رواية رحم للإيجار 3 (حب الفرسان) الفصل الثالث والخمسون 53 بقلم ريحانة الجنة
رواية رحم للإيجار 3 (حب الفرسان) الجزء الثالث والخمسون
رواية رحم للإيجار 3 (حب الفرسان) البارت الثالث والخمسون
رواية رحم للإيجار 3 (حب الفرسان) الحلقة الثالثة والخمسون
السؤال مع انه سهل وواضح لكن لانه ليه اجابات واسباب كتيير عندها اتفاجأت بيه وسكتت…
همس عادت عليها السؤال بحزن: ردي يا هنا رجعتي ليه!!؟ انتي جاية تدوري علي ايه!!؟ انتي خلاص ما بقتيش محتاجة لحد مننا حتي عدي ما بقتيش محتاجة ليه!؟ واظن هو كمان حس بكدة ومابقاش محتاجلك هو كمان….
هنا وقتها انفعلت بغضب: هو انتم ليه ماحدش فيكم حاسس بيا ولا فاهم النار اللي جوايا !!! انا واحدة جوزها وشريك عمرها سابها هي وولاده بعد العمر ده كله وجري ورا عيلة من الشارع من سن احفاده!!! مين اللي يتلام انا ولا هو !! هو انتي مش صاحبتي!! انتي مش عشرة عمري!! واحدة غيرك تكون اكتر واحدة واقفة جنبي وحاسة بتعبي!! بس ازااااااي !! لا لازم همس العاقلة تفضل في دورها ومكانها تدي مواعظ وتصدر احكام…ولازم تظهر الهدوء والحب والعقل اللي هنا ضدهم تماما….لازم في كل موقف تظهري اني عكسك في كل شئ بس عارفة !؟ انا مش فارق معايا كل ده لان ببساطة انا شايفة نفسي كاملة وشايفة نفسي حققت اللي انتي وستات كتييىر غيرك ما قدروش يحققوه…علي فكرة العيب مش فيا…العيب فيكم انتم…حتي بنتي للاسف اطبعت بطبعك…بقت زليلة وتحب الضعف والانكسار…راضية وقاعدة تحت رجلين ابنك مستنية منه العطف والحنية والاهتمام وقت ما يحب هو زي ما انتي طول عمرك تحت رجل رعد !! همس انتي عمرك ماكنتي ست مستقلة ولا عمرك هتكوني ده…عارفة ليه!!! علشان انتي عشقتي دور الجارية في الحكاية …حبيبتي دور المنكسرة الضعيفة …وفاكرة ان ده انجاز…اوعي تفتكري انك احسن مني او انا جوزي خاني بعد العمر ده وانتي لا…فوقي يا همس رعد بيخونك ومن زمان اوي بس من غير ما تحسي ولا اي حد يحس…رعد مش ملاك ولا معصوم ..رعد زي كل الرجالة طبع الغدر والخيانة فيها….
وقتها وقبل اي رد من همس اللي دموعها وصدمتها كانوا ابلغ رد علي هنا وهجومها وجرحها ليها …وقبل حتي من اندفاع تمارا وحلا للدفاع عن همس…
كان فيه دفاع اقوي وابلغ واعنف…وده اتأكدت منه هنا لما سمعت صوت زئيره الچاهوري المخيف…
رعد بغضب: هننننننا!!! كلمة كمان في حق همس لا هعمل حساب لعدي ولا لعشرة ولا لنسب…هدفنك مكانك ووقتها الكل هيرتاح من وجودك للابد….
قرب اكتر من همس وضمها لحضنه بحنان وهي اتمسكت بيه بقوة واستنجاد واللي برغم كبرها وعمرها ده الا انها لسة بتستقوي بيه زي طفلة بتبكي من قسوة الاطفال عليها وفجأة شافت ابوها بيدافع عنها جريت علي حضنه تتحامي فيه….
رعد بنظرات الغضب: انتي عارفة اننا من سنين مافيش بيني وبينك اتفاق…وطول عمري كنت شايف ان عدي كتيير عليكي بس النهاردة اتأكدت اني كنت صح…وانك فعلا ما تستهليش عدي.. ولا حتي تستهلي ولادك.. وبالاخص ماتستهليش همس تكون في حياتك.. لان صديقة زيها خسارة في واحدة زيك…وبعدين مين قالك اني عمري خونت همس!!! انا مش محتاج ابررلك انتي بالذات اي شئ لانك اصلا ما تعنيش ليا اي شئ ..بس انا برد علي كلامك علشان للاسف كلامك جرح همس…همس اللي مستحيل تتخان…همس تتحب في صغرها وكبرها …عارفة ليه!!! علشان همس قلبها هو اللي بيتحب ..اما انتي تتكرهي في صغرك وكبرك…علشان قلبك اسود ويتكره… ولعلمك كل كلمة قولتيها في حق همس هندمك عليها يا هنا ندم عمرك …وماحدش هيقدر يمنعني عنك…حتي عدي…واحب افرحك بخبر لطيف..كتب كتاب عدي وعشق بعد ايام ياريت تكوني سافرتي وريحتينا علشان نفرح ..وجودك بيأذي ويقتل اي فرحة….
ووجه كلامه لحلا ومايا: واي واحدة منكم هتعترض او هتفكر تبوظ اي حاجة زي ما امكم بتعمل هيكون عقابها عندي انا مش عند عدي…مع اني متأكد ان حلا مستحيل تعمل اي حاجة لكن انتي يا مايا نسخة امك…وبنبهك علشان المرة دي حتي جوزك مش هيعرف يعالجك ولا انتي ولا امك المريضة زيك…و دلوقتي حابة تفضلي هنا من غير ما عدي يحس بأي حاجة اتفضلي …مش عايزة يبقي ريحيتينا واتفضلي مع السلامة …انا مش عايز حاجة تضايق عدي وخصوصا انتي…
والتفت لحلا: حلا!!
حلا بتمحي دموعها بصمت مهما كانت رافضة تصرفات امها وطباعها الا انها اتوجعت ان امها وصلتهم للموقف ده…قربت منه
حلا : نعم!!
رعد بيتحرك بهمس اللي دموعها وصمتها بيحكوا عن صدمتها في كل اللي بيحصل..
رعد: خالي اي حد من الطباخين يساعدوكي انتي وتمارا وجهزوا العشا بسرعة انا هاخد همس ترتاح شوية …
حلا حركت راسها بخفة: حاضر .
اتحرك رعد هو وهمس بس همس وقفته والتفتت لهنا ..
همس بحزن وعتاب: صدقيني انا مش زعلانة علي اللي قولتيه !! لا انا زعلانة علي هنا الحلوة اللي جواكي اللي انتي قتلتيها وصممتي تدفنيها جواكي…زعلانة علي لمتنا الحلوة اللي انتي نقصتيها….زعلانة علي دائرة مقفولة بالحب والحنان واللهمة اللي ماتتعوضش اللي انتي فضتيها وفتحتي الدائرة ومشيتي واديتنا ظهرك ..زعلانة علي كل لحظة اشتاقتلك فيها وانتي بعيد ووحشتيني…زعلانة علي ليلة نمت دمعتي علي خدي وانا محتجالك جنبي اشتكلك واضحك معاكي زي زمان….زعلانة علي مكانك اللي سبته فاضي سنين طويلة واقول لا مستحيل حد غيرها ياخد مكانها ولا احبه قدها …زعلانة اوي انك اخدتي مني صاحبة عمري وسبتيها هناك ورجعتيلي بواحدة تانية واحدة انا ما اعرفهاش ولا عمري كنت اتمنى اعرفها …
رعد كانت نظراته لهنا مش بس غضب وغيظ لا كانت وعيد كمان ..اخد همس وخرج وسابهم وسط نظرات الجميع المتهمة لهنا …
هنا كانت في قمة غضبها وغليلها وخصوصا انها ما قدرتش تنطق او ترد الاهانة من رعد ولا حتي العتاب واللوم من همس…التفتت لحلا اللي كل نظراتها عتاب وحزن …
هنا بعصبية : ها ايه انتي كمان بتبصيلي كدة ليه!!؟ مش كفاية انك شايفة امك بتتهزأ وواقفة ساكتة حتي مش قادرة تدافعي عني!! لا وكمان يؤمرك تقولي حاضر!!؟ ليكي حق ما انتي جارية ابنه..هتفضلي طول عمرك كدة ضعيفة وتعشقي الانكسار والاهانة والزل !!
تمارا اتقدمت قصاد هنا ومنعت حلا تتكلم : اظن انتي نفسك كنتي واقفة قصاده ساكتة مش قادرة تنطقي بكلمة كنتي عايزاها هي تتكلم تقول ايه!!! خصوصا وبنتك التانية اهي واقفة ووشها هيفرقع من الغيظ وبردو ساكتة وما تجرأش تنطق قصاده…جاية تلومي حلا ليه!!؟
ثم اظن كل كلمة اتقالت انتي تستحقيها وماحدش منم غلطان انتي فعلا انسانة مريضة وعايزة تتعالجي ولولا بس انك ام حلا اللي طول عمري بعتبرها اختي كنت عرفت ازاي اكمل عليكي بعد اللي قولتيه ده؟؟؟
حلا بتبلع غصة حزن ووجع واتقدمت قصاد تمارا تمنعها تكمل: تمارا ارجوكي كفاية!! كمان انتي لسة قايلة انها امي ..يبقي اكيد مش هتحمل اي حد يهنها ابدااا..كفاية اني فعلا ما قدرتش ادافع عنها قصاد اونكل رعد ..
والتفتت لهنا بعتاب: شوفتي وصلتيني لفين!!؟ اني اقف اشوفك بتتعنفي وانا مش قادرة ادافع عنك ..مش خوف من اونكل رعد لعلمك… لو كان ظلمك او عندك الحق وهو بيفتري عليكي لو فيها موتي كنت هقف قصاده وادافع عنك…ومهما كانت النتيجة انا كنت هعمل كدة!! لكن للاسف انتي من زمان بتكرهي اي اتنين مرتاحين وبيحبوا بعض!! وماكنتش قادرة اعرف ايه السبب ولحد النهاردة مش فاهمة سر العقدة دي ايه!!؟
هنا قربت منها بغضب: الزمي حدودك يا حلا وما تنسيش اني امك فاهمة ولا لا!! ثم ايه العقدة بقي اني اشوف حد بيحب حد محرومة منه مثلا!! ابوكي طول عمره ببتمني رضايا وشاف الويل علشان احبه واتجوزه…هغير من ايه وازعل ليه!؟!
حلا ابتسمت بدموع: بجد!! اخيرا اعترفتي بالحقيقة !! ولما هو بيحبك كدة وطول عمره بيتمني رضاكي وجعتيه واهملتيه ليه!! هان عليكي كسرته في غربته بعيد عننا ليه !! نيمتيه ليالي حزين ووحيد ليه!!! جاية النهاردة تتهميه بالخيانة والبعد والبيع ليه!!؟
هنا انتبهت للحقيقة اللي اجراها الله علي لسانها بدون وعي!! بس هنا هي هنا كابرت وعاندت..
هنا بهروب: هو هههو كمان حكالك واشتكالك!!؟ ابوكي كدة بيأكدلي انه كبر وخرف فعلا!!!
حلا انهارت بدموع: كفااااية بقي كفاااية عناد وكبر…انتي اااايه…اااايه!! قلبك مات!! انتي مستحيل تكوني امي مستحيل…حتي من زمان كنتي بتعملي المستحيل علشان ابعد عن فادي…كنتي بتتمني طلاقي وفرقة ولادي….فاكرة يا هنا هانم!! فاكرة ياما قسيتي عليا ووجعتيني وساومتيني بعلاقتي بيكي كأم وعلاقتي بفادي وحياتي معاه!! فاكرة انا شوفت منك ايه !! طول عمرك بتحبي مايا وتفضليها عليا مش بس لانها تشبهك في طبعاك وفي كل حاجة لا ..بتفرقي بينا لانك دايما شايفة فيا حلا!! ايوة خالتوا حلا اختك؟! كنتي كارهة حب بابا ليها وذكرياته معاها واللي بتتجدد وبتحي جواه لما بيشوفني او يسمعني!! كنتي دايما بتتعمدي تغيريني علشان ما ابقاش زيها ولا اشبهها …انتي جواكي كره كبيير اوي ومن زمان بس للاسف كلنا كنا بنخبي ونضحك علي نفسنا علشان مش عايزين ننصدم فيكي…بس خلاص الستر اللي كان محاوطك اختفي …وكل الحقايق بانت…
مايا قربت من حلا بغيظ وبرود قاتل: كل كلمة قولتيها في حق امي ححاسبك عليها يا حلا ومش حقولك امنا!! لانك بعد اللي قولتيه ده ما تستهليش تكوني بمنتها!! انا هاخد امي وهمشي من هنا …بس ابقي قولي لاونكل رعد اللي هيفكر يمس شعراية واحدة من امي هقتله!! حتي لو كان هو نفسه رعد الحديدي ومش هبقي علي حد..
قبل ما تمارا تندفع لمايا وتشتبك معاها في حوار وتهديد جديد حلا منعتها ومايا اخدت هنا علشان تمشي بس هنا التفتت لحلا اخيرا وهي ماشة…
هنا بوعيد: ابقي افرحي بقعدتك في حضن ابوكي اللي خان امك واللي مقوينوا علي كدة وكمان غلطوا وهددوا امك!! وانا من النهاردة ماليش بنات الا مايا ولادها حتي احفادي منك هعتبرهم زيك مش موجودين…
خرجت هنا مع مايا وحلا رمت نفسها في حضن تمارا تبكي بحرقة …
اما لمار شافت مهرة واقفة بعيد في اخر ركن في المطبخ بتبكي قربت منها وحضنتها بحنان…
لمار: ليه كدة بس مالك يا مهرة !!!
مهرة اتمسكت بيها بدموع: هو ليه الدنيا دي بتدي اللي مش محتاج وتحرم المحتاج!!
طنط هنا دي مش حاسة بقيمة ولادها وخصوصا طنط حلا …وبتحرمها منها وهي عايشة في الدنيا بكل قسوة …وانا بتمني امي ترجع للدنيا ليلة واحدة اخدها في حضني واملي عنيا منها…يارتها فضلت عايشة ياريتها…
لمار ضمتها اكتر بدموع وحزن: عندك حق ياما كتيير متيتمين واهلهم عايشين…المهم انتي اهدي شوية انتي حامل وتعبانة تعالي اخرجي برا ارتاحي …
تمارا قربت منهم بهدوء: لمار خدي مهرة برا ترتاح و احنا هنخلي الطباخين يجهزوا كل حاجة مش عايزين حد برا يلاحظ اي حاجة ياللا بسرعة!!
**************************************************🌹بقلم ريحانة الجنه🌹
لمار فعلا اخدت مهرة وخرجت وتمارا اتولت تجهيز كل حاجة ..
والعشا جهز والكل اتجمع علي السفرة بس طبعااا رعد واضح عليه ملامح الغضب خصوصا وهو شايف حزن وسكوت همس علي غير عادتها في اي تجمع للاكل دايما بتكون مهتمة بالكل ومين اكل ومين بيحب الصنف ده ومين قاعد ساكت ومين مشغول بفون….المرة دي سرحانة وساكتة وحتي هي نفسها ما اكلتش اي شئ…
حلا كمان ساكتة وفادي من وقت ما رجع من برا شايفها متغيرة وساكتة بس وسط الجمع والزحمة دي مش عارف ينفرد بيها ويسألها ايه حصل…
مهرة بتاكل ببطئ وتيه وحزن….لمار عيونها علي تمارا بحيرة وتفكير وخصوصا وهي شايفة اهتمامها بمهرة واكلها من وقت ما اتجمعوا علي الاكل حتي كمان اختارت مكانها جنبها ..شافت مهرة متحاوطة من شهاب من اتجاه…وامها تمارا من اتجاه!!!
ريان كان متابع كل لفتة منها وفاهم كل نظرة حزن منها …وشايف عيونها متعلقة فين ومحتارة ليه!!!
ابتسم بحنان وضم ايديها بين قبضة ايده برفق …انتبهت ليه وبصت في عيونه شافته بيحرك راسه ليها…وكأنه بيقولها لو كل الناس مش جنبك..انا جنبك!! انا الدنيا…انا الناس…انا اللمة ..انا العائلة …انا الحنان…انا الامان…انا كل حياتك…
ابتسمت بحب وراحة وهو ضم ايديها بخفة وباسها بنعومة ومال عليها بهمس…
ريان : بحبك…اوعي اشوفك زعلانة كدة تاني وانا جنبك فاهمة!!؟ مش مهم مين حاوليكي!! المهم انا جنبك ولا لا…طول ما انا هنا اوعي اشوف حزن في عيونك ولا دمعة تنزل منك!!
لمار همست بنعومة: انا بحبك اوي بجد… كنت هخسر عمري كله لو كنت خسرتك يا ريان…ربنا يخليك لقلبي!!
سليم متابع كل حاجة وشايف سكوت الجميع والصمت الرهيب اللي بيعم المكان …حتي عدي شايف صمته وحيرته كمان لانه زي سليم تمام مش فاهم ايه حصل فجأة وقلب الوشوش والحزن ليه غالب علي الملامح…لكن لفت انتباهه ريان وتصرفاته مع لمار …وخصوصا لما شاف لمار ورقتها ونعومتها…واستغرب اكتر لما شافها واضح عليها حبها ليه وتعلقها بيه!! بس ابتسم بحب وهو شايف الوحش اللي بيوصفه انه ما عندوش احساس…وهو الاحساس والعشق بينطق في عيونه وملامحه…
مال علي عدي بهمس: شايف ريان عامل ازاي مع مراته!! انا مندهش من وقت ما دخل وهو ماسك فيها وبيعاملها اكنها بنته مش مراته!! بس واضح عليه انه بيحبها بجد فعلا!!
عدي كان سرحان ومش منتبه لسليم…سليم خبط علي كتفه بخفة وعدي انتبه اخيييرا!!!
عدي بإنتباه: ها فيه ايه!!؟
سليم عقد حاجبه بدهشة: لا بجد كدة كتيير!! هو فيه ايه!! ايه العشا والبيت الغريب ده!!؟ هما كلهم ساكتين ليه كدة!! حتي انت متنح وسرحان هو فيه ايه!!!
والتفتت عيونه علي همس بحنان: حتي همس مش عارف مالها شكلها تعبان او حزين !! مع انها من شوية كانت كويسة ايه حصلها يا تري!!! من وقت ما رعد قام دخلها وخرج بيها ودخلوا المكتب ورجعوا علي السفرة وهي متغيرة كدة!!! تفتكر يكون زعلها بسببي!! انا يظهر ما كنش يصح اجي هنا ولا ابوظ الدنيا بينهم بالشكل ده!!؟
عدي اتنهد وبص علي حلا بترقب: لا لا يا سليم انت مش السبب…انا حاسس ان فيه سبب تاني بعيد عنك!! خصوصا ان غضب رعد ده انا حافظه…ده غضب عليها من منها !! كمان انا حاسس ان فيه حاجة حصلت في المطبخ بدليل ان كلهم شكلهم متغير..حلا بنتي كمان شكلها مش مريحني!! وحتي تمارا شكلها متعصب…ومهرة وحتي لمار لما دخلتلهم خرجت متغيرة!!
الغريب ان هنا كانت معاهم وفجأة اختفت ومش عارف مشيت امتي!!؟ لما سألت حلا قالتلي ان مايا جات من الجنينة واخدتها ومشيوا !! انا مش مرتاح فيه حاجة غلط بتحصل!!؟
سليم بتفكير: ايوة صحيح انا من وقت ما جيت ماشوفتش هنا معانا خالص!؟ هي فين!! هو انتم متخانقين ولا ايه!!؟
عدي ابتسم بسخرية حزينة: ههه.متخانقين!!! لا خلاص مابقاش فيه خناق!!
سليم عقد حاجبه بعدم فهم: يعني ايه !!!؟انا مش فاهم حاجة! ما تتكلم وتقول فيه ايه مالك يا عدي!!؟
عدي اتنهد بوجع: لا مافيش حاجة بعدين يا سليم نتكلم وافهمك كل حاجة!!؟
حس بإهتزاز فونه في جيبه وخرجه وشاف اسمها علي الشاشة ابتسم بخفة وسليم شاف الاسم رفع حاجبه بدارمية …
سليم: عشق!!؟ دي هنا!!؟
عدي قام بخفة ومال علي سليم وهو ماشي: تؤتؤ دي الدنيا اللي شوفت فيها الهنا!! عن اذنك شوية وراجعلك …
****************************************************🌹بقلم ريحانة الجنه🌹
اخد الفون وبعد عنهم وخرج الجنينة ورد عليها: الو…
عشق بلهفة: وحشششتني!!
عدي ابتسم براحة: انتي اللي بجد وحششتيني اوي اوي!! انا بقيت مش عارف اقعد من غيرك يا عشق!! مستغرب انا متعلق بيكي كدة ازاي ولييه!!؟
عشق اتنهدت بحنان: يمكن علشان قلبك حاسس بيا وان كل حاجة خارجة ليك من جوايا حقيقة !! عدي انا اللي عشته معاك ما صادفتوش في عمري كله !! مافيش راجل قابلته وعمل فيا كدة!! طول عمري معروف عني قلبي جامد ومش بيتهز لاي اغراء بسهولة مهما كان!! الا انت حنيتك عليا كانت اقوي سلاح واكبر اغراء انا ضعفت قصاده!؟؟
عدي ابتسم وقعد بمزاح: اااااه لو كنتي جتيلي من زمان شوية كام سنة كدة بس !! كنت وريتك الاغراء علي حق !! لعلمك انا مش عجوز كدة طول عمري لا انا كنت چان چان يعني مافيش كلام!!؟
عشق ضحكت بقوة وانوثة:ههههههههههه..انت هتقولي !!!باين عليك يا روحي ..بس لعلمك انت لسة شباب ولسة چان ولسة اجمل راجل في الدنيا…علي الاقل في عنيا ..مش مهم بقي اي حد غيري..ولا انت عندك كلام تاني!!؟
عدي اتنهد بحزن وتمني ان اللي كانت المفروض تسمعه الكلام ده !! وتقويه وتقف جنبه هي هنا!! عشرة العمر وحب زمان!! مش عشق ابدااا…
عشق : عدي؟؟؟ ديدو حبيبي مالك ساكت ليه فيه حاجة!!
عدي ابتسم: لا لا مافيش حاجة!! قوليلي صح عملتي ايه في المشكلة اللي كانت مقبلاكي في الشغل اليومين اللي فاتوا!!؟
عشق بجدية: مافيش ياسيدي اتحلت انا مافيش حاجة بتقف قصادي انت عارف.!!
عدي : طب قوليلي عملتي ايه!!؟
عشق : بص يا قلبي انا…..
وانشغلوا سوا في الكلام عن الشغل والكلام بينهم عموما..
************************************************🌹بقلم ريحانة الجنه🌹
سليم كان قاعد متوتر من الصمت اللي بيعم المكان بالشكل ده!؟
سليم : احممم هو انا وجودي مضايقكم للدرجة دي!!؟ ولا يكنشي صدمة الفرحة هي اللي مسكتاكم كدة!!؟
ريان التفت ليه ولوي شفايفه بسخرية: ما تاكل من سكات يا دكتور ! حاكم انا عايز اشكرك شكر علي كيفي انك السبب في اللمة الحلوة دي وخصوصا اني كنت هنام من التعب!! بس مافيش اغلي منك تعب علشانه!!؟
سليم بملامح مغتاظة: لا شكراا ..مش عايز منك شكر ..انت اي حاجة بيني وبينك تبقي من بعيد كدة!! كفاية اللي شوفته منك الفترة اللي فاتت!؟
لمار بإستغراب: هو فيه ايه!! هو الدكتور سليم متضايق منك ولا ايه!! حاسة انه مش مبسوط؟!
سليم ابتسم وبملامح حالمية واعجاب: ياااااه تعرفي اني اسمي ماكنش حلو كدة الا لما قولتيه!!؟ مش ممكن الرقة دي!! هي بنات العيلة دي كلها ورثت الرقة من همس ماشاء الله …احممم قصدي مدام همس!!
ريان انفعل وبغيرة: مااااالك يا دكتور !! دي مرااااتي صاحي للكلام ولا ودانك مش جايبة الكلمة!!! انت ايييه واخد كلهم مقاولة !!
رعد اتنهد بضيق: مش عارف ماله ده !! شكله عايز يبات مع شيستر وشيكو ورامبو!!؟
سليم عقد حاجبه بدهشة : مين شيكو ورامبو وشيستر دول!! انتم بتحضروا ارواح هنا!؟؟ انا قولت والله البيت ده مش طبيعي انا قلبي ما كنش مرتاح!؟؟ لا والندل عدي سابني لوحدي وخرج !!؟
شهاب وريان بصوا لبعض وانفجروا من الضحك…اما فادي التفت لسليم بجدية…
فادي: قولي يا دكتور!! انت بتحب الكلاب!!
سليم بتوتر: كلاب!!! لا لا مافيش بينا عمار طول عمري بخاف منهم وبكرههم ! بس اشمعن الكلاب يعني اللي بتسأل عنهم!!؟؟
فادي ابتسم بمكر : اصل شيستر ورامبو وشيكو دول اشرس ثلاث كلاب عندنا وكلهم سلالات متوحشة ..شيكو ده كلب بول ماستيڤ اللي يشوفه يفارقه النوم ثلاث ايام متواصلة…
اما شيستر ده كلب هاسكي ده بيفتت لحم اتخن راجل يقابله في دقتين وومكن ياكلوا كمان بعضمه!! …اما بقي رامبو ده بقي الوحش بتاعهم ده كلب بيتبول كلب تموت من الرعب اول ما تشوف عضلاته بس …وكل واحد فيهم ليه بيت خاص بيه في الجنينة تحت!! قولي بقي تحب تبات مع مين فيهم علشان تتعرف عليه اكتر!!؟
سليم فتح عيونه بصدمة وابتلع ريقه بصعوبة وخوف: منكم لله!! انتم علشان كدة بتعشوني!! ده انتم كدة بتجهزوا عشا الكلاب علشان تاكلوهم !! حسبي الله ونعم الوكيل وفي عدي اولكم!؟؟ بص انا لا عايز اتعشي ولا عايز اتعرف علي حد …انا عايز اروح !!
رعد سابهم بيهزروا سوا والتفت لهمسته اللي ساكتة وموجوعة…ضم ايديها بحنان.
رعد بعتاب كاذب: كدة يا همستي!! اول مرة من سنين ما تأكلنيش من ايدك ولا تشوفي انا اكلت ولا لا!!! معقولة كدة نستيني!؟؟
همس كانت برغم حزنها من كل اللي اتقال من هنا؟؟ لكن اكتر كلمة وجعتها وحيرتها وخوفتها كمان انها اتهمت رعد بالخيانة وكلامها زي ما تكون متأكدة!! همس كانت تايهة ومحتارة!! ياتري حقيقي رعد ممكن يكون خانها او بيخونها!!؟ معقول !؟ لا لا ده جنون يا همس جنون… رعد لا ..لا رعد مستحيل!!؟
انتبهت وقت ما كلمها ولمس ايديها بصت في عيونه بحيرة وتساؤل بس اترددت تسأله خصوصا لا الوقت والتجمع ده يسمح بفتح موضوع زي ده!!؟
اتنهدت بصمت : اااسفة حبيبي!! انت لسة ما دوقتش الاكل!! طيب تحب احطلك ايه في طبقك!!؟
رعد عقد حاجبه بحيرة من ملامحها وحزنها : عمرك ما سألتيني تحكي ايه في طبقي!؟؟ دايما عارفة وحافظة اكتر مني انا!! مالك بس يا همستي!! انا عارف انك زعلانة منها بس حاولي تهدي وتنسي كل كلمة قالتها وانا وعد مني هندمها ندم عمرها انها اهنتك ووجعتك ووصلتك للحالة دي!!؟
همس : اوعي يا رعد!! اوعي تفكر انك تتعرضلها او تكرر كلامك معاها بالطريقة دي تاني خصوصا قصاد حد من ولادها او احفاها وماتنساش احفادها هما احفادنا…يعني ما يصحش يشفونا بنعمل كدة في بعض!! هنا معزورة …موجوعة وغضبانة …انا متأكدة انها قالت واتصرفت كدة لانها تحت ضغط مش عادي…اكيد لما هتهدي وتعقل هتندم علي كل كلمة…بس اللي لازم توعدني بيه انك ما تقربش منها ولا تأذيها!! والاهم عدي ما يعرفش اي حاجة عن اللي حصل!! ارجوك بلاش نهد اي حاجة فاضلة بينهم …يمكن الطوبة اللي فاضلة بينهم تتبني من تاني ويمكن اللي انكسر يتصلح!!؟
رعد بضيق : اللي بينكسر مش بيتصلح يا همس!! وخصوصا لو كسر زي اللي اتسببت فيه هنا!!..الكسر ده كسر بيسبب الجرح ويمكن الدبح كمان!؟ اكتر حاجة مكتفاني وانا واقف متكتف معاها بألف سبب وسبب…عدي اول سبب وولادها واحفادنا كمان واهم من كل دول انتي!؟ للاسف انتي لسة بتحبيها ولسة بتخافي عليها مني!! لكن اقسم برب العزة اني ما يشفيني منها الا اني اجبها راكعة تحت رجلك تتمني سماحك ورضاكي!!
همس بدموع: لا لا انا مش عايزة كل ده !! انا كل اللي بتمناه انها ترجع في حضننا زي زمان…
رعد ضمها لحضنه بحنان وهو بيمحي دموعها : طب بلاش دموع علشان خاطري!! انا بغلي اكتر واتعصب منها اكتر لما بتبكي واشوف انها السبب في دموعك دي!!؟ كمان كلهم كدة هياخدوا بالهم…اهدي يا همستي ..اهدي حبيبتي….يالاا انا هاكلك بإيدي بقي ياالا افتحي الشفايف الحلوة دي بسرعة ..وقرب منها الاكل بمزاح…
همس ابتسمت بوهن وهي بتاكل من ايده: طيب مش قدامهم كدة !!
رعد بتصميم: ده اهم حاجة قدامهم خاليهم يعرفوا انا بحب همستي قد ايه!؟
همس اتنهدت بخوف وبصت في عيونه: لسة بتحبني يا رعد!؟؟
وقتها رعد اتأكد من حيرته وظنه في السبب اللي محزنها ومسكتها بالشكل ده خوفها وحيرتها من كلام هنا عن خيانته: ياااااه يا ملكة قلبي!! لسة بتسألي!! ده الحب ما بقاش حب الا لما خرج من قلبي ليكي!! ده انتي ملكتي قلبي من اول مرة قابلتك زمان!! نسيتي احنا مرينا بإيه وشوفنا ايه سوا!! ومن بعد كدة مع اولادنا ومن بعدهم احفادنا؟؟ جاية بعد حبنا وتمسكنا ببعض اللي القاصي والداني بيحسدنا عليه ويحتار فيه..وتسأليني بحبك!!؟
ده الحب اتسمي حب علشان حبيتك!! الحب والعشق دول طريق قلبك يا همستي…اوعي تشكي او تحتاري تاني كدة ولا اشوف نظرة الحيرة والخوف دي في عيونك من تاني!!؟ انتي كنتي وهتفضلي طول عمرك حب عمري…وهمسة قلبي…وعشق حياتي…وملكة علي عرشي…فاهمة يا همس..انتي همس…همس يا همس!!؟
همس ابتسمت براحة زي طفلة بتسمع من ابوها انها احب اولاده عنده وقد ايه احساس العزة والفخر بيثور جواها بسبب كلامه ونظراته ليها!!!
همس بحنان: بحبك يا رعد ..
رعد ضم ايديها لحضنه وباسها بحب وابتسم: وانا بحب الحب علشان خلاني احبك…وهفضل لحد ما اموت احبك يا همستي..
***************************************************🌹بقلم ريحانة الجنه🌹
كان غرقان وسط مزاح ريان وشهاب وفادي وضحكاتهم وهو معاهم…لكن ده اللي ظاهر ليهم…لكن قلبه وفكره هناك. في اااخر السفرة عند رعد وهمس…وقلبه بيتمزع وهو شايف حبهم ونظرات العشق اللي خارجة منها لرعد….بس كان بيتماسك ويحاول يندمج معاهم علشان ما يظهرش عليه اي شئ..
اما لمار كانت فقدت كل ذرة ثبات جواها وهي شايفة حنان تمارا واهتمامها بمهرة وانها من وقت ما قعدوا مهتمة اكلت ايه!! ورفضت ايه!! بتقرب منها ده!! وتبعد عنها ده لانه ممكن يتعبها!! برغم انها ما اهتمتش تشوفها هي نهااائي …غمضت عنيها بغيظ وغيرة وخبطت الترابيزة بقوة وقامت واتحركت بعيد اتجاه الجنينة …
وقتها ريان بص اتجاه تمارا بعتاب وقام ورا لمار…لكن تمارا قامت وراه ووقفته!؟
تمارا: هو فيه ايه!؟؟ مالها لمار! انت زعلتها ولا ايه!؟
ريان التفت ليها بعتاب ولوم: انا ازعلها!! مستحيل ازعلها دي روحي!! لمار زعلانة منك انتي!؟
تمارا بدهشة: انا !؟ وانا زعلتها امتي وليه!؟؟
ريان اتنهد بيأس: ماهي دي المصيبة انك اصلا مش واخدة بالك انك مقصرة معاها !!
تمارا بعصبية: ريان انا مش عايزة الغاز!! اتكلم علي طول وقولي مالها لمار!!!
ريان لوي شفايفه بسخرية : الغاز!! لا مش الغاز بس المفروض تكوني حاسة بيها اكتر من كدة!! وعموما مش انا اللي لازم اقولك ليه!! متهيألي هي تقولك افضل!!
تمارا بعصبية زقته ومشيت اتجاه لمار …قربت منها لقتها واقفة عند شجرة كبيرة بتبكي بحرقة!!؟ اصدمت وجريت عليها بلهفة!!
تمارا بقلق: لمار!! مالك حبيبتي بتبكي ليه!!؟ ايه اللي حصل و ايه مزعلك مني !! انا امتي زعلتك قوليلي !!
لمار رفعت عيونها ليها بإستغراب: امتي زعلتيني!! قولي امتي ما زعلتنيش!!
تمارا بدهشة : انا مش فاهمة حاجة انطقي فيه ايه!؟
لمار بسخرية : وانتي امتي فهمتيني!! امتي حسيتي بيا!! امتي اصلا افتكرتي ان عندك بنت!!؟
تمارا بعصبية سحبت ايديها بقوة وهزتها : انتي اتجننتي صح!! انتطقي وبطلي الدلع ده وقولي فيه ايه!! انا فوق دماغي هم الدنيا مش ناقصة مرقعة البنات دي اتكلمي علي طول!! والله انا اصلا متأكدة هيطلع سبب تافه زيك!؟؟
لمار بإنهيار: كفااااااية بقي كفااااية! انتي ايييه مش ممكن تكوني امي لا!! ليييه دايما مهمشة احساس كدة!! ليه دايما متفهة من وجعي كدة!! ليه عمرك ما اخدتيني في حضنك وحنيتي عليا!! ليه دايما شايفاني طفلة تافهة عبيطة مش قد المسؤلية مالهاش تفكر ولا تقرر اي حاجة …شايفاني دايما فاشلة …حتي لو كنت كدة ودي حقيقة انتي السبب ..انتي اللي وصلتيني لكدة انتي اللي خلتيني ضعيفة ومهزوزة انتي يا ماما انتي!؟؟
تمارا بصدمة وزهول من حالتها وكلامها : انا!! انا يا لمار! انتي بتقولي ايه !!!
لمار بوجع ودموع: ايوة انتي يا ماما !! انتي اللي طول عمرك مهتمة ومش شايفة الا چواد وبس!! چواد صح لمار غلط..چواد بيفهم وناجح لمار فاشلة وغبية… چواد ليه الحنية علشان واعي وعاقل لمار ليها الشدة والعصبية علشان مستهترة وعايزة تتربي …
انتي عمرك ما فكرتي تساليني مالك ومحتاجة ايه!؟ عمرك ما فكرتي قبل ما تمنعيني عن اي شئ تسأليني متعلقة بيه ليه او حتي تفهميني ايه سبب منعك ليا…عمرك ما كنتي حنينة زي ناناه همس…كنت بنام في حضنها و عمري ما نمت في حضنك …اقولك حاجة !! انتي السبب انتي عرفت رامي في يوم من الايام…غلطتي كنتي انتي السبب فيه…يمكن لو كنتي زي امهات كتيير بتحضن بناتها كنت جتلك وحكتلك وفهمتي ونصحتيني!! يمكن كنتي وقفتي جنبي وماحصلش اللي حصل…حتي لما حصلت الحادثة ما فكرتيش تضميني وتهوني عليا ولا حتي صدقتيني !! بالعكس كنتي اول واحدة اتهمتني وصدقت كل حاجة وحشة فيا؟؟ كنتي عايزة الدكتورة تكشف عليا يومها وتجرحيني وتهنيني اكتر ما اتهنت وقتها !! واتفاجأت بعدها ان اللي منعهم ريان!! ريان اللي كنت بمرهه وبخاف منه…طلع الوحيد اللي حبني وخاف عليا وحماني!!؟
تمارا كأنها بتشوف نفسها لاول مرة قصاد مرايا لمار!! وكأنها بتتهوه وتتخبط وسط احاسيس كتيير اللي غالب عليها الخجل والوجع…
تمارا بدموع: ليه عمرك ما اتكلمتي معايا ولا اشتكيتي!! ليه ساكتة كل ده !؟
لمار بدموع الوجع: علشان عمرك ما اهتميتي تسمعي!! عمرك ما شوفتي دموعي وفكرتي تسألي السبب!! انا اوقات كنت بحس انك كارهة انك خلفتيني اصلا!!! كنتي مكتفية بچواد وانا جتلك غلطة…حاسة انك بتحمليني ذنب انك سبتي شغلك وحياتك بسبب حملي!! واني كنت شؤم عليكي لما اتولدت وچواد اتخطف مش ده كلامك؟؟؟
تمارا بدهشة : لا ده كان كلام وقت هزار مش جد!؟
لمارا بصريخ: لا لا لا جد…كنتي بتتكلمي جد !!! تصرفاتك قالت كدة واثبتت انه جد!!
انا شوفت منك اهتمام وحنية علي مهرة ما شفتوش معايا!! من وقت ما جيت وانتي عينك عليها هي علشان دي حبيبة چواد ابنك وروحك…لكن انا قاعدة مهملة ما بصتيش ناحيتي اصلا!! لولا ريان جنبي كنت بقيت زي اليتيمة وانتي عايشة وقاعدة قصادي!!
تمارا مش عارفة ترد ولا لاقية رد اصلا: اااانا…ااانا بس بحاول اعوضها عن موت امها واللي حصلها ومرت بيه!! انتي ليه فهمتيها كدة اني حبتها اكتر منك!! مستحيل انتي بنتي وحتة متي و عمري ماححب حد زيك صدقيني!!!
لمار بحزن: عارفة !! انا حامل!! روحت وعملت التحليل وفرحت لوحدي زي اللي مالحاش ام !! كنت عايزة افرح ريان اول واحد لانه الوحيد اللي يستاهل بس استنيت بابا يرجع من سفره المفاجأ للشغل علشان افرحه مع ريان…بس قولتلك دلوقتي علشان اوجعك واعرفك انك بعيدة اوي عني وماتعرفيش عني حاجة!!
تمارا بفرحة: انتي حامل!! وهونت عليكي تخبي عني!!
لمار : زي ما انا طول عمري بهون عليكي!!
تمارا قربت منها بدموع وندم: انا اسفة!! بجد اسفة اني حسستك بالوجع ده طول السنين دي؛!! بس والله كل اللي في خيالك ده غلط ومش حقيقي…انا عمري ما كرهتك ولا فضلت چواد عليكي…يمكن كنت حازمة معاكي شوية علشان عايزاكي قوية عايزاكي تواجهي اي حد واي حاجة…يمكن كانت طريقتي غلط بس الاكيد قلبي واحساسي لا …
انا بحبك يا لمار والله بحبك…انتي بنتي شلتك جوايا زي ما انتي شايلة ابنك اوبنتك جواكي كدة!! انا ماحبتش قدك انتي واخوكي وماليش غيركم اصلا!!! ارجوكي سامحيني وصدقي انك بنتي و حبيبتي و عمري مافضلت حد عليكي!! ووعد عمرك ما هتشوفي مني الا كل حنية ومش هتحسي بالغيرة من مهرة تاني علشان هيكون اهتمامي بيكي انتي اكتر اوعدك..بس وحياة ابنك اللي لسة ما فرحتيش بيه وشوفتيه سامحي امك!!
لمار شهقت بدموع : انا كنت لوحدي وانا تعبانة ومش عارفة اني حامل!! وانا في المعمل اللي مامتها حاضناها واللي جوزها ساندها..واللي اختها جنبها…وانا كنت لوحدي يا ماما كنت لوحدي ..
تمارا سحبتها لحضنها بقوة ودموع وندم: حقك عليا يا عمري حقك عليا انا اسفة …وحياتي سامحيني…والله من هنا ورايح مش هسيلك لوحدك ابداااا..اابدااا يا لمار ابدااا..
لمار اتعلقت بيها بدموع ولهفة: ياااااه يا ماما يااااه انا اصلا مش فاكرة اخر مرة حضنتيني كدة كانت امتي !! مش فاكرة…احضنيني يا ماما احضنيني اوي…اوي ..
تمارا حضنتها وضمتها بقوة : اااااه كفاية ماتوجعيش قلبي كدة…انا عمري ما تخيلت اني اوجعك كدة يا روحي والله يارب اموت ولا اني اوجعك كدة تاني !!!يارتني موت اصلا ولا وصلتك للحالة دي..
لمار خرجت من حضنها برفض : لا لا ماتقوليش كدة بعد الشر عليكي!..اانا..اانا بحبك اوي اوي يا ماما…ودايما كان نفسي تحسي بكدة وتحبيني واحس بيكي جنبي ومعايا ….
تمارا ضمت ملامحها بحنان وابتسمت : المهم بقي بعد كدة مافيش حاجة تخبيها عن ماما!! و اول حد تجري علي حضنه انا يا عمري!! اتفقنا!!!
لمار ابتمست وبتمحي دموعها: حاضر بس ارجوكي ما تسبنيش لوحدي تاني انا فرحانة بوجود ريان معايا وعايزاكي تكملي فرحتي..ممكن!!؟
تمارا ابتسمت لسة شايفة فيها الطفلة البريئة الهادية : مش هنفرح الا ويا بعض كلنا يا حبيبتي انا وانتي وريان وبابا وچواد ومهرة ..احنا عائلة واحدة يا عمري ومش هنفترق…
لمار دفنت نفسها في حضنها بإحتياج: ما تعرفيش ريان حاجة الا لما انا اقوله بنفسي…
تمارا ابتسمت: حاضر مش هقوله حاجة ..المهم تعالي ندخل دلوقتي نطمن علي ناناه همس ..
ريان كان واقف بعيد متابع الموقف ايوة مش سامع الكلام بس شاف ردود الفعل والانفعال اللي بينهم واتنهد براحة وهو شايفهم في حضن بعض …
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية رحم للإيجار 3 (حب الفرسان))
