رواية رحمة وسيف الفصل الثاني 2 بقلم مصطفى عادل
رواية رحمة وسيف الجزء الثاني
رواية رحمة وسيف البارت الثاني
رواية رحمة وسيف الحلقة الثانية
_ انا بحبك يا رحمه
= نعم ، بتحبني انا !!!
ده من امتي ده وليه ، ازاي اصلا !!؟
_ في ايه ، من بدري علي فكره من أول مره اشوفك فيها
= ايه ده ، بجد يا سيف بتحبني ؟؟
_ اه والله يا رحمه بحبك ، وعارف انك كمان بتحبيني ولولا ما عارف كده مكنتش اعترفتلك اصلا وكنت هحتفظ بحبي ده في قلبي
= وعرفت منين اني بحبك !!
من هند صح ؟؟
_ لا والله انا سمعتك وانتي بتتكلمي معاها وبتقوليلها انك بتحبيني
= طيب وايه عرفك ان انت سيف اللي انا بحبه ، الكليه فيها ستين سيف غيرك !!
_ يمكن من نظراتك ؟!
= يااااه للدرجادي ، ده انا بكون حريصه جدا وانا ببص عليك
_ انتي شايفه انك حريصه ، لكن هو عكس كده
= بجد
_ اه بجد ، بتحبيني فعلا يا رحمه !!
= انت لخبطني علي فكره ، انا مبقيتش عارفه ولا فاهمه ، كل ترتيباتي انت بوظتها بالكلمه اللي انت قولتها دي
_ وانتي كنتي مرتبه الموضوع ازاي ، كنتي هتيجي تعترفيلي يعني ؟؟
= لا طبعا
مش عارفه بصراحه ممكن ، بص انا متلخبطه جدا ويلا نمشي معلش .
_ مش قبل ما تنطقيها
= انا اسفه يا سيف ، مش هقدر دلوقتي ، انت عارف انه في ف مش لازم اقول ، سيب الكلمه لوقتها
_ بس انا حابب اسمعها دلوقتي
= وانا مش هقدر اسمعهالك دلوقتي ، سيف ارجوك متضغطش عليا
_ اوك مش هضغط عليكي ، براحتك ، بس متخلينيش اندم اني اعترفتلك
بزعل = تندم !!
لا يا سيدي اعتبر نفسك مقولتش حاجه ، وانا هعتبر نفسي مسمعتش حاجه برضو
_ ايه ده انا مقصدش كل ده علي فكره انتي فهمتي غلط
= او تقصد مش هتفرق ، يلا بينا نرجع للجماعه لو سمحت
بتنهيده _ اوك اللي يريحك ، يلا بينا يا ستي
الحساب لو سمحت
* دفع سيف الحساب ومشي هو ورحمه وهما ساكتين لغاية ما وصلوا لهند واحمد كأنهم ميعرفوش بعض
هند بابتسامه : الله يسهلووو يا عم كنت متأكده انكم كنتوا بتتمشوا
رحمه : يلا بينا يا هند ، انا مليت
احمد : في ايه يا جماعه ، حصل ايه يا سيف ، انت زعلت رحمه
سيف : لا مزعلتهاش هي بس زهقت من القعده فروحنا نتمشي شويه والظاهر انها لسه زهقانه برضو
بصت رحمه لسيف ورجعت بصت لهند :
قومي يا هند لو سمحتي ، ولا امشي لوحدي !!؟
هند : في ايه يا رحمه ، هتبوظي الخروجه ليه !!
رحمه : انا هبوظ الخروجه ، اوك يا ستي انا اسفه ، استمتعي بالخروجه وانا همشي لوحدي
هند : يووووه يلا بينا يا احمد
رحمه : لا خليكم انا ماشيه لوحدي بعد اذنكم
* مشيت رحمه لوحدها
هند : الحقها يا سيف ، حاول توصلها
سيف : لا انا مش هينفع روحي الحقيها انتي ، انا مش هتتقبل كلامي اصلا
هند : هو حصل ايه طيب
سيف : بعدين هحكيلك الحقيها بس دلوقتي
* قامت هند تجري وراها ، واحمد لم حاجته ومشي وراهم
هند : يا رحمه .. رحمه … انتي يا بنتي .. استني طيب هقولك علي حاجه .. يا بت هقع استني بقي
رحمه : في ايه ، مش هتكملي السهره ؟!
روحي كملي السهره مع الشله .
هند : هكمل السهره من غيرك !!!؟
تفتكري هيجيلي نفس ؟
رحمه : معرفش
هند : متعرفيش ، مش مهم ، حصل ايه خلاكي قلبتي كده ، سيف ضايقك !!؟
رحمه : لا محصلش حاجه
هند : هتخبي عليا !!
رحمه : سيف اعترفلي انه بيحبني
هند : ودي حاجه تزعل يا بنتي ، انتي عبيطه !!!
رحمه : لا مش ده اللي زعلني
هند : امال ايه اللي زعلك !!!!
رحمه : بيقولي متخلينيش اندم اني اعترفتلك
هند : المشكله فين برضو معلش !!
= يعني ايه يقولي متخلينيش اندم اني اعترفتلك ؟
يعني هو ممكن يندم في يوم انه اعترفلي يا هند وانا مش هحط نفسي في مكان فيه الاحتمالات دي
_ يا بنتي مش ده قصده انتي عبيطه يا رحمه ، هو ميقصدش كده يا ماما
= يا سلام ، دخلتي في قلبه انتي !!
_ ارجعي طيب ونتفاهم هناك
= نتفاهم في ايه ، انا عايزه امشي يا هند
احمد : ايه يا جماعه واقفين في الشارع ليه !!
تعالوا اتكلموا جوه
هند بصت لرحمه : لا يا احمد احنا هنمشي رحمه تعبانه شويه
احمد : اوك يلا بينا ، تحبي اوديكي المستشفي يا رحمه !!
رحمه : لا متشكره جدا ، ده تعب بسيط كده صداع وارهاق بس
احمد : اوك يلا بينا
* ركبوا العربيه واحمد رن علي سيف قاله انهم مشيوا
وصلوا بيت رحمه ورحمه نزلت وطلعت شقتها
ام رحمه : كنتي فين يا رحمه
= كنت مع صحابي يا ماما ، في حاجه
_ من غير ما انا اعرف يا رحمه ، بتخرجي من ورايا
= نسيت اقولك يا ماما معلش
_ نسيتي ، من امتي بتنسي تقوليلي انك خارجه
= كنتي رنيتي عليا يا ماما عرفتي انا فين ، مش حوار يعني
_ ايه الاسلوب اللي بتتكلمي بيه ده يا رحمه !!!؟
= معلش يا ماما مخنوقه شويه بس ، انا اسفه
_ حصل ايه تعالي احكيلي ، حد ضايقك !؟
= هحكيلك بعدين يا ماما ، انا دلوقتي تعبانه شويه وعايزه انام معلش .
_ اوك روحي ارتاحي ونتكلم بعدين ، ونشوف موضوع الخروج من غير إذن ده كمان
= اوك يا ماما ، تصبحي علي خير
_ وانتي من اهل الخير يا حبيبتي
* دخلت رحمه اوضتها وهي مخنوقه علي الاخر ، غيرت هدومها واترمت علي السرير من الزعل وهي بتفكر في سيف ، ودموعها مغرقه المخده
تليفونها بيرن .. رقم غريب
= مين ده اللي بيرن دلوقتي !!!!
الوووو مين
_ انا سيف ، معلش اني كلمتك في وقت متأخر زي ده
= انت عايز ايه ، ومين سمحلك انك تتصل بيا اصلا ، ومين ادالك رقمي اساسا !!؟؟
_ اسمعيني لو سمحتي وبعد كده لو حبيتي تقفلي ابقي اقفلي
علي فكره انا مش قصدي حاجه لما قولتلك ، متخلينيش اندم اني اعترفتلك ، انتي خليتيني اندم بانك مشيتي لو انا معترفتش كنت هقضي معاكي اكتر وقت ممكن
مش قصدي اني همل منك في يوم او هكرهك ، انتي فسرتي الموضوع بمزاجك للاسف
= حصل خير ، ولا تندم ولا متندمش وانا قولتلك هعتبر نفسي مسمعتش حاجه اصلا
_ يا رحمه انا بحبك علي فكره
= وانا كمان والله ب ……
_ ب ايه كملي
= بضايق من الكلام اللي زي كده
_ وانا مقولتش اني بضايق من حاجه علشان تقولي وانا كمان بضايق
= امال قولت ايه !؟!
_ قولت اني بموت فيكي يا رحمه
بخجل = طيييب يا سيدي شكرا
_ هو ايه اللي طيب !!!
اقولك بحبك تقوليلي طيب
علي فكره بقي انا مش سيف
= نعم امال انت مين !!!!!!!
_ انا …………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية رحمة وسيف)
