي بصراحة هو انا حاليا بصوره وحبيبتي في الحمام بتاخد شاور انت فاهم بقي اتنين عشاق عايشين مع بعض محتاجين يجددوا نشاطهم كل شوية ولا ايه!!
عموما انا هجهزلك مجموعة صور وڤيدوهات علشان لما احب اهاديك تكون هدية حلوة ولعلمك انا اقسمت اخد طاري منك بعد اللي عملته فيا في الشاليه من يومها واقسمت اني هدوقك من كأس مر تعيش عمرك كله بعاره وتحلف ان رامي رشدي طعنك في اكبر شئ عندك وهو رجولتك وشرفك بعد ما بسببك فضلت شهور في المستشفي وخرجوني منها سرقة زي اللي بيهرب علشان انت وچواد باشا جاين تكملوا عليا فضلت اتنقل من مكان لمكان وانا متكسر وبموت..بس اهو اديني قصادك يا ريان واقف علي رجلي ومن وقت كبير اوي كمان !!
استني يوم ما اقرر ابعتلك الهدية دي واوعدك هقلب حياتك من يومها جحيم وهعيشك اسود ايام حياتك ..لما لما كانت في حضني لما اختها من الشاليه ليلتها ماكنتش لسة بقت مراتك …لكن دلوقتي وهي في حضني بقالها ايام ولسة هتكمل معايا لحد ما انت ترجع من السفر خلاص بقت مراتك وعلي اسمك وكل لحظة بتقضيها معايا انا بكسرك فيها..
ريان نبضاته بتتنفض من كل وريد بجنون ملامحه كانت كلها غليل ونااار بيسمع ويشوف ومش مستوعب ان ده حقيقي وحصل مستحيل لمار تعمل فيه كدة مستحيل !!
ايده بتترعش وهو بيفتح الڤيديو اللي بعده واللي كان رامي فيه بيتمشي ببرود داخل ممرات البيت لحد ما دخل اوضة النوم ووصل عند باب الحمام الخاص بيها ووقف وابتسم ابتسامه وقحة وخبيثة!!
رامي: انا دلوقتي هوريك مراتك وهي بتاخد شاور علشان تخرج نكمل سعرتنا سوا شوف معايا كدة بس خد بالك هفتح الباب جزء بسيط علشان هي ما تخدش بالها اصلها جبانة وبتخاف ولو عرفت اني بصورها مش هتثق فيا تاني وانا ما صدقت انها خلاص حنت لحضن رامي حبيبها !!
كانت روح ريان بتروح ودقات قلبه بتزيد مع لف قبضة ايد رامي لمقبض الباب واتفتح جزء بسيط منه فعلا وكانت فيه واحدة حقيقي متجردة بالكامل وبتستمتع بشاور دافئ لكن كان ظهرها للفون والتصوير كمان البخار مش موضح ملامح ده غير ان الالواح الزجاج اللي محاوطاها جوا الحمام من الداخل معتمة علي ملامح الجسم لكن من بعيد هي نفس هيأة لمار نفس صغر الحجم والقوام الممشوق ولون البشرة واللي كان صعب تحديده وسط البخار وكمان زخرفة الالواح الزجاج اللي حجبت المعالم والملامح لكن للوهلة الاولي هي لمار حتي بنفس لون الشعر وطوله كمان !!
وقتها ريان قعد علي طرف السرير بإرهاق شنيع ووجع رهيب وكسرة وخزي مش قادر يتخطاه!!
دخلت لمار وبين ايديها العشاء اللي جهزته ليه شافته قاعد بالشكل ده ورأسه وعيونه للارض بكسرة وحزن!! قلبها انقبض وسابت العشاء بعيد وجريت عليه وقعدت بين ايديه وتحت رجليه بخوف وقلق وهي بترفع عيونه ليها بخوف!!
لمار بقلق: مالك يا روحي!! انت تعبان!! ليه قاعد كدة وايه اللي مغير وشك بالشكل ده!!!
ريان رفع عيونه ليها بوجع وحيرة يا تري يصدق اللي شافه وسمعه واللي لسة موجود كمان وهو ما فتحهوش ولا قادر يكمله ولا يصدق براءة عيونها اللي بتحضنه بخوف!!! ونبرة صوتها اللي هتتجنن عليه !! ولا لمستها الناعمة اللي بتطبطب عليه!! ولا حضنها اللي كان لسة بيضمه من دقايق وكان حاسس بيه!! ياتري يصدق مين ويكدب مين!!
ابتلع غصة غيرة وكسرة بمرار ونطق بعتاب: ليه!! ليه يا لمار لييييه!!؟
لمار عقدت حاجبها بدهشة : ليه ايه!!
ريان حدف الفون بعيد عنه بإحتقار قصادها ودفن ملامحه بين قبضته بخزي …مدت ايديها بتردد وخوف واخدت الفون وشافت الرسايل وقرأتها بدموع وملامح مزهولة ومصدومة…وهي بتحرك رأسها بنفي وبراءة لحد ما وصلت لڤيديو الشاور وفتحت عيونها بصدمة وزهول ودموعها زادت بنفي وجنون!!
لمار بإنهيار: لا لا مش انا ماحصلش والله ما حصل ده كداب والله كداب ريان بصلي كويس اوعي تصدق اللي قاله الكلب ده اقسم بالله ماحصل ولا فيه حد غيرك لمسني ..مش انا اللي في الڤيديو مش انا والله مش انا !!
سحبت ايده االي مخبي بيها ملامحه بقهرة وسكوت بعنف وجون وهي بتهزه بإنهيار : بص ليا !! بص ليا وقولي انك مصدقني!! قولي انك مستحيل تظلمني ظلم زي ده قول ارجوك!! ريان انت ساكت ليه رد عليا وقولي ساكت ليه!! انت لازم تتكلم ..لازم تنطق…انت لازم تصدقني لازم !!
ريان رفع عيونه ليها بغضب واتهام: اومال ليه كنتي بتتحججي وقعدتي هنا في البيت لوحدك!! ليه كنت كل لما اقولك روحي عند امك او حتي امي كنتي بترفضي!!
لمار بعدت عنه واستقامت ووقفت بصدمة لاتهامه وشكه الواضح والصريح : اااانت …ااانت مصدقه وبتشك فيا!!؟
ريان قام بغضب وسحبها من ذراعها بغليل وعنف : قوليلي انتي وفسري ليا اللي شوفته وقوليلي اصدق مين!! الوسخ ده دخل بيتي ازاي !! قعد علي سريري ونام عليه !! بيتحرك في بيتي زي ما يكون بيت ابوه ازاااااااي!! انطقي وقوليلي مين اللي كانت عريانة دي ومعاه جوت بيتي !! ولما هو مش انتي كنتي فين وده كله بيحصل!! انتي بلسانك قولتي انك ما روحتيش في اي مكان طول سفري يبقي ايه!! جه هنا ودخل وجاب واحدة شبهك وعمل الڤيدوهات وصور الصور والهانم ناااايمة!!! ده انتي لو شاربة بنج كنتي هتفوقي ولو للحظة واحدة او هتحسي ان فيه حاجة غريبة !!
لمار بدموع ورعب من هيأته وثورانه الغريب واللي عمرها ما شافته منه قبل كدة حتي في عز ما كنت بتخاف منه زمان عمرها ما شافت منه الوحش الثائر ده والغضب الرهيب المهلك بالشكل ده !!!
لمار بتوتر وكل خلية وذرة في جسمها بتتنفض وترتعش بخوف : اااايوة ما كنتش بروح عند حد بببس…بببس خرجت اكتر من مرة للدكتورة لما تعبت قبل ما اعرف اني حامل !! ولما روحتلها عملت تحليل الحمل وعرفت اني حامل… كككمان..كمان ااانا خرجت تاني علشان يومها عملت تحاليل تانية مع تحليل الحمل وروحت علشان استلمها واعرضها علي الدكتورة …وفيه كمان مرة روحت القصر عند جدو رعد وناناه همس ووو وكمان جدو بعت معايا حرس لحد البيت هنا …وكمان ماما كانت بتيجي هنا اوقات تطمن عليا !! ريان ارجوك صدقني انت مستحيل تصدق الكلب ده وتكدبني انا !! ريان انت وانا وكلنا عارفين هو وجدو عايزين يأذونا بأي شكل ارجوك ..ارجوك بلاش تديهم الفرصة يدمروا كل اللي بينا!!!
ريان بعد عنها ودفعها بعنف وضيق عايز يهدي و يفهم ويستوعب كل اللي بيحصل !! سحب الفون من ايديها بعنف ولقي فيه ڤيديو تاني فتحه وشاف رامي فيه واقف قصاد دولاب الملابس الخاص بلمار وبيستعرض قصاده لبس ليها خاص جدااا بمنتهي الوقاحة !!
رامي بمكر واستفزاز: شايف ده!! ده قميص نوم جديد حبيبتي جابته ليا مخصوص ولبسته ليا النهاردة افتكر لما ترجع تتفرج عليه وتشوفه عليها اوعدك هيعجبك اكتر وهي لابساه!!
انتهي الڤيديو وريان التفت ليها بغضب جامح وانفاسه سريعة وملهبة زي لهيب النااار وعيونه وقعت علي دولابها وقرب منه بسرعة و مد ايده وسحبه ورفعه قصاد عنيها بغليل وغيرة وجنون!!
ريان بيضغط علي اسنانه بغضب: مش ده برضوا قميص النوم اللي قولتيلي انك اشترتيه علشاني!!! مش ده اللي كنتي لابساه ليا انا ليلة ما رجعت من السفر!! مش ده اللي نمتي بيه في حضني!! ده كمان رامي بيكدب فيه وبيوقع بينا!! لييييه يا لمار !! ردي عليا وقوليلي ليه!! ليييه تكسريني كدة!! لييييه!!
حالتها وصدمتها ما كنتش تفترق عنه كتير !! هي هتتجنن اكتر منه وتلاقي تفسير لكل التهم اللي بتتوجهلها وهي مش عارفة تنفيها ولا قادرة تلاقي دليل براءة واحد واضح وصريح!!
استفز اكتر من سكوتها وتوهان عيونها شدها بعنف وغل : انتي ساكتة ليه!! انطقي وقوليلي حاجة !! قوليلي حاجة واحدة تدافعي بيها عن نفسك!!
لمار وقتها كانت في حالة من الخمول والتيه!! صدمتها من اللي بيحصل واتقال وشافته!! اتهامه ليها اللي هي محتارة مابين انها تلومه عليه لانه المفروض ما يصدقش رامي بأي حال من الاحوال ولازم يكون متأكد منها ومن حبها ليه وكمان انها مستحيل تكون بالحقارة دي!! وما بين انها عزراه في ظنه وغيرته خصوصا ان اللي شافه وسمعه مش هين ولا قليل !!
كانت بتتمني ان كل ده يكون في النهاية كابوس وتفوق منه وهي غفلانة في حضنه كالعادة !! بتتمني تفتح عيونها وتلاقيه بيصحيها ويسالها مالك بتبكي ليه وتصرخي وانتي نايمة!! كانت بتغمض عيونها بقوة و تبكي وهي بتتمتم بيها بتوتر وتكرار مجنون…
اصحي يا لمار…اصحي ..اصحي يا لمار اصحي …اصحي بسرعة…اصحي…
ريان عقد حاجبه وسط ثورانه وجنونه بدهشة وضغط علي ذراعها بعنف وهزها بقوة !!
ريان بغضب: انتي بتقولي ايه!! علي صوتك وسمعيني بتقولي ايه!!
لمار فتحت عيونها بصعوبة وهي بتبكي بخوف وضعف: عايزة اصحي !! بصحي نفسي انا في كابوس صح!! صحيني وحياتي بسرعة وقولي اني بحلم!! مش ممكن يكون حقيقي مش ممكن !!
برغم غضبه منها وغيرته المجنونة وعدم وجود تفسيرات مقنعة تثبت كدب كل اللي شافه والتهم كلها بتقول انها مذنبة الا ان قلبه اتعصر عليها وعلي حالها وضعفها وحالة الصدمة اللي مستحيل تكون بتتصنعها هو مش هين ولا ساذج ويقدر يفرق بين التصنع والحقيقة !!
لكن الحيرة اللي بتمزعه والشك اللي بيقتله والخوف من ثبات التهم عليها بيغلي جواه كانوا مشتتينه بينهم مش عارف يعمل ايه !! وقتها سحبها بهدوء وقعدها وقعد قصادها وهو بيحاول يكون عاقل وكمان يحضر جواه وفي عقله ريان الظابط الشاطر اللي مش سهل ينخدع !!
ريان بيحاول ينظم انفاسه ويهدي ثوران غيرته : لمار اهدي كدة وفكري معايا كويس لو اللي بتقوليه صح وانتي مالكيش علاقة بإبن الكلب ده ولا دخل بيتي في وجودك ولا حتي !!
غمض عيونه بغضب وغيرة ببحاول بثبت علي هدوئه وهو بيكمل كلامه !!
ولا لمسك ولا قرب منك ولا انك لسة علاقتك بيه مستمرة!! قوليلي دخل البيت ازاي وامتي وخصوصا الباب لا حصل وقولتي انه اتكسر او حصل فيه خدش ولا ان حد حاول يفتحه ولا فيه اي أثر ان حد فتحه بطريقة غير المفاتيح الاصلية واللي وقت سفري ما كنتش موجودة الا معاكي وبس!! ده غير الحرس اللي تحت العمارة والبواب وكل دول ازاي كل ده حصل وانتي وهما ما حستوش ولا حتي انتبهته!! طيب لو حتي هو دخل البيت وعمل كل ده وانتي مش هنا لما كنتي بترجعي ماكنتيش بتلاحظي اي تغير !! اي شئ لفت نظرك؟؟ مافيش مرة استغربتي ان حاجة مكانها متغير!! بلاش كل ده مين اللي كانت بتاخد شاور في ااحمام يا لمار!!
لمار وقتها رفعت عيونها ليه بدموع ووجع اتهام ظالم وبتحرك رأسها بنفي: والله ما اعرف..احلفلك انها مش انا!! والله ما انا!! انا فعلا اوقات كنت بلاقي حاجات غريبة في البيت بس كنت بقول يمكن انا بنسي او مش واخدة بالي !! لكن صدقني انا مستحيل اعمل كدة مستحيل!!
ريان غمض عيونه بجنون ومسك رأسه بعنف وهو هيتجنن من التفكير والغيرة بعد عنها بحيرة والتفت ليها فجأة وهو مجبر يفكر فيها وينطقها!!
ريان بوجع: لو فعلا واثقة من نفسك ومن برائتك يبقي تيجي معايا وانا هتأكد ان كان حد لمسك غيري خلال الشهور اللي فاتت ولا لا وكمان هعمل DNA للجنين واتأكد انه ابني لو رفضتي يا لمار يبقي وقتها انتي اللي بتثبتي كل كلمة قالها الكلب ده وكل حاجة شوفتها بعنيا …وقتها هكدب كل ده واكدب عنيا واصدقك!! ها موافقة!!؟
لمار ضمت ايديها تسند بيه ضلوعها ودقات قلبها اللي بتتنفض وتتسارع وضمتها لصدرها وقلبها بوجع وصدمة بتستوعب مدي اللي وصلت ليه معاه!! كانت وقتها اللي بتنزل من عيونها مش مجرد دموع !! لا دي كانت اثبات من الزمن والقدر بيقولها انك كنتي ومازلتي غير مؤتمنة ومها اخدتي هدنة من الايام وفرحتي ان حياتك اتغيرت لازم ترجعي لنقطة البداية من تاني !! واديكي رجعتي وقفتي قصاده غريبة وكأنه هو كمان الغريب الاول اللي كنتي بتتجنبيه وتخافي تقربي منه!!!
وقتها هو كمان حاله اصعب من حاالها ووجعه اصعب من وجعها ونااار بتحرق اضعاف نارها!! لكن برغم تصميمه علي رأيه وطلبه الا انه اتوجع لانكسارها وصدمتها !! لكن هو مجبر مستحيل هيقدر يتجاهل كل الشكوك دي بدون اثبات ولا دليل واحد يطمن قلبه ويهدي وجعه!!
قرب منها بتصميم وجدية: ما سمعتش ردك!! موافقة !؟
لمار هزت رأسها بموافقة ولامبلاه وهي بتمحي دموعها بزل: موافقة يا ريان بس فيه طلب ليا انا كمان قصاد طلبك!! زي ما انت من حقك تطمن اني شريفة وتصدق الادلة اللي هتكون بين ايديك لانك مش قادر تصدقني انا ولا هتقدر تعيش معايا وانت شاكك فيا ولا هتقدر تبص في عنيا وانت بتفتكر كل اللي حصل!! انا كمان بعد ما هثبتلك برائتي وعفتي وانتي عمري ما خنتك ولا سلمت نفسي لراجل غيرك وان اللي في بطني ده ابنك انت ومالوش اب غيرك!! وقتها هتطلقني يا ريان ومستحيل ارجعلك بعدها ومستحيل اسامحك انك وقفتني الوقفة دي ولا هقدر ابص في عيونك من تاني وانا بفتكر نظرات كل حد هيقرب مني ويكشف عليا او يعملي اي تحليل يثبتلك فيه اني شريفة !! مش هسامحك انك خونتني وشككت فيا تاااني بعد ما وعدتني انك عمرك ما هتكررها واديك خلفت وعدك ليا !! لو وافقت علي طلبي انا مستعدة حالا اروح معاك لاي مكان وتتاكد زي ما تحب انا واثقة من نفسي ومن ابني !!؟
الثقة في كلامها والوجع في صوتها ونبرتها اللي بتتألم وكأن كل حرف وهو خارج بيجرح فيها من الوجع …نظرة عيونها ولمعان الدموع اللي بتنزل بقهرة كانوا في جانب من قلبه وتفكيره …والجانب التاني فيه كل كلمة سمعها بترن في ودنه!! كل حاجة شافها بتتعاد قصاد عيونه !! الظن والشك هما اسواء واصعب الاسلحة اللي ممكن تدمر وتنهي اي انسان واي علاقة مهما كانت قوية ومهما كانت مليانة حب وغرام …
سابها وخرج من غير ما ينطق بكلمة ودخل الاوضة التانية وقفل الباب بإحكام وفتح الدولاب وخرج منه لاب توب واجهزة فون مختلفة وقعد قصادهم وهو متردد واخيرا اخد نفس بعمق وتصميم وشحنهم وفتحهم !!!
الاجهزة دي اللي كانت تخص رامي ومنهم فونها هي القديم اللي اخدهم ليلة حادثة شاليه السخنة…من وقتها وكان متردد انه يفتحهم او يشوف اي شئ عليهم…وقتها كان بيحاول ينسي ويعتبر اللي حصل كله ماضي سئ مؤلم مش قادر يفتكره او يكتشفه ولا يعرف منه اي شئ يوجعه…خصوصا لما قربوا من بعض واعترفوا بحبهم لبعض وقتها قرر انه هيمحي كل شئ وينسي الماضي كله ويبدأ معاها من جديد ..لكن اللي حصل الليلة صحي الشك واشعل النار من تاني وخلاه يقرر يفتح كل شئ ويشوف كل حاجة من الاول لاني صعب يتنازل المرة دي او يسيب قلبه وحبه يهين كرامته او يدوس علي رجولته!!!
فتح وشاف كل شئ لكن الغريب انه شاف اجهزة رامي عليها الصور والشتات بينه وبين لمار مختلفة عن الصور والشتات علي فون لمار تماماااا…كل شئ عند رامي فيه تجاوز وبذائة في الكلمات حتي الصور كأنها لجسم واحدة تانية مش لمار وهنا بحكم خبرته ومن غير اي مساعدة او عرضهم علي اي خبير قدر يفهم ان رامي مزور ومفبرك شتات لمار سواء كلام او صور !! سحب فونه وفتح الڤيدوهات الاخيرة اللي بعتها رامي من شقة ريان وشافها من تاني وبدأ يعيد تفكيره بهدوء وروية !!!
ريان بتفكير وحيرة: يعني لو كانت لمار معاه هنا فعلا ابسط شئ كان يصورها ولو حتي صورة واحدة وهي مش واخدة بالها!!؟ طيب ليه الڤيديو بتاع الشاور صوره خطف وبسرعة كمان انا حافظ جسم لمار كويس هي اللي في الڤيديو ايوة اشبهها ونفس الجسم لكن قلبي مش مرتاح حاسس انها مش هي!! كمان هي خرجت اكتر من مرة اكيد جه هنا وعمل كل ده وخرج قبل رجوعها علشان يفرقع فضيحة جديدة!! طيب !!
طيب لو هو كدة فعلا هو عرف منين وقت خروجها وهتغيب قد ايه!! كمان هو عرف منين خبر حملها وانها الليلة اول ليلة تقولي الخبر ده!! طيب هو عرف منين انها اشترت قميص نوم جديد ليلتها !!
ضغط بقبضته بقوة وغيرة وغيظ علي رأسه وهو هيتجنن من التفكير !! ورفع عيونه فجأة علي رنة وصول رسالة جديدة وهنا شاف ڤيديو للمار في البيت وهي بتتحرك فيه وبعدها مقطوع بمونتاچ وهي داخلة اوضة النوم وبتغير هدومها وداخلة الحمام !!
هنا وقف بغضب واتاكد اخر ظنونه رفع عيونه لفوق حاوليه بغليل وهو بيضغط علي اسنانه بغضب..بيدور علي مكان لأي كام مخفية …
ريان : كدة بانت يا رامي الكلب والڤيديو ده جاب النهاية واثبت اللي بيدور في دماغي وده من غبائك وغشامتك !! لو كانت رمار معاك فعلا كان بقي فيه ڤيديو واحد يجمعك بيها!! كمان الڤيديو ده بالاخص متصور من مكان بعيد وواضح انه من كام ثابتة مش واحد بيصور ولمار مش واخدة بااها اصلا انها ببتصور دي واحدة بتتحرك علي انها لوحدها كمان الڤيديو فيه مونتاچ و واضح انه متجمع من اكتر من ڤيديو من كام مختلفة !! كدة الحساب اتقفل وتاري لازم اخده علشان لحد شرفي وعرض مرااتي اللي انت اتعديت عليه واستباحته انك تركب كاميرات في بيتي وتصورها وتدخل بيتي في غيابي !! دي حسابها غااالي اوي عليك يا رامي ويارب تقدر تسدده !!!
فتح باب الاوضة وخرج بيدور عليها مش لاقيها اتجنن وخرج يشوفها لحد ما لمحها عند باب الشقة وواقعة فاقدة وعيها وبتنزف من جرح في رأسها عميق وكأن حد ضربها بالة حادة ده غير نزيف الحمل ونبضها اللي تقريبا معدوم قلبه اتفزع وضمها بقوة ورعب وصرخ بصوت جاهوري رن في كل شبر في العمارة والشارع بأكمله!!
ريان بجنون: لماااااااااااااااار