رواية رحلة فيروز الفصل الثاني 2 بقلم سارة عبد الباري

رواية رحلة فيروز الجزء الثاني

رواية رحلة فيروز البارت الثاني

رواية رحلة فيروز الحلقة الثانية

فيروز بانبهار واو اى الجمال ده فنان بجد. وفجأة سمعت صوت انتى بتعملى اى عندك. فيروز من الخوف ايديها اتحركت وكبت القهوة على اللوحه.
فيروز بصت للوحه بصدمه.
يوسف قرب من المكتب وانصدم من القهوة اللى انكبت.
يوسف بعصبيه انتى انتى عملتى اى. عارفه اللوحه دى بقالى قد اى برسم فيها تلات شهور يا متخلفه.
فيروز بصت ليوسف بخوف وبدات تدمع انا انا مكنتش اقصد.
يوسف انتى مين اصلا واى دخلك هنا. يا عمى حسن عمى حسن.
عمى حسن جه من برة بسرعه على صوت يوسف. تحت امر حضرتك.
يوسف. مين البنت دي وازاى تدخل المرسم بتاعى وكمان جاتها الجرأه وكبت القهوة على اللوحه اللى داخل بيها المسابقة.
عمى حسن. دى دى تبقي فيروز بنتى.
يوسف فى اللحظه دى ندم جدا على اسلوبه معاها وافتكر اول مرة شاف فيروز.
فلاش باك.
فيروز كانت بتلعب فى الجنينه بالكورة يوسف كان قاعد بيشم هواء وفجأه الكورة خبطت فى رأسه.
فيروز جريت على يوسف وبصت بخوف.وبدات تترعش ودى عادتها لما تخاف انا اسفه مش كنت اقصد.
يوسف قرب من فيروز وشالها متخافيش مش هعملك حاجه انتى مين يا حبيبتي.
فيروز. انا فيروز وبابا يبقي بيشتغل هنا.
يوسف انتى بنت عمى حسن.
فيروز هزت راسها ايوة بس مش تقول لبابا علشان هيضربنى.
يوسف ببسمه على طفولتها لا يا ستى متخافيش مش هقول لبابا .
فيروز شكرا جدا لحضرتك.
يوسف ماشي يا اوزعه.
فيروز متقوليش يا اوزعه بابا قالى لما اكبر هبقي عروسه زى القمر وهيجي الفارس اللى يخطفني على حصانه.
يوسف ضحك جامد على طريقتها فى الكلام وحضنها .
عودة من الفلاش باك
.
يوسف بص لفيروز .انتى فيروز.
فيروز كانت فى عالم تاني من الخوف والصدمه بدأت تبكى وجسمها بيترعش انا انا اسفه مش قصدى.
يوسف خاف عليها اهدى يا فيروز محصلش حاجه.
عمى حسن اهدى يا بنتى اهدى. واداها مايه بدأت تشرب وهديت.
يوسف. خدها ترتاح يا عمى حسن. وانا هرسم لوحه غيرها بس ادعيلى اخلصها قبل ميعاد المسابقة.
عمى حسن انا اسف يا ابنى حقك عليا وان شاء الله تلحق تخلصها.
يوسف متعتزرش خدها ترتاح.
عمى حسن اخد فيروز وخرج من المرسم ويوسف قعد محتار ياترى هلحق.
عند عم حسن اخد فيروز الاوضه علشان ترتاح.
فيروز بصت لعمى حسن بندم. بابا والله ما كنت اقصد.
عمى حسن بصلها بحنان عارف يا حبيبتي. متزعليش نفسك انا اعتزرت من يوسف باشا وهو ان شاء الله هيلحق يخلص اللوحه. اصلك مشفتهوش كان بيسهر عليا قد اى. يلا هسيبك ترتاحى علشان معايا شغل كتير.
فيروز حطت راسها على المخدة وفضلت تفكر هتساعد يوسف ازاى.
……….
فى مكان اخر.
هز رأسه بمكر ثم أكمل حديثه كدا فل اوى اهى البنت دة هى اللى هتساعدنى اخد اللوحه من يوسف. ثم اغلق المكالمه وعلى وجهه ابتسامه شر.
تعالو نتعرف على الشخصية. (,ده جاسر الحديدى داخل المسابقة مع يوسف وبيكرة يوسف جدآ ).
سيف بص لجاسر باستغراب كنت بتكلم مين.
جاسر. دى بنت من الخدم زرعتها فى الفيلا عند يوسف علشان تجبلى الاخبار.
سيف. انت ناوى على ايه.
جاسر بابتسامه شر. كل خير هسرق اللوحه.
٠٠٠٠٠٠٠٠٠٠٠٠
عند فيروز بعد تفكير شديد قررت انها تساعد يوسف فى رسم اللوحه.
فيروز خبطت على الباب.
يوسف ادخل.
فيروز دخلت المرسم وكانت متوترة جدآ انا كنت عايزة.
يوسف. تعالي يا فيروز متخافيش.
فيروز قربت من مكتب يوسف وبدات تتكلم. انا اسفه لحضرتك مكنت اقصد وانا مستعدة اصلح اللى عاملته.
يوسف بصلها باستغراب اللى هو ازاى ياعنى هتمسحى القهوة من على اللوحه.
فيروز بصتله بغيظ علشان حست انه بيتريق عليها. اكيد لا قصدى اساعدك في رسمها.
يوسف بصدمه شاور لها انتى.
فيروز ايوة انا. وبعدين انا شاطرة فى الرسم جدآ وبدرس فى فنون جميله.
يوسف انتى عارفه اللوحه إللى عايزة تساعديني فى رسمها دى اخدت معايا تلات شهور ولسه مخلصتش والمسابقة الاسبوع اللى جاى عايزة تقنعينى انك هتساعدينى فى رسمها وهلحق اخلصها مستحيل. انا اصلا بفكر انسحب.
فيروز بصدمه لا طبعا مستحيل اكيد مش هتنسحب دى مسابقة كبيره جدآ وحرام تضيع فرصه زى دى من ايدك وبعدين جرب مش يمكن رسمى يعجبك وان شاء الله نلحق ننجزها.
يوسف هز رأسه بمعنى موافق. لما نشوف.
فيروز سقفت بحماس ان شاء الله نلحق.
يوسف تحبي نبدأ متى.
فيروز هنبدأ حالا انتى ناسى ان مفيش وقت.
يوسف جهز الفرش والادوات اللى هيحتاجوها فى الرسم وفيروز بدات ترسم. فى اللوحه.
بعد حوالى تلات ساعات يوسف بص لللوحه بانبهار لان فيروز رسمت جزء من اللوحه زى يوسف بالظبط وكانت رسمتها جميله جدآ.
يوسف واو بجد برافو.
فيروز عجبتك.
يوسف جدآ تسلم ايدك.
فيروز طيب اتفضل بقى كمل علشان الجزء دة صعب وانا مش هعرف ارسم زيه.
يوسف بضحك اوك بس خليكي موجوده علشان انا كدا ممكن انام الساعه داخله على ٣ .
فيروز لا متقلقش هفضل معاك وكمان هصورك انت وبترسم علشان تبقى زكرى.
يوسف بدأ يكمل رسم اللوحه وفيروز فضلت تصورة هو وبيرسم وفضلو كدا لمدة اسبوع .
يوسف بص للوحه بعد ما خلصت وكان مبسوط جدا انه انجزها.
فيروز. بجد تسلم إيدك.
يوسف وتسلم ايدك انتى ناسيه انك ساعدتينى فى رسمها.
فيروز لا طبعا انا رسمت جزء بسيط جدا الفضل كله يرجع ليك طبعا. وان شاء الله تفوز فى المسابقة.
يوسف ممكن اطلب منك طلب.
فيروز.اكيد طبعا.
يوسف لفيروز تحضري معايا العرض بكرة.
فيروز. اكيد طبعا انا معنديش مشكلة بس هقول لبابا الاول.
يوسف لا سيبي عمى حسن انا هقنعه.
فيروز. تمام.
فى المساء.
فى بنت دخلت مكتب يوسف بدلت اللوحه. وخرجت والبنت كانت لابسه لبس فيروز ودى كانت خطه جاسر.
فى الصباح فى يوم المسابقة.
فيروز كانت لابسه فستان سمبل جدآ وكانت فاردة شعرها.
يوسف. اى القمر ده.
فيروز بكسوف شكرا لحضرتك على المجامله.
يوسف دى مش مجامله دى حقيقه.
فيروز وشها احمر من الكسوف. طب يلا علشان هنتاخر.
يوسف وفيروز وصلو مكان المسابقة.
يوسف بص لفيروز وقالها تفتكرى هكسب.
فيروز اكيد انت تعبت جدآ فى اللوحه وان شاء الله ربنا يكرمك.
جات لحظه اعلان الفوز.
الفائز بالمسابقه هو جاسر الحديدى.
يوسف بص بصدمه. مستحيل
اللوحه دى بتاعتى انا.