رواية رحلة فيروز الفصل الثالث 3 بقلم سارة عبد الباري

رواية رحلة فيروز الجزء الثالث

رواية رحلة فيروز البارت الثالث

رواية رحلة فيروز الحلقة الثالثة

يوسف بص بصدمه مستحيل اللوحه دى بتاعتى.
جاسر. اى الجنان دة انت شارب حاجه ولا اى.
فيروز. اللوحه دى بتاعت يوسف ازاى دة حصل.
جاسر قرب من يوسف قولتلك انا اللى هكسب المسابقة واحب افاجاك اكتر واقولك ان البنت اللى شغاله معاك هى اللى جبتلى اللوحه هههههه.
يوسف بصدمه فيروز مستحيل.
جاسر عرض الفيديو اللى البنت بتسرق فيه اللوحه والبنت كانت لابسه نفس لبس فيروز.
يوسف قرب من فيروز وضربها بالقلم. مكنت اعرف انك بالوساخه دى وحط الفيديو قدامها.
فيروز بصتله بصدمه ودموعها بتنزل. يوسف دى مش انا والله العظيم ما اعرف مين دى انت تصدق انى اعمل كدا.
يوسف بصدمه هههههه ومصدقش ليه وحدة ابوها بيشتغل خدام عندى وانا اللى بصرف عليهم. اكيد طمعتيلك فى قرشين
فيروز. يوسف انت بتقول اى.
يوسف. اخرسي اسمى يوسف باشا ومتنسيش نفسك وترفعى الالقاب ما بينا.
فيروز فى اللحظه دي حست العالم كله وقف قدامها هى متستاهلش كل دة.
المشرفين على المسابقة اى اللى يثبت كلامك ان اللوحه مش لجاسر مهران.
يوسف فى اللحظه دى لسانه تشل ومكانش عارف يعمل ايه جاسر بيبصله نظرة تحدى .هو ميقدرش يحكم على جاسر انه يورى فيديو فيروز للبوليس لان جاسر هينكر دة ومستحيل يودى نفسه فى داهيه ويقول ان هو قال لفيروز تسرق اللوحه.
فيروز فى اللحظه دى افتكرت الفيديوهات اللى كانت بتصورها ليوسف هو وبيرسم اللوحه.
فيروز. انا معايا الدليل وطلعت الفيديوهات وبدات تعرضهم للظابط.
الظابط بدأيقارن اللوحه اللى فى الفيديوهات باللوحه اللى مع جاسر.
الظابط لجاسر. الفيديوهات بتثبت ان اللوحه ليوسف انت متهم بسرقه اللوحه اقبضو عليه.
جاسر بص لفيروز بشر البنت دي كدابه اللوحه دى انا اللى راسمها.
فيروز انت اللى كداب وبتسرق تعب ومجهود غيرك.
الظابط بس ولا كلمه اقبضوا عليه(احسن يا جاسر😂 معلش يا جماعه اصله شخصيه غلسه جدا ).
يوسف بص لفيروز بندم فيروز انا اس..
فيروز قاطعه كلامه وبدات تتكلم بدموع انا اللى اسفه يا يوسف باشا. اسفه ان ظهرت في حياتك اصلا. وجريت من قدامه.
يوسف لنفسه انا اللى غلطان كان لازم اتأكد الاول.
فيروز اخدت تاكسي ووصلت على الفيلا.
عمى حسن انتى جيتى يا حبيبتي وقبل ما يكمل كلامه فيروز اترمت فى حضنه وفضلت تعيط انا ليه بيحصل معايا كدا يا بابا انا متستاهلش كل ده.
عمى حسن ضمها ليه اكتر وفضل يطبطب عليها بحنيه اهدى يا حبيبتي اهدى وفهمينى اى اللى حصل.
فيروز بدات تحكى لباباها كل اللى حصل.
عمى حسن صعب عليه نفسه جدآ للدرجه دي هو قليل وزعل بسبب الاهانه اللى يوسف وجها ليه. خلاص يا حبيبتي امسحى دموعك ولمى حاجتنا احنا هنمشي حالا.
يوسف فى اللحظه دى وصل وسمع كلامهم. تمشو تروحوا فين محدش هيمشي من هنا.
عمى حسن. لا هنمشي وكفاية اهانه لحد هنا يا يوسف باشا.
يوسف عمى حسن اسمعني انا اسف على كل اللى حصل انا انصدمت لما شوفت فيروز فى الفيديو ورد فعلى كان متسرع علشان خاطرى سامحنى انا اسف يا فيروز. عمى حسن انت اللى ربتنى من بعد وفاه بابا انا مليش حد غيرك.
فيروز. اعتزارك مش مقبول يا يوسف باشا .
عمى حسن. فيروز خلاص يابنتى الراجل اعتزر.
فيروز. بابا انت هتقبل اعتزارة بعد كل اللى حصل.
عمى حسن. ايوة يا فيروز وياريت تسمعي الكلام.
فيروز. اسفه يابابا بس انا مش هقبل اعتزارة ولو حضرتك هتفضل هنا انا همشي بعد اذنك.
عمى حسن فيرو
يوسف سيبها يا عمى حسن هى عندها حق انا غلط فيها جامد. وبعتزرلك مرة تانيه وسيب فيروز انا هعتزر ليها مرة تانيه بعد اذنك.
فيروز راحت اوضتها وبدات تلم فى حاجتها وهى بتلم قابلها صورة صغيرة كانت ليها هى ويوسف بصت للصورة وفضلت تعيط. اتغيرت جدا يا يوسف.
يوسف. وياترى مسألتيش نفسك اى اللى غيرنى بالشكل ده.
فيروز بصت ليوسف والدموع فى عينيها شئ ميخصنيش.
يوسف قرب ومنها ومسح دموعها انا اسف يا فيروز انتى متستحقيش البهدلة دى.
فيروز زادت فى البكاء انت انت ضربتنى بالقلم وهنتنى قدام الناس فاكر ان كلمه اسف هتمحى كل دة.
يوسف. فيروز انا شخص متدمر نفسيا صدقينى لما مديت ايدى عليكى انا كنت شايفك اكتر شخص بكرهه فى حياتى كنت شايفك هى .
فيرز. هى مين.
يوسف. امى.
فيروز. وانت بتكرهها ليه الكره دة.
يوسف هحكيلك.
فلاش باك.
مها تبقي ام يوسف
شريف والد يوسف.
شريف ممكن افهم يا هانم البنت مرجعتش لى لحد دلوقتي. الساعه داخله على ٣.
مها. خرجت مع اصحابها وبعدين كل البنات اللى فى سنها بتخرج.
شريف. انتى هتضيعى البنت بطريقتك دى
مها. لو سمحت سبنى اربي اولادى بالطريقة اللى انا عايزاها.
شريف. يا شيخه ارحمى بقي ولادك هيكرهوكى من تصرفاتك. ابنك بقي يخاف منك وبنتك بتخرج وبترجع لوش الفجر وفاكرة نفسك كدا بتربيهم دة اسمه دمار.
مها بعصبيه. قول بقي انت عايز تطلعنى انا المهمله فى كل دة.
فى الوقت دة دخلت بنوته زى القمر .
اسماء. مساء الخير.
شريف بعصبيه اسمها صباح الخير انتى شايفه الساعه كم يا هانم واى اللبس اللى لابساه دة.
اسماء بخوف مامى عارفه انى خارجه.
شريف. هههههه ما المشكله فى مامى من هنا ورايح مفيش خروج من البيت والسواق هو اللى هيوصلك الجامعه ويجيبك. انتى لسه واقفه اطلعى فوق. يالا.
عودة من الفلاش باك.
يوسف مكمل حديثه. كانو كل يوم خناق مع بعض طول الوقت. اكتشفت بعدها ان اسماء بتشرب مخدرات وياريت رسيت على كدا وبس.
فيروز ببكاء تاثر بكلامه كمل اى اللى حصل.خانت ابويا. خانته مع اقرب أصدقائه .قتلها هو اتسجن ومات فى السجن وهى ماتت. وانا حياتى اتدمرت.
فيروز اسماء اختك فين دلوقتي.
يوسف سفرتها تتعالج فى مصحه واسبوع بالكتير وهتكون هنا.
فيروز قربت من يوسف. يوسف متزعلش انا عارفه ان اللى مريت بيه مش سهل بس اكيد ربنا هيعوضك خلى بالك من اختك هى اللى فضلالك دلوقتي.
يوسف. ياعنى خلاص مش زعلانه.
فيروز بابتسامه لا مش زعلانه. ويلا بقي علشان عندى جامعه الصبح وعايزة انام .
يوسف بابتسامه بتطردينى يا ست فيروز .
فيروز بتريقه العفو يا يوسف باشا وانا اقدر.
يوسف ياه دة انتى قلبك اسود اوى.
فيروز. والله ابدا
يوسف. لا بجد شكرا لك يا فيروز وبرافو لانك السبب انى اثبت ان اللوحه بتاعتى.
فيروز. انا معملتش حاجه دة واجبي.
يوسف.تصبحى على خير.
فيروز وانت من اهله.
فى مكان آخر.
كانت تجلس وملامحها الباهته مسيطرة عليها فقد عانت فترة بسبب ادمانها .
مالك. صباح الفل يا اسماء.
اسماء بابتسامه باهته صباح النور يا دكتور.
مالك عامله ايه النهارده.
اسماء الحمد لله احسن. هو محدش من عيلتى بيسأل عنى.
مالك ماهو دة السبب اللى انا جايلك علشانه. انتى خلاص خفيتى وهتخرجى النهارده ان شاء الله ويوسف اخوكى حجز ليكى علشان تنزلى مصر.
اسماء بابتسامه وفرحه بجد. ياعنى انا هخرج النهارده.
مالك ايوة ياستى هتخرجى النهارده ولا ان هتوحشينى خالص قصدي هتوحشينا كلنا.
(ملحوظة مالك يبقي صاحب يوسف وهو اللى متابع حاله اسماء ).
اسماء وانتو كمان هتوحشونى جدا.
مالك هسيبك علشان تجهزى.
اسماء. وحضرتك مش هتنزل مصر قصدى ياعنى علشان اكيد ابيه يوسف وحشك.
مالك بابتسامه على توترها انا اسبوع كدا هظبط شويه ورق وهحصلك بعد اذنك.
اسماء فضلت تتنطط من الفرحه هى هى واخيرا.
مساءآ.
اسماء وصلت على الفيلا.
يوسف كان مستنيها وكان مبسوط انها واخيرا انهت مرحله علاجها.
اسماء دخلت وكانت متوترة خصوصا انها ليها فترة مشافتش يوسف.
يوسف اول ماشافها جرى وحضنها. حبيبتي اللى وحشتنى اوووى حمد الله على السلامة يا قلبي.
اسماء بفرحه الله يسلمك يا ابيه انت وحشتنى اوووى.
يوسف انتى اكتر يا روحي احب اعرفك فيروز.
أسماء بصت لفيروز بصدمه انتى مستحيل.